ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๒ ภาษาบาลีอักษรไทย เถร.อ.๑ (ปรมตฺถที.๑)

                    ๑๘๕. ๘. สญฺชยตฺเถรคาถาวณฺณนา
      ยโต อหนฺติ อายสฺมโต สญฺชยตฺเถรสฺส คาถา. กา อุปฺปตฺติ?
      โสปิ ปุริมพุทฺเธสุ กตาธิกาโร ตตฺถ ตตฺถ วิวฏฺฏูปนิสฺสยํ ปุญฺญํ อุปจินนฺโต
วิปสฺสิสฺส ภควโต กาเล มหติ ปูเค สงฺกิตฺติวเสน ๑- วตฺถุํ สํฆริตฺวา ๒- รตนตฺตยํ
อุทฺทิสฺส ปุญฺญํ กโรนฺโต สยํ ทลิทฺโท หุตฺวา เนสํ คณาทีนํ ๓- ปุญฺญกิริยาย
พฺยาวโฏ อโหสิ. กาเลน กาลํ ภควนฺตํ อุปสงฺกมิตฺวา วนฺทิตฺวา ปสนฺนมานโส
ภิกฺขูนญฺจ ตํ ตํ เวยฺยาวจฺจํ อกาสิ. โส เตน ปุญฺญกมฺเมน เทวโลเก นิพฺพตฺโต
อปราปรํ ปุญฺญานิ กตฺวา สุคตีสุเยว สํสรนฺโต อิมสฺมึ พุทฺธุปฺปาเท ราชคเห
@เชิงอรรถ:  สี. มหตีสุ ปริสาสุ กิตฺติวเสน    สี. สํหริตฺวา    สี. ชนสงฺคหณาทิวเสน
วิภวสมฺปนฺนสฺส พฺราหฺมณสฺส ปุตฺโต หุตฺวา นิพฺพตฺติ สญฺชโย นาม นาเมน, โส
วยปฺปตฺโต พฺรหฺมายุโปกฺขรสาติอาทิเก อภิญฺญาเต พฺราหฺมเณ สาสเน อภิปฺปสนฺเน
ทิสฺวา สญฺชาตปฺปสาโท สตฺถารํ อุปสงฺกมิ. ตสฺส สตฺถา ธมฺมํ เทเสสิ. โส ธมฺมํ
สุตฺวา โสตาปนฺโน อโหสิ. อปรภาเค ปพฺพชิ. ปพฺพชนฺโต จ ขุรคฺเคเยว ฉฬภิญฺโญ
อโหสิ. เตน วุตฺตํ อปทาเน ๑- :-
         "วิปสฺสิสฺส ภควโต          มหาปูคคโณ อหุ
           เวยฺยาวจฺจกโร อาสึ       สพฺพกิจฺเจสุ วาวโฏ.
           เทยฺยธมฺโม จ เม นตฺถิ     สุคตสฺส มเหสิโน
           อวนฺทึ สตฺถุโน ปาเท       วิปฺปสนฺเนน เจตสา.
           เอกนวุติโต กปฺเป         เวยฺยาวจฺจํ อกาสหํ
           ทุคฺคตึ นาภิชานามิ         เวยฺยาวจฺจสฺสิทํ ผลํ.
           อิโต จ อฏฺฐเม กปฺเป      ราชา อาสึ สุจินฺติโต
           สตฺตรตนสมฺปนฺโน          จกฺกวตฺตี มหพฺพโล.
           กิเลสา ฌาปิตา มยฺหํ ฯเปฯ  กตํ พุทฺธสฺส สาสนนฺ"ติ.
      ฉฬภิญฺโญ ปน หุตฺวา อญฺญํ พฺยากโรนฺโต:-
       ๒- "ยโต อหํ ปพฺพชิโต         อคารสฺมา อนาคาริยํ
           นาภิชานามิ สงฺกปฺปํ        อนริยํ โทสสํหิตนฺ"ติ
คาถํ อภาสิ. ๒-
      [๔๘] ตตฺถ ยโต อหํ ปพฺพชิโตติ ยโต ปภูติ ยโต ปฏฺฐาย อหํ ปพฺพชิโต.
ปพฺพชิตกาลโต ปฏฺฐาย นาภิชานามิ สงฺกปฺปํ, อนริยํ โทสสํหิตนฺติ ราคาทิโทสสํหิตํ,
ตโตเอว อนริยํ นิหีนํ, อริเยหิ วา อนรณียตาย อนริเยหิ อรณียตาย จ อนริยํ
@เชิงอรรถ:  ขุ.อป. ๓๒/๕๑/๑๙๒ เวยฺยาวจฺจกตฺเถราปทาน  ๒-๒ "ยโต อหํ ปพฺพชิโต"ติ คาถํ อภาสิ
ปาปํ อารมฺมเณ อภูตคุณาทิสงฺกปฺปนโต "สงฺกปฺโป"ติ ลทฺธนามํ กามวิตกฺกาทิ-
มิจฺฉาวิตกฺกํ อุปฺปาทิตํ นาภิชานามีติ, "ขุรคฺเคเยว มยา อรหตฺตํ ปตฺตนฺ"ติ อญฺญํ
พฺยากาสิ.
                    สญฺชยตฺเถรคาถาวณฺณนา นิฏฺฐิตา.
                         --------------


             อรรถกถาภาษาบาลีอักษรไทย เล่มที่ ๓๒ หน้า ๑๘๕-๑๘๗. http://84000.org/tipitaka/atthapali/read_th.php?B=32&A=4166&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=32&A=4166&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=185              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5262              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5514              The Pali Tipitaka in Roman Character :- http://84000.org/tipitaka/read/roman_read.php?B=26&A=5514              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]