บาลีอรรถกถาเล่มที่ ๓๗

หน้าที่ ๓๕๘.

๑๐ กปิชาตกํ อยํ อิสี อุปสมสญฺเม รโตติ อิทํ สตฺถา เชตวเน วิหรนฺโต เอกํ กุหกภิกฺขุํ อารพฺภ กเถสิ ฯ ตสฺส หิ กุหกภาโว ภิกฺขูสุ ปากโฏ ชาโต ฯ ภิกฺขู ธมฺมสภายํ กถํ สมุฏฺาเปสุํ อาวุโส อสุโก ภิกฺขุ นิยฺยานิเก พุทฺธสาสเน ปพฺพชิตฺวา กุหกวตฺตํ ปูเรตีติ ฯ สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมาย นามาติ วุตฺเต น ภิกฺขเว เอส ภิกฺขุ อิทาเนว กุหโก, ปุพฺเพปิ กุหโกว อคฺคิมตฺตสฺส การณา มกฺกโฏ หุตฺวา กุหกมกาสีติ ^๑- วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต กาสิกรฏฺเ พฺราหฺมณกุเล นิพฺพตฺติตฺวา วยปฺปตฺโต ปุตฺตสฺส อาธาวิตฺวา ปริธาวิตฺวา วิจรณกาเล พฺราหฺมณิยา มตาย ปุตฺตํ องฺเกนาทาย หิมวนฺตํ ปวิสิตฺวา อิสิปพฺพชฺชํ ปพฺพชิตฺวา ตมฺปิ ปุตฺตํ ตาปสกุมารํ กตฺวา ปณฺณสาลายํ วาสํ กปฺเปสิ ฯ วสฺสารตฺตสมเย จ อจฺฉินฺนธาเร เทเว วสฺสนฺเต เอโก มกฺกโฏ สีเตน ปีฬิโต ทนฺเต ขาทนฺโต กมฺเปนฺโต วิจรติ ฯ โพธิสตฺโต มหนฺเต ทารุกฺขนฺเธ อาหริตฺวา อคฺคึ กตฺวา มญฺจเก นิปชฺชิ ฯ ปุตฺตโกปิสฺส ปาเท ปริมชฺชมาโน นิสีทิ ฯ โส มกฺกโฏ เอกสฺส มตตาปสสฺส สนฺตกานิ วกฺกลานิ นิวาเสตฺวา ปารุเปตฺวา จ อชินจมฺมํ เอกํสํ กตฺวา @เชิงอรรถ: ^๑ โกหญฺมกาสีติปิ ฯ

--------------------------------------------------------------------------------------------- หน้าที่ ๓๕๙.

กาชกมณฺฑลุํ อาทาย อิสิเวเสน อาคนฺตฺวา ปณฺณสาลทฺวาเร อคฺคิการณา กุหกกมฺมํ กตฺวา อฏฺาสิ ฯ ตาปสกุมาโร ตํ ทิสฺวา ตาต ตาปโส เอโก สีตปีฬิโต กมฺปมาโน ติฏฺติ, อิธ นํ ปกฺโกสถ, วิสีเวสฺสตีติ ปิตรํ อายาจนฺโต ปมํ คาถมาห อยํ อิสี อุปสมสญฺเม รโต ส ติฏฺติ สิสิรภเยน อทฺธิโต, หนฺท อยํ ปวิสตุมํ อคารกํ, วิเนตุ สีตํ ทรถญฺจ เกวลนฺติ ฯ ตตฺถ อุปสมสญฺเม รโตติ ราคาทิอุปสเม จ สีลสญฺเม จ รโต ฯ ส ติฏฺตีติ โส ติฏฺติ ฯ สิสิรภเยนาติ วาตวุฏฺิชนิตสฺส สิสิรสฺส ภเยน ฯ อทฺธิโตติ ปีฬิโต ฯ ปวิสตุมนฺติ ปวิสตุ อิมํ ฯ เกวลนฺติ สกลํ อนวเสสํ ฯ โพธิสตฺโต ปุตฺตสฺส วจนํ สุตฺวา อุฏฺาย โอโลเกนฺโต มกฺกฏภาวํ ตฺวา ทุติยํ คาถมาห นายํ อิสี อุปสมสญฺเม รโต, กปิ อยํ ทุมฺพรสาขโคจโร, ^๑- โส ทูสโก โรสโก จาปิ ชมฺโม, สเจ วเช อิมมฺปิ ทูสเย ฆรนฺติ ฯ ตตฺถ ทุมฺพรสาขโคจโรติ ^๑- ทุมฺพรานํ ^๒- สาขโคจโร ฯ โส ทูสโก โรสโก จาปิ ชมฺโมติ โส เอว คตคตฏฺานสฺส ทูสนโต @เชิงอรรถ: ^๑ ทุมวรสาขโคจโรติปิ ฯ ^๒ ทุมวรานนฺติปิ ฯ

--------------------------------------------------------------------------------------------- หน้าที่ ๓๖๐.

ทูสโก ฆฏฺฏนตาย โรสโก ลามกภาเวน ชมฺโม ฯ สเจ วเชติ ยทิ อิมํ ปณฺณสาลํ อุปวเช ปวิเสยฺย สพฺพํ อุจฺจารปสฺสาวกรเณน จ อคฺคิทาเนน จ ทูเสยฺยาติ ฯ เอวญฺจ ปน วตฺวา โพธิสตฺโต อุมฺมุกํ คเหตฺวา ตํ สนฺตาเสตฺวา ปลาเปสิ ฯ โส อุปฺปติตฺวา วนํ ปกฺขนฺโต ^๑- ตถา ปกฺขนฺโต เยว อโหสิ, น ปุน ตํ านํ อคมาสิ ฯ โพธิสตฺโต อภิญฺา จ สมาปตฺติโย จ นิพฺพตฺเตตฺวา ตาปสกุมารสฺส กสิณปริกมฺมํ อาจิกฺขิ ฯ โส จ อภิญฺา จ สมาปตฺติโย จ อุปฺปาเทสิ ฯ เต อุโภปิ อปริหีนชฺฌานา พฺรหฺมโลกปรายนา อเหสุํ ฯ สตฺถา น ภิกฺขเว อิทาเนว โปราณกโต ปฏฺายเปส กุหโก เยวาติ อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน เกจิ โสตาปนฺนา เกจิ สกทาคามิโน เกจิ อนาคามิโน อเหสุํ ฯ ตทา มกฺกโฏ กุหโก ภิกฺขุ อโหสิ, ปุตฺโต ราหุโล, ปิตา ปน อหเมวาติ ฯ กปิชาตกํ ทสมํ ฯ สิคาลวคฺโค ทสโม ฯ ทุกนิปาตวณฺณนา นิฏฺิตา ฯ

อรรถกถาภาษาบาลีอักษรไทย เล่มที่ ๓๗ หน้า ๓๕๘-๓๖๐. http://84000.org/tipitaka/atthapali/read_th.php?B=37&A=7085&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=37&A=7085&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=350 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1960 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1947 The Pali Tipitaka in Roman Character :- http://84000.org/tipitaka/read/roman_read.php?B=27&A=1947 สารบัญพระไตรปิฎกเล่มที่ ๒๗ http://84000.org/tipitaka/read/?index_27