อรรถกถาเล่มที่ ๒ ภาษาบาลีอักษรไทย
 วินย.อ. (สมนฺต.๒)

หน้าที่ ๒๖๔.
     {๖๒๖} เตน สมเยนาติ วสฺสิกสาฏิกสิกฺขาปทํ ฯ ตตฺถ วสฺสิกสาฏิกา
อนุญฺาตาติ จีวรกฺขนฺธเก วิสาขาวตฺถุสฺมึ อนุญฺาตา ฯ
ปฏิกจฺเจวาติ ปุเรเยว ฯ {๖๒๗} มาโส เสโส คิมฺหานนฺติ จตุนฺนํ
คิมฺหมาสานํ เอโก ปจฺฉิมมาโส เสโส ฯ กตฺวาติ
สิพฺพนรชนกปฺปปริโยสาเนน นิฏฺาเปตฺวา ฯ กโรนฺเตน จ เอกเมว
กตฺวา สมเย อธิฏฺาตพฺพํ เทฺว อธิฏฺาตุํ น วฏฺฏติ ฯ อติเรกมาเส
เสเส คิมฺหาเนติ คิมฺหานนามเก อติเรกมาเส เสเส ฯ
อติเรกฑฺฒมาเส เสเส คิมฺหาเน กตฺวา นิวาเสตีติ เอตฺถ ปน
ตฺวา วสฺสิกสาฏิกาย ปริเยสนกฺเขตฺตํ กรณกฺเขตฺตํ นิวาสนกฺเขตฺตํ
อธิฏฺานกฺเขตฺตนฺติ จตุพฺพิธํ เขตฺตํ กุจฺฉิสมโย ปิฏฺิสมโยติ ทุวิโธ
สมโย ปิฏฺิสมยจตุกฺกํ กุจฺฉิสมยจตุกฺกนฺติ เทฺว จตุกฺกานิ จ
เวทิตพฺพานิ ฯ ตตฺถ เชฏฺมูลปุณฺณมาสิยา ปจฺฉิมปาฏิปททิวสโต
ปฏฺาย ยาว กาฬปกฺขูโปสถา อยเมโก อฑฺฒมาโส ปริเยสนกฺเขตฺตญฺเจว
กรณกฺเขตฺตญฺจ ฯ เอตสฺมึ หิ อนฺตเร วสฺสิกสาฏิกํ อลทฺธํ
ปริเยสิตุํ ลทฺธํ กาตุญฺจ วฏฺฏติ นิวาเสตุํ อธิฏฺาตุญฺจ น
วฏฺฏติ ฯ กาฬปกฺขูโปสถสฺส ปจฺฉิมปาฏิปททิวสโต ปฏฺาย ยาว
อาสาฬฺหปุณฺณมา อยเมโก อฑฺฒมาโส ปริเยสนกรณนิวาสนานํ
ติณฺณํปิ เขตฺตํ ฯ เอตสฺมึ หิ อนฺตเร อลทฺธํ ปริเยสิตุํ ลทฺธํ
กาตุํ จ นิวาเสตุํ จ วฏฺฏติ อธิฏฺาตุํเยว น วฏฺฏติ ฯ
อาสาฬฺหปุณฺณมาสิยา ปจฺฉิมปาฏิปททิวสโต ปฏฺาย ยาว
กตฺติกปุณฺณมา อิเม จตฺตาโร มาสา
---------------------------------------------------------------------------------------------
หน้าที่ ๒๖๕.
ปริเยสนกรณนิวาสนอธิฏฺานานํ จตุนฺนํปิ เขตฺตํ ฯ เอตสฺมึ หิ อนฺตเร
อลทฺธํ ปริเยสิตุํ ลทฺธํ วา กาตุํ นิวาเสตุํ อธิฏฺาตุญฺจ วฏฺฏติ ฯ
อิทํ ตาว จตุพฺพิธํ เขตฺตํ เวทิตพฺพํ ฯ กตฺติกปุณฺณมาสิยา
ปน ปจฺฉิมปาฏิปททิวสโต ปฏฺาย ยาว เขฏฺมูลปุณฺณมา
อิเม สตฺตมาสา ปิฏฺิสมโย นาม ฯ เอตสฺมึ หิ อนฺตเร กาโล
วสฺสิกสาฏิกายาติ อาทินา นเยน สตุปฺปาทํ กตฺวา
อญฺาตกอปฺปวาริตฏฺานโต วสฺสิกสาฏิกจีวรํ นิปฺผาเทนฺตสฺส อิมินา
สิกฺขาปเทน นิสฺสคฺคิยํ ปาจิตฺติยํ เทถ เม วสฺสิกสาฏิกจีวรนฺติ อาทินา
นเยน วิญฺตฺตึ กตฺวา นิปฺผาเทนฺตสฺส อญฺาตกวิญฺตฺติสิกฺขาปเทน
นิสฺสคฺคิยํ ปาจิตฺติยํ ฯ วุตฺตนเยเนว สตุปฺปาทํ กตฺวา
าตกปริวาริตฏฺานโต นิปฺผาเทนฺตสฺส อิมินาว สิกฺขาปเทน
นิสฺสคฺคิยํ ปาจิตฺติยํ วิญฺตฺตึ กตฺวา นิปฺผาเทนฺตสฺส
อญฺาตกวิญฺตฺติสิกฺขาปเทน อนาปตฺติ ฯ วุตฺตํ เหตํ ปริวาเร
         มาตรํ จีวรํ ยาเจ    โน จ สงฺเฆ ปริณตํ
         เกนสฺส โหติ อาปตฺติ  อนาปตฺติ จ าตเก
              ปญฺหาเมสา กุสเลหิ จินฺติตาติ ๑- ฯ
     อยํ หิ ปญฺโห อิมมตฺถํ สนฺธาย วุตฺโตติ ฯ เอวํ ปิฏฺิสมยจตุกฺกํ
เวทิตพฺพํ ฯ เชฏฺมูลปุณฺณมาสิยา ปน ปจฺฉิมปาฏิปททิวสโต ปฏฺาย
ยาว กตฺติกปุณฺณมา อิเม ปญฺจมาสา กุจฺฉิสมโย นาม ฯ เอตสฺมึ หิ
อนฺตเร วุตฺตนเยเนว สตุปฺปาทํ กตฺวา อญฺาตกอปฺปวาริตฏฺานโต
วสฺสิกสาฏิกจีวรํ นิปฺผาเทนฺตสฺส วตฺตเภเท ทุกฺกฏํ ฯ เย มนุสฺสา
@เชิงอรรถ: ๑. วิ. ปริวาร. ๘/๕๓๕. ตตฺเถว โน จ สงฺฆสฺสาติ ปาโ ทิสฺสติ.
---------------------------------------------------------------------------------------------
หน้าที่ ๒๖๖.
ปุพฺเพปิ วสฺสิกสาฏิกจีวรํ เทนฺติ เต ปน สเจปิ อตฺตโน
อญฺาตกอปฺปวาริตา โหนฺติ วตฺตเภโท นตฺถิ เตสุ
สตุปฺปาทกรณสฺส อนุญฺาตตฺตา ฯ วิญฺตฺตึ กตฺวา นิปฺผาเทนฺตสฺส
อญฺาตกวิญฺตฺติสิกฺขาปเทน นิสฺสคฺคิยํ ปาจิตฺติยํ ฯ กสฺมา ฯ เย
มนุสฺสา ปุพฺเพ วสฺสิกสาฏิกจีวรํ เทนฺติ เต อุปสงฺกมิตฺวา
เอวมสฺส วจนียาติ วุตฺตตฺตา ฯ อิทํ ปน ปกติยา
วสฺสิกสาฏิกทายเกสุปิ โหติเยว ฯ วุตฺตนเยเนว สตุปฺปาทํ กตฺวา
าตกปวาริตฏฺานโต นิปฺผาเทนฺตสฺส อิมินา สิกฺขาปเทน อนาปตฺติ
วิญฺตฺตึ กตฺวา นิปฺผาเทนฺตสฺส อญฺาตกวิญฺตฺติสิกฺขาปเทน อนาปตฺติ ฯ
น วตฺตพฺพา เทถ เมติ อิทํ หิ ปริเยสนกาเล อญฺาตกอปฺปวาริเตเยว
สนฺธาย วุตฺตํ ฯ เอวํ กุจฺฉิสมยจตุกฺกํ เวทิตพฺพํ ฯ นคฺโค
กายํ โอวสฺสาเปติ อาปตฺติ ทุกฺกฏสฺสาติ เอตฺถ อุทกผุสิตคณนาย
อกตฺวา นหานปริโยสานวเสน ปโยเค ปโยเค ทุกฺกเฏน
กาเรตพฺโพ ฯ โส จ โข วิวฏงฺคเณ อากาสโต ปติตอุทเกเนว
นหายนฺโต ฯ นหานโกฏฺกวาปีอาทีสุ ฆเฏหิ
อาสิตฺตอุทเกน วา นหายนฺตสฺส อนาปตฺติ ฯ วสฺสํ อุกฺกฑฺฒียตีติ
เอตฺถ สเจ กตปริโยสิตาย วสฺสิกสาฏิกาย คิมฺหานํ
ปจฺฉิมมาสํ เขเปตฺวา ปุน วสฺสานสฺส ปมมาสํ อุกฺกฑฺฒิตฺวา คิมฺหานํ
ปจฺฉิมมาสเมว กโรนฺติ วสฺสิกสาฏิกา โธวิตฺวา นิกฺขิปิตพฺพา ฯ
อนธิฏฺิตา อวิกปฺปิตา เทฺว มาเส ปริหารํ ลภติ ฯ วสฺสูปนายิกทิวเส
อธิฏฺาตพฺพา ฯ สเจ สติสมฺโมเสน วา อปฺปโหนกภาเวน
---------------------------------------------------------------------------------------------
หน้าที่ ๒๖๗.
วา อกตา โหติ เต จ เทฺว มาเส วสฺสานสฺส จาตุมฺมาสนฺติ
ฉมฺมาเส ปริหารํ ลภติ ฯ สเจ ปน กตฺติกมาเส กินํ อตฺถรียติ
อปเร จตฺตาโร มาเส ลภติ ฯ เอวํ ทส มาสา โหนฺติ ฯ ตโต
ปรํปิ สติยา ปจฺจาสาย มูลจีวรํ กตฺวา เปนฺตสฺส เอกมาสนฺติ
เอวํ เอกาทสมาเส ปริหารํ ลภติ ฯ สเจ ปน เอกาหทฺวีหาทิวเสน
ยาว ทสาหา อนาคตาย วสฺสูปนายิกาย อนฺโตวสฺเส วา ลทฺธา
เจว นิฏฺิตา จ กทา อธิฏฺาตพฺพาติ ฯ เอตํ อฏฺกถาสุ น
วิจาริตํ ฯ ลทฺธทิวสโต ปฏฺาย อนฺโตทสาเห นิฏฺิตา จ ปน
ตสฺมึเยว อนฺโตทสาเห อธิฏฺาตพฺพา ฯ ทสาหาติกฺกเม นิฏฺิตา
ตทเห อธิฏฺาตพฺพา ทสาเห อปฺปโหนฺเต จีวรกาลํ
นาติกฺกเมตพฺพาติ อยํ โน อตฺตโน มติ ฯ กสฺมา ฯ อนุชานามิ ภิกฺขเว
ติจีวรํ อธิฏฺาตุํ น วิกปฺเปตุํ วสฺสิกสาฏิกํ วสฺสานํ จาตุมฺมาสํ
อธิฏฺาตุํ ตโต ปรํ วิกปฺเปตุนฺติ ๑- หิ วุตฺตํ ฯ ตสฺมา วสฺสูปนายิกโต
ปุพฺเพ ทสาหาติกฺกเมปิ อนาปตฺติ ฯ ทสาหปรมํ อติเรกจีวรํ
ธาเรตพฺพนฺติ ๒- หิ วุตฺตํ ฯ ตสฺมา เอกาหทฺวีหาทิวเสน ยาว
ทสาหา อนาคตาย วสฺสูปนายิกาย อนฺโตวสฺเส วา ลทฺธา เจว
นิฏฺิตา จ วุตฺตนเยเนว อนฺโตทสาเห วา ตทหุ วา อธิฏฺาตพฺพา
ทสาเห อปฺปโหนฺเต จีวรกาลํ นาติกฺกเมตพฺพา ฯ ตตฺถ สิยา
วสฺสานํ จาตุมฺมาสํ อธิฏฺาตุนฺติ วจนโต จาตุมฺมาสพฺภนฺตเร
ยทา วา ตทา วา อธิฏฺาตุํ วฏฺฏตีติ ฯ ยทิ เอวํ
กณฺฑุปฏิจฺฉาทึ ยาว อาพาธา อธิฏฺาตุนฺติ วุตฺตํ สาปิ จ ทสาหํ
@เชิงอรรถ: ๑. วิ. มหาวคฺค. ๕/๒๑๘. ๒. วิ. มหาวิภงฺค ๒/๓.
---------------------------------------------------------------------------------------------
หน้าที่ ๒๖๘.
อติกฺกเมตพฺพา สิยา เอวญฺจ สติ ทสาหปรมํ อติเรกจีวรํ
ธาเรตพฺพนฺติ ๑- อิทํ วิรุชฺฌติ ตสฺมา ยถาวุตฺตเมว คเหตพฺพํ ฯ อญฺ
วา อจลการณํ ลภิตฺวา ฉฑฺเฑตพฺพํ ฯ อปิจ กุรุนฺทิยํปิ
นิสฺสคฺคิยาวสาเน วุตฺตํ กทา อธิฏฺาตพฺพา ลทฺธทิวสโต ปฏฺาย
อนฺโตทสาเห นิฏฺิตา จ ปน ตสฺมึเยว อนฺโตทสาเห อธิฏฺาตพฺพา
ยทิ นปฺปโหติ ยาว กตฺติกปุณฺณมา ปริหารํ ลภตีติ ฯ
     {๖๓๐} อจฺฉินฺนจีวรสฺสาติ เอตํ วสฺสิกสาฏิกเมว สนฺธาย วุตฺตํ ฯ เตสํ หิ
นคฺคานํ กาโยวสฺสาปเน อนาปตฺติ ฯ เอตฺถ จ มหคฺฆํ
วสฺสิกสาฏิกํ นิวาเสตฺวา นหายนฺตสฺส โจรูปทฺทโว อาปทา นาม ฯ
เสสเมตฺถ อุตฺตานเมว ฯ
     ฉสฺสมุฏฺานํ กิริยา โนสญฺาวิโมกฺขํ อจิตฺตกํ ปณฺณตฺติวชฺชํ
กายกมฺมํ วจีกมฺมํ ติจิตฺตํ ติเวทนนฺติ ฯ
                 วสฺสิกสาฏิกสิกฺขาปทํ นิฏฺิตํ ฯ

             อรรถกถาภาษาบาลีอักษรไทย เล่มที่ ๒ หน้า ๒๖๔-๒๖๘.
http://84000.org/tipitaka/atthapali/read_th.php?B=2&A=5549&modeTY=1&pagebreak=1
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=5549&modeTY=1&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=2&i=145
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=2&A=3645
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=2&A=2206
             The Pali Tipitaka in Roman Character :-
http://84000.org/tipitaka/read/roman_read.php?B=2&A=2206
             สารบัญพระไตรปิฎกเล่มที่ ๑
http://84000.org/tipitaka/read/?index_2