บาลีอรรถกถาเล่มที่ ๑๕

หน้าที่ ๗๑.

๑๕. ๕. สมาปตฺติวคฺควณฺณนา [๑๖๔] ปญฺจมสฺส ปฐเม สมาปตฺติกุสลตาติ อาหารสปฺปายํ ^๑- ปริคฺคณฺหิตฺวา สมาปตฺติสมาปชฺชเน เฉกตา. สมาปตฺติวุฏฺฐานกุสลตาติ ยถาปริจฺเฉเทน คเต กา เล วิยตฺโต ^๒- หุตฺวา อุฏฺฐหนฺโต วุฏฺฐานกุสโล นาม โหติ เอวํ กุสลตา. ^๓- [๑๖๕] ทุติเย อาชฺชวนฺติ อุชุภาโว. มทฺทวนฺติ มุทุภาโว. [๑๖๖] ตติเย ขนฺตีติ อธิวาสนกฺขนฺติ. โสรจฺจนฺติ สุสีลภาโว ^๔- สุรตภาโว. [๑๖๗] จตุตฺเถ สาขลฺยนฺติ สณฺหวาจาวเสน สมฺโมทมานภาโว. ปฏิสนฺถาโรติ อามิเสน วา ธมฺเมน วา ปฏิสนฺถรณํ. [๑๖๘] ปญฺจเม อวิหึสาติ กรุณาปุพฺพภาโค. โสเจยฺยนฺติ สีลวเสน สุจิภาโว. ฉฏฺฐสตฺตมานิ อุตฺตานตฺถาเนว. [๑๗๑] อฏฺฐเม ปฏิสงฺขานพลนฺติ ปจฺจเวกฺขณพลํ. [๑๗๒] นวเม มุฏฺฐสจฺเจ อกมฺปเนน สติเยว สติพลํ. อุทฺธจฺเจ อกมฺปเนน สมาธิเยว สมาธิพลํ. [๑๗๓] ทสเม สมโถติ จิตฺเตกคฺคตา. วิปสฺสนาติ สงฺขารปริคฺคหญาณํ. [๑๗๔] เอกาทสเม สีลวิปตฺตีติ ทุสฺสีลฺยํ. ทิฏฺฐิวิปตฺตีติ มิจฺฉาทิฏฺฐิ. [๑๗๕] ทฺวาทสเม สีลสมฺปทาติ ปริปุณฺณสีลตา. ทิฏฺฐิสมฺปทาติ สมฺมา- ทิฏฺฐิภาโว. เตน กมฺมสฺสกตาสมฺมาทิฏฺฐิ ฌานสมฺมาทิฏฺฐิ วิปสฺสนาสมฺมาทิฏฺฐิ มคฺคสมฺมาทิฏฺฐิ ผลสมฺมาทิฏฺฐีติ สพฺพาปิ ปญฺจวิธา สมฺมาทิฏฺฐิ สงฺคหิตา โหติ. @เชิงอรรถ: ^๑ ฉ.ม.,อิ. อาหารสปฺปายํ อุตุสปฺปายํ ^๒ สี.,อิ. วิสโท @^๓ ก. โหตีติ เอส เฉโก ^๔ ฉ.ม.,อิ. สุสีลฺยภาเวน

--------------------------------------------------------------------------------------------- หน้าที่ ๗๒.

[๑๗๖] เตรสเม สีลวิสุทฺธีติ วิสุทฺธิสมฺปาปกํ สีลํ. ทิฏฺฐิวิสุทฺธีติ วิสุทฺธิสมฺปาปิกา จตุมคฺคสมฺมาทิฏฺฐิ, ปญฺจวิธาปิ วา สมฺมาทิฏฺฐิ. [๑๗๗] จุทฺทสเม ทิฏฺฐิวิสุทฺธีติ วิสุทฺธิสมฺปาปิกา สมฺมาทิฏฺฐิเยว. ยถาทิฏฺฐิสฺส จ ปธานนฺติ เหฏฺฐิมมคฺคสมฺปยุตฺตํ วิริยํ. ตญฺหิ ตสฺสา ทิฏฺฐิยา อนุรูปตฺตา "ยถาทิฏฺฐิสฺส จ ปธานนฺ"ติ วุตฺตํ. [๑๗๘] ปณฺณรสเม อสนฺตุฏฺฐิตา จ กุสเลสุ ธมฺเมสูติ อญฺญตฺร อรหตฺตมคฺคา กุสเลสุ ธมฺเมสุ อสนฺตุฏฺฐิภาโว. [๑๗๙] โสฬสเม มุฏฺฐสจฺจนฺติ มุฏฺฐสติภาโว. อสมฺปชญฺญนฺติ อญฺญาณภาโว. [๑๘๐] สตฺตรสเม อปิลาปนลกฺขณา สติ. สมฺมาปชานนลกฺขณํ สมฺปชญฺญนฺติ. สมาปตฺติวคฺโค ปญฺจโม. ตติยปณฺณาสโก นิฏฺฐิโต. -----------

อรรถกถาภาษาบาลีอักษรไทย เล่มที่ ๑๕ หน้า ๗๑-๗๒. http://84000.org/tipitaka/atthapali/read_th.php?B=15&A=1570&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=15&A=1570&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=408 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2461 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2424 The Pali Tipitaka in Roman Character :- http://84000.org/tipitaka/read/roman_read.php?B=20&A=2424 สารบัญพระไตรปิฎกเล่มที่ ๒๐ http://84000.org/tipitaka/read/?index_20