อรรถกถาเล่มที่ ๕๕ ภาษาบาลีอักษรไทย
 ปญฺจ.อ. (ปรมตฺถที.)

                      ๙. ปจฺจุปฺปนฺนญาณกถาวณฺณนา
     [๔๔๑-๔๔๒] อิทานิ ปจฺจุปฺปนฺนญาณกถา ๒- นาม โหติ. ตตฺถ เยสํ
"สพฺพสงฺขาเรสุ อนิจฺจโต ทิฏฺเฐสุ ตมฺปิ ญาณํ อนิจฺจโต ทิฏฺฐํ โหตี"ติ วจนํ
นิสฺสาย "อวิเสเสน สพฺพสฺมึ ปจฺจุปฺปนฺเน ญาณํ อตฺถี"ติ ลทฺธิ เสยฺยถาปิ
อนฺธกานํ, เต สนฺธาย ปจฺจุปฺปนฺเนติ ปุจฺฉา สกวาทิสฺส, ปฏิญฺญา อิตรสฺส.
อถ นํ "ยทิ อวิเสเสน ปจฺจุปฺปนฺเน ญาณํ อตฺถิ, ขเณ ปจฺจุปฺปนฺเนปิ เตน
ภวิตพฺพํ. เอวํ สนฺเต ทฺวินฺนํ ญาณานํ เอกโต อภาวา เตเนว ญาเณน ตํ
ชานิตพฺพํ โหตี"ติ โจเทตุํ เตนาติ อนุโยโค สกวาทิสฺส. ตตฺถ ปฐมปเญฺห เตเนว
@เชิงอรรถ: ๑ ม. อนฺตรา อนาคเต   ๒ ฉ.ม. ปฏุปฺปนฺนญาณกถา
ตํ ชานิตุํ น สกฺกาติ ปฏิกฺเขโป อิตรสฺส, ทุติยปเญฺห สนฺตตึ สนฺธาย ปฏิญฺญา
ตสฺเสว. ปฏิปาฏิโต ภงฺคํ ปสฺสนฺโต ๑- ภงฺคานุปสฺสนาญาเณเนว ๒- ภงฺคานุปสฺสนา-
ญาณํ ปสฺสตีติ ตสฺส ๓- อธิปฺปาโย. เตน ญาเณน ญาณํ ตํ ชานาตีติอาทีสุปิ เอเสว
นโย. เตน ผสฺเสน ตํ ผสฺสนฺติอาทีนิสฺส เลโสกาสํ นิวารณตฺถํ วุตฺตานิ.
ยมฺปเนเตน ลทฺธิปติฏฺฐาปนตฺถํ นนุ สพฺพสงฺขาเรติอาทิ วุตฺตํ, ตตฺถ นยโต ตํ
ญาณํ ทิฏฺฐํ โหติ, น อารมฺมณโตติ อธิปฺปาเยน ปฏิญฺญา สกวาทิสฺส. ตสฺมา
เอวํ ปติฏฺฐิตาปิสฺส ลทฺธิ อปฺปติฏฺฐิตาว โหตีติ.
                    ปจฺจุปฺปนฺนญาณกถาวณฺณนา นิฏฺฐิตา.
                          -------------

             อรรถกถาภาษาบาลีอักษรไทย เล่มที่ ๕๕ หน้า ๒๑๔-๒๑๕.
http://84000.org/tipitaka/atthapali/read_th.php?B=55&A=4820&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=55&A=4820&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=37&i=1073
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=37&A=10298
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=37&A=6854
             The Pali Tipitaka in Roman Character :-
http://84000.org/tipitaka/read/roman_read.php?B=37&A=6854
             สารบัญพระไตรปิฎกเล่มที่ ๓๖
http://84000.org/tipitaka/read/?index_37