ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๐ ภาษาบาลีอักษรไทย วิมาน.อ. (ปรมตฺถที.)

                  ๒๗. ๑๐. ปฐมภิกฺขาทายิกาวิมานวณฺณนา
       อภิกฺกนฺเตน วณฺเณนาติ ปฐมภิกฺขาทายิกาวิมานํ. ๓- ตสฺส กา อุปฺปตฺติ? ภควา
สาวตฺถิยํ วิหรติ เชตวเน. เตน จ สมเยน อุตฺตรมธุรายํ อญฺญตรา อิตฺถี ขีณายุกา
@เชิงอรรถ:  ฉ.ม. สุนิทฺทา..., สี. สุนนฺทา....
@ สี. สุนนฺทาติ, ฉ.ม. สุนิทฺทาติ   ฉ.ม. ภิกฺขาทายิกาวิมานํ
โหติ อปาเย อุปฺปชฺชนารหา. ภควา ปุจฺจูสเวลายํ มหากรุณาสมาปตฺติโต
วุฏฺฐาย โลกํ โวโลเกนฺโต ตํ อิตฺถึ อปาเย อุปฺปชฺชนารหํ ทิสฺวา มหากรุณาย
สญฺโจทิตมานโส ตํ สุคติยํ ปติฏฺฐาเปตฺกาโม เอโก อทุติโย มธุรํ อคมาสิ. คนฺตฺวา
ปุพฺพณฺหสมยํ นิวาเสตฺวา ปตฺตจีวรํ อาทาย พหินครํ ปิณฺฑาย ปาวิสิ. เตน
สมเยน สา อิตฺถี เคเห อาหารํ สมฺปาเทตฺวา เอกมนฺเต ปฏิสาเมตฺวา ฆฏํ
คเหตฺวา อุทกติตฺถํ คนฺตฺวา นฺหายิตฺวา ฆเฏน อุทกํ คเหตฺวา อตฺตโน เคหํ
คจฺฉนฺตี  อนฺตรามคฺเค ภควนฺตํ ปสฺสิตฺวา "อปิ ภนฺเต ปิณฺโฑ ลทฺโธ"ติ วตฺวา
"ลภิสฺสามี"ติ จ ภควตา วุตฺเต อลทฺธภาวํ ญตฺวา ฆฏํ ฐเปตฺวา ภควนฺตํ
อุปสงฺกมิตฺวา วนฺทิตฺวา "อหํ ภนฺเต ปิณฺฑปาตํ ทสฺสามิ, อธิวาเสถา"ติ อาห.
อธิวาเสสิ ภควา ตุณฺหีภาเวน. สา ภควโต อธิวาสนํ วิทิตฺวา ปฐมตรํ คนฺตฺวา
สิตฺตสมฺมฏฺเฐ ปเทเส อาสนํ ปญฺญาเปตฺวา ภควโต ปเวสนํ อุทิกฺขมานา อฏฺฐาสิ.
ภควา เคหํ ปวิสิตฺวา ปญฺญตฺเต อาสเน นิสีทิ. อถ สา ภควนฺตํ โภเชสิ,
ภควา กตภตฺตกิจฺโจ โอนีตปตฺตปาณี ตสฺสา อนุโมทนํ กตฺวา ปกฺกามิ. สา
อนุโมทนํ สุตฺวา อนปฺปกํ ปีติโสมนสฺสํ ปฏิสํเวเทนฺตี ยาว จกฺขุปถสมติกฺกมา
พุทฺธารมฺมณํ ปีตึ อวิชหนฺตี นมสฺสมานา อฏฺฐาสิ.
        สา กติปยทิวสาติกฺกเมเนว กาลํ กตฺวา ตาวตึสภวเน นิพฺพตฺติ,
อจฺฉราสหสฺสญฺจสฺสา ปริวาโร อโหสิ. ตํ อายสฺมา มหาโมคฺคลฺลาโน ๑-:-
         [๒๗๐]   "อภิกฺกนฺเตน วณฺเณน    ฯเปฯ โอสธี วิย ตารกา.
         [๒๗๑]    เกน เต'ตาทิโส วณฺโณ ฯเปฯ
                       วณฺโณ จ เต สพฺพทิสา ปภาสตี"ติ
คาถาหิ ปุจฺฉิ.
@เชิงอรรถ:  สี. อถายสฺมา มหาโมคฺคลฺลาโน เทวจาริกํ จรนฺโต ตํ เทวตํ มหติยา เทวิทฺธิยา
@มหนฺเตน เทวตานุภาเวน พุทฺธญาเณนปิ ปริจฺฉินฺทิตุมสกฺกุเณยฺยํ
@ทิพฺพวิภูติมนุภวนฺตึ ทิสฺวา อิมาหิ คาถาหิ ตาย กตปุญฺญกมฺมํ ปุจฺฉิ.
         [๒๗๓]    สา เทวตา อตฺตมนา     ฯเปฯ ยสฺส กมฺมสฺสิทํ ผลํ.
         [๒๗๔]          "อหํ มนุสฺเสสุ มนุสฺสภูตา
                         ปุริมาย ชาติยา มนุสฺสโลเก.
         [๒๗๕]    อทฺทสํ วิรชํ พุทฺธํ       วิปฺปสนฺนมนาวิลํ
                  ตสฺส อทาสหํ ภิกฺขํ      ปสนฺนา เสหิ ปาณิภิ.
         [๒๗๖]    เตน เม'ตาทิโส วณฺโณ ฯเปฯ
                         วณฺโณ จ เม สพฺพทิสา ปภาสตี"ติ
เทวตา พฺยากาสิ. เสสํ สพฺพํ เหฏฺฐา วุตฺตนยตฺตา อุตฺตานตฺถเมว.
                  ปฐมภิกฺขาทายิกาวิมานวณฺณนา  นิฏฺฐิตา.
                       ------------------


             อรรถกถาภาษาบาลีอักษรไทย เล่มที่ ๓๐ หน้า ๑๓๒-๑๓๔. http://84000.org/tipitaka/atthapali/read_th.php?B=30&A=2831&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=30&A=2831&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=27              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=780              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=769              The Pali Tipitaka in Roman Character :- http://84000.org/tipitaka/read/roman_read.php?B=26&A=769              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]