ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๓. สาธุสุตฺตวณฺณนา
       [๓๓]  ตติเย อุทานํ อุทาเนสีติ อุทาหารํ อุทาหริ. ยถา หิ ยํ เตลํ
ปมาณํ ๑- คเหตุํ น สกฺโกติ วิสนฺทิตฺวา คจฺฉติ, ตํ อวเสสโกติ ๒- วุจฺจติ. ยํ จ
ชลํ ตฬากํ คเหตุํ น สกฺโกติ, อชฺโฌตฺถริตฺวา คจฺฉติ, ตํ โอโฆติ วุจฺจติ,
เอวเมว ยํ ปีติวจนํ ทหยํ คเหตุํ น สกฺโกติ, อธิกํ หุตฺวา อนฺโต อสณฺฐหิตฺวา
พหิ นิกฺขมติ, ตํ อุทานนฺติ วุจฺจติ, เอวรูปํ ปีติมยวจนํ นิจฺฉาเรสีติ อตฺโถ.
สทฺธายปิ สาหุ ทานนฺติ กมฺมญฺจ กมฺมผลญฺจ สทฺทหิตฺวาปิ ทินฺนทานํ สาหุ
ลทฺธกํ ภทฺทกเมว. อาหูติ กเถนฺติ. กถํ ปเนตํ อุภยํ สมํ นาม โหตีติ?
ชีวิตภีรุโก หิ ยุชฺฌิตุํ น สกฺโกติ, ขยภีรุโก ทาตุํ น สกฺโกติ. "ชีวิตํ จ
รกฺขิสฺสามิ ยุชฺฌิสฺสามิ จา"ติ หิ วทนฺโต น ยุชฺฌติ. ชีวเต ปน อาลยํ
วิสฺสชฺเชตฺวา เฉชฺชํ วา โหตุ มรณํ วา, คมิสฺสาเมตํ อิสฺสริยนฺ"ติ อุสฺสหนฺโตว
ยุชฺฌติ. "โภเค จ รกฺขิสฺสามิ, ทานํ จ ทสฺสามี"ติ วทนฺโต น ททาติ.
โภเคสุ ปน อาลยํ วิสฺสชฺเชตฺวา มหาทานํ ทสฺสามีติ อุสฺสหนฺโตว เทติ. เอวํปิ ๓-
ทานญฺจ ยุทฺธญฺจ สมํ โหติ. กิญฺจิ ภิยฺโย:- อปฺปาปิ สนฺตา พหุเก
ชินนฺตีติ ยถา จ ยุทฺเธ อปฺปาปิ วีรปุริสา พหุเก ภีรุกปุริเส ชินนฺติ, เอวํ
สทฺธาทิสมฺปนฺโน อปฺปกํปิ ทานํ ททนฺโต พหุมจฺเฉรํ มทฺทติ, พหุญฺจ ทานวิปากํ
อธิคจฺฉติ. เอวํปิ ทานํ จ ยุทฺธํ จ สมานํ. เตเนวาห:-
              "อปฺปํปิ เจ สทฺทหาโน ททาติ
               เตเนว โส โหติ สุขี ปรตฺถา"ติ.
         อิมสฺส จ ปนตฺถสฺส ปกาสนตฺถํ เอกสาฏกพฺราหฺมณวตฺถุํ จ องฺกุรวตฺถุํ
จ วิตฺถาเรตพฺพํ.
       ธมฺมลทฺธสฺสาติ ธมฺเมน สเมน ลทฺธสฺส โภคสฺส ธมฺมลทฺธสฺส จ
ปุคฺคลสฺส. เอตฺถ ปุคฺคโล ลทฺธธมฺโม นาม อธิคตธมฺโม อริยปุคฺคโล. อิติ ยํ
ธมฺมลทฺธสฺส โภคสฺส ทานํ ธมฺมลทฺธสฺส อริยปุคฺคลสฺส ทียติ, ตํปิ สาธูติ อตฺโถ.
โย ธมฺมลทฺธสฺสาติ อิมสฺมึปิ คาถาปเท อยเมว อตฺโถ. อุฏฺฐานวิริยาธิคตสฺสาติ
@เชิงอรรถ:  ฉ.ม., อิ. มานํ          สี. อวเสโกติ.      ฉ.ม. เอวํ
อุฏฺฐาเนน จ วิริเยน จ อธิคตสฺส โภคสฺส. เวตรณินฺติ ๑- เทสนาสีสมตฺตเมเวตํ.
ยมสฺส ปน เวตรณิมฺปิ ๒- สญฺชีวกาฬสุตฺตาทโยปิ เอกตึส มหานิรเยปิ สพฺพโสว
อติกฺกมิตฺวาติ อตฺโถ.
       วิเจยฺย ทานนฺติ วิจินิตฺวา ทินฺนทานํ. ตตฺถ เทฺว วิจินนา ทกฺขิณาวิจินนํ
จ ทกฺขิเณยฺยวิจินนํ จ. เตสุ ลามกลามเก ปจฺจเย อปเนตฺวา ปณีตปณีเต
วิจินิตฺวา เตสํ ทานํ ทกฺขิณาวิจินนํ นาม. วิปนฺนสีเล อิโต พหิทฺธา
ฉนวุติ ๓- ปาสณฺฑเภเท วา ทกฺขิเณยฺยํ ปหาย สีลาทิคุณสมฺปนฺนานํ สาสเน
ปพฺพชิตานํ ทานํ ทกฺขิเณยฺยวิจินนํ นาม. เอวํ ทฺวีหากาเรหิ วิเจยฺย ทานํ.
สุคตปฺปสฏฺฐนฺติ สุคเตน วณฺณิตํ. ตตฺถ ทกฺขิเณยฺยวิจินนํ ทสฺเสนฺโต เย
ทกฺขิเณยฺยาติอาทิมาห. วีชานิ ๔- วุตฺตานิ ยถาติ อิมินา ปน ทกฺขิราวิจินนํ
อาห. อวิจินพีชสทิสา ๕- หิ วิจินิตฺวา คหิตา ปณีตปณีตา เทยฺยธมฺมาติ.
       ปาเณสุปิ สาธุ สํยโมติ ปาเณสุ สํยตภาโวปิ ภทฺทโก. อยํ เทวตา
อิตราหิ กถิตํ ทานานิสํสํ อติกฺกมิตฺวา สีลานิสํสํ กเถตุํ อารทฺธา. อเหฐยํ
จรนฺติ อวิหึสนฺโต จรมาโน. ปรูปวาทาติ ปรสฺส อุปวาทภเยน. ภยาติ
อุปวาทภยา. ทานา จ โข ธมฺมปทํว เสยฺโยติ ทานโต นิพฺพานสงฺขาตํ
ธมฺมปทเมว เสยฺโย. ปุพฺเพ จ หิ ปุพฺพตเรว ๖- สนฺโตติ ปุพฺเพ วา
กสฺสปพุทฺธาทิกาเล ปุพฺพตเร วา ๗-  โกนาคมนพุทฺธาทิกาเล, สพฺเพปิ วา เอเต
ปุพฺเพ จ ปุพฺพตเร จ สนฺโต นามาติ. ตติยํ.


             อรรถกถาภาษาบาลีอักษรไทย เล่มที่ ๑๑ หน้า ๖๐-๖๑. http://84000.org/tipitaka/atthapali/read_th.php?B=11&A=1568&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=1568&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=94              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=583              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=506              The Pali Tipitaka in Roman Character :- http://84000.org/tipitaka/read/roman_read.php?B=15&A=506              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]