ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                    ๑๐. นานาติตฺถิยสาวกสุตฺตวณฺณนา
    [๑๑๑] ทสเม นานาติตฺถิยสาวกาติ เต กิร กมฺมวาทิโน อเหสุํ, ตสฺมา
ทานาทีนิ ปุญญานิ กตฺวา สคฺเค นิพฺพตฺตา, เต "อตฺตโน อตฺตโน สตฺถริ
ปสาเทน นิพฺพตฺตมฺหา"ติ สญฺญิโน หุตฺวา "คจฺฉาม ทสพลสฺส สนฺติเก ฐตฺวา
อมฺหากํ สตฺถารานํ วณฺณํ กเถสฺสามา"ติ อาคนฺตฺวา ปจฺเจกคาถาหิ กถยึสุ. ตตฺถ
ฉินฺทิตมาริเตติ ฉินฺทิเต จ มาริเต จ. หตชานีสูติ โปถเน จ ธนชานีสุ จ.
ปุญฺญํ วา ปนาติ อตฺตโน ปุญฺญํปิ น สมนุปสฺสติ, สงฺเขปโต ปุญฺญาปุญฺญานํ
วิปาโก นตฺถีติ วทติ. ส เว วิสฺสาสมาจิกฺขีติ โส "เอวํ กตปาปานํปิ
กตปุญฺญานํปิ วิปาโก นตฺถี"ติ วทนฺโต สตฺตานํ วิสฺสาสํ อวสฺสยํ ปติฏฺฐํ
อาจิกฺขติ, ตสฺมา มานนํ วนฺทนํ ปูชนํ อรหตีติ วทติ.
       ตโปชิคุจฺฉายาติ กายกิลมถตเปน ปาปชิคุจฺฉเนน. สุสํวุตตฺโตติ สมนฺนาคโต
ปิหิโต วา. เชคุจฺฉีติ ตเปน ปาปชิคุจฺฉโก. นิปโกติ ปณฺฑิโต. จาตุยามสุสํวุโตติ
จาตุยาเมน สุสํวุโต. จาตุยาโม นาม สพฺพวาริวาริโต จ โหติ
สพฺพวาริยุตฺโต จ สพฺพวาริธุโต จ สพฺพวาริผุฏฺโฐ ๑- จาติ อิเม จตฺตาโร
โกฏฺฐาสา. ตตฺถ สพฺพวาริวาริโต จาติ ๒- วาริตสพฺพอุทโก, ปฏิกฺขิตฺตสพฺพสีโตทโกติ
อตฺโถ. โส กิร สีโตทเก สตฺตสญฺญี โหติ, ตสฺมา ตํ น วลญฺเชติ.
สพฺพวาริยุตฺโตติ สพฺเพน ปาปวารเณน ยุตฺโต. สพฺพวาริธุโตติ สพฺเพน
ปาปวารเณน ธุตปาโป. สพฺพวาริผุฏฺโฐติ ๓- สพฺเพน ปาปวารเณน ผุฏฺโฐ. ทิฏฺฐํ
สุตํ จ อาจิกฺขนฺติ ทิฏฺฐํ "ทิฏฺฐํ เม"ติ สุตํ "สุตํ เม"ติ อาจิกฺขนฺโต, น
นิคุหนฺโต. น หิ นูน กิพฺพิสีติ เอวรูโป สตฺถา กิพฺพิสการโก นาม น โหติ.
        นานาติตฺถิเยติ โส กิร นานาติตฺถิยานํเยว อุปฏฺฐาโก, ตสฺมา เต
อารพฺภ วทติ. ปกุธโกติ ๔- กาติยาโนติ ปกุโธ ๕- กจฺจายโน. นิคณฺโฐติ
นาฏฺปุตฺโต. มกฺขลิปูรณา เสติ มกฺขลิ จ ปูรโณ จ. สามญฺญปฺปตฺตาติ
@เชิงอรรถ:  ฉ.ม. สพฺพวาริผุโฏ    ฉ.ม. สพฺพวาริ วาริโตติ   ฉ.ม.....ผุโฏติ
@ ก. ปกุทฺธโก         ก. ปกุทฺโธ
สมณธมฺเม โกฏิปฺปตฺตา. น หิ นูน เตติ เต สปฺปุริเสหิ น ทูเร, เตเยว โลเก
สปฺปุริสาติ วทติ. ปจฺจภาสีติ "อยํ อาโกฏโก อิเมสํ นคฺคนิสฺสิริกานํ ทสพลสฺส
สนฺติเก ฐตฺวา วณฺณํ กเถตีติ เตสํ อวณฺณํ กเถสฺสามี"ติ ปฏิอภาสีติ.
     ตตฺถ สหา จริเตนาติ สห จริตมตฺเตน. ๑- ฉโว สิคาโลติ ลามโก
กาณสิคาโล. ๒- โกฏฺฐุโกติ ๓- ตสฺเสว เววจนํ. สงฺกสฺสราจาโรติ อาสงฺกิตสมาจาโร.
น สตํ สริกฺโขติ ปณฺฑิตานํ สปฺปุริสานํ สทิโส น โหติ, กึ ตฺวํ กาณสิคาลสทิโส ๔-
ติตฺถิเย สีเห กโรสีติ.
      อนฺวาวิสิตฺวาติ "อยํ เอวรูปานํ สตฺถารานํ อวณฺณํ กเถติ, เตเนว นํ
มุเขน วณฺณํ กถาเปสฺสามี"ติ จินฺเตตฺวา ตสฺส สรีเร อนฺวาวิสิ อธิมุจฺจิ, เอวํ
อนฺวาวิสิตฺวา. อายุตฺตาติ ตโปชิคุจฺฉเน ยุตฺตปยุตฺตา. ปาลยํ ปวิเวกิยนฺติ
ปวิเวกํ ปาลยนฺตา. เต กิร "นฺหาปิตปวิเวกํ ปาเลสฺสามา"ติ สยํ เกเส ลุญฺจนฺติ,
"จีวรปวิเวกํ ปาเลสฺสามา"ติ ๕- นคฺคา วิจรนฺติ, "ปิณฺฑปาตปวิเวกํ  ปาเลสฺสามา"ติ
สุนขา วิย ภูมิยํ วา ภุญฺชนฺติ หตฺเถสุ วา, "เสนาสนปวิเวกํ ปาเลสฺสามา"ติ
กณฺฏกเสยฺยาทีนิ กปฺเปนฺติ. รูเป นิวิฏฺฐาติ ตณฺหาทิฏฺฐีหิ รูเป ปติฏฺฐิตา.
เทวโลกาภินนฺทิโนติ เทวโลกปตฺถนกา. ๖- มาติยาติ มจฺจา, เตว มจฺเจ ๗-
ปรโลกตฺถาย สมฺมาอนุสาสนฺตีติ วทติ.
       อิติ วิทิตฺวาติ "อยํ ปฐมํ เอเตสํ อวณฺณํ กเถตฺวา อิทานิ วณฺณํ
กเถติ, โก นุ โข เอโส"ติ อาวชฺเชนฺโต ชานิตฺวา. ๘- เย จนฺตลิกฺขสฺมึ
ปภาสวณฺณาติ เย อนฺตลิกฺเข จนฺโทภาสสุริโยภาสสชฺฌราคอินฺทธนุตารกรูปานํ
ปภาวณฺณา. ๙- สพฺเพว เต เตติ สพฺเพว เต ตยา. นมุจีติ มารํ อาลปติ.
อามิสํว มจฺฉานํ วธาย ขิตฺตาติ ยถา มจฺฉานํ วธตฺถาย พลิสลคฺคํ อามิสํ
ขิปติ, เอวํ ตยา ปสํสมาเนน เอเต รูปา สตฺตานํ วธาย ขิตฺตาติ วทติ.
@เชิงอรรถ:  ก. สห รจิเตนาติ สห รจิตมตฺเตน   ฉ.ม. กาลสิคาโล   ฉ.ม. โกตฺถโก..., อิ.
@กุตฺถโก...  ฉ.ม. กาณสิคาลสทิเส   ฉ.ม. ปาเตสฺสาม   ฉ.ม......ปตฺถนกามา
@ ฉ.ม. เต เว มจฺจา, สี. เต   ฉ.ม., อิ. ชานิตฺวา ว    ฉ.ม., อิ. ปภาสวณฺณา
      มาณวคามิโยติ อยํ กิร เทวปุตฺโต พุทฺธุปฏฺฐาโก. ราชคหิยานนฺติ
ราชคหปพฺพตานํ. เสโตติ เกลาโส. อฆคามินนฺติ อากาสคามีนํ. อุทธินนฺติ
อุทกนิธานานํ. อิทํ วุตฺตํ โหติ:- ยถา ราชคหิยานํ ปพฺพตานํ วิปุโล เสฏฺโฐ,
หิมวนฺตปพฺพตานํ เกลาโส, อากาสคามีนํ อาทิจฺโจ, อุทกนิธานานํ สมุทฺโท,
นกฺขตฺตานํ จนฺโท, เอวํ สเทวกสฺส โลกสฺส พุทฺโธ เสฏฺโฐ. ๑- ทสมํ.
                           ตติโย วคฺโค.
                     เทวปุตฺตสํยุตฺตวณฺณนา นิฏฺฐิตา.
                          -----------
@เชิงอรรถ:  ฉ.ม., อิ. เสฏฺโฐติ


             อรรถกถาภาษาบาลีอักษรไทย เล่มที่ ๑๑ หน้า ๑๒๐-๑๒๒. http://84000.org/tipitaka/atthapali/read_th.php?B=11&A=3144&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=3144&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=313              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2091              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1803              The Pali Tipitaka in Roman Character :- http://84000.org/tipitaka/read/roman_read.php?B=15&A=1803              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]