บาลีอรรถกถาเล่มที่ ๕๕

อปิจ โลกิยสาสวสญฺโญชนิยคนฺถนิยนีวรณิยปรามฏฺฐสงฺกิเลสิกทุกา อาสววิปฺปยุตฺต- สาสวสญฺโญชนวิปฺปยุตฺตสญฺโญชนิยคนฺถวิปฺปยุตฺตคนฺถนิยนีวรณวิปฺปยุตฺตนีวรณิย- ปรามาสวิปฺปยุตฺตปรามฏฺฐกิเลสวิปฺปยุตฺตสงฺกิเลสิกปริยาปริยาปนฺนสอุตฺตรทุกาติ อิเมปิ ทุกา สมานา. @เชิงอรรถ: ^๑ ฉ.ม. คณนาเปตฺถ ^๒ ฉ.ม. เอเต

--------------------------------------------------------------------------------------------- หน้าที่ ๕๖๖.

กิเลสทุกํ สญฺโญชนทุกสทิสํ. สงฺกิลิฏฺฐกิเลสสมฺปยุตฺตนีวรณสมฺปยุตฺต- ทสฺสเนนปหาตพฺพสรณทุกาปิ สมานา. ตถา กิเลสา เจว สงฺกิลิฏฺฐนีวรณา เจว นีวรณสมฺปยุตฺตกิเลสา เจว กิเลสสมฺปยุตฺตทุกา. อิมินา นเยน สพฺเพสํ อตฺถโต สทิสานํ ทุกานํ วิสฺสชฺชนานิ สทิสาเนว โหนฺตีติ เวทิตพฺพานิ. สพฺพสฺมิมฺปิ ปน ปฏฺฐาเน เกนจิวิญฺเญยฺยทุกํ น ลพฺภติ. อาสวา เจว อาสวสมฺปยุตฺตา จ, สญฺโญชนา เจว สญฺโญชนสมฺปยุตฺตา จ, คนฺถา เจว คนฺถสมฺปยุตฺตา จ, นีวรณา เจว นีวรณสมฺปยุตฺตา จ, กิเลสา เจว สงฺกิลิฏฺฐา จาติ เอวรูเปสุ ทุเกสุ วิปากปจฺจโย เจว นานากฺขณิกกมฺมปจฺจโย จ น ลพฺภติ. นเหตุสเหตุกนเหตุก- อเหตุกทุเกสุ ^๑- เหตุปจฺจโย นตฺถิ. เหตู เจว เหตุสมฺปยุตฺตา จ, อาสวา เจว อาสวสมฺปยุตฺตา จ, คนฺถา เจว คนฺถสมฺปยุตฺตา จาติ อิเมสุ ทุเกสุ นเหตุนฌานนมคฺคา น ลพฺภนฺติ, สญฺโญชนา เจว สญฺโญชนสมฺปยุตฺตา จ, นีวรณา เจว นีวรณสมฺปยุตฺตา จ, กิเลสา เจว กิเลสสมฺปยุตฺตา จ, กิเลสา เจว สงฺกิลิฏฺฐา จาติ อิเมสุ ปน วิจิกิจฺฉุทฺธจฺจสหคตสฺส โมหสฺส วเสน นเหตุปจฺจโย ลพฺภติ, นฌานนมคฺคปจฺจยา น ลพฺภนฺตีติ เอวํ สพฺพทุเกสุ ลพฺภมานาลพฺภมานํ อุปปริกฺขิตฺวา ปาลิวเสเนว วารคณนา เวทิตพฺพาติ. ทุกปฏฺฐานวณฺณนา นิฏฺฐิตา. -----------

อรรถกถาภาษาบาลีอักษรไทย เล่มที่ ๕๕ หน้า ๕๖๕-๕๖๖. http://84000.org/tipitaka/atthapali/read_th.php?B=55&A=12782&modeTY=2&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=55&A=12782&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=42&i=290 เนื้อความพระไตรปิฎกฉบับหลวง :- http://84000.org/tipitaka/read/r.php?B=42&A=4959 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=42&A=3162 The Pali Tipitaka in Roman Character :- http://84000.org/tipitaka/read/roman_read.php?B=42&A=3162 สารบัญพระไตรปิฎกเล่มที่ ๓๖ http://84000.org/tipitaka/read/?index_42