ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๑๕ ภาษาบาลีอักษรไทย องฺ.อ. (มโนรถ.๒)

                         ๑๐. โยคสุตฺตวณฺณนา
     [๑๐] ทสเม วฏฺฏสฺมึ โยเชนฺตีติ โยคา. กามโยโคติอาทีสุ ปญฺจกาม-
คุณิโก ราโค กามโยโค. รูปารูปภเวสุ ฉนฺทราโค ภวโยโค, ตถา ฌานนิกนฺติ.
สสฺสตทิฏฺฐิสหคโต จ ราโค ทฺวาสฏฺฐี ทิฏฺฐิโย จ ทิฏฺฐิโยโค. จตูสุ สจฺเจสุ
อญฺญาณํ อวิชฺชาโยโค. กาเมสุ วา โยเชตีติ กามโยโค. ภเวสุ โยเชตีติ ภวโยโค.
ทิฏฺฐีสุ ๑- โยเชตีติ ทิฏฺฐิโยโค. อวิชฺชาย โยเชตีติ อวิชฺชาโยโคติ เหฏฺฐา
วุตฺตธมฺมานํเยเวตํ อธิวจนํ.
     อิทานิ เต วิตฺถาเรตฺวา ทสฺเสนฺโต กตโม จ ภิกฺขเวติอาทิมาห. ตตฺถ
สมุทยนฺติ อุปฺปตฺตึ. อตฺถงฺคมนฺติ เภทํ. อสฺสาทนฺติ มธุรภาวํ. อาทีนวนฺติ
อมธุรภาวํ โทสํ. นิสฺสรณนฺติ นิสฺสฏภาวํ. กาเมสูติ วตฺถุกาเมสุ. กามราโคติ กาเม
อารพฺภ อุปฺปนฺนราโค. เสสปเทสุปิ เอเสว นโย. อนุเสตีติ นิพฺพตฺตติ. อยํ วุจฺจติ
ภิกฺขเว กามโยโคติ ภิกฺขเว อิทํ กาเมสุ โยชนการณํ พนฺธนการณํ วุจฺจตีติ
เอวํ สพฺพตฺถ อตฺโถ เวทิตพฺโพ.
     ผสฺสายตนานนฺติ จกฺขาทีนํ จกฺขุสมฺผสฺสาทิการณานํ. อวิชฺชา อญฺญาณนฺติ
ญาณปฏิปกฺขภาเวน อญฺญาณสงฺขาตา อวิชฺชา. อิติ กามโยโคติ เอตฺถ อิติสทฺโท
จตูหิปิ โยเคหิ สทฺธึ โยเชตพฺโพ "เอวํ กามโยโค, เอวํ ภวโยโค"ติ.
สํยุตฺโตติ ๒- สมฺปริวาริโต. ๓- ปาปเกหีติ ลามเกหิ. อกุสเลหีติ
อโกสลฺลสมฺภูเตหิ. สงฺกิเลสิเกหีติ สงฺกิลิสฺสเกหิ, ๔- ปสนฺนสฺส จิตฺตสฺส
ปสนฺนภาวทูสเกหีติ ๕- อตฺโถ. โปโนพฺภวิเกหีติ ปุนพฺภวนิพฺพตฺตเกหิ. สทเรหีติ
สทรเถหิ. ทุกฺขวิปาเกหีติ วิปากกาเล ทุกฺขุปฺปาทเกหิ. อายตึ ชาติชรามรณิเกหีติ
อนาคเต ปุนปฺปุนํ ชาติชรามรณนิพฺพตฺตเกหิ. ตสฺมา อโยคกฺเขมีติ วุจฺจตีติ ยสฺมา
อปฺปหีนโยโค ปุคฺคโล เอเตหิ ธมฺเมหิ
@เชิงอรรถ:  ม. ทิฏฺฐิยา   ก. สมฺปยุตฺโตติ   ฉ.ม. ปริวาริโต
@ ฉ.ม. สํกิเลสนเกหิ       ม. ปสนฺนภาวโรสเกหีติ
สมฺปยุตฺโต โหติ, ตสฺมา เตหิ ๑- จตูหิ โยเคหิ เขมํ นิพฺพานํ อนธิคตตฺตา น
โยคกฺเขมีติ วุจฺจติ.
     วิสํโยคาติ วิสํโยชนการณานิ. กามโยควิสํโยโคติ กามโยควิสํโยชนการณํ.
เสสปเทสุปิ เอเสว นโย. ตตฺถ อสุภชฺฌานํ กามโยควิสํโยโค, ตํ ปาทกํ กตฺวา
อธิคโต อนาคามิมคฺโค เอกนฺเตเนว กามโยควิสํโยโค นาม. อรหตฺตมคฺโค
ภวโยควิสํโยโค นาม, โสตาปตฺติมคฺโค ทิฏฺฐิโยควิสํโยโค นาม, อรหตฺตมคฺโค อวิชฺชา-
โยควิสํโยโค นาม. อิทานิ เต  วิตฺถาเรตฺวา ๒- ทสฺเสนฺโต กตโม จ ภิกฺขเวติ-
อาทิมาห. ตสฺสตฺโถ วุตฺตนเยเนว เวทิตพฺโพ.
     ภวโยเคน จูภยนฺติ ภวโยเคน จ สํยุตฺตา, ๓- กิญฺจ ภิยฺโยติ อุภยํ อุภเยนาปิ
จ ๓- สํยุตฺตา, เยน เกนจิ โยเคน สมนฺนาคตาติ ๔- อตฺโถ. ปุรกฺขตาติ ปุรโต กตา,
ปริวาริตา วา. กาเม ปริญฺญายาติ ทุวิเธปิ กาเม ปริชานิตฺวา. ภวโยคญฺจ
สพฺพโสติ ภวโยคญฺจ สพฺพเมว ปริชานิตฺวา. สมูหจฺจาติ สมูหนิตฺวา. วิราชยนฺติ
วิราเชนฺโต, วิราเชตฺวา วา. "วิราเชนฺโต"ติ หิ วุตฺเต มคฺโค กถิโต โหติ,
"วิราเชตฺวา"ติ วุตฺเต ผลํ. มุนีติ ขีณาสวมุนิ. อิติ อิมสฺมึ สุตฺเตปิ คาถาสุปิ
วฏฺฏวิวฏฺฏเมว ๕- กถิตนฺติ.
                        ภณฺฑคามวคฺโค  ปฐโม.
                          -------------
@เชิงอรรถ:  ฉ.ม. อยํ ปาโฐ น ทิสฺสติ    ฉ.ม. วิตฺถารวเสน
@๓-๓ ฉ.ม. กิญฺจิ ภิยฺโย อุภเยนาปิ
@ สี. เยน เกนจิ โยคญฺจ เยน สมนฺนาคตาติ    ม. วิวฏฺฏเมว


             อรรถกถาภาษาบาลีอักษรไทย เล่มที่ ๑๕ หน้า ๒๘๘-๒๘๙. http://84000.org/tipitaka/atthapali/read_th.php?B=15&A=6658&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=15&A=6658&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=21&i=10              เนื้อความพระไตรปิฎกฉบับหลวง :- http://84000.org/tipitaka/read/r.php?B=21&A=221              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=21&A=249              The Pali Tipitaka in Roman Character :- http://84000.org/tipitaka/read/roman_read.php?B=21&A=249              สารบัญพระไตรปิฎกเล่มที่ ๒๐ http://84000.org/tipitaka/read/?index_21

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]