ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๘. มลฺลิกาสุตฺตวณฺณนา
      [๑๑๙]  อฏฺฐเม อตฺถิ นุ โข เต มลฺลิเกติ กสฺมา ปุจฺฉติ? อยํ กิร
มลฺลิกา ทุคฺคตมาลาการสฺส ธีตา, เอกทิวสํ อาปณโต ปูวํ คเหตฺวา "มาลารามํ
คนฺตฺวาว ขาทิสฺสามี"ติ คจฺฉนฺตี ปฏิปเถ ภิกฺขุสํฆปริวารํ ภควนฺตํ ภิกฺขาจารํ
ปวิสนฺตํ ทิสฺวา ปสนฺนจิตฺตา ตํ ภควโต อทาสิ, สตฺถา นิสีทนาการํ ทสฺเสสิ.
อานนฺทตฺเถโร จีวรํ ปญฺญเปตฺวา อทาสิ. ภควา ตตฺถ นิสีทิตฺวา ตํ ปูวํ
ปริภุญฺชิตฺวา มุขํ วิกฺขาเลตฺวา  สิตํ ปาตฺวากาสิ. เถโร "อิมิสฺสา ภนฺเต โก
วิปาโก ภวิสฺสตี"ติ ปุจฺฉิ. อานนฺท อชฺเชว สา ๕- ตถาคตสฺส ปฐมํ โภชนํ
อทาสิ, อชฺเชว โกสลรญฺโญ อคฺคมเหสี ภวิสฺสตีติ. ตํทิวสเมว ๖- ราชา กาสิคาเม
ภาคิเนยฺเยน ยุทฺเธ ๗- ปราชิโต ปลายิตฺวา นครํ อาคจฺฉนฺโต มาลารามํ ปวิสิตฺวา
พลกายสฺส อาคมนํ อาคเมสิ. ตสฺส สา วตฺตํ อกาสิ. โส ตาย กตวตฺเต ๘-
ปสีทิตฺวา ตํ อนฺเตปุรํ อติหาราเปตฺวา ตํ อคฺคมเหสิฏฺฐาเน ฐเปสิ.
@เชิงอรรถ:  ฉ.ม. อฑฺฑกรเณ      ฉ.ม., อิ. อสฺสามิเกปิ     ฉ.ม., อิ. เปเต
@ ฉ.ม. วิฏฺฏูโภ, สี. วิชฏโภ    * ฉ.ม. อฑฺฑ....      ฉ.ม., อิ. อชฺเชสา
@ ฉ.ม., อิ. ตํทิวสเมว จ    ฉ.ม., อิ. ยุทฺเธน     ฉ.ม., อิ. วตฺเต

--------------------------------------------------------------------------------------------- หน้าที่ ๑๓๔.

อเถกทิวสํ จินฺเตสิ "มยา อิมิสฺสา ทุคฺคตกุลสฺส ธีตุยา มหนฺตํ อิสฺสริยํ ทินฺนํ, ยนฺนูนาหํ อิมํ ปุจฺเฉยฺยํ `โก เต ปิโย'ติ. สา `ตฺวํ เม มหาราช ปิโย'ติ วตฺวา ปุน มํ ปุจฺฉิสฺสติ, อถสฺสาหํ `มยฺหมฺปิ ตฺวํเยว ปิยา'ติ วกฺขามี"ติ. โส ๑- อญฺญมญฺญํ วิสฺสาสชนนตฺถํ สมฺโมทนียํ กถํ กเถนฺโต ปุจฺฉติ. สา ปน เทวี ปณฺฑิตา พุทฺธุปฏฺฐายิกา ธมฺมุปฏฺฐายิกา สํฆุปฏฺฐายิกา มหาปุญฺญา, ๒- ตสฺมา เอวํ จินฺเตสิ "นายํ ปโญฺห รญฺโญ มุขํ โอโลเกตฺวา กเถตพฺโพ"ติ. สา สรเสเนว กเถตฺวา ราชานํ ปุจฺฉิ. ราชา ตาย สรเสน กถิตตฺตา นิวตฺติตุํ อลภนฺโต สยมฺปิ สรเสเนว กเถตฺวา "สุการณํ ๓- อิทํ, ตถาคตสฺส นํ อาโรเจสฺสามี"ติ คนฺตฺวา ภควโต อาโรเจสิ. เนวชฺฌคาติ นาธิคจฺฉติ. เอวํ ปิโย ปุถุ อตฺตา ปเรสนฺติ ยถา เอกสฺส อตฺตา ปิโย, เอวํ ปเรสํ ปุถุตฺตานํ ๔- อตฺตา ปิโยติ อตฺโถ. อฏฺฐมํ.

             อรรถกถาภาษาบาลีอักษรไทย เล่มที่ ๑๑ หน้า ๑๓๓-๑๓๔. http://84000.org/tipitaka/atthapali/read_th.php?B=11&A=3478&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=11&A=3478&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=15&i=346              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2395              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2075              The Pali Tipitaka in Roman Character :- http://84000.org/tipitaka/read/roman_read.php?B=15&A=2075              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]