ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๕ ภาษาบาลีอักษรไทย องฺ.อ. (มโนรถ.๒)

หน้าที่ ๘๐.

๕. อโยนิโสสุตฺตวณฺณนา [๕] ปญฺจเม อโยนิโส ปญฺหํ กตฺตา โหตีติ "กติ นุ โข อุทายิ อนุสฺสติฏฺฐานานี"ติ วุตฺเต "ปุพฺเพนิวาโส อนุสฺสติฏฺฐานํ ภวิสฺสตี"ติ จินฺเตตฺวา โลฬุทายิตฺเถโร วิย อนุปายจินฺตาย อปญฺหเมว ปญฺหํ ๑- กตฺตา โหติ. อโยนิโส ปญฺหํ วิสฺสชฺเชตา โหตีติ จินฺติตํ ปุน ๒- ปญฺหํ วิสฺสชฺเชนฺโตปิ "อิธ ภนฺเต ภิกฺขุ อเนกวิหิตํ ปุพฺเพนิวาสํ อนุสฺสรติ. เสยฺยถีทํ, เอกํปิ ชาตินฺ"ติอาทินา นเยน โสเยว เถโร วิย อโยนิโส วิสฺสชฺเชตา โหติ, อปญฺหเมว ปญฺหนฺติ กเถติ. ปริมณฺฑเลหิ ปทพฺยญฺชเนหีติ เอตฺถ ปทเมว อตฺถสฺส พฺยญฺชนโต ปทพฺยญฺชนํ. ตํ อกฺขรปาริปูรึ กตฺวา ทสวิธํ พฺยญฺชนพุทฺธึ อปริหาเปตฺวา วุตฺตํ ปริมณฺฑลํ นาม โหติ, เอวรูเปหิ ปทพฺยญฺชเนหีติ อตฺโถ. สิลิฏฺเฐหีติ ปทสิลิฏฺฐตาย สิลิฏฺเฐหิ. อุปคเตหีติ อตฺถญฺจ การณญฺจ อุปคเตหิ. นาพฺภานุโมทิตาติ เอวํ โยนิโส สพฺพาการ- สมฺปนฺนํ ๓- กตฺวาปิ วิสฺสชฺชิตํ ปรสฺส ปญฺหํ นาภินุโมทติ นาภินนฺทติ สาริปุตฺตตฺเถรสฺส ปญฺหํ โลฬุทายิตฺเถโร ๔- วิย ยถาห:- "อฏฺฐานํ โข เอตํ อาวุโส สาริปุตฺต อนวกาโส, ยํ โส อติกฺกมฺ เมว กวฬิงฺการาหารภกฺขานํ ๕- เทวานํ สหพฺยตํ อญฺญตรํ มโนมยํ กายํ อุปปนฺโน สญฺญาเวทยิตนิโรธํ สมาปชฺเชยฺยปิ วุฏฺฐเหยฺยปิ, นตฺเถตํ ฐานนฺ"ติ. ๖- โยนิโส ปญฺหํ กตฺตาติอาทีสุ อานนฺทตฺเถโร วิย โยนิโส ๗- ปญฺหํ จินฺเตตฺวา โยนิโส วิสฺสชฺเชตา โหติ. เถโร หิ "กติ นุ โข อานนฺท อนุสฺสติฏฺฐานานี"ติ ปุจฺฉิโต "อยํ ปโญฺห ภวิสฺสตี"ติ โยนิโส จินฺเตตฺวา โยนิโส วิสฺสชฺเชนฺโต อาห @เชิงอรรถ: ฉ.ม.,อิ. ปญฺหนฺติ ฉ.ม.,อิ. ปน ฉ.ม. สพฺพํ การณสมฺปนฺนํ @ ฉ.ม. ลาฬุทายิตฺเถโร สี. กพฬึการภกฺขานํ องฺ.ปญฺจก. ๒๒/๑๖๖/๒๑๔ @นิโรธสุตฺต (สฺยา) ฉ.ม.,อิ. โยนิโสว

--------------------------------------------------------------------------------------------- หน้าที่ ๘๑.

"อิเธว ภนฺเต ภิกฺขุ วิวิจฺเจว กาเมหิ ฯเปฯ จตุตฺถํ ฌานํ อุปสมฺปชฺช วิหรติ. อิทํ ภนฺเต อนุสฺสติฏฺฐานํ เอวํ ภาวิตํ เอวํ พหุลีกตํ ทิฏฺฐธมฺมสุขวิหาราย สํวตฺตตี"ติ. อพฺภนุโมทิตา โหตีติ ตถาคโต วิย โยนิโส อพฺภนุโมทิตา โหติ. ตถาคโต หิ อานนฺทตฺเถเรน ปเญฺห วิสฺสชฺชิเต "สาธุ สาธุ อานนฺท, เตนหิ ตฺวํ อานนฺท อิมํ ๑- ฉฏฺฐํ อนุสฺสติฏฺฐานํ ธาเรหิ. อิธานนฺท ภิกฺขุ สโตว อภิกฺกมติ สโตว ปฏิกฺกมตี"ติอาทิมาห. ฉฏฺฐาทีนิ อุตฺตานตฺถาเนว.

             อรรถกถาภาษาบาลีอักษรไทย เล่มที่ ๑๕ หน้า ๘๐-๘๑. http://84000.org/tipitaka/atthapali/read_th.php?B=15&A=1764&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=15&A=1764&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=20&i=444              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2700              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2653              The Pali Tipitaka in Roman Character :- http://84000.org/tipitaka/read/roman_read.php?B=20&A=2653              สารบัญพระไตรปิฎกเล่มที่ ๒๐ http://84000.org/tipitaka/read/?index_20

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]