ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                        10. Kitagirisuttavannana
      [174] Evamme sutanti kitagirisuttam. Tattha kasisuti evamnamake
janapade. Etha tumhepi bhikkhaveti etha tumhepi bhikkhave ime panca anisamse
sampassamana annatreva rattibhojana bhunjatha. Iti bhagava rattivikalabhojanam,
divavikalabhojananti imani dve bhojanani ekappaharena ajahapetva ekasmim
samaye divavikalabhojanameva jahapesi, puna kalam vitinametva 1- rattivikalabhojanam
jahapento evamaha. Kasma? imani hi dve bhojanani vattamanani vatte
acinnani samacinnani nadim uttinnaudakam viya anupakkhannani, nivatesupi
gharesu subhojanani bhunjitva vaddhita sukhumala kulaputta dve bhojanani
ekappahareneva 2- pajahanta kilamanti. Tasma ekappaharena ajahapetva
bhaddalisutte divavikalabhojanam jahapeti, 3- idha rattivikalabhojanam. Jahapento
pana na tajjitva va nigganhitva va, tesam pahanapaccaya pana appabadhatanca
sanjanissathati evam anisamsam dassetvava jahapesi. Kitagiriti tassa nigamassa namam.
      [175] Assajipunabbasukati assaji ca punabbasuko ca chasu chabbaggiyesu
dve ganacariya. Panduko lohitako mettiyo bhummajako assaji punabbasukoti
ime cha jana chabbaggiya nama. Tesu pandukalohitaka attano parisam gahetva
savatthiyam vasanti, mettiyabhummajaka rajagahe. Ime dve jana kitagirismim
avasika honti. Avasikati nibaddhavasino, tamnibandha akatam senasanam
karonti, jinnam patisankharonti, kate issara honti. Kalikanti anagate
kale pattabbam anisamsam.
      [178] Maya cetam bhikkhaveti idha kim dasseti? bhikkhave divasassa tayo
Vare bhunjitva sukhavedanamyeva uppadento na imasmim sasane kiccakari nama
hoti, ettaka pana vedana sevitabba, ettaka na sevitabbati etamattham
@Footnote: 1 cha.Ma. atinametva        2 cha.Ma. ekappaharena        3 cha.Ma. jahapesi
Dassetum imam desanam arabhi. Evarupam sukham vedanam pajahathati idam ca
gehassitasomanassavasena vuttam. Upasampajja viharathati idam ca
nekkhammassitasomanassavasena. Evam 1- ito paresupi dvisu varesu
gehassitanekkhammassitanamyeva domanassananca upekkhananca vasena attho veditabbo.
      [181] Evam sevitabbasevitabbavedanam dassetva idani yesam appamadena kiccam
kattabbam, yesanca na kattabbam, te dassetum naham bhikkhave sabbesamyevatiadimaha.
Tattha katam tesam appamadenati tesam yam appamadena kattabbam, tam katam.
Anulomikaniti patipattianulomani kammatthanasappayani, yattha vasantena sakka
honti, maggaphalani papunitum. Indriyani samannanayamanati saddhadini indriyani
samanam kurumana.
      [182] Sattime bhikkhave puggalati idha kim dasseti, yesam appamadena
karaniyam natthi, te dve honti. Yesam atthi, te pancati evam sabbepi ime
satta puggala hontiti imamattham dasseti.
      Tattha ubhatobhagavimuttoti dvihi bhagehi vimutto. Arupasamapattiya rupakayato
vimutto, maggena namakayato. So catunnam arupasamapattinam ekekato vutthaya
sankhare sammasitva arahattam pattanam catunnam, nirodha vutthaya arahattam
pattaanagamino ca vasena pancavidho hoti. Pali panettha "katamo ca puggalo
ubhatobhagavimutto, idhekacco puggalo atthavimokkhe kayena phusitva viharati, pannaya
cassa disva asava parikkhina honti"ti 2- evam abhidhamme atthavimokkhalabhino
vasena agata.
      Pannavimuttoti pannaya vimutto. So sukkhavipassako catuhi jhanehi
vutthaya arahattam patta cattaro cati imesam vasena pancavidhova hoti. Pali
panettha atthavimokkhapatikkhepavaseneva agata. Yathaha "na so ca 3- kho
atthavimokkhe kayena phusitva viharati, pannaya cassa disva asava parikkhina
honti, ayam vuccati puggalo pannavimutto"ti. 2-
@Footnote: 1 cha.Ma. ayam saddo na dissati   2 abhi. pu. 36/204/189 sattakapuggalapannatti
@3 cha.Ma. na heva kho
      Phutthantam sacchikarotiti kayasakkhi. Yo jhanaphassam pathamam phusati, paccha
nirodham nibbanam sacchikaroti, so sotapattiphalattham adim katva yava
arahattamaggattha chabbidho hotiti veditabbo. Tenevaha "idhekacco puggalo
atthavimokkhe kayena phusitva viharati, pannaya cassa disva ekacce asava
parikkhina honti, ayam vuccati puggalo kayasakkhi"ti. 1-
      Ditthantam pattoti ditthippatto. Tatridam sankhepalakkhanam:- dukkha sankhara,
sukho nirodhoti natam hoti dittham viditam sacchikatam phusitam pannayati ditthippatto.
Vittharato panesopi kayasakkhi viya chabbidho hoti. Tenevaha "idhekacco
puggalo idam dukkhanti yathabhutam pajanati .pe. Ayam dukkhanirodhagaminipatipadati
yathabhutam pajanati, tathagatappavedita cassa dhamma pannaya vodittha honti
vocarita .pe. Ayam vuccati puggalo ditthippatto"ti. 1-
      Saddhavimuttoti saddhaya vimutto. Sopi vuttanayeneva chabbidho hoti.
Tenevaha "idhekacco puggalo idam dukkhanti yathabhutam pajanati .pe. Ayam
dukkhanirodhagaminipatipadati yathabhutam pajanati. 2- Tathagate cassa saddha nivittha
hoti mulajata patitthita 2- ayam vuccati puggalo saddhavimutto"ti. 1- Etesu hi
saddhavimuttassa pubbabhagamaggakkhane saddahantassa viya okappentassa viya
adhimuccantassa viya ca kilesakkhayo hoti, ditthippattassa pubbabhagamaggakkhane
kilesacchedakannanam adandham tikhinam suram hutva vahati. Tasma yatha nama
natitikhinena asina kadalim chindantassa chinnatthanam na mattham hoti, asi na
sigham vahati, saddo suyyati, balavataro vayamo katabbo hoti, evarupa
saddhavimuttassa pubbabhagamaggabhavana. Yatha pana cittanisitaasina 3- kadalim chindantassa
chinnatthanam mattham hoti, asi sigham vahati, saddo na suyyati, balavavayamakiccam
na hoti, evarupa pannavimuttassa pubbabhagamaggabhavana veditabba.
@Footnote: 1 abhi. pu. 36/208/191 navakapuggalapannatti   2-2 cha.Ma. tathagatappavedita cassa dhamma
@pannaya vodittha honti vocarita .pe.  no ca kho yatha ditthippattassa
@3 cha.Ma. nisitaasina
      Dhammam anussaratiti dhammanusari. Dhammoti panna, pannapubbangamam maggam
bhavetiti attho. Saddhanusarimhi ca eseva nayo. Ubho panete sotapattimaggatthayeva.
Vuttampi cetam "yassa puggalassa sotapattiphalasacchikiriyaya patipannassa pannindriyam
adhimattam hoti, pannavahim pannapubbangamam ariyamaggam bhaveti. Ayam vuccati
puggalo dhammanusari"ti. 1- Tatha "yassa puggalassa sotapattiphalasacchikiriyaya
patipannassa saddhindriyam adhimattam hoti, saddhavahim saddhapubbangamam ariyamaggam
bhaveti. Ayam vuccati puggalo saddhanusari"ti. 1- Ayamettha sankhepo, vittharato
panesa ubhatobhagavimuttadikatha visuddhimagge pannabhavanadhikare vutta. Tasma
tattha vuttanayeneva veditabba. Ya panesa etesam vibhagadassanattham idha
pali agata, tattha yasma rupasamapattiya vina arupasamapattiyo nama natthi,
tasma aruppati vuttepi atthavimokkha vuttava hontiti veditabba.
      Kayena phusitvati sahajatanamakayena phusitva. Pannaya cassa disvati
pannaya ca etassa ariyasaccadhamme disva. Ekacce asavati pathamamaggadihi
pahatabba ekadesaasava. Tathagatappaveditati tathagatena pavedita catusaccadhamma.
Pannaya vodittha hontiti imasmim thane silam kathitam, imasmim samadhi, imasmim
vipassana, imasmim maggo, imasmim phalanti evam atthena atthe karanena karane
cinnacaritatta maggapannaya sudittha honti. Vocaritati vicarita. 2-
Saddha nivittha hotiti okappanasaddha patitthita hoti. Mattaso nijjhanam
khamantiti mattaya olokanam khamanti. Saddhamattanti saddhayeva, itaram tasseva
vevacanam.
      Iti imesu appamadena karaniyesu puggalesu tayo patividdhamaggaphala
sekha. Tesu anulomasenasanam sevamana kalyanamitte bhajamana indriyani
samannanayamana anupubbena arahattam ganhanti. Tasma tesam yathathitova
paliattho. Avasane pana dve sotapattimaggasamangino. Tehi tassa maggassa
anulomasenasanam sevitam, kalyanamitta bhajita, indriyani samannanitani.
@Footnote: 1 abhi. pu. 36/208/191 navakapuggalapannatti               2 Si. virocita
Upari pana tinnam magganam atthaya sevamana bhajamana samannanayamana
anupubbena arahattam papunissantiti ayamettha paliattho.
     Vitandavadi pana imameva palim gahetva "lokuttaramaggo na
ekacittakkhaniko, bahucittakkhaniko"ti vadati. So vattabbo "yadi annena
cittena senasanam patisevati, annena kalyanamitte bhajati, annena indriyani
samannaneti, annam maggacittanti sandhaya tvam `na ekacittakkhaniko maggo,
bahucittakkhaniko'ti vadasi, evam sante senasanam sevamano nilobhasam pabbatam
passati, vanam passati, migapakkhinam saddam sunati, pupphaphalanam 1- gandham ghayati,
paniyam pivanto rasam sayati, nisidanto nipajjanto phassam phusati. Evam te
pancavinnanasamangipi lokuttaradhammasamangiyeva bhavissati. Sace panetam sampaticchasi,
satthara saddhim pativirujjhati. Satthara hi pancavinnanakaya ekantaabyakatava
vutta, tamsamangissa kusalakusalam patikkhittam, lokuttaramaggo ca ekantakusalo.
Tasma pajahetam vadan"ti pannapetabbo. Sace pannattim na upagacchati, "gaccha
patova viharam pavisitva yagum pivahi"ti anuyojetabbo.
      [183] Naham bhikkhave adikenevati aham bhikkhave pathamameva mandukassa
uppatitva gamanam viya annaradhanam 2- arahatte patitthanam na vadami. Anupubbasikkhati
karanatthe paccattavacanam. Parato padadvayepi eseva nayo. Saddhajatoti
okappaniyasaddhaya jatasaddho. Upasankamiti garunam samipam gacchati. Payirupasatiti
santike nisidati. Dharetiti pagunam 3- katva dhareti. Chando jayatiti
kattukamyatakusalacchando jayati. Ussahatiti viriyam karoti. Tuletiti aniccam
dukkham anattati tulayati. Tulayitva padahatiti evam tiranavipassanaya tulayanto
maggappadhanam padahati. Pahitattoti pesitacitto. Kayena ceva paramasaccanti namakayena
nibbanasaccam sacchikaroti. Pannaya cati namakayasampayuttaya maggapannaya
pativijjhati passati.
      Idani yasma te satthu agamanam sutva paccuggamanamattampi na akamsu,
tasma tesam cariyam garahanto sapi nama bhikkhave saddha nahositiadimaha.
@Footnote: 1 Si. pupphaphalaphalanam           2 Ma. annayaradhanam        3 cha.Ma. sadhukam
Tattha kivadurevimeti kittakam dure thane. Yojanasatampi yojanasahassampi apakkantati
vattum vattati, na pana kinci aha. Catuppadam veyyakarananti catusaccabyakaranam
sandhaya vuttam.
      [184] Yassudditthassati yassa udditthassa. Yopi so bhikkhave satthati
bahirakasattharam dasseti. Evarupiti evamjatika. Panopanaviyati panaviya ca
opanaviya ca. Na upetiti na hoti. Kayavikkayakalo 1- viya agghavaddhanhapanam
na hotiti attho. Ayam gono kim agghati, visati agghatiti bhananto panati
nama. Visati na agghati, dasa agghatiti bhananto opanati nama. Idam patisedhento
aha "panopanaviya na upeti"ti. Idani tam panopanaviyam dassetum evanca
no assa, atha nam kareyyama, na ca no evamassa, na nam kareyyamati aha.
      Kim pana bhikkhaveti bhikkhave yam tathagato sabbaso amisehi visamsattho viharati,
evam visamsatthassa satthuno evarupa panopanaviya kim yujjissati. Pariyogayha 2-
vattatoti pariyogahitva ukkhipitva gahetva vattentassa. Ayamanudhammoti ayam
sabhavo. Janati bhagava, naham janamiti bhagava ekasanabhojane anisamsam
janati, aham na janamiti mayi saddhaya divasassa tayo vare bhojanam pahaya
ekasanabhojanam bhunjati. Rulhaniyanti rohaniyam. Ojavantanti sinehavantam. Kamam
taco cati imina caturangaviriyam dasseti. Ettha hi taco ekam angam. Nharu
ekam, atthi ekam, mamsalohitam ekanti evam caturangasamannagatam viriyam adhitthahitva
arahattam appatva na vutthahissamiti evam patipajjatiti dasseti. Sesam sabbattha
uttanameva. Desanam pana bhagava neyyapuggalassa vasena arahattanikutena
nitthapesiti,
                    papancasudaniya majjhimanikayatthakathaya
                      kitagirisuttavannana nitthita.
                              Dasamam.
                       Dutiyavaggavannana nitthita.
                          -------------
@Footnote: 1 cha.Ma. kayavikkayakale                 2 cha.Ma. pariyogahiya



             The Pali Atthakatha in Roman Book 9 page 138-143. http://84000.org/tipitaka/atthapali/read_rm.php?B=9&A=3465&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=3465&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=222              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=3981              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4517              The Pali Tipitaka in Roman Character :- http://84000.org/tipitaka/read/roman_read.php?B=13&A=4517              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]