อรรถกถาเล่มที่ ๑๖ ภาษาบาลีอักษรไทย
 องฺ.อ. (มโนรถ.๓)

                         ๙. เมตฺตสุตฺตวณฺณนา
    [๖๒] นวเม มา ภิกฺขเว ปุญฺญานํ ภายิตฺถาติ ปุญฺญานิ กโรนฺตา เตสํ
มา ภายิตฺถ. เมตฺตจิตฺตํ ภาเวสินฺติ ติกจตุกฺกชฺฌานิกาย เมตฺตาย สมฺปยุตฺตํ
ปณีตํ กตฺวา จิตฺตํ ภาเวสินฺติ ทสฺเสติ. สํวฏฺฏมาเน สุทาหนฺติ ๑- สํวฏฺฏมาเน สุทํ
อหํ. สํวฏฺฏมาเนติ ฌายมาเน วินสฺสิยมาเน. ๒- ธมฺมิโกติ ทสกุสลธมฺมสมนฺนาคโต.
ธมฺมราชาติ อิทมสฺส ๓- เววจนํ. ธมฺเมน วา ลทฺธรชฺชตฺตา ธมฺมราชา. จาตุรนฺโตติ
@เชิงอรรถ: ๑ สี.,ม. สํวฏฺฏมานสฺสุทาหนฺติ  ๒ ม. วินสฺสเน, ฉ. วิปชฺชมาเน  ๓ ฉ.ม. ตสฺเสว
ปุรตฺถิมสมุทฺทาทีนํ จตุนฺนํ สมุทฺทานํ วเสน จาตุรนฺตาย ปฐวิยา อิสฺสโร.
วิชิตาวีติ วิชิตสงฺคาโม. ชนปโท ตสฺมึ ถาวริยํ ถิรภาวํ ปตฺโตติ
ชนปทตฺถาวริยปฺปตฺโต. ปโรสหสฺสนฺติ อติเรกสหสฺสํ. สูราติ อภีรุโน. วีรงฺครูปาติ
วีรานํ องฺคํ วีรงฺคํ. วิริยสฺเสตํ นามํ. วีรงฺคํ รูปเมเตสนฺติ วีรงฺครูปา.
วิริยชาติกา วิริยสภาวา มหาวิริยา ๑- วิย อกิลาสุโน ทิวสํปิ ยุชฺฌนฺตา น
กิลมนฺตีติ วุตฺตํ โหติ. สาครปริยนฺตนฺติ จกฺกวาฬปพฺพตํ สีมํ กตฺวา
ฐิตสมุทฺทปริยนฺตํ. อทณฺเฑนาติ ธนทณฺเฑนาปิ เฉชฺชเภชฺชานุสาสเนน
สตฺถทณฺเฑนปิ วินาเยว. อสตฺเถนาติ เอกโตธาราทินา ปรวิเหฐนสตฺเถนปิ วินาเยว.
ธมฺเมน อภิวิชิยาติ เอหิ โข มหาราชาติ เอวํ ปฏิราชูหิ สมฺปฏิจฺฉิตาคมโน "ปาโณ น
หนฺตพฺโพ"ติอาทินา ธมฺเมเนว วุตฺตปฺปการํ ปฐวึ อภิวิชินิตฺวา.
     สุเขสินนฺติ ๒- สุขปริเยสเก สตฺเต อามนฺเตติ. สุญฺญพฺรหฺมูปโคติ สุญฺญพฺรหฺม-
วิมานปฺปตฺโต. ๓- ปฐวึ อิมนฺติ อิมํ สาครปริยนฺตํ มหาปฐวึ. อสาหเสนาติ น
สาหสิยกมฺเมน. สเมน มนุสาสิตนฺติ ๔- สเมน กมฺเมน อนุสาสิ. ๕- เตหิ เอตํ
สุเทสิตนฺติ เตหิ สงฺคาหเกหิ มหาการุณิเกหิ พุทฺเธหิ เอตํ เอตฺตกํ ฐานํ สุเทสิตํ
สุกถิตํ. ปฐโพฺยติ ปฐวีสามิโก.

             อรรถกถาภาษาบาลีอักษรไทย เล่มที่ ๑๖ หน้า ๑๙๔-๑๙๕.
http://84000.org/tipitaka/atthapali/read_th.php?B=16&A=4339&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=16&A=4339&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=23&i=59
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=23&A=1939
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=23&A=1926
             The Pali Tipitaka in Roman Character :-
http://84000.org/tipitaka/read/roman_read.php?B=23&A=1926
             สารบัญพระไตรปิฎกเล่มที่ ๒๒
http://84000.org/tipitaka/read/?index_23