อรรถกถาเล่มที่ ๓๖ ภาษาบาลีอักษรไทย
 ชา.อ.๒ เอกนิปาต(๒)

                     ๓. ฆตาสนชาตกํ
     เขมํ ยหินฺติ อิทํ สตฺถา เชตวเน วิหรนฺโต อญฺตรํ ภิกฺขุํ
อารพฺภ กเถสิ ฯ
     โส หิ ภิกฺขุ สตฺถุ สนฺติกา กมฺมฏฺานํ คเหตฺวา เอกํ
ปจฺจนฺตคามํ คนฺตฺวา เอกํ คามกํ นิสฺสาย อรญฺเสนาสเน วสฺสํ
อุปคจฺฉิ ฯ ตสฺส ปมมาเสเยว ปิณฺฑาย ปวิฏฺสฺส ปณฺณสาลา
ฌายิตฺถ ฯ โส วสนฏฺานาภาเวน กิลมนฺโต อุปฏฺากานํ อาจิกฺขิ ฯ
เต โหตุ ภนฺเต ปณฺณสาลํ กริสฺสาม กสาม ตาว วปาม
ตาวาติ อาทีนิ วทนฺตา เตมาสํ วีตินาเมสุํ ฯ โส เสนาสนสปฺปายาภาเวน
กมฺมฏฺานํ มตฺถกํ ปาเปตุํ นาสกฺขิ ฯ โส นิมิตฺตมตฺตมฺปิ
อนุปฺปาเทตฺวา วุฏฺวสฺโส เชตวนํ คนฺตฺวา สตฺถารํ วนฺทิตฺวา เอกมนฺตํ
นิสีทิ ฯ สตฺถา เตน สทฺธึ ปฏิสณฺารํ กตฺวา กินฺนุ โข เต
ภิกฺขุ กมฺมฏฺานํ สปฺปายํ ชาตนฺติ ปุจฺฉิ ฯ โส อาทิโต ปฏฺาย
อสปฺปายภาวํ กเถสิ ฯ สตฺถา ปุพฺเพ โข ภิกฺขุ ติรจฺฉานาปิ
อตฺตโน สปฺปายาสปฺปายํ ตฺวา สปฺปายกาเล วสิตฺวา อสปฺปายกาเล
วสนฏฺานํ ปหาย อญฺตฺถ อคมํสุ กสฺมา อตฺตโน สปฺปายาสปฺปายํ
น อญฺาสีติ วตฺวา เตน ยาจิโต อตีตํ อาหริ ฯ
     อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต
สกุณโยนิยํ นิพฺพตฺติตฺวา วิญฺุตํ ปตฺวา โสภคฺคปฺปตฺโต สกุณราชา
หุตฺวา เอกสฺมึ อรญฺายตเน ชาตสฺสรตีเร สาขาวิฏปสมฺปนฺนํ
พหลปตฺตปลาสํ มหารุกฺขํ อุปนิสฺสาย สปริวาโร วาสํ กปฺเปสิ ฯ
พหู สกุณา ตสฺส รุกฺขสฺส อุทกมตฺถเก ปฏฺฏสาขาสุ วสนฺตา
สรีรวลญฺชํ อุทเก ปาเตนฺติ ฯ ตสฺมิญฺจ ชาตสฺสเร จณฺโฑ
นาคราชา วสติ ฯ ตสฺส เอตทโหสิ อิเม สกุณา มยฺหํ
นิวาสชาตสฺสเร สรีรวลญฺชํ ปาเตนฺติ ยนฺนูนาหํ อุทกโต อคฺคึ
อุฏฺาเปตฺวา รุกฺขํ ฌาเปตฺวา เอเต ปลาเปยฺยนฺติ ฯ โส กุทฺธมานโส
รตฺติภาเค สพฺพสกุณานํ สนฺนิปติตฺวา รุกฺขสาขาสุ นิปนฺนกาเล ปมํ
ตาว อุทฺธนาโรปิตํ วิย อุทกํ ปกฺกุฏฺาเปตฺวา ทุติยวาเร ธูมํ
อุปฏฺาเปตฺวา ตติยวาเร ตาลกฺขนฺธปฺปมาณํ ชาลํ อุฏฺาเปสิ ฯ
โพธิสตฺโต อุทกโต ชาลํ อุฏฺหมานํ ทิสฺวา โภ สกุณา อคฺคินา
อาทิตฺตํ นาม อุทเกน นิพฺพาเปนฺติ อิทานิ ปน อุทกเมว อาทิตฺตํ
น สกฺกา อมฺเหหิ อิธ วสิตุํ อญฺตฺถ คมิสฺสามาติ วตฺวา อิมํ
คาถมาห
              เขมํ ยหึ ตตฺถ อรี อุทีริโต
              ทกสฺส มชฺเฌ ชลเต ฆตาสโน
              น อชฺช วาโส มหิยา มหีรุเห
              ทิสา ภชวฺโห สรณชฺช โน ภยนฺติ ฯ
     ตตฺถ เขมํ ยหึ ตตฺถ อรี อุทีริโตติ ยสฺมึ อุทกปิฏฺเ
เขมภาโว นิพฺภยภาโว ตสฺมึ สตฺตุ ปจฺจตฺถิโก สมฺปตฺโต ฯ
ทกสฺสาติ อุทกสฺส ฯ ฆตาสโนติ อคฺคิ โส หิ ฆตํ อสนาติ
ตสฺมา ฆตาสโนติ วุจฺจติ ฯ น อชฺช วาโสติ อชฺช โน วาโส
นตฺถิ ฯ มหิยา มหีรุเหติ มหิรุโหติ วุจฺจติ รุกฺโข ฯ ตสฺมึ ฯ
อิมิสฺสา มหิยา ชาเต รุกฺเขติ อตฺโถ ฯ ทิสา ภชวฺโหติ ทิสา ภชถ
คจฺฉถ ฯ สรณชฺช โน ภยนฺติ อชฺช อมฺหากํ สรณโตว ภยํ
ชาตํ ปฏิสรณฏฺานโต ภยํ อุปฺปนฺนนฺติ อตฺโถ ฯ
     เอวํ วตฺวา โพธิสตฺโต อตฺตโน วจนกเร สกุเณ อาทาย
อุปฺปติตฺวา อญฺตฺถ คโต ฯ โพธิสตฺตสฺส วจนํ อคเหตฺวา
ิตสกุณา ชีวิตกฺขยํ ปตฺตา ฯ
     สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ
สโมธาเนสิ ฯ สจฺจปริโยสาเน โส ภิกฺขุ อรหตฺเต ปติฏฺาสิ ฯ
ตทา โพธิสตฺตสฺส วจนกรา สกุณา พุทฺธปริสา อเหสุํ สกุณราชา
ปน อหเมวาติ ฯ
                    ฆตาสนชาตกํ ตติยํ ฯ
                        -------

             อรรถกถาภาษาบาลีอักษรไทย เล่มที่ ๓๖ หน้า ๓๕๕-๓๕๗.
http://84000.org/tipitaka/atthapali/read_th.php?B=36&A=7058&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=36&A=7058&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=27&i=133
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=881
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=874
             The Pali Tipitaka in Roman Character :-
http://84000.org/tipitaka/read/roman_read.php?B=27&A=874
             สารบัญพระไตรปิฎกเล่มที่ ๒๗
http://84000.org/tipitaka/read/?index_27