ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๕๐ ภาษาบาลีอักษรไทย อป.อ.๒ (วิสุทฺธ.๒)

               ๑๒๕. ๓. ปายาสทายกตฺเถราปทานวณฺณนา ๑-
     สุวณฺณวณฺโณ สมฺพุทฺโธติอาทิกํ อายสฺมโต ปายาสทายกตฺเถรสฺส
อปทานํ. อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ
ปุญฺญานิ อุปจินนฺโต วิปสฺสิสฺส ภควโต กาเล เอกสฺมึ วิภวสมฺปนฺเน กุลเคเห
นิพฺพตฺโต วิญฺญุตํ ปตฺวา ฆราวาสํ วสนฺโต หตฺถิอสฺสธนธญฺญสตฺตรตนาทิ-
วิภวสมฺปนฺโน สทฺธาสมฺปนฺโน กมฺมผลํ สทฺทหิตฺวา สหสฺสมตฺตา สุวณฺณปาติโย
กาเรตฺวา ตสฺมึ ขีรปายาสสหสฺสสฺส ปูเรตฺวา ตา สพฺพา คาหาเปตฺวา
สิมฺพลิวนํ อคมาสิ. ตสฺมึ สมเย วิปสฺสี ภควา ฉพฺพณฺณรํสิโย วิสฺสชฺเชตฺวา
อากาเส จงฺกมํ มาเปตฺวา จงฺกมติ. โส ปน เสฏฺฐิ ตํ อจฺฉริยํ ทิสฺวา อตีว
ปสนฺโน ปาติโย ฐเปตฺวา วนฺทิตฺวา อาโรเจสิ ปฏิคฺคหณาย. อถ ภควา
อนุกมฺปํ อุปาทาย ปฏิคฺคเหสิ, ปฏิคฺคเหตฺวา จ ปน ตสฺส โสมนสฺสอุปฺปาทนตฺถํ
สหสฺสมตฺเตหิ ภิกฺขุสํเฆหิ สทฺธึ ปริภุญฺชิ, ตทวเสสํ อเนกสหสฺสภิกฺขู
ปริภุญฺชึสุ. โส เตน ปุญฺเญน สุคตีสุเยว สํสรนฺโต อิมสฺมึ พุทฺธุปฺปาเท กุลเคเห
นิพฺพตฺโต วิญฺญุตํ ปตฺโต สทฺธาชาโต ปพฺพชิตฺวา นจิรสฺเสว อรหา อโหสิ.
     [๒๖] โส อปรภาเค อตฺตโน กุสลํ ปจฺจเวกฺขมาโน ตํ สริตฺวา
โสมนสฺสชาโต ปุพฺพจริตาปทานํ ปกาเสนฺโต สุวณฺณวณฺโณ สมฺพุทฺโธติอาทิมาห.
ตํ เหฏฺฐา วุตฺตเมว.
     [๒๘] จงฺกมํ สุสมารูโฬฺหติ จทินนฺโต ปทวิกฺเขปํ กโรนฺโต กมติ
คจฺฉตีติ จงฺกมํ, จงฺกมสฺส ปทวิกฺเขปสฺส อาธารภูตปฐวิปเทโส จงฺกมํ นามาติ
อตฺโถ, เอตํ จงฺกมํ สุวิเสเสน อารูโฬฺหติ สมฺพนฺโธ. อมฺพเร อนิลายเนติ
วรียติ ฉาทิยติ อเนนาติ วรํ, น พรนฺติ อมฺพรํ, เสตวตฺถสทิสํ อากาสนฺติ อตฺโถ.
@เชิงอรรถ:  ฉ.ม. ปายส......
นตฺถิ นิลียนํ โคปนํ เอตฺถาติ อนิลํ, อา สมนฺตโต ยนฺติ คจฺฉนฺติ อเนน
อิทฺธิมนฺโตติ อายนํ, อนิลญฺจ ตํ อายนญฺเจติ อนิลายนํ, ตสฺมึ อมฺพเร
อนิลายเน จงฺกมํ มาปยินฺติ อตฺโถ. เสสํ สพฺพตฺถ อุตฺตานเมวาติ.
                 ปายาสทายกตฺเถราปทานวณฺณนา นิฏฺฐิตา.
                           -----------


             อรรถกถาภาษาบาลีอักษรไทย เล่มที่ ๕๐ หน้า ๑๖๗-๑๖๘. http://84000.org/tipitaka/atthapali/read_th.php?B=50&A=3616&modeTY=2              The Pali Atthakatha in Roman :- http://84000.org/tipitaka/atthapali/read_rm.php?B=50&A=3616&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=32&i=125              เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3729              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4566              The Pali Tipitaka in Roman Character :- http://84000.org/tipitaka/read/roman_read.php?B=32&A=4566              สารบัญพระไตรปิฎกเล่มที่ ๓๒ http://84000.org/tipitaka/read/?index_32

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]