บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
กโปตกชาตกํ อิทานิ โขมฺหีติ อิทํ สตฺถา เชตวเน วิหรนฺโต เอกํ โลลภิกฺขุํ อารพฺภ กเถสิ ฯ โลลวตฺถุ อเนกโส วิตฺถาริตเมว ฯ ตํ ปน สตฺถา สจฺจํ กิร ตฺวํ ภิกฺขุ โลโลติ ปุจฺฉิตฺวา อาม ภนฺเตติ วุตฺเต น โข ภิกฺขุ อิทาเนว ปุพฺเพปิ ตฺวํ โลโลสิ โลลฺยภาเวน ปน ชีวิตกฺขยํ ปตฺโตติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต ปาราวตโยนิยํ นิพฺพตฺติตฺวา พาราณสีเสฏฺิโน มหานเส นีฬปจฺฉิยํ วสติ ฯ อเถโก กาโก มจฺฉมํสลุทฺโธ เตน สทฺธึ เมตฺตึ กตฺวา ตตฺเถว วสิ ฯ โส เอกทิวสํ พหุํ มจฺฉมํสํ ทิสฺวา อิมํ ขาทิสฺสามีติ นิตฺถุนายนฺโต ๑- นีฬปจฺฉิยํเยว นิปชฺชิตฺวา ปาราวเตน เอหิ สมฺม โคจราย คมิสฺสามาติ วุจฺจมาโนปิ อชีรเกน นิมฺมโทมฺหิ ๒- คจฺฉ ตฺวนฺติ วตฺวา ตสฺมึ คเต คโต เม ปจฺจามิตฺตกณฺฏโก อิทานิ ยถารุจึ มจฺฉมํสํ ขาทิสฺสามีติ จินฺเตนฺโต ปมํ คาถมาห อิทานิ โขมฺหิ สุขิโต อโรโค มนกณฺฏโก ๓- นิปฺปติโต กโปโต @เชิงอรรถ: ๑ ตินฺติณายนฺโต ฯ ๒ นิปนฺโนมฺหิ ฯ ๓ นิกฺกณฺฏโก ฯ ปน กณฺฏโก ฯ กาหามิทานิ หทยสฺส ตุฏฺึ ตถาหิ มํ มํสสากํ พเลตีติ ฯ ตตฺถ นิปฺปติโตติ นิคฺคโต ฯ กโปโตติ ปาราวโต ฯ กาหามิทานีติ กริสฺสามิ ทานิ ฯ ตถา หิ มํ มํสสากํ พเลตีติ ตถา หิ มํ มํสญฺจ อวเสสสากญฺจ มยฺหํ พลํ กโรติ อุฏฺเหิ ขาทาติ วทมานํ วิย อุสฺสาหํ มม กโรตีติ อตฺโถ ฯ โส ภตฺตการเก มจฺฉมํสํ ปจิตฺวา มหานสา นิกฺขมฺม สรีรโต เสทํ ปวาเหนฺเต ปจฺฉิโต นิกฺขมิตฺวา รสกโรฏิยํ นิลียิตฺวา กิริ กิรีติ สทฺทมกาสิ ๑- ฯ ภตฺตการโก เวเคนาคนฺตฺวา กากํ คเหตฺวา สพฺพปตฺตานิ ลุญฺจิตฺวา อลฺลสิงฺคิเวรญฺจ ปิฏฺสิทฺธตฺถเก จ ปึสิตฺวา ลสุณํ ปูติตกฺเกน มทฺทิตฺวา สกลสรีรํ มกฺเขตฺวา เอกํ กลํ ฆํสิตฺวา วิชฺฌิตฺวา สุตฺตเกน ตสฺส คีวายํ พนฺธิตฺวา นีฬปจฺฉิยํเยว นํ ปกฺขิปิตฺวา อคมาสิ ฯ ปาราวโต อาคนฺตฺวา ตํ ทิสฺวา กา เอสา พลากา มม สหายสฺส ปจฺฉิยํ นิปนฺนา จณฺโฑ หิ โส อาคนฺตฺวา ฆาเตยฺยาสิ นนฺติ ปริหาสํ กโรนฺโต ทุติยํ คาถมาห กายํ พลากา สิขิณฺฑี ๒- โจรี ลงฺฆีปิตามหา โอรํ พลาเก อาคจฺฉ จณฺโฑ เม วายโส สขาติ ฯ สา เหฏฺา วุตฺตตฺถาเยว ฯ ตํ สุตฺวา กาโก ตติยํ คาถมาห อลมฺหิ เต ชคฺฆิตาเส มมํ ทิสฺวาน เอทิสํ @เชิงอรรถ: ๑ กโรฏิ กิลีติ สทฺทํ อกาสิ ฯ ๒ สิขินี ฯ วิลูนํ สูทปุตฺเตน ปิฏฺมฏฺเน ๑- มกฺขิตนฺติ ฯ ตตฺถ อลนฺติ ปฏิเสธฏฺเ นิปาโต ฯ ชคฺฆิตาเสติ หาสิตฺวา ฯ อิทํ วุตฺตํ โหติ อิทานิ มํ อีทิสํ เอวํ ทุกฺขปฺปตฺตํ ทิสฺวา ตว อลํ หสิตุํ ตฺวํ มํ ๒- อีทิเส กาเล ปริหาสเกฬึ กโรหีติ ฯ โส ปริหาสเกฬึ กโรนฺโตว ปุน จตุตฺถํ คาถมาห สุนฺหาโต สุวิลิตฺโตสิ อนฺนปาเนน ตปฺปิโต กณฺเ จ เต เวฬุริโย อคมาสิ กชงฺคลนฺติ ฯ ตตฺถ กณฺเ จ เต เวฬุริโยติ อยํ เต เวฬุริยมณิปิ กณฺเ ปิลนฺโธ ตฺวํ เอตฺตกํ กาลํ อมฺหากํ เอตํ น ทสฺเสสีติ (กปาลํ) สนฺธาเยวมาห ฯ กชงฺคลนฺติ อิธ พาราณสีเยว กชงฺคลาติ อธิปฺเปตา ฯ อิโต นิกฺขมิตฺวา คจฺฉสิ ๓- อนฺโตนครํ คโตติ ปุจฺฉติ ฯ ตโต กาโก ปญฺจมํ คาถมาห มา เต มิตฺโต วา อมิตฺโต วา อคมาสิ กชงฺคลํ ปิญฺชานิ ตตฺถ ลายิตฺวา กณฺเ พนฺธนฺติ วฏฺฏนนฺติ ฯ ตตฺถ ปิญฺชานีติ ปุจฺฉานิ ๔- ฯ ตตฺถ ลายิตฺวาติ ตสฺมึ พาราณสีนคเร ลุญฺจิตฺวา ฯ วฏฺฏนนฺติ กลิกํ ฯ ตํ สุตฺวา ปาราวโต โอสานคาถมาห ปุนปาปชฺชสี สมฺม สีลํ หิ ตว ตาทิสํ น หิ มานุสกา โภคา สุภุญฺชา โหนฺติ ปกฺขิโนติ ฯ @เชิงอรรถ: ๑. ปิฏฺิมทฺเทน ฯ ๒. มา ฯ ๓. กจฺจิ ฯ ๔. ปิญฺชานิ ฯ ตตฺถ ปุนปาปชฺชสีติ ปุนปิ เอวรูปํ อาปชฺชิสฺสสิ เอวรูปํ หิ เต สีลนฺติ ฯ อิติ นํ โส โอวทิตฺวา ตตฺถ อวสิตฺวา ปกฺเข ปสาเรตฺวา อญฺตฺถ อคมาสิ ฯ กาโกปิ ตตฺเถว ชีวิตกฺขยํ ปาปุณิ ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โลลภิกฺขุ อนาคามิผเล ปติฏฺหิ ฯ ตทา กาโก โลลภิกฺขุ อโหสิ ฯ กโปโต ปน อหเมวาติ ฯ กโปตกชาตกํ นิฏฺิตํ อฑฺฒวคฺโค ตติโย ปญฺจกนิปาตวณฺณนา นิฏฺิตาอรรถกถาภาษาบาลีอักษรไทย เล่มที่ ๓๘ หน้า ๕๑๓-๕๑๖. http://84000.org/tipitaka/atthapali/read_th.php?B=38&A=10653&modeTY=1 The Pali Atthakatha in Roman :- http://84000.org/tipitaka/atthapali/read_rm.php?B=38&A=10653&modeTY=1 อ่านอรรถกถาแปลไทย :- http://84000.org/tipitaka/attha/attha.php?b=27&i=825 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3796 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3749 The Pali Tipitaka in Roman Character :- http://84000.org/tipitaka/read/roman_read.php?B=27&A=3749 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]