อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                        ๑๐. ภทฺทชิสุตฺตวณฺณนา
     [๑๗๐] ทสเม อภิภูติ อภิภวิตฺวา ฐิโต เชฏฺฐโก. อนภิภูโตติ อญฺเญหิ
อนภิภูโต. อญฺญทตฺถูติ เอกํสวจเน นิปาโต. ทสฺสนวเสน ทโส, สพฺพํ ปสฺสตีติ
อธิปฺปาโย. วสวตฺตีติ สพฺพํ ชนํ วเส วตฺเตติ. ยถา ปสฺสโตติ อิฏฺฐารมฺมณํ
วา โหตุ อนิฏฺฐารมฺมณํ วา, เยนากาเรน ตํ ปสฺสนฺตสฺส. อนนฺตรา อาสวานํ
ขโย โหตีติ อนนฺตราเยว อรหตฺตํ อุปฺปชฺชติ. ยถา สุณโตติ เอตฺถาปิ เอเสว
นโย. อถวา ยํ จกฺขุนา รูปํ ทิสฺวา นิรนฺตรเมว วิปสฺสนํ ปฏฺฐเปตฺวา อรหตฺตํ
ปาปุณาติ, ตํ ตสฺส อรหตฺตํ จกฺขุวิญฺญาณานนฺตรํ นาม โหติ. ตํ สนฺธาย
วุตฺตํ อิทํ ทสฺสนานํ อคฺคนฺติ. ทุติเยปิ ๔- เอเสว นโย.
     ยถา สุขิตสฺสาติ เยน มคฺคสุเขน สุขิตสฺส. อนนฺตรา อาสวานํ ขโย
โหตีติ สมนนฺตรเมว อรหตฺตํ อุปฺปชฺชติ. อิทํ สุขานํ อคฺคนฺติ อิทํ มคฺคสุขํ
สุขานํ อุตฺตมํ. ยถาสญฺญิสฺสาติ อิธาปิ มคฺคสญฺญา อธิปฺเปตา. ยถาภูตสฺสาติ
ยสฺมึ ภเว ยสฺมึ อตฺตภาเว ฐิตสฺส. อนนฺตราติ อนนฺตราเยน อรหตฺตํ อุปฺปนฺนํ. ๕-
@เชิงอรรถ: ๑ ฉ.ม. อตฺเถ วุตฺเต  ๒ สี. ยถานุปริจฺเฉทํ, ฉ.ม. ยถาปริจฺเฉทํ
@๓ องฺ.ทสก. ๒๔/๖๙/๑๐๒ ปฐมกถาวตฺถุสุตฺต, ขุ.อุ. ๒๕/๓๑/๑๓๙ เมฆิยสุตฺต
@๔ ฉ.ม. ทุติยปเทปิ  ๕ ฉ.ม. อุปฺปชฺชติ
อิทํ ภวานํ อคฺคนฺติ อยํ ปจฺฉิโม อตฺตภาโว ภวานํ อคฺคํ นาม. อถวา
ยถาภูตสฺสาติ เยหิ ขนฺเธหิ มคฺคกฺขเณ ภูตสฺส วิชฺชมานสฺส. อนนฺตรา อาสวานํ
ขโย โหตีติ มคฺคานนฺตรเมว ผลํ อุปฺปชฺชติ. อิทํ ภวานํ อคฺคนฺติ อิทํ มคฺคกฺขเณ
ขนฺธปญฺจกํ ภวานํ อคฺคํ นามาติ.
                         อาฆาตวคฺโค ทุติโย.
                       -------------------

             อรรถกถาภาษาบาลีอักษรไทย เล่มที่ ๑๖ หน้า ๖๖-๖๗.
http://84000.org/tipitaka/atthapali/read_th.php?B=16&A=1477&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=1477&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=22&i=170
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=4685
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=4742
             The Pali Tipitaka in Roman Character :-
http://84000.org/tipitaka/read/roman_read.php?B=22&A=4742
             สารบัญพระไตรปิฎกเล่มที่ ๒๒
http://84000.org/tipitaka/read/?index_22