บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
รุจิรชาตกํ กายํ พลากา รุจิราติ อิทํ สตฺถา เชตวเน วิหรนฺโต เอกํ โลลภิกฺขุํ อารพฺภ กเถสิ ฯ เทฺวปิ วตฺถูนิ ปุริมสทิสาเนว ฯ คาถา--------------------------------------------------------------------------------------------- หน้าที่ ๑๑๔.
ปน นานา ฯ กายํ พลากา รุจิรา กากนิณฺฑสฺมิ อจฺฉติ จณฺโฑ กาโก สขา มยฺหํ ยสฺส เจตํ กุลาวกํ ฯ นนุ มํ สมฺม ชานาสิ ทิชา สามากโภชนา อกตฺวา วจนํ ตุยฺหํ ปสฺส ลูโนสฺมิ อาคโต ฯ ปุนปาปชฺชสี สมฺม สีลํ หิ ตว ตาทิสํ น หิ มานุสิกา โภคา สุภุญฺชา โหนฺติ ปกฺขินาติ ฯ คาถา หิ เอกนฺตริกาเยว ฯ ตตฺถ รุจิราติ ตกฺกมกฺขิตสรีรตาย เสตวณฺณตํ สนฺธาย วทติ ฯ รุจิราติ ปิยทสฺสนา ปณฺฑราติ อตฺโถ ฯ กากนิณฺฑสฺมินฺติ กากกุลาวเก ฯ กากนีฬสฺมินฺติปิ ปาโฐ ฯ ทิชาติ กาโก ปาราวตํ อาลปติ ฯ สามากโภชนาติ ติณพีชโภชนา ฯ สามากคหเณน เหตฺถ สพฺพมฺปิ ติณพีชํ สงฺคหิตํ ฯ อิธาปิ โพธิสตฺโต น อิทานิ สกฺกา อิโต ปฏฺฐาย มยา เอตฺถ วสิตุนฺติ อุปฺปติตฺวา อญฺญตฺถ คโต ฯ สตฺถา อิมํ ธมฺมเทสนํ อาหริตฺวา สจฺจานิ ปกาเสตฺวา ชาตกํ สโมธาเนสิ ฯ สจฺจปริโยสาเน โลลภิกฺขุ อนาคามิผเล ปติฏฺฐหิ ฯ ตทา โลลกาโก โลลภิกฺขุ อโหสิ ฯ ปาราวโต ปน อหเมวาติ ฯ รุจิรชาตกํ ปญฺจมํ ----------อรรถกถาภาษาบาลีอักษรไทย เล่มที่ ๓๘ หน้า ๑๑๓-๑๑๔. http://84000.org/tipitaka/atthapali/read_th.php?B=38&A=2365&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=38&A=2365&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=424 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2285 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2250 The Pali Tipitaka in Roman Character :- http://84000.org/tipitaka/read/roman_read.php?B=27&A=2250 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]