ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๑ ภาษาบาลีอักษรไทย สํ.อ. (สารตฺถ.๑)

                         ๗. สุปติสุตฺตวณฺณนา
      [๑๔๓] สตฺตเม ปาเท ปกฺขาเลตฺวาติ อุตุคาหาปนตฺถํ โธวิตฺวา. พุทฺธานํ
ปน สรีเร รโชชลฺลํ น อุปลิมปติ, อุทกํปิ โปกฺขรปตฺเต ปกฺขิตฺตํ วิย
วิวฏฺฏิตฺวา คจฺฉต. อปิจ ๓- โธตปาทเก เคเห ปาเท โธวิตฺวา ปวิสนํ ปพฺพชิตานํ
วตฺตํ. ตตฺถ พุทฺธานํ วตฺตเภโท นาม นตฺถิ, วตฺตสีเส ปน ฐตฺวา โธวนฺติ.
สเจ หิ ตถาคโต เนว นฺหาเยยฺย, น ปาเท โธเวยฺย, "นายํ มนุสฺโส"ติ วเทยฺยุํ.
ตสฺมา มนุสฺสกิริยํ อมุจฺจนฺโต ๔- โธวติ, สโต สมฺปชาโนติ โสปฺปริคฺคาหเกน
สติสมฺปชญฺเญน สมนฺนาคโต. อุปสงฺกมีติ สมโณ โคตโม สพฺพรตฺตึ อชฺโฌกาเส
จงฺกมิตฺวา คนฺธกุฏึ ปวิสิตฺวา นิทฺทายติ, อติวิย สุขสยิโต ภวิสฺสติ,
ฆฏฺเฏสฺสามิ ๕- นนฺติ จินฺเตตฺวา อุปสงฺกมิ.
       กึ โสปฺปสีติ กึ สุปสิ, กึ โสปฺปํ นามิทํ ตวาติ วทติ. กึ นุ
โสปฺปสีติ กสฺมา นุ สุปสิ. ทุพฺภโค ๖-  วิยาติ มโต วิย วิสญฺญี วิย จ.
สุญฺญมคารนฺติ สุญฺญํ เม ฆรํ ลทฺธนฺติ โสปฺปสีติ วทติ. สุริเย อุคฺคเตติ
สุริยมฺหิ อุฏฺฐิเต. อิทานิ หิ อญฺเญ ภิกฺขู สมฺมชฺชนฺติ, ปานียํ อุปฏฺฐเปนฺติ,
ภิกฺขาจารคมนสชฺชา ภวนฺติ, ตฺวํ กสฺมา โสปฺปสิเยว.
      ชาลินีติ ตโย ภเว อชฺโฌตฺถริตฺวา ฐิเตน "อชฺฌตฺติกสฺสุปาทาย อฏฺฐารส
ตณฺหาวิจริตานี"ติอาทินา ๗- นเยน เตน เตน อตฺตโน โกฏฺฐาสภูเตน ชาเลน
ชาลินี. วิสตฺติกาติ รูปาทีสุ ตตฺถ ตตฺถ วิสฺสชฺชตาย ๘- วิสมูลตาย วิสปริโภคตาย
จ วิสตฺติกา. กุหิญฺจิ เนตเวติ กตฺถจิ เนตุํ. สพฺพูปธีนํ ปริกฺขยาติ ๙- สพฺเพสํ
ขนฺธกิเลสาภิสงฺขารกามคุณเภทานํ อุปธีนํ ปริกฺขยา. กึ ตเวตฺถ มาราติ มาร
@เชิงอรรถ:  ฉ.ม. จาริยมาเน     ฉ.ม., อิ. คุมฺพนฺตรกนฺทราทีนิ    ฉ.ม., อิ. อปิจ โข
@ ฉ.ม., อิ. อมุญฺจนฺโต   ฉ.ม., อิ. ฆฏยิสฺสามิ     ก. ทุพฺภโต, อิ. ทุพฺภโย
@ อภิ. วิภงฺค. ๓๕/๘๔๒/๔๒๖ ขุทฺทกวตฺถุวิภงฺค       ฉ.ม., อิ. วิสตฺตตาย
@ ฉ.ม. สพฺพูปธิ ปริกฺขยาติ
ตุยฺหํ กึ เอตฺถ, กสฺมา ตฺวํ อุณฺหยาคุยํ นิลียิตุํ อสกฺโกนฺตี ขุทฺทมกฺขิกา วิย
อนฺตนฺเตเนว อุชฺฌายนฺโต อาหิณฺฑสีติ. สตฺตมํ.


             อรรถกถาภาษาบาลีอักษรไทย เล่มที่ ๑๑ หน้า ๑๖๖-๑๖๗. http://84000.org/tipitaka/atthapali/read_th.php?B=11&A=4333&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=11&A=4333&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=15&i=434              เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=3452              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=3029              The Pali Tipitaka in Roman Character :- http://84000.org/tipitaka/read/roman_read.php?B=15&A=3029              สารบัญพระไตรปิฎกเล่มที่ ๑๕ http://84000.org/tipitaka/read/?index_15

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]