อรรถกถาเล่มที่ ๑๕ ภาษาบาลีอักษรไทย
 องฺ.อ. (มโนรถ.๒)

                        ๔. วชฺชิปุตฺตสุตฺตวณฺณนา
     [๘๕] จตุตฺเถ วชฺชิปุตฺตโกติ วชฺชิราชกุลสฺส ปุตฺโต. ทิยฑฺฒสิกฺขาปทสตนฺติ ๕-
@เชิงอรรถ: ๑-๑ ฉ.ม. อหมฺปิ ทมฺโม อหมฺปิ ทมฺโมติ อหมฺปิ "ทมฺโม ทมฺมมาโน"ติ วทมาโน คาวีติ
@๒ ฉ.ม. อยํ ปาโ น ทิสฺสติ   ๓ ฉ.ม.,อิ. อญฺาทิสเมว    ๔ ฉ.,อิ. สมีกตํ
@๕ สี.,อิ. ทิยฑฺฒํ สิกฺขาปทสตนฺติ
ปณฺณาสาธิกํ สิกฺขาปทสตํ. ตสฺมึ สมเย ปญฺตฺตสิกฺขาปทาเนว สนฺธาเยตํ วุตฺตํ.
โส กิร ภิกฺขุ อาชฺชวสมฺปนฺโน อุชุชาติโก อวงฺโก อกุฏิโล, ตสฺมา "อหํ เอตฺตกานิ
สิกฺขาปทานิ รกฺขิตุํ สกฺกุเณยฺยํ วา น วา"ติ จินฺเตตฺวา สตฺถุ อาโรเจสิ.
สกฺโกมหนฺติ สกฺโกมิ อหํ. ๑- โส กิร "เอตฺตเกสุ สิกฺขาปเทสุ สิกฺขนฺตสฺส
อครุ ตีสุ สิกฺขาสุ สิกฺขิตุนฺ"ติ มญฺมาโน เอวมาห. อถ ภควา ยถา นาม ปญฺาส
ติณกลาปิโย อุกฺขิปิตุํ อสกฺโกนฺตสฺส กลาปิยสตํ พนฺธิตฺวา สีเส เปยฺย, เอวเมว
เอกิสฺสาปิ สิกฺขาย สิกฺขิตุํ อสกฺโกนฺตสฺส อปรา เทฺวปิ สิกฺขา อุปริ อุกฺขิปนฺโต
๒- ตสฺมาติห ตฺวํ ภิกฺขูติอาทิมาห. สุขุมาโล ๓- กิร อุตฺตโร นาม ชานปทมนุสฺโส
โลหปาสาทวิหาเร ๔- วสติ. อถ นํ ทหรภิกฺขู อาหํสุ "อุตฺตร อคฺคิสาลา โอวสฺสติ,
ติณํ กปฺปิยํ กตฺวา เทหี"ติ. ตํ อาทาย อฏวึ คนฺตฺวา เตน ลายิตํ ติณํเยว
กรเฬ พนฺธิตฺวา "ปญฺาส กรเฬ คเหตุํ สกฺขิสฺสสิ อุตฺตรา"ติ อาหํสุ. โส
"น สกฺขิสฺสามี"ติ อาห. อสีตึ ปน สกฺขิสฺสสีติ. น สกฺขิสฺสามิ ภนฺเตติ. เอกํ
กรฬสตํ สกฺขิสฺสสีติ. อาม ภนฺเต คณฺหิสฺสามีติ. ทหรภิกฺขู กรฬสตํ พนฺธิตฺวา
ตสฺส สีเส ปยึสุ. โส อุกฺขิปิตฺวา นิตฺถุนนฺโต คนฺตฺวา อคฺคิสาลาย สมีเป ปาเตสิ.
อถ นํ ภิกฺขู "กิลนฺตรูโปสิ อุตฺตรา"ติ อาหํสุ. อาม ภนฺเต ทหรา ภิกฺขู มํ
วญฺเจสุํ, อิมํ  เอกํปิ กรฬสตํ อุกฺขิปิตุํ อสกฺโกนฺตํ มํ "ปณฺณาส กรเฬ
อุกฺขิปาหี"ติ วทึสุ. อาม อุตฺตร วญฺจยึสุ ตนฺติ. เอวํ สมฺปทมิทํ เวทิตพฺพํ.
อิธาปิ ติสฺโส สิกฺขา มิสฺสิกาว กถิตา.

             อรรถกถาภาษาบาลีอักษรไทย เล่มที่ ๑๕ หน้า ๒๓๙-๒๔๐.
http://84000.org/tipitaka/atthapali/read_th.php?B=15&A=5568&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=15&A=5568&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=20&i=524
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=20&A=6090
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=20&A=6241
             The Pali Tipitaka in Roman Character :-
http://84000.org/tipitaka/read/roman_read.php?B=20&A=6241
             สารบัญพระไตรปิฎกเล่มที่ ๒๐
http://84000.org/tipitaka/read/?index_20