บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๗ สาลิตฺตกชาตกํ สาธุ โข สิปฺปกนฺนามาติ อิทํ สตฺถา เชตวเน วิหรนฺโต เอกํ หํสปฺปหรณกํ ภิกฺขุํ อารพฺภ กเถสิ ฯ โส กิเรโก สาวตฺถีวาสิกุลปุตฺโต สาลิตฺตกสิปฺเป นิปฺผตฺตึ ปตฺโต ฯ สาลิตฺตกสิปฺปนฺติ สกฺขราขิปนสิปฺปํ วุจฺจติ ฯ โส เอกทิวสํ ธมฺมํ สุตฺวา สาสเน อุรํ ทตฺวา ปพฺพชิตฺวา อุปสมฺปทํ ลภิ--------------------------------------------------------------------------------------------- หน้าที่ ๒๗๔.
น ปน สิกฺขากาโม น ปฏิปตฺติสาธโก อโหสิ ฯ โส เอกทิวสํ เอกํ ทหรภิกฺขุํ อาทาย อจิรวตึ คนฺตฺวา นฺหายิตฺวา นทีตีเร อฏฺาสิ ฯ ตสฺมึ สมเย เทฺว เสตหํสา อากาเสน คจฺฉนฺติ ฯ โส ตํ ทหรํ อาห อิมํ ปจฺฉิมหํสํ สกฺขราย อกฺขิมฺหิ ปหริตฺวา ปาทมูเล เต ปาเตมีติ ฯ อิตโร กถํ ปาเตสฺสสิ น สกฺขิสฺสสิ ปหริตุนฺติ อาห ฯ อิตโร ติฏฺตุ ตาวสฺส โอรโต อกฺขึ ปรโต อกฺขิมฺหิ ตํ ปหรามีติ ฯ อิทานิ ปน อสนฺตํ กเถสีติ ฯ เตนหิ อุปธาเรหีติ เอกํ ติขิณสกฺขรํ คเหตฺวา องฺคุลิยา ปริวตฺเตตฺวา ตสฺส หํสสฺส ปจฺฉโต ขิปิ ฯ สา รุหุนฺติ สทฺทมกาสิ ฯ หํโส ปริสฺสเยน ภวิตพฺพนฺติ นิวตฺเตตฺวา สทฺทํ โสตุํ อารภิ ฯ อิตโร ตสฺมึ ขเณ เอกํ วฏฺฏสกฺขรํ คเหตฺวา ตสฺส นิวตฺเตตฺวา โอโลเกนฺตสฺส อปรภาเค อกฺขึ ปหริ ฯ สกฺขรา อิตรมฺปิ อกฺขึ วินิวิชฺฌิตฺวา คตา ฯ หํโส มหารวํ รวนฺโต ปาทมูเลเยว ปติ ฯ ตโต ตโต ภิกฺขู อาคนฺตฺวา ครหิตฺวา อนนุจฺฉวิกํ เต กตนฺติ สตฺถุ สนฺติกํ เนตฺวา ภนฺเต อิมินา อิทนฺนาม กตนฺติ ตมตฺถํ อาโรเจสุํ ฯ สตฺถา ตํ ภิกฺขุํ ครหิตฺวา น ภิกฺขเว อิทาเนว เอส ตสฺมึ สิปฺเป กุสโล ปุพฺเพปิ กุสโลเยว อโหสีติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ตสฺส อมจฺโจ อโหสิ ฯ ตสฺมึ กาเล รญฺโ ปุโรหิโต อติมุขโร โหติ พหุภาณี ฯ ตสฺมึ กเถตุํ อารทฺเธ อญฺเ โอกาสเมว น ลภนฺติ ฯ ราชาปิ จินฺเตสิ กทา นุ โข เอตสฺส วจนปจฺเฉทกํ--------------------------------------------------------------------------------------------- หน้าที่ ๒๗๕.
กญฺจิ ลภิสฺสามีติ ฯ โส ตโต ปฏฺาย ตถารูปํ เอกํ อุปธาเรนฺโต วิจรติ ฯ ตสฺมึ กาเล พาราณสิยํ เอโก ปีสปฺปิ สกฺขราขิปนสิปฺเป นิปฺผตฺตึ ปตฺโต ฯ คามทารกา นํ รถกํ อาโรเปตฺวา อากฑฺฒมานา พาราณสีนครทฺวารมูเล เอโก วิฏปสมฺปนฺโน มหานิโคฺรโธ อตฺถิ ตตฺถ อาเนตฺวา สมฺปริวาเรตฺวา กากณิกาทีนิ ทตฺวา หตฺถิรูปกํ กร อสฺสรูปกํ กราติ วทนฺติ ฯ โส สกฺขรา ขิปิตฺวา นิโคฺรธปณฺเณสุ นานารูปานิ ทสฺเสติ ฯ สพฺพานิ ปณฺณานิ ฉิทฺทาวจฺฉิทฺทาเนว อเหสุํ ฯ อถ พาราณสีราชา อุยฺยานํ คจฺฉนฺโต ตํ านํ ปาปุณิ ฯ อุสฺสารณภเยน สพฺเพ ทารกา ปลายึสุ ฯ ปีสปฺปิ ตตฺเถว นิปชฺชิ ฯ ราชา นิโคฺรธมูลํ ปตฺวา รเถว นิสินฺโน ปตฺตานํ ฉิทฺทตาย ฉายํ กพรกพรํ ทิสฺวา โอโลเกนฺโต สพฺเพสํ ปตฺตานํ ฉิทฺทภาวํ ทิสฺวา เกเนตานิ เอวํ กตานีติ ปุจฺฉิ ฯ ปีสปฺปินา เทวาติ ฯ ราชา อิมํ นิสฺสาย พฺราหฺมณสฺส วจนปจฺเฉทํ กาตุํ สกฺกา ภวิสฺสตีติ จินฺเตตฺวา กหํ ภเณ ปีสปฺปีติ ปุจฺฉิ ฯ วิจินนฺตา นํ มูลนฺตเร นิปนฺนํ ทิสฺวา อยํ เทวาติ อาหรึสุ ฯ ราชา ตํ ปกฺโกสาเปตฺวา ปริสํ อุสฺสาเรตฺวา ปุจฺฉิ อมฺหากํ สนฺติเก เอโก มุขรพฺราหฺมโณ อตฺถิ สกฺขิสฺสสิ ตํ นิสฺสทฺทํ กาตุนฺติ ฯ นาฬิมตฺตา อชลณฺฑิกา ลภนฺโต สกฺขิสฺสามิ เทวาติ ฯ ราชา ปีสปฺปึ ฆรํ เนตฺวา อนฺโตสาณิยํ นิสีทาเปตฺวา สาณิยา ฉิทฺทํ กาเรตฺวา พฺราหฺมณสฺส ฉิทฺทาภิมุขํ อาสนํ ปญฺาเปตฺวา นาฬิมตฺตา สุกฺขา อชลณฺฑิกา ปีสปฺปิสฺส สนฺติเก ปาเปตฺวา พฺราหฺมณํ--------------------------------------------------------------------------------------------- หน้าที่ ๒๗๖.
อุปฏฺานกาเล อาคตํ ตสฺมึ อาสเน นิสีทาเปตฺวา กถํ สมุฏฺาเปสิ ฯ พฺราหฺมโณ อญฺเสํ โอกาสํ อทตฺวา รญฺา สทฺธึ กเถตุํ อารภิ ฯ อถสฺส โส ปีสปฺปิ สาณิจฺฉิทฺเทน เอเกกํ อชลณฺฑิกํ ปจฺฉิยํ ปเวเสนฺโต วิย ตาลุตลมฺหิเยว ปาเตติ ฯ พฺราหฺมโณ อาคตาคตํ นาฬิยํ เตลํ ปเวเสนฺโต วิย คิลติ ฯ สพฺพา ปริกฺขยํ คมึสุ ฯ ตสฺส ตา นาฬิมตฺตา อชลณฺฑิกา กุจฺฉึ ปวิฏฺา อฑฺฒาฬฺหกมตฺตา อเหสุํ ฯ ราชา ตาสํ ปริกฺขีณภาวํ ตฺวา อาห อาจริย ตุมฺเหหิ อติมุขรตาย นาฬิมตฺตา อชลณฺฑิกา คิลิตา กิญฺจิ น ชานิตฺถ อิโตทานิ อุตฺตรึ ชิราเปตุํ น สกฺขิสฺสถ คจฺฉถ ปิยงฺคุทกํ ปิวิตฺวา ฉฑฺเฑตฺวา อตฺตานํ อโรคํ กโรถาติ ฯ พฺราหฺมโณ ตโต ปฏฺาย ปิหิตมุโข วิย หุตฺวา กเถนฺเตนาปิ สทฺธึ อกถนสีโล อโหสิ ฯ ราชา อิมินา เม กณฺณสุขํ กตนฺติ ปีสปฺปิสฺส สตสหสฺสุฏฺานเก จตูสุ ทิสาสุ จตฺตาโร คาเม อทาสิ ฯ โพธิสตฺโต ราชานํ อุปสงฺกมิตฺวา เทว สิปฺปํ นาม โลเก ปณฺฑิเตหิ อุคฺคณฺหิตพฺพํ ปีสปฺปินา สาลิตฺตกมตฺเตนาปิ อยํ สมฺปตฺติ ลทฺธาติ วตฺวา อิมํ คาถมาห สาธุ โข สิปฺปกนฺนาม อปิ ยาทิสกีทิสํ ปสฺส ขญฺชปฺปหาเรน ลทฺธา คามา จตุทฺทิสาติ ฯ ตตฺถ ปสฺส ขญฺชปฺปหาเรนาติ ปสฺส มหาราช อิมินา ขญฺชปีสปฺปินา อชลณฺฑิกาปหาเรน จตุทฺทิสา จตฺตาโร คามา ลทฺธา อญฺเสํ สิปฺปานํ โก อานิสํสปริจฺเฉโทติ สิปฺปสฺส คุณํ กเถสิ ฯ--------------------------------------------------------------------------------------------- หน้าที่ ๒๗๗.
สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา ปีสปฺปิ อยํ ภิกฺขุ อโหสิ ราชา อานนฺโท ปณฺฑิตามจฺโจ ปน อหเมวาติ ฯ สาลิตฺตกชาตกํ สตฺตมํ ฯ ----------อรรถกถาภาษาบาลีอักษรไทย เล่มที่ ๓๖ หน้า ๒๗๓-๒๗๗. http://84000.org/tipitaka/atthapali/read_th.php?B=36&A=5495&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=36&A=5495&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=107 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=704 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=702 The Pali Tipitaka in Roman Character :- http://84000.org/tipitaka/read/roman_read.php?B=27&A=702 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]