ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๒ ภาษาบาลีอักษรไทย เถร.อ.๑ (ปรมตฺถที.๑)

                    ๒๒๙. ๒. วิชยตฺเถรคาถาวณฺณนา
      ยสฺสาสวา ปริกฺขีณาติ อายสฺมโต วิชยตฺเถรสฺส คาถา. กา อุปฺปตฺติ?
      อยมฺปิ ปุริมพุทฺเธสุ กตาธิกาโร ปิยทสฺสิสฺส ภควโต กาเล วิภวสมฺปนฺเน
กุเล นิพฺพตฺติตฺวา วิญฺญุตํ ปตฺโต สตฺถริ ปรินิพฺพุเต ตสฺส ถูปสฺส รตนขจิตํ
เวทิกํ กาเรตฺวา ตตฺถ อุฬารํ เวทิกามหํ กาเรสิ. โส เตน ปุญฺญกมฺเมน อเนกสเต
อตฺตภาเว มณิโอภาเสน วิจริ. เอวํ เทวมนุสฺเสสุ สํสรนฺโต อิมสฺมึ พุทฺธุปฺปาเท
สาวตฺถิยํ พฺราหฺมณกุเล นิพฺพตฺติ, วิชโยติสฺส นามํ อโหสิ. โส วยปฺปตฺโต
พฺราหฺมณวิชฺชาสุ นิปฺผตฺตึ คโต ตาปสปพฺพชฺชํ ปพฺพชิตฺวา อรญฺญายตเน ฌานลาภี
หุตฺวา วิหรนฺโต พุทฺธุปฺปาทํ สุตฺวา อุปฺปนฺนปฺปสาโท สตฺถุ สนฺติกํ
อุปสงฺกมิตฺวา สตฺถารํ วนฺทิตฺวา เอกมนฺตํ นิสีทิ. ตสฺส สตฺถา ธมฺมํ เทเสสิ.
@เชิงอรรถ:  ขุ.ขุทฺทก. ๒๕/๔/๕ รตนสุตฺต, ขุ.สุตฺต. ๒๕/๒๒๗/๓๗๗ รตนสุตฺต
@ องฺ.จตุกฺก. ๒๑/๓๔/๓๙ อคฺคปฺปสาทสุตฺต, ขุ.อิติ. ๒๕/๙๐/๓๐๘ อคฺคปฺปสาทสุตฺต
@ องฺ.ปญฺจก. ๒๒/๑๔๐/๑๘๓ ราชวคฺค: โสตสุตฺต (สฺยา), องฺ. ทสก. ๒๔/๖/๗ สมาธิสุตฺต
โส ธมฺมํ สุตฺวา ปพฺพชิตฺวา วิปสฺสนํ ปฏฺฐเปตฺวา น จิรสฺเสว อรหตฺตํ ปาปุณิ.
เตน วุตฺตํ อปทาเน  ๑- :-
          "นิพฺพุเต โลกนาถมฺหิ         ปิยทสฺสีนรุตฺตเม
           ปสนฺนจิตฺโต สุมโน          มุตฺตาเวทิมกาสหํ.
           มณีหิ ปริวาเรตฺวา          อกาสึ เวทิมุตฺตมํ
           เวทิกาย มหํ กตฺวา         ตตฺถ กาลงฺกโต อหํ.
           ยํ ยํ โยนุปปชฺชามิ          เทวตฺตํ อถ มานุสํ
           มณี ธาเรนฺติ อากาเส       ปุญฺญกมฺมสฺสิทํ ผลํ.
           โสฬสิโต กปฺปสเต          มณิปฺปภาสนามกา
           ฉตฺตึสาสึสุ ราชาโน         จกฺกวตฺตี มหพฺพลา.
           กิเลสา ฌาปิตา มยฺหํ ฯเปฯ   กตํ พุทฺธสฺส สาสนนฺ"ติ.
      อรหตฺตํ ปน ปตฺวา อญฺญํ พฺยากโรนฺโต:-
     [๙๒] ๒- "ยสฺสาสวา ปริกฺขีณา      อาหาเร จ อนิสฺสิโต
              สุญฺญโต อนิมิตฺโต จ      วิโมกฺโข ยสฺส โคจโร.
              อากาเสว สกุนฺตานํ      ปทํ ตสฺส ทุรนฺวยนฺ"ติ
คาถํ อภาสิ. ๒-
      ตตฺถ ยสฺสาสวา ปริกฺขีณาติ ยสฺส อุตฺตมปุคฺคลสฺส กามาสวาทโย จตฺตาโร
อาสวา สพฺพโส ขีณา อริยมคฺเคน เขปิตา. อาหาเร จ อนิสฺสิโตติ โย จ
อาหาเร ตณฺหาทิฏฺฐินิสฺสเยหิ อนิสฺสิโต อคธิโต ๓- อนชฺฌาปนฺโน, นิทสฺสนมตฺตํ,
อาหารสีเสเนตฺถ จตฺตาโรปิ ปจฺจยา คหิตาติ ทฏฺฐพฺพํ. ปจฺจยปริยาโย วา อิธ
อาหารสทฺโท เวทิตพฺโพ. สุญฺญโต อนิมิตฺโต จาติ เอตฺถ อปฺปณิหิตวิโมกฺโขปิ
@เชิงอรรถ:  ขุ.อป. ๓๒/๑๐/๒๓๔ เวทิการกตฺเถราปทาน  ๒-๒ ฉ.ม. "ยสฺสาสวา ปริกฺขีณา"ติ
@  คาถํ อภาสิ   สี. อคถิโต
คหิโตเยว, ตีณิปิ เจตานิ นิพฺพานสฺเสว นามานิ. นิพฺพานญฺหิ ราคาทีนํ อภาเวน
สุญฺญํ, เตหิ สุญฺญา วิมุตฺติ จาติ ๑- สุญฺญตวิโมกฺโข, ตถา ราคาทินิมิตฺตาภาเวน
สงฺขารนิมิตฺตาภาเวน จ อนิมิตฺตํ, เตหิ อนิมิตฺตา วิมุตฺติ จาติ ๑-
อนิมิตฺตวิโมกฺโข, ราคาทิปณิธีนํ อภาเวน อปฺปณิหิตํ, เตหิ อปฺปณิหิตา วิมุตฺติ
จาติ ๑- อปฺปณิหิตวิโมกฺโขติ วุจฺจติ. ผลสมาปตฺติวเสน ตํ อารมฺมณํ กตฺวา
วิหรนฺตสฺส อยมฺปิ ติวิโธ วิโมกฺโข ยสฺส โคจโร. อากาเสว สกุนฺตานํ, ปทํ ตสฺส
ทุรนฺวยนฺติ ๒- ยถา อากาเส คจฺฉนฺตานํ สกุณานํ "อิมสฺมึ ฐาเน ปาเทหิ อกฺกมิตฺวา
คตา, อิทํ ฐานํ อุทเรน ๓- ปหริตฺวา คตา, อิทํ สีเสน, อิทํ ปกฺเขหี"ติ น สกฺกา
ญาตุํ, ๔- เอวเมว เอวรูปสฺส ภิกฺขุโน "นิรยปทาทีสุ อิมินา นาม ปเทน คโต"ติ ญาเปตุํ
จ น สกฺกาติ.
                     วิชยตฺเถรคาถาวณฺณนา นิฏฺฐิตา.
                          -------------


             อรรถกถาภาษาบาลีอักษรไทย เล่มที่ ๓๒ หน้า ๒๙๘-๓๐๐. http://84000.org/tipitaka/atthapali/read_th.php?B=32&A=6632&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=32&A=6632&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=229              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5515              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5708              The Pali Tipitaka in Roman Character :- http://84000.org/tipitaka/read/roman_read.php?B=26&A=5708              สารบัญพระไตรปิฎกเล่มที่ ๒๖ http://84000.org/tipitaka/read/?index_26

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]