บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
อฑฺฒวคฺควณฺณนา ------- ทีฆีติโกสลชาตกํ เอวํภูตสฺส เต ราชาติ อิทํ สตฺถา เชตวเน วิหรนฺโต โกสมฺพิเก ภณฺฑนการเก อารพฺภ กเถสิ ฯ เตสํ หิ เชตวนํ อาคนฺตฺวา ขมาปนกาเล สตฺถา เต อามนฺเตตฺวา ภิกฺขเว ตุมฺเห มยฺหํ โอรสา มุขโต ชาตา ปุตฺตา นาม ปุตฺเตหิ จ ปิตรา ทินฺนํ โอวาทํ ภินฺทิตุํ น วฏฺฏติ ตุมฺเห ปน โอวาทํ น กริตฺถ โปราณกปณฺฑิตา อตฺตโน มาตาปิตโร ฆาเตตฺวา รชฺชํ คเหตฺวา ิตโจเรปิ อรญฺเ หตฺถปถํ อาคเต มาตาปิตูหิ ทินฺนํ โอวาทํ น ภินฺทิสฺสามาติ น มารยึสูติ วตฺวา อตีตํ อาหริ ฯ (อตีเต) อิมสฺมึ ปน ชาตเก เทฺวปิ วตฺถูนิ สงฺฆเภทเก วิตฺถารโต อาวิภวิสฺสนฺติ ฯ โส ปน ทีฆาวุกุมาโร อรญฺเ อตฺตโน องฺเก นิปนฺนํ พาราณสีราชานํ จูฬาย คเหตฺวา อิทานิ มยฺหํ มาตาปิตุฆาตกํ โจรํ จุทฺทส ขณฺฑานิ กตฺวา ฉินฺทิสฺสามีติ อสึ อุกฺขิปนฺโต ตสฺมึ ขเณ มาตาปิตูหิ ทินฺนํ โอวาทํ สริตฺวา ชีวิตํ จชนฺโตปิ เตสํ โอวาทํ น ภินฺทิสฺสามิ เกวลํ อิมํ ตชฺเชสฺสามีติ จินฺเตตฺวา ปมํ คาถมาห--------------------------------------------------------------------------------------------- หน้าที่ ๔๙๖.
เอวํภูตสฺส เต ราช อาคตสฺส วเส มมํ อตฺถิ นุ โกจิ ปริยาโย โย ตํ ทุกฺขา ปโมจเยติ ฯ ตตฺถ วเส มมนฺติ มม วสํ อาคตสฺส ฯ ปริยาโยติ การณํ ฯ ตโต ราชา ทุติยํ คาถมาห เอวํภูตสฺส เม ตาต อาคตสฺส วเส ตว นตฺถิ โน โกจิ ปริยาโย โย มํ ทุกฺขา ปโมจเยติ ฯ ตตฺถ โนติ นิปาตมตฺตํ ฯ นตฺถิ โกจิ ปริยาโย มํ ๑- เอตสฺมา ทุกฺขา ปโมจเยติ อตฺโถ ฯ ตโต โพธิสตฺโต อวเสสคาถา อภาสิ นาญฺ สุจริตํ ราช นาญฺ ราช สุภาสิตํ ตายเต มรณกาเล เอวเมวิตรํ ธนํ อกฺโกจฺฉิ มํ อวธิ มํ อชินิ มํ อหาสิ เม เย จ ตํ อุปนยฺหนฺติ เวรํ เตสํ น สมฺมติ อกฺโกจฺฉิ มํ อวธิ มํ อชินิ มํ อหาสิ เม เย จ ตํ นูปนยฺหนฺติ เวรํ เตสูปสมฺมติ น หิ เวเรน เวรานิ สมฺมนฺตีธ กุทาจนํ อเวเรนุปสมฺมนฺติ ๒- เอส ธมฺโม สนนฺตโนติ ฯ ตตฺถ นาญฺ สุจริตนฺติ นาญฺ สุจริตา ฯ อยเมว วา ปาโ ฯ เปตฺวา สุจริตํ อญฺ น ปสฺสามีติ อตฺโถ ฯ อิธ สุจริตนฺติปิ สุภาสิตนฺติปิ มาตาปิตูหิ ทินฺนํ โอวาทํเยว สนฺธายาห ฯ @เชิงอรรถ: ๑ โย ตํ ฯ ๒ อเวเรน จ สมฺมนฺติ ฯ--------------------------------------------------------------------------------------------- หน้าที่ ๔๙๗.
เอวเมวาติ นิรตฺถกเมว ฯ อิทํ วุตฺตํ โหติ มหาราช อญฺตฺร โอวาทานุสิฏฺีสงฺขาตา สุจริตสุภาสิตา มรณกาเล ตายิตุํ รกฺขิตุํ สมตฺโถ นาม อญฺโ นตฺถิ ยํ เอตํ อิตรํ ธนํ ตํ เอวเมว นิรตฺถกเมว โหติ ตฺวญฺหิ อิทานิ มยฺหํ โกฏิสตสหสฺสมตฺตมฺปิ ธนํ ททนฺโต ชีวิตํ น ลเภยฺยาสิ ตสฺมา เวทิตพฺพเมตํ ธนโต สุจริตสุภาสิตเมว อุตฺตริตรนฺติ ฯ เสสคาถายปิ อยํ สงฺเขปตฺโถ มหาราช เย ปุริสา อยํ มํ อกฺโกสิ อยํ มํ ปหริ อยํ มํ อชินิ อยํ มม สนฺตกํ อหาสีติ เอวํ เวรํ อุปนยฺหนฺติ พนฺธิตฺวา วิย หทเย เปนฺติ เตสํ เวรํ น วูปสมฺมติ เย ปเนตํ น อุปนยฺหนฺติ หทเย น เปนฺติ เตสํ วูปสมฺมติ เวรานิ หิ น กทาจิ เวเรน สมฺมนฺติ อเวเรเนว ปน สมฺมนฺติ เอส ธมฺโม สนนฺตโนติ โปราณโก ธมฺโม จิรกาลปฺปวตฺโต สภาโวติ ฯ เอวญฺจปน วตฺวา โพธิสตฺโต อหํ มหาราช ตยิ น ทุพฺภามิ ตฺวํ ปน มํ มาเรหีติ ตสฺส หตฺเถ อสึ เปสิ ฯ ราชาปิ นาหํ ตยิ ทุพฺภามีติ สปถํ กตฺวา เตน สทฺธึ นครํ คนฺตฺวา ตํ อมจฺจานํ ทสฺเสตฺวา อยํ ภเณ โกสลรญฺโ ปุตฺโต ทีฆาวุกุมาโร อิมินาปิ มยฺหํ ชีวิตํ ทินฺนํ น ลพฺภา อิมํ กิญฺจิ กาตุนฺติ วตฺวา อตฺตโน ธีตรํ ทตฺวา ปิตุ สนฺตเก รชฺเช ปติฏฺาเปสิ ฯ ตโต ปฏฺาย อุโภปิ สมคฺคา สมฺโมทมานา รชฺชํ กาเรสุํ ฯ--------------------------------------------------------------------------------------------- หน้าที่ ๔๙๘.
สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา มาตาปิตโร มหาราชกุลานิ อเหสุํ ทีฆาวุกุมาโร ปน อหเมวาติ ฯ ทีฆีติโกสลชาตกํ ปมํ ----------อรรถกถาภาษาบาลีอักษรไทย เล่มที่ ๓๘ หน้า ๔๙๕-๔๙๘. http://84000.org/tipitaka/atthapali/read_th.php?B=38&A=10276&modeTY=1&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=38&A=10276&modeTY=1&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=803 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3723 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3677 The Pali Tipitaka in Roman Character :- http://84000.org/tipitaka/read/roman_read.php?B=27&A=3677 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]