ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๓๘ ภาษาบาลีอักษรไทย ชา.อ.๔ ติก-ปญฺจกนิปาต

หน้าที่ ๒๒๕.

จตุกฺกนิปาตชาตกฏฺฐกถา กาลิงฺควคฺควณฺณนา ------- จุลฺลกาลิงฺคชาตกํ วิวรถ อิมาสํ ทฺวารนฺติ อิทํ สตฺถา เชตวเน วิหรนฺโต จตุนฺนํ ปริพฺพาชิกานํ ปพฺพชฺชํ อารพฺภ กเถสิ ฯ เวสาลิยํ กิร ลิจฺฉวิราชูนํ สตฺต สหสฺสานิ สตฺต สตานิ สตฺต จ ลิจฺฉวี วสึสุ ฯ เต สพฺเพปิ ปุจฺฉาปฏิปุจฺฉาจิตฺตกา ๑- อเหสุํ ฯ อเถโก ปญฺจสุ วาทสเตสุ พฺยตฺโต นิคฺคณฺโฐ เวสาลิยํ สมฺปาปุณิ ฯ เต ตสฺส สงฺคหํ อกํสุ ฯ อปราปิ เอวรูปา นิคฺคณฺฐี สมฺปาปุณิ ฯ ราชาโน เทฺวปิ ชเน วาทํ กาเรสุํ ฯ อุโภปิ สทิสาว อเหสุํ ฯ ตโต ลิจฺฉวีนํ เอตทโหสิ อิเม เทฺว ปฏิจฺจ อุปฺปนฺโน ปุตฺโต พฺยตฺโต ภวิสฺสตีติ ฯ เตสํ วิวาหํ กาเรตฺวา เทฺวปิ เอกโต วาเสสุํ ฯ อถ เนสํ สํวาสมนฺวาย ปฏิปาฏิยา จตสฺโส ทาริกาโย วิชายึสุ เอโก จ ทารโก วิชายิ ฯ ทาริกานํ สจฺจา โสภา ๒- อธิวาทกา ๓- ปฏิจฺฉราติ ๔- นามํ อกํสุ ฯ ทารกสฺส สจฺจโกติ นามํ ฯ เต ปญฺจปิ ชนา วิญฺญุตํ ปตฺวา มาติโต ปญฺจ วาทสตานิ ปิติโต ปญฺจ วาทสตานีติ วาทสหสฺสํ อุคฺคณฺหึสุ ฯ มาตาปิตโร ทาริกาโย @เชิงอรรถ: ปฏิปุจฺฉาวิตกฺกา ฯ โลลา ฯ อววาทกา ฯ ปฏาจารา ฯ

--------------------------------------------------------------------------------------------- หน้าที่ ๒๒๖.

เอวํ โอวทึสุ สเจ โกจิ คิหี ตุมฺหากํ วาทํ ภินฺทิสฺสติ ตสฺส ปาทปริจาริกา ภเวยฺยาถ สเจ ปพฺพชิโต ภินฺทิสฺสติ ตสฺส สนฺติเก ปพฺพเชยฺยาถาติ ฯ อปรภาเค มาตาปิตโร กาลมกํสุ ฯ เตสุ กาลกเตสุ สพฺพกนิฏฺโฐ นิคฺคณฺโฐ ตตฺเถว เวสาลิยํ ลิจฺฉวีนํ สิปฺปํ สิกฺขาเปนฺโต ๑- วสิ ฯ ภคินิโย ชมฺพูสาขํ คเหตฺวา วาทตฺถาย นคเรน นครํ จรมานา สาวตฺถึ ปตฺวา นครทฺวาเร ชมฺพูสาขํ นิกฺขิปิตฺวา โย อมฺหากํ วาทํ อาโรเปตุํ สกฺโกติ คิหี วา ปพฺพชิโต วา โส เอตํ ปํสุปุญฺชํ ปาเทหิ วิกีริตฺวา ปาเทเหว สาขํ มทฺทตูติ ทารกานํ วตฺวา ภิกฺขตฺถาย นครํ ปาวิสึสุ ฯ อถายสฺมา สารีปุตฺโต อสมฺมชฺชนฏฺฐานํ สมฺมชฺชิตฺวา ริตฺตฆเฏสุ ปานียํ อุปฏฺฐเปตฺวา คิลาเน ปฏิชคฺคิตฺวา ทิวาตรํ สาวตฺถิยํ ปิณฺฑาย ปวิสนฺโต ตํ สาขํ ทิสฺวา ปุจฺฉิตฺวา ทารเกเหว ปาตาเปตฺวา มทฺทาเปตฺวา เยหิ อยํ สาขา ฐปิตา เต กตภตฺตกิจฺจา อาคนฺตฺวา เชตวนทฺวารโกฏฺฐเก มํ ปสฺสนฺตูติ ทารกานํ วตฺวา นครํ ปวิสิตฺวา กตภตฺตกิจฺโจ วิหารโกฏฺฐเก อฏฺฐาสิ ฯ ตาปิ ปริพฺพาชิกา ภิกฺขํ จริตฺวา อาคตา สาขํ มทฺทิตํ ทิสฺวา เกนายํ มทฺทิตาติ วตฺวา สารีปุตฺตตฺเถเรน สเจ ตุมฺเห วาทตฺถิกา วิหารโกฏฺฐกํ กิร คจฺฉถาติ ทารเกหิ วุตฺตา ปุน นครํ ปวิสิตฺวา มหาชนํ สนฺนิปาเตตฺวา วิหารโกฏฺฐกํ คนฺตฺวา เถรํ วาทสหสฺสํ ปุจฺฉึสุ ฯ เถโร วิสชฺเชตฺวา อญฺญํ กิญฺจิ ชานิตฺถาติ ปุจฺฉิ ฯ น ชานาม สามีติ ฯ อหํ ปน @เชิงอรรถ: ลิจฺฉวิสิปฺปํ สิกฺขนฺโต ฯ

--------------------------------------------------------------------------------------------- หน้าที่ ๒๒๗.

โว กิญฺจิ ปุจฺฉามีติ ฯ ปุจฺฉ สามิ ชานนฺติโย กเถสฺสามาติ ฯ เถโร เอกํ นาม กินฺติ ปุจฺฉิ ฯ ตา น ชานึสุ ฯ เถโร วิสชฺเชสิ ฯ ตา อมฺหากํ สามิ ปราชโย ตุมฺหากํ ชโยติ อาหํสุ ฯ อิทานิ กึ กริสฺสถาติ ฯ อมฺหากํ มาตาปิตูหิ อยํ โอวาโท ทินฺโน สเจ โว คิหี วาทํ ภินฺทิสฺสติ ตสฺส ปชาปติโย ภเวยฺยาถ สเจ ปพฺพชิโต ตสฺส สนฺติเก ปพฺพเชยฺยาถาติ ปพฺพชฺชํ โน เทถาติ ฯ เถโร สาธูติ วตฺวา ตา อุปฺปลวณฺณาย เถริยา สนฺติเก ปพฺพาเชสิ ฯ สพฺพา นจิรสฺเสว อรหตฺตํ ปาปุณึสุ ฯ อเถกทิวสํ ภิกฺขู ธมฺมสภายํ กถํ สมุฏฺฐาเปสุํ อาวุโส สารีปุตฺตตฺเถโร จตุนฺนํ ปริพฺพาชิกานํ อวสฺสโย หุตฺวา สพฺพา อรหตฺตํ ปาเปสีติ ฯ สตฺถา อาคนฺตฺวา กายนุตฺถ ภิกฺขเว เอตรหิ กถาย สนฺนิสินฺนาติ ปุจฺฉิตฺวา อิมาย นามาติ วุตฺเต น ภิกฺขเว อิทาเนว ปุพฺเพปิ เอตาสํ อวสฺสโย อโหสิ อิทานิ ปน ปพฺพชฺชาภิเสกํ ทาเปสิ ปุพฺเพ ราชมเหสิฏฺฐาเน ฐเปสีติ วตฺวา อตีตํ อาหริ ฯ อตีเต กาลิงฺครฏฺเฐ ทนฺตปุรนคเร กาลิงฺคราเช รชฺชํ กาเรนฺเต อสฺสกรฏฺเฐ โปตลนคเร ๑- อสฺสโก นาม รชฺชํ กาเรสิ ฯ กาลิงฺโค สมฺปนฺนพลพาหโน สยมฺปิ นาคพโล ปฏิโยธํ น ปสฺสติ ฯ โส ยุชฺฌิตุกาโม หุตฺวา อมจฺจานํ อาโรเจสิ อหํ ยุทฺธตฺถิโก ปฏิโยธํ ปน น ปสฺสามิ กึ กโรมาติ ฯ อมจฺจา อตฺเถโก มหาราช อุปาโย ธีตโร เต จตสฺโส อุตฺตมรูปธรา ตา ปสาเธตฺวา @เชิงอรรถ: โปตลินคเร ฯ

--------------------------------------------------------------------------------------------- หน้าที่ ๒๒๘.

ปฏิจฺฉนฺนยาเน นิสีทาเปตฺวา พลปริวุตา คามนิคมราชธานิโย จราเปถ โย ราชา อตฺตโน คเหตุกาโม ๑- ภวิสฺสติ เตน สทฺธึ ยุทฺธํ กริสฺสามาติ วทึสุ ฯ ราชา ตถา กาเรสิ ฯ ตาหิ คตคตฏฺฐาเน ราชาโน ภเยน ตาสํ นครํ ปวิสิตุํ น เทนฺติ ปณฺณาการํ เปเสตฺวา พหินคเรเยว วสาเปนฺติ ฯ เอวํ สกลชมฺพูทีปํ จริตฺวา อสฺสกรฏฺเฐ โปตลนครํ ปาปุณึสุ ฯ อสฺสกราชาปิ นครทฺวารานิ ปิทหาเปตฺวา ปณฺณาการํ เปเสสิ ฯ ตสฺส นนฺทเสโน ๒- นาม อมจฺโจ ปณฺฑิโต วิยตฺโต อุปายกุสโล ฯ โส จินฺเตสิ อิมา กิร กาลิงฺคราชธีตาโร สกลชมฺพูทีปํ จริตฺวา ปฏิโยธํ น ลภึสุ เอวํ สนฺเตปิ ชมฺพูทีโป ตุจฺโฉ นาม อโหสิ อหํ กาลิงฺเคน สห ยุชฺฌิสฺสามีติ ฯ โส นครทฺวารํ คนฺตฺวา โทวาริเก อามนฺเตตฺวา ตาสํ ทฺวารํ วิวราเปตุํ ปฐมํ คาถมาห วิวรถ อิมาสํ ทฺวารํ นครนฺตํ ปวีสิตุํ อรุณราชสฺส สีเหน สุสิฏฺเฐน สุรกฺขิตํ นนฺทเสเนนาติ ฯ ตตฺถ อรุณราชสฺสาติ โสปิ รชฺเช ปติฏฺฐิตกาเล รฏฺฐสฺส นามวเสน อสฺสโก นาม ชาโต ฯ กุลทตฺติยํ ปนสฺส นามํ อรุโณติ ฯ เตนาห อรุณราชสฺสาติ ฯ สีเหนาติ ปุริสสีเหน ฯ สุสิฏฺเฐนาติ อาจริเยหิ สุฏฺฐุ อนุสาสิเตน ฯ นนฺทเสเนนาติ มยา นนฺทเสเนน นาม ฯ โส เอวํ วตฺวา ทฺวารํ วิวราเปตฺวา ตา คเหตฺวา อสฺสกรญฺโญ @เชิงอรรถ: เคเห กาตุกาโม ฯ นนฺทิเสโน ฯ

--------------------------------------------------------------------------------------------- หน้าที่ ๒๒๙.

ทสฺเสตฺวา ตุมฺเห มา ภายิตฺถ ยุทฺเธ สติ อหํ ชานิสฺสามิ อิมา อุตฺตมรูปธรา ราชธีตโร อคฺคมเหสิโย กโรถาติ ตาสํ อภิเสกํ ทาเปตฺวา ตาหิ สทฺธึ อาคตปุริเส คจฺฉถ ตุมฺเห ราชธีตานํ อสฺสกราเชน มเหสิฏฺฐาเน ฐปิตภาวํ ตุมฺหากํ รญฺโญ อาจิกฺขถาติ อุยฺโยเชสิ ฯ เต คนฺตฺวา อาโรเจสุํ ฯ กาลิงฺโค นห นูน โส มยฺหํ พลํ ชานาตีติ ตาวเทว มหติยา เสนาย นิกฺขมิ ฯ นนฺทเสโน ตสฺสาคมนํ ญตฺวา อตฺตโน กิร รชฺชสีมายเมว โหตุ มา อมฺหากํ รญฺโญ รชฺชสีมํ โอกฺกมตุ อุภินฺนํ รฏฺฐานํ อนฺตเร ยุทฺธํ ภวิสฺสตีติ สาสนํ เปเสสิ ฯ โส สาสนํ สุตฺวา อตฺตโน รชฺชปริยนฺเตว อฏฺฐาสิ ฯ อสฺสโกปิ อตฺตโน รชฺชปริยนฺเตเยว อฏฺฐาสิ ฯ ตทา โพธิสตฺโต อิสิปพฺพชฺชํ ปพฺพชิตฺวา เตสํ ทฺวินฺนํ ราชูนํ อนฺตเร ปณฺณสาลายํ วสติ ฯ กาลิงฺโค สมณา นาม กิญฺจิ ชานนฺติ โก ชานาติ กึ ภวิสฺสติ กสฺส ชโย วา ปราชโย วา ภวิสฺสติ ตาปสํ ปุจฺฉิสฺสามีติ อญฺญาตกเวเสน โพธิสตฺตํ อุปสงฺกมิตฺวา วนฺทิตฺวา เอกมนฺตํ นิสีทิตฺวา ปฏิสนฺถารํ กตฺวา ภนฺเต กาลิงฺโค จ อสฺสโก จ ยุชฺฌิตุกามา อตฺตโน อตฺตโน รชฺชสีมายเมว ฐิตา เอเตสุ กสฺส ชโย กสฺส ปราชโย ภวิสฺสตีติ ปุจฺฉิ ฯ มหาปุญฺญ อหํ อสุกสฺส ชโย อสุกสฺส ปราชโยติ น ชานามิ สกฺโก ปน เทวราชา อิธาคจฺฉติ ตมหํ ปุจฺฉิตฺวา กเถสฺสามิ เสฺวว อาคจฺเฉยฺยาสีติ ฯ สกฺโก โพธิสตฺตสฺส อุปฏฺฐานํ อาคนฺตฺวา นิสีทิ ฯ อถ นํ โพธิสตฺโต ตมตฺถํ ปุจฺฉิ ฯ ภนฺเต กาลิงฺโค ชินิสฺสติ

--------------------------------------------------------------------------------------------- หน้าที่ ๒๓๐.

อสฺสโกว ปราชิสฺสติ อิทญฺจ ปุพฺพนิมิตฺตํ ปญฺญายิสฺสตีติ ฯ กาลิงฺโค ปุนทิวเส อาคนฺตฺวา ปุจฺฉิ ฯ โพธิสตฺโตปิสฺส อาจิกฺขิ ฯ โส กึ นาม ปุพฺพนิมิตฺตํ ภวิสฺสตีติ อปุจฺฉิตฺวาว อหํ กิร ชินิสฺสามีติ ตุฏฺฐิยา ปกฺกามิ ฯ สา กถา วิตฺถาริกา อโหสิ ฯ ตํ สุตฺวา อสฺสโก นนฺทเสนํ ปกฺโกสาเปตฺวา กาลิงฺโค กิร ชินิสฺสติ มยํ ปราชิสฺสาม กินฺนุโข กาตพฺพนฺติ อาห ฯ โส โก เอตํ มหาราช ชานาติ กสฺส ชโย วา ปราชโย วา ตุมฺเห มา จินฺตยิตฺถาติ ราชานํ อสฺสาเสตฺวา โพธิสตฺตํ อุปสงฺกมิตฺวา วนฺทิตฺวา เอกมนฺตํ นิสินฺโน ภนฺเต โก ชินิสฺสติ โก ปราชิสฺสตีติ ปุจฺฉิ ฯ กาลิงฺโค ชินิสฺสติ อสฺสโก ปราชิสฺสตีติ ฯ ภนฺเต ชินนฺตสฺส กึ ปุพฺพนิมิตฺตํ ภวิสฺสติ กึ ปราชินนฺตสฺสาติ ฯ มหาปุญฺญ ชินนฺตสฺส อารกฺขเทวตา สพฺพเสโต อุสโภ ภวิสฺสติ อิตรสฺส สพฺพกาฬโก อุภินฺนมฺปิ อารกฺขเทวตา ยุชฺฌิตฺวา ชยปราชยํ กริสฺสตีติ ฯ นนฺทเสโน ตํ สุตฺวา อุฏฺฐาย คนฺตฺวา รญฺโญ สหายา สหสฺสมตฺตา มหาโยธา เต คเหตฺวา อวิทูเร ปพฺพตํ อารุยฺห อมฺโภ อมฺหากํ รญฺโญ ชีวิตํ ทาตุํ สกฺขิสฺสถาติ ปุจฺฉิ ฯ อาม สกฺขิสฺสามาติ ฯ เตนหิ อิมสฺมึ ปปาเต ปตถาติ ฯ เต ปติตุกามา อเหสุํ ฯ อถ เน วาเรตฺวา อลํ เอตฺถ ปตเนน อมฺหากํ รญฺโญ ชีวิตํ ทาตุํ สุหทยา อนิวตฺติโน หุตฺวา ยุชฺฌถาติ อาห ฯ เต สมฺปฏิจฺฉึสุ ฯ อถ สงฺคาเม ปจฺจุปฏฺฐิเต กาลิงฺโค อหํ กิร ชินิสฺสามีติ โวสานมาปาทิ ฯ พลนิกายาปิสฺส อมฺหากํ กิร ชโยติ

--------------------------------------------------------------------------------------------- หน้าที่ ๒๓๑.

โวสานํ อาปชฺชิตฺวา สนฺนาหํ อกตฺวา ๑- วคฺควคฺคา หุตฺวา ยถารุจึ ปกฺกมึสุ วิริยกรณกาเล วิริยํ น กรึสุ ฯ อุโภปิ ราชาโน อสฺสํ อภิรูหิตฺวา ยุชฺฌิสฺสามาติ อญฺญมญฺญํ อุปสงฺกมึสุ ฯ อุภินฺนํ อารกฺขเทวตา ปุรโต คนฺตฺวา กาลิงฺคสฺส อารกฺขเทวตา สพฺพเสโต อุสโภ อโหสิ อิตรสฺส สพฺพกาฬโก ฯ เตปิ อญฺญมญฺญํ ยุชฺฌนาการํ ทสฺเสนฺตา อุปสงฺกมึสุ ฯ เต ปน อุสภา ทฺวินฺนํ ราชูนเมว ปญฺญายนฺติ น อญฺเญสํ ฯ นนฺทเสโน อสฺสกํ ปุจฺฉิ ปญฺญายติ เต มหาราช อารกฺขเทวตาติ ฯ อาม ปญฺญายตีติ ฯ เกนากาเรนาติ ฯ กาลิงฺคสฺส อารกฺขเทวตา สพฺพเสโต อุสโภ หุตฺวา ปญฺญายติ อมฺหากํ อารกฺขเทวตา สพฺพกาฬโก หุตฺวา ปญฺญายตีติ ฯ มหาราช ตุมฺเห มา ภายิตฺถ มยํ ชินิสฺสาม กาลิงฺโค ปราชิสฺสติ ตุมฺเห อสฺสปิฏฺฐิโต โอตริตฺวา อิมํ สตฺตึ คเหตฺวา สุสิกฺขิตํ สินฺธวํ อุทรปสฺเส พามหตฺเถน อุปฺปีเฬตฺวา อิมินา ปุริสสหสฺเสน สทฺธึ เวคสา คนฺตฺวา กาลิงฺคสฺส อารกฺขเทวตํ สตฺติปฺปหาเรน ปาเตถ ตโต มยํ สหสฺสมตฺตา สตฺติสหสฺเสน ปหริสฺสาม เอวํ กาลิงฺคสฺส อารกฺขเทวตา นสฺสิสฺสติ ตโต กาลิงฺโค ปราชิสฺสติ มยํ ชินิสฺสามาติ ฯ ราชา สาธูติ นนฺทเสเนน ทินฺนสญฺญาย คนฺตฺวา สตฺติยา ปหริ ฯ อมจฺจาปิ สตฺติสหสฺเสน ปหรึสุ ฯ อารกฺขเทวตา ตตฺเถว ชีวิตกฺขยํ ปาปุณิ ฯ ตาวเทว กาลิงฺโค ปราชิตฺวา ปลายิ ฯ ตํ ปลายมานํ ทิสฺวา สหสฺสมตฺตา อมจฺจา @เชิงอรรถ: กตฺวา ฯ

--------------------------------------------------------------------------------------------- หน้าที่ ๒๓๒.

กาลิงฺโค ปลายตีติ อุนฺนทึสุ ฯ กาลิงฺโค มรณภยภีโต ปลายมาโน ตํ ตาปสํ อกฺโกสนฺโต ทุติยํ คาถมาห ชโย กาลิงฺคานํ อสยฺหสาหินํ ปราชโย อชโย ๑- อสฺสกานํ อิจฺเจวํ เต ภาสิตํ พฺรหฺมจาริ น อุชุภูตา วิตถํ ภณนฺตีติ ฯ ตตฺถ อสยฺหสาหินนฺติ อสยฺหํ ทุสฺสหํ สหิตุํ สมตฺถานํ ฯ อิจฺเจวํ เต ภาสิตนฺติ เอวํ ตยา กูฏตาปส ลญฺจํ คเหตฺวา ปราชินกราชานํ ชินิสฺสติ ชินกราชานญฺจ ปราชิสฺสตีติ ภาสิตํ ฯ น อุชุภูตาติ เย กาเยน วาจาย มนสา จ อุชุกา น เต เอวํ มุสา ภณนฺตีติ ฯ เอวํ โส ตาปสํ อกฺโกสนฺโต ปลายิตฺวา อตฺตโน นครเมว คโต นิวตฺติตฺวา โอโลเกตุมฺปิ นาสกฺขิ ฯ ตโต กติปาหจฺจเยน สกฺโก ตาปสสฺส อุปฏฺฐานํ อคมาสิ ฯ ตาปโส เตน สทฺธึ กเถนฺโต ตติยํ คาถมาห เทวา มุสาวาทมุปาติวตฺตา สจฺจํ ตถํ ปรมํ กรํ นุ สกฺก ๒- ตนฺเต มุสา ภาสิตํ เทวราช กึ วา ปฏิจฺจ มฆวา มหินฺทาติ ฯ ตตฺถ ตนฺเต มุสา ภาสิตนฺติ ยํ ตยา มยฺหํ ภาสิตํ ตํ อตฺถภญฺชกํ มุสาวาทํ กโรนฺเตน ตยา มุสา ภาสิตํ ตํ ตยา กึ @เชิงอรรถ: อนโย ฯ สจฺจํ ธนํ ปรมนฺเตสุ สกฺก ฯ

--------------------------------------------------------------------------------------------- หน้าที่ ๒๓๓.

การณํ ปฏิจฺจ เอวํ ภาสิตนฺติ ฯ ตํ สุตฺวา สกฺโก จตุตฺถํ คาถมาห นนุ เต สุตํ พฺราหฺมณ ภญฺญมาเน เทวา น อิสฺสนฺติ ปุริสปรกฺกมสฺส ทโม สมาธิ มนโส อเภชฺโช ๑- อพฺยตฺตตา นิกฺกมนญฺจ กาเล ทฬฺหญฺจ วิริยํ ปุริสปรกฺกโม จ เตเนว อาสิ วิชโย อสฺสกานนฺติ ฯ ตสฺสตฺโถ กึ ตยา พฺราหฺมณ ตตฺถ ตตฺถ วจเน ภญฺญมาเน อิทํ น สุตปุพฺพํ ยถา ๒- เทวา ปุริสปรกฺกมสฺส น อิสฺสนฺติ น อุสฺสุยนฺติ อสฺสกสฺส รญฺโญ วิริยกรณวเสน อตฺตทมสงฺขาโต ทโม สมคฺคภาเวน มนโส อเภชฺโช อเภชฺชสมาธิ อสฺสกรญฺโญ สหายานํ วิริยกรณกาเล อพฺยตฺตตา ยถา กาลิงฺคสฺส มนุสฺสา วคฺควคฺคา หุตฺวา โอสกฺกึสุ เอวํ อโนสกฺกนํ ๓- สมคฺคภาเวน ปน อเภชฺชจิตฺตานํ ๔- วิริยญฺจ ปุริสปรกฺกโม จ ถิโร อโหสิ เตเนว การเณน อสฺสกานํ ชโย อโหสีติ ฯ ปลาเต จปน กาลิงฺเค อสฺสกราชา วิโลปํ คาหาเปตฺวา อตฺตโน นครํ คโต ฯ นนฺทเสโน กาลิงฺคสฺส สาสนํ เปเสสิ อิมาสํ จตุนฺนํ ราชธีตานํ ทายชฺชโกฏฺฐาสํ เปเสตุ สเจ น เปเสสิ กาตพฺพเมตฺถ ชานิสฺสามาติ ฯ โส ตํ สาสนํ สุตฺวา ภีตตสิโต @เชิงอรรถ: อเทชฺโฌ ฯ ยํ ฯ อโนสกฺกานํ ฯ อเภชฺฌจิตฺตานิ ฯ

--------------------------------------------------------------------------------------------- หน้าที่ ๒๓๔.

ตาหิ ลทฺธพฺพทายชฺชํ เปเสสิ ฯ ตโต ปฏฺฐาย สมคฺคสํวาสํ วสึสุ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ตทา กาลิงฺครญฺโญ ธีตโร อิมา ทหรภิกฺขุนิโย อเหสุํ นนฺทเสโน สารีปุตฺโต ตาปโส ปน อหเมวาติ ฯ จุลฺลกาลิงฺคชาตกํ ปฐมํ --------

             อรรถกถาภาษาบาลีอักษรไทย เล่มที่ ๓๘ หน้า ๒๒๕-๒๓๔. http://84000.org/tipitaka/atthapali/read_th.php?B=38&A=4669&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=38&A=4669&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=27&i=502              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2610              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2565              The Pali Tipitaka in Roman Character :- http://84000.org/tipitaka/read/roman_read.php?B=27&A=2565              สารบัญพระไตรปิฎกเล่มที่ ๒๗ http://84000.org/tipitaka/read/?index_27

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]