อรรถกถาเล่มที่ ๕๐ ภาษาบาลีอักษรไทย
 อป.อ.๒ (วิสุทฺธ.๒)

                 ๖๔. ๒. อโวปุปฺผิยตฺเถราปทานวณฺณนา ๒-
     วิหารา อภินิกฺขมฺมาติอาทิกํ อายสฺมโต อโวปุปฺผิยตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺานิ
อุปจินนฺโต สิขิสฺส ภควโต กาเล กุลเคเห นิพฺพตฺโต วิญฺุตํ ปตฺโต
สทฺธาสมฺปนฺโน ธมฺมํ สุตฺวา โสมนสฺสปฺปตฺโต นานาปุปฺผานิ อุโภหิ หตฺเถหิ
คเหตฺวา พุทฺธสฺส อุปริ อพฺภุกฺกิริ. โส เตน ปุญฺเน เทวมนุสฺเสสุ
สํสรนฺโต สคฺคสมฺปตฺติญฺจ จกฺกวตฺติสมฺปตฺติญฺจ อนุภวิตฺวา สพฺพตฺถ ปูชิโต
อิมสฺมึ พุทฺธุปฺปาเท เอกสฺมึ กุลเคเห นิพฺพตฺโต วุทฺธิปฺปตฺโต สาสเน
ปสีทิตฺวา ปพฺพชิตฺวา นจิรสฺเสว อรหา อโหสิ. อา สมนฺตโต กาสติ ทิปฺปตีติ
อากาโส, ตสฺมึ อากาเส ปุปฺผานํ อวกิริตตฺตา ๓- อโวปุปฺผิยตฺเถโรติ ปากโฏ.
     [๗] เอวํ ปตฺตสนฺติปโท อตฺตโน ปุพฺพกมฺมํ สริตฺวา โสมนสฺสชาโต
ปุพฺพจริตาปทานํ ปกาเสนฺโต วิหารา  อภินิกฺขมฺมาติอาทิมาห. ตตฺถ วิหาราติ
@เชิงอรรถ: ๑ ปาฬิ. เวฬินํ.               ๒ ปาฬิยํ อาโปปุปฺผิยตฺเถราปทานนฺติ ทิสฺสติ.
@           ๓ สี. ปุปฺผานิ อากิรึ ตโต.
วิเสเสน หรติ จตูหิ อิริยาปเถหิ อปตนฺตํ อตฺตภาวํ อาหรติ ปวตฺเตติ เอตฺถาติ
วิหาโร, ตสฺมา วิหารา อภิ วิเสเสน นิกฺขมฺม นิกฺขมิตฺวา. อพฺภุฏฺาสิ จ
จงฺกเมติ ๑- จงฺกมนตฺถาย สฏฺิรตเน จงฺกเม อภิวิเสเสน อุฏฺาสิ, ๒- อภิรุหีติ
อตฺโถ. จตุสจฺจํ ปกาเสนฺโตติ ตสฺมึ จงฺกเม จงฺกมนฺโต ทุกฺขสมุทยนิโรธมคฺค-
สจฺจสงฺขาตํ จตุสจฺจํ ปกาเสนฺโต ปากฏํ กโรนฺโต อมตํ ปทํ นิพฺพานํ
เทเสนฺโต วิภชนฺโต อุตฺตานีกโรนฺโต ตสฺมึ จงฺกเมติ สมฺพนฺโธ.
     [๘] สิขิสฺส คิรมญฺาย พุทฺธเสฏฺสฺส ตาทิโนติ เสฏฺสฺส
ตาทิคุณสมงฺคิสฺส สิขิสฺส พุทฺธสฺส คิรํ สทฺทํ โฆสํ อญฺาย ชานิตฺวา.
นานปุปฺผํ คเหตฺวานาติ นาคปุนฺนาคาทิอเนกานิ ปุปฺผานิ คเหตฺวา อาหริตฺวา.
อากาสมฺหิ สโมกิรินฺติ จงฺกมนฺตสฺส ภควโต มุทฺธนิ อากาเส โอกิรึ ปูเชสึ.
     [๙] เตน กมฺเมน ทฺวิปทินฺทาติ ทฺวิปทานํ เทวพฺรหฺมมนุสฺสานํ
อินฺท ปธานภูต. นราสภ นรานํ อาสภภูต. ปตฺโตมฺหิ อจลํ านนฺติ ตุมฺหากํ
สนฺติเก ปพฺพชิตฺวา อจลํ านํ นิพฺพานํ ปตฺโต อมฺหิ ภวามิ. หิตฺวา
ชยปราชยนฺติ ทิพฺพมนุสฺสสมฺปตฺติสงฺขาตํ ชยญฺจ จตุราปายทุกฺขสงฺขาตํ ปราชยญฺจ
หิตฺวา ฉฑฺเฑตฺวา นิพฺพานํ ปตฺโตสฺมีติ อตฺโถ. เสสํ สุวิญฺเยฺยเมวาติ.
                  อโวปุปฺผิยตฺเถราปทานวณฺณนา นิฏฺิตา.
                         --------------

             อรรถกถาภาษาบาลีอักษรไทย เล่มที่ ๕๐ หน้า ๑๐๖-๑๐๗.
http://84000.org/tipitaka/atthapali/read_th.php?B=50&A=2323&modeTY=1
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=2323&modeTY=1
             อ่านอรรถกถาแปลไทย :-
http://84000.org/tipitaka/attha/attha.php?b=32&i=64
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=2645
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=3322
             The Pali Tipitaka in Roman Character :-
http://84000.org/tipitaka/read/roman_read.php?B=32&A=3322
             สารบัญพระไตรปิฎกเล่มที่ ๓๒
http://84000.org/tipitaka/read/?index_32