ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย  
อรรถกถาเล่มที่ ๓๗ ภาษาบาลีอักษรไทย ชา.อ.๓ ทุกนิปาตวณฺณนา

                      ๗ คูถปาณชาตกํ
     สูโร สูเรน สงฺคมฺมาติ อิทํ สตฺตา เชตวเน วิหรนฺโต
อญฺตรํ ภิกฺขุํ อารพฺภ กเถสิ ฯ
     ตสฺมึ กิร กาเล เชตวนโต คาวุตทฺธโยชนมตฺเต ๑- เอโก
นิคมคาโม อโหสิ ฯ ตตฺถ พหูนิ สลากภตฺตปกฺขิกภตฺตานิ อตฺถิ ฯ
@เชิงอรรถ:  คาวุตทฺวิโยชนมตฺเตติปิ ฯ
ตตฺเถโก ปญฺหปุจฺฉโก โกณฺโฑ วสติ ฯ โส สลากภตฺตปกฺขิกภตฺตานํ
อตฺถาย คเต ทหรภิกฺขู จ สามเณเร จ เก ปิวนฺติ,
เก ขาทนฺติ, เก ภุญฺชนฺตีติ ปญฺหํ ปุจฺฉิตฺวา กเถตุํ อสกฺโกนฺเต
ลชฺชาเปสิ ฯ เต ตสฺส โกณฺฑสฺส ภเยน สลากภตฺตปกฺขิกภตฺตตฺถาย
ตํ คามํ น คจฺฉนฺติ ฯ อเถกทิวสํ เอโกปิ ภิกฺขุ สลากคฺคํ คนฺตฺวา
ภนฺเต อสุกคาเม สลากภตฺตํ วา ปกฺขิกภตฺตํ วา อตฺถีติ ปุจฺฉิตฺวา
อตฺถาวุโส, ตตฺถ ปเนโก โกณฺโฑ ปญฺหํ ปุจฺฉติ, กเถตุํ อสกฺโกนฺเต
อกฺโกสติ ปริภาสติ, ตสฺส ภเยน เกจิ คนฺตุํ น สกฺโกนฺตีติ วุตฺเต
ภนฺเต ตตฺถ ภตฺตานิ มยฺหํ ปาเปถ, อหนฺตํ ทเมตฺวา นิพฺพิเสวนํ
กตฺวา ตโต ปฏฺาย อมฺเห ทิสฺวา ปลายนกํ กริสฺสามีติ อาห ฯ
ภิกฺขู สาธูติ สมฺปฏิจฺฉิตฺวา ตสฺส ตตฺถ ภตฺตานิ ปาเปสุํ ฯ
โส ตตฺถ คนฺตฺวา คามทฺวาเร จีวรํ ปารุปิ ฯ ตํ ทิสฺวา โกณฺโฑ
จณฺฑเมณฺฑโก วิย เวเคน อุปคนฺตฺวา ปญฺหํ เม สมณ กเถหีติ
อาห ฯ อุปาสก คาเม จริตฺวา ยาคุํ อาทาย อาสนสาลนฺตาว
อาคนฺตุํ เม เทหีติ ฯ โส ยาคุํ อาทาย อาสนสาลํ อาคเตปิ
ตสฺมึ ตเถว อาห ฯ โสปิ ตํ ยาคุํ ตาว เม ปาตุํ เทหิ, อาสนสาลํ
สมฺมชฺชิตุํ เทหิ, สลากภตฺตํ ตาว เม อาหริตุํ เทหีติ วตฺวา
สลากภตฺตํ อาหริตฺวา ตเมว ปตฺตํ คาหาเปตฺวา เอหิ, ปญฺหํ เต
กเถสฺสามีติ พหิคามํ เนตฺวา จีวรํ สํหริตฺวา องฺเส เปตฺวา ตสฺส
หตฺถโต ปตฺตํ คเหตฺวา อฏฺาสิ ฯ ตตฺถาปิ นํ โส สมณ ปญฺหํ
เม กเถหีติ อาห ฯ อถ นํ กเถมิ เต ปญฺหนฺติ เอกปฺปหาเรเนว
ปาเตตฺวา อฏฺีนิ สญฺจุณฺณนฺโต วิย โปเถตฺวา คูถํ มุเข ปกฺขิปิตฺวา
อิโตทานิ ปฏฺาย อิมํ คามํ อาคตภิกฺขุํ กิญฺจิ ปญฺหํ ปุจฺฉิตกาเล
ชานิสฺสามีติ สนฺตชฺเชตฺวา ปกฺกามิ ฯ โส ตโต ปฏฺาย ภิกฺขุํ
ทิสฺวา ปลายติ ฯ อปรภาเค ตสฺส ภิกฺขุโน สา กิริยา ภิกฺขุสงฺเฆ
ปากฏา ชาตา ฯ อเถกทิวสํ ภิกฺขู ธมฺมสภายํ กถํ สมุฏฺาเปสุํ
อาวุโส อสุกภิกฺขุ กิร โกณฺฑสฺส มุเข คูถํ ปกฺขิปิตฺวา คโตติ ฯ
สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ
ปุจฺฉิตฺวา อิมาย นามาติ วุตฺเต น ภิกฺขเว โส ภิกฺขุ อิทาเนว
ตํ มีฬฺเหน อาสาเทสิ, ปุพฺเพปิ อาสาเทสิ เยวาติ วตฺวา อตีตํ
อาหริ ฯ
     อตีเต องฺคมคธวาสิโน อญฺมญฺสฺส รฏฺ คจฺฉนฺตา
เอกทิวสํ ทฺวินฺนํ รฏฺานํ สีมนฺตเร เอกํ ฆรํ นิสฺสาย วสิตฺวา
สุรํ ปิวิตฺวา มจฺฉมํสํ ขาทิตฺวา ปาโตว ยานานิ โยเชตฺวา
ปกฺกมึสุ ฯ เตสํ คตกาเล เอโก คูถขาทกปาณโก คูถคนฺเธน
อาคนฺตฺวา เตสํ นิสินฺนฏฺาเน ฉฑฺฑิตสุรํ ทิสฺวา ปานียํ ปิปาสาย
ปิวิตฺวา มตฺโต หุตฺวา คูถปุญฺชํ อภิรุหิ ฯ อลฺลคูถํ ตสฺมึ อารุฬฺเห
โถกํ โอนมิ ฯ โส ปวี มํ ธาเรตุํ น สกฺโกตีติ วิรวติ ฯ
ตสฺมิญฺเว ขเณ เอโก มตฺตวารโณ ตํ ปเทสํ ปตฺวา คูถคนฺธํ
ฆายิตฺวา ชิคุจฺฉนฺโต ปฏิกฺกมิ ฯ โส ตํ ทิสฺวา เอส มม ภเยน
ปลายีติ สญฺี หุตฺวา อิมินา เม สทฺธึ สงฺคามํ กาตุํ วฏฺฏตีติ ตํ
อวฺหยนฺโต ปมํ คาถมาห
        สูโร สูเรน สงฺคมฺม      วิกฺกนฺเตน ปหารินา
        เอหิ นาค นิวตฺตสฺสุ,     กินฺนุ ภีโต ปลายสิ,
        ปสฺสนฺตุ องฺคมคธา       มมํ ตุยฺหญฺจ วิกฺกมนฺติ ฯ
     ตสฺสตฺโถ ตฺวํ สูโร มยา สูเรน สทฺธึ สมาคนฺตฺวา วิริยวิกฺกเมน
วิกฺกนฺเตน ปหารทานสมตฺถตาย ปหารินา กึการณา อสงฺคามตฺถาย
คจฺฉสิ, นนุ นาม เอกสมฺปหาโร ทาตพฺโพ สิยา, ตสฺมา
เอหิ นาค นิวตฺตสฺสุ, เอตฺตเกเนว มรณภยตชฺชิโต หุตฺวา กินฺนุ
ภีโต ปลายสิ, อิเม อิมํ สีมนฺตรํ กตฺวา วสนฺตา ปสฺสนฺตุ
องฺคมคธา มม ตุยฺหญฺจ วิกฺกมํ อุภินฺนมฺปิ อมฺหากํ ปรกฺกมํ
ปสฺสนฺตูติ ฯ โส หตฺถี อุจฺจาเรตฺวา ตสฺส วจนํ สุตฺวา นิวตฺติตฺวา
ตสฺส สนฺติกํ คนฺตฺวา ตํ อปสาเทนฺโต ทุติยํ คาถมาห
        น ตํ ปาทา วธิสฺสามิ    น ทนฺเตน น โสณฺฑิยา,
        มีฬฺเหน ตํ วธิสฺสามิ,    ปูติ หญฺตุ ปูตินาติ ฯ
     ตสฺสตฺโถ น ตํ ปาทาทีหิ วธิสฺสามิ, ตุยฺหํ ปน อนุจฺฉวิเกน
มีฬฺเหน ตํ วธิสฺสามีติ เอวญฺจ ปน วตฺวา ปูติคูถปาณโก ปูตินา
ว หญฺตูติ ฯ
     ตสฺส มตฺถเก มหนฺตํ ลณฺฑํ ปาเตตฺวา อุทกํ วิสฺสชฺเชตฺวา
ตตฺเถว ตํ ชีวิตกฺขยํ ปาเปตฺวา โกญฺจนาทํ นทนฺโต อรญฺเมว
ปาวิสิ ฯ
     สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา
คูถปาณโก โกณฺโฑ อโหสิ, วารโณ โส ภิกฺขุ, ตํ การณํ ปจฺจกฺขโต
ทิสฺวา ตสฺมึ วนสณฺเฑ นิพฺพตฺตเทวตา ปน อหเมวาติ ฯ
                   คูถปาณกชาตกํ สตฺตมํ ฯ
                      -----------


             อรรถกถาภาษาบาลีอักษรไทย เล่มที่ ๓๗ หน้า ๒๗๘-๒๘๒. http://84000.org/tipitaka/atthapali/read_th.php?B=37&A=5533&modeTY=1              The Pali Atthakatha in Roman :- http://84000.org/tipitaka/atthapali/read_rm.php?B=37&A=5533&modeTY=1              อ่านอรรถกถาแปลไทย :- http://84000.org/tipitaka/attha/attha.php?b=27&i=303              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1734              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1726              The Pali Tipitaka in Roman Character :- http://84000.org/tipitaka/read/roman_read.php?B=27&A=1726              สารบัญพระไตรปิฎกเล่มที่ ๒๗ http://84000.org/tipitaka/read/?index_27

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]