อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                    ๕. กิมฺปกฺกชาตกํ
     อายตึ โทสํ นาญฺายาติ อิทํ สตฺถา เชตวเน วิหรนฺโต
เอกํ อุกฺกณฺิตภิกฺขุํ อารพฺภ กเถสิ ฯ
     อญฺตโร กิร กุลปุตฺโต พุทฺธสาสเน อุรํ ทตฺวา ปพฺพชิโต
เอกทิวสํ สาวตฺถิยํ ปิณฺฑาย จรนฺโต เอกํ อลงฺกตํ อิตฺถึ ทิสฺวา
อุกฺกณฺิ ฯ อถ นํ อาจริยุปชฺฌายา สตฺถุ สนฺติกํ อานยึสุ ฯ
สตฺถา สจฺจํ กิร ตฺวํ ภิกฺขุ อุกฺกณฺิโตสีติ ปุจฺฉิตฺวา สจฺจนฺติ
---------------------------------------------------------------------------------------------
หน้าที่ ๑๙๗.
วุตฺเต ภิกฺขุ ปญฺจ กามคุณา นาเมเต ปริโภคกาเล รมฺมณียา
โส ปน เนสํ ปริโภโค นิรยาทีสุ ปฏิสนฺธิทายกตฺตา
กิมฺปกฺกผลปริโภคสทิโส โหติ กิมฺปกฺกผลํ นาม วณฺณคนฺธรสสมฺปนฺนํ
ขาทิตํ ปน อนฺตานิ ขณฺเฑตฺวา ชีวิตกฺขยํ ปาเปติ ปุพฺเพ พหู ชนา
ตสฺส โทสํ อทิสฺวา วณฺณคนฺธรเสสุ พชฺฌิตฺวา ตํ ผลํ ปริภุญฺชิตฺวา
ชีวิตกฺขยํ ปาปุณึสูติ วตฺวา เตหิ ภิกฺขูหิ ยาจิโต อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
สตฺถวาโห หุตฺวา ปญฺจหิ สกฏสเตหิ ปุพฺพนฺตาปรนฺตํ คจฺฉนฺโต
อฏวีมุขํ ปตฺวา มนุสฺเส สนฺนิปาเตตฺวา อิมิสฺสา อฏวิยา วิสรุกฺขา
นาม อตฺถิ มา โข มํ อนาปุจฺฉา ปุพฺเพ อขาทิตปุพฺพานิ ผลาผลานิ
ขาทิตฺถาติ โอวทิ ฯ มนุสฺสา อฏวึ อติกฺกมิตฺวา  อฏวีมุเข เอกํ
กิมฺปกฺกรุกฺขํ ผลภารโอนมิตสาขํ อทฺทสํสุ ฯ ตสฺส ขนฺธสาขาปตฺตผลานิ
สณฺานวณฺณคนฺธรเสหิ อมฺพสทิสาเนว ฯ เตสุ เอกจฺเจ
วณฺณคนฺธรเสสุ พชฺฌิตฺวา อมฺพผลสญฺาย ผลานิ ขาทึสุ เอกจฺเจ
สตฺถวาหํ ปุจฺฉิตฺวา ขาทิสฺสามาติ คเหตฺวา อฏฺสุ ฯ โพธิสตฺโต
ตํ านํ ปตฺวา เต คเหตฺวา ิเต ผลานิ ฉฑฺฑาเปตฺวา เย
ขาทิตฺวา อฏฺสุ เต วมนํ กาเรตฺวา เตสํ เภสชฺชํ อทาสิ ฯ
เตสุ เอกจฺเจ อโรคา ชาตา ปมเมว ขาทิตฺวา ิตา ปน
ชีวิตกฺขยํ ปตฺตา ฯ โพธิสตฺโตปิ อิจฺฉิตฏฺานํ โสตฺถินา คนฺตฺวา
ลาภํ ลภิตฺวา ปุน สกฏฺานเมว อาคนฺตฺวา ทานาทีนิ ปุญฺานิ
กตฺวา ยถากมฺมํ คโต ฯ
---------------------------------------------------------------------------------------------
หน้าที่ ๑๙๘.
     สตฺถา ตํ วตฺถุํ กเถตฺวา อภิสมฺพุทฺโธ หุตฺวา อิมํ คาถมาห
         อายตึ โทสํ นาญฺาย       โย กาเม ปฏิวิเสวติ
         วิปากนฺเต หนนฺตี นํ        กิมฺปกฺกมิว ภกฺขิตนฺติ ฯ
     ตตฺถ อายตึ โทสํ นาญฺายาติ อนาคเต โทสํ น อญฺาย
อชานิตฺวาติ อตฺโถ ฯ โย กาเม ปฏิเสวตีติ โย วตฺถุกาเม จ
กิเลสกาเม จ ปฏิเสวติ ฯ วิปากนฺเต หนนฺตี นนฺติ เต กามา นํ ปุริสํ
อตฺตโน วิปากสงฺขาเต อนฺเต นิรยาทีสุ อุปฺปนฺนํ นานปฺปกาเรน ทุกฺเขน
สํโยชิยมานา หนนฺติ ฯ กถํ ฯ กิมฺปกฺกมิว ภกฺขิตนฺติ ยถา
ปริโภคกาเล วณฺณคนฺธรสสมฺปตฺติยา มนาปํ กิมฺปกฺกผลํ อนาคตโทสํ
อทิสฺวา ภกฺขิตํ ชีวิตกฺขยํ ปาเปติ เอวํ ปริโภคกาเล มนาปาปิ
กามา วิปากกาเล หนนฺตีติ ฯ
     สตฺถา เทสนํ ยถานุสนฺธึ ปาเปตฺวา สจฺจานิ ปกาเสสิ ฯ
อุกฺกณฺิตภิกฺขุ โสตาปตฺติผลํ ปาปุณิ ฯ เสสปริสา เกจิ โสตาปนฺนา
เกจิ สกทาคามิโน เกจิ อนาคามิโน เกจิ อรหนฺโต อเหสุํ ฯ
สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ปริสา
พุทฺธปริสา อเหสุํ สตฺถวาโห ปน อหเมวาติ ฯ
                   กิมฺปกฺกชาตกํ ปญฺจมํ ฯ
                     ------------

             อรรถกถาภาษาบาลีอักษรไทย เล่มที่ ๓๖ หน้า ๑๙๖-๑๙๘.
http://84000.org/tipitaka/atthapali/read_th.php?B=36&A=3965&modeTY=1&pagebreak=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=3965&modeTY=1&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=85
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=563
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=558
             The Pali Tipitaka in Roman Character :-
http://84000.org/tipitaka/read/roman_read.php?B=27&A=558
             สารบัญพระไตรปิฎกเล่มที่ ๒๗
http://84000.org/tipitaka/read/?index_27