ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๕ ภาษาบาลีอักษรไทย องฺ.อ. (มโนรถ.๒)

หน้าที่ ๖๕.

๓. ตติยปณฺณาสก ๑๑. ๑. อาสาทุปฺปชหวคฺควณฺณนา [๑๑๙] ตติยปณฺณาสกสฺส ปฐเม อาสาติ ตณฺหา. ทุปฺปชหาติ ทุจฺจชา ทุนฺนีหรา ๑- ลาภาสาย ทุปฺปชหภาเวน ๒- สตฺตา ทสปิ วสฺสานิ วีสติปิ สฏฺฐีปิ วสฺสานิ "อชฺช ลภิสฺสาม, เสฺว ลภิสฺสามา"ติ ราชานํ อุปฏฺฐหนฺติ, กสิกมฺมาทีนิ กโรนฺติ, อุภโต พฺยูฬฺหํ สงฺคามํ ปกฺขนฺทนฺติ, อชปถสงฺกุปถาทโย ปฏิปชฺชนฺติ, นาวาย มหาสมุทฺทํ ปวิสนฺติ. ชีวิตาสาย ทุปฺปชหตฺตา สมฺปตฺเต มรณกาเลปิ วสฺสสตชีวึ อตฺตานํ มญฺญนฺติ. โส กมฺมกมฺมนิมิตฺตาทีนิ ปสฺสนฺโตปิ "ทานํ เทหิ, ปูชํ กโรหี"ติ อนุกมฺปเกหิ วุจฺจมาโน "นาหํ มริสฺสามิ"จฺเจวํ ๓- อาสาย กสฺสจิ วจนํ น คณฺหาติ. [๑๒๐] ทุติเย ปุพฺพการีติ ปฐมํ อุปการสฺส ๔- การโก. กตญฺญู กตเวทีติ เตน กตํ ญตฺวา ปจฺฉา การโก. เตสุ ปุพฺพการี "อิณํ เทมี"ติ สญฺญํ กโรติ, ปจฺฉา การโก "อิณํ ชีราเปมี"ติ ๕- สญฺญํ กโรติ. [๑๒๑] ตติเย ติตฺโต จ ตปฺเปตา จาติ ปจฺเจกพุทฺโธ จ ตถาคตสาวโก จ ขีณาสโว ติตฺโต นาม, ตถาคโต อรหํ สมฺมาสมฺพุทฺโธ ติตฺโต จ ตปฺเปตา จ. [๑๒๒] จตุตฺเถ ทุตฺตปฺปยาติ ทายเกน ทุตฺตปฺปยา ๖- ตปฺเปตุํ น สุกรา. นิกฺขิปตีติ น ทสฺสติ ๗- น ปริภุญฺชติ. วิสฺสชฺเชตีติ ปเรสํ เทติ. [๑๒๓] ปญฺจเม น วิสฺสชฺเชตีติ สพฺพํเยว ปเรสํ น เทติ, อตฺตโน ปน ยาปนมตฺตํ คเหตฺวา อวเสเส น เทติ. ๘- @เชิงอรรถ: สี.,อิ. ทุนฺนีหารา สี.,อิ. ทุปฺปชหนภาเวน ฉ.ม.,อิ. มริสฺสามิ @ชีวิสฺสามิ"จฺเจว สี.,อิ. อุปการกสฺส สี.,อิ. ชีราเปสฺสามีติ @ สี.,อิ. อตปฺปยา ฉ.ม. นิทหติ ฉ.ม.,อิ. อวเสสํ เทติ

--------------------------------------------------------------------------------------------- หน้าที่ ๖๖.

[๑๒๔] ฉฏฺเฐ สุภนิมิตฺตนฺติ อิฏฺฐารมฺมณํ. [๑๒๕] สตฺตเม ปฏิฆนิมิตฺตนฺติ อนิฏฺฐนิมิตฺตํ. [๑๒๖] อฏฺฐเม ปรโต จ โฆโสติ ปรสฺส สนฺติกา อสทฺธมฺมสฺสวนํ. [๑๒๗] นวเม ปรโต จ โฆโสติ ปรสฺส สนฺติกา สทฺธมฺมสฺสวนํ. เสสํ สพฺพตฺถ อุตฺตานเมวาติ. อาสาทุปฺปชหวคฺโค ปฐโม. --------------

             อรรถกถาภาษาบาลีอักษรไทย เล่มที่ ๑๕ หน้า ๖๕-๖๖. http://84000.org/tipitaka/atthapali/read_th.php?B=15&A=1445&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=15&A=1445&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=20&i=363              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2259              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2233              The Pali Tipitaka in Roman Character :- http://84000.org/tipitaka/read/roman_read.php?B=20&A=2233              สารบัญพระไตรปิฎกเล่มที่ ๒๐ http://84000.org/tipitaka/read/?index_20

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]