ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม  
อรรถกถาเล่มที่ ๗ ภาษาบาลีอักษรไทย ม.อ. (ปปญฺจ.๑)

หน้าที่ ๓๙๙.

๘. มธุปิณฺฑิกสุตฺตวณฺณนา [๑๙๙] เอวมฺเม สุตนฺติ มธุปิณฺฑิกสุตฺตํ. ตตฺถ มหาวนนฺติ. หิมวนฺเตน สทฺธึ เอกาพทฺธํ อโรปิตํ ๑- ชาติวนํ, น ยถา เวสาลิยํ โรปิตาโรปิตมิสฺสกํ. ทิวาวิหารายาติ ทิวา ปฏิสลฺลานตฺถาย. เวลุวลฏฺฐิกายาติ ๒- ตรุณเวลุวรุกฺขสฺส. ทณฺฑปาณีติ น ชราทุพฺพลตาย ทณฺฑหตฺโถ. อยํ หิ ตรุโณว ๓- ปฐมวเย ฐิโต, ทณฺฑจิตฺตตาย ปน สุวณฺณทณฺฑํ คเหตฺวา วิจรติ, ตสฺมา ทณฺฑปาณีติ วุตฺโต. ชงฺฆาวิหารนฺติ ชงฺฆากิลมถวิโนทนตฺถํ ชงฺฆาจารํ. อนุจงฺกมมาโน อนุวิจรมาโนติ ๔- วนทสฺสนปพฺพตทสฺสนาทีนํ อตฺถาย อิโต จิโต จ วิจรมาโน. อภินิกฺขมนฺโต ๕- กิเรส นิกฺขมิตฺวา เอวํ วิจรติ. ทณฺฑโมลุพฺภาติ ทณฺฑํ โอลุมฺพิตฺวา โคปาลกทารโก วิย ทณฺฑํ ปุรโต ฐเปตฺวา ทณฺฑมตฺถเก เทฺว หตฺเถ ปติฏฺฐาเปตฺวา ปิฏฺฐิปาณึ หนุเกน ๖- อุปฺปีเฬตฺวา เอกมนฺตํ อฏฺฐาสิ. [๒๐๐] กึวาทีติ กึทิฏฺฐิโก. กิมกฺขายีติ กึ กเถติ. อยํ ราชา ภควนฺตํ อวนฺทิตฺวาว ปฏิสนฺถารมตฺตกเมว กตฺวา ปญฺหํ ปุจฺฉติ. ตํ ปน ๗- อญาตุกามตาย, อจิตฺตีกาเรน ปุจฺฉติ. กสฺมา? เทวทตฺตสฺส ปกฺขิโก กิเรส, เทวทตฺโต อตฺตโน สนฺติกํ อาคจฺฉมาเน ตถาคเต ภินฺทติ. โส กิร เอวํ วเทติ "สมโณ โคตโม อมฺหากํ กุเลน สทฺธึ เวรี, น โน กุลสฺส วุฑฺฒึ อิจฺฉติ, ภคินีปิ เม จกฺกวตฺติปริโภคา, ตํ ปหาย `นสฺสเตสา'ติ นิกฺขมิตฺวา ปพฺพชิ, ภาคิเนยฺโยปิ เม จกฺกวตฺติพีชนฺติ ญตฺวา อมฺหากํ กุลสฺส วุฑฺฒิยา ๘- อตุสฺสนฺโต `นสฺสเตตนฺ'ติ ตํปิ ทหรกาเลเยว ปพฺพาเชสิ. อหํ ปเนเตน ๙- วินา วตฺติตุํ อสกฺโกนฺโต อนุปพฺพชิโต, เอวํ ปพฺพชิตํปิ มํ ปพฺพชิตทิวสโต ปฏฺฐาย น อุชุเกหิ อกฺขีหิ โอโลเกติ, ปริสมชฺเฌ ภาสนฺโตปิ มหาผรสุนา ปหรนฺโต วิย อปายิโก @เชิงอรรถ: ฉ.ม. อโรปิมํ ฉ.ม. ปาลิ, ฉ.ม. เพลุว.... ฉ.ม. ตรุโณ @ ปาลิ. อนุวิจรมาโนติ ปาโฐ น ทิสฺสติ ฉ.ม. อธิจฺจนิกฺขมโน ก. หณุเกน @ ฉ.ม. ตมฺปิ น ฉ.ม. วฑฺฒิยา ฉ.ม. ปน เตน

--------------------------------------------------------------------------------------------- หน้าที่ ๔๐๐.

เทวทตฺโตติอาทีนิ ภาสตี"ติ. เอวํ อยํปิ ราชา เทวทตฺเตน ภินฺโน, ตสฺมา เอวมากาสิ. อถ ภควา ยถา อยํ ราชา มยา ปเญฺห ปุจฺฉิเต น กเถตีติ วตฺตุํ น ลภติ, ยถา จ ภาสิตสฺส อตฺถํ น ชานาติ, เอวมสฺส กเถสฺสามีติ ตสฺสานุจฺฉวิกํ กเถนฺโต ยถาวาที โขติอาทิมาห. ตตฺถ น เกนจิ โลเก วิคฺคยฺห ติฏฺฐตีติ โลเก เกนจิ สทฺธึ วิคฺคาหิกกถํ น กโรติ น วิวทติ. ตถาคโต หิ โลเกน สทฺธึ น วิวทติ, โลโก ปน ตถาคเตน สทฺธึ อนิจฺจนฺติ วุตฺเต นิจฺจนฺติ วทมาโน, ทุกฺขํ, อนตฺตา, อสุภนฺติ วุตฺเต สุภนฺติ วทมาโน วิวทตีติ. ๑- เตเนวาห "นาหํ ภิกฺขเว โลเกน วิวทามิ, โลโกว โข ภิกฺขเว มยา วิวทติ, ตถา น ภิกฺขเว ธมฺมวาที เกนจิ โลกสฺมึ วิวทติ, อธมฺมวาทีว โข ภิกฺขเว วิวทตี"ติ. ๒- ยถาติ เยน การเณน. กาเมหีติ วตฺถุกาเมหิปิ กิเลสกาเมหิปิ. ตํ พฺราหฺมณนฺติ ตํ ขีณาสวพฺราหฺมณํ. อกถํกถินฺติ นิพฺพิจิกิจฺฉํ. ฉินฺนกุกฺกุจฺจนฺติ วิปฺปฏิสารกุกฺกุจฺจสฺส เจว หตฺถปาทกุกฺกุจฺจสฺส จ ฉินฺนตฺตา ฉินฺนกุกฺกุจฺจํ. ภวาภเวติ ปุนปฺปุนํ ภเว, ๓- หีนปฺปณีเต วา ภเว, ปณีโต หิ ภโว วุฑฺฒิปฺปตฺโต ๔- อภโวติ วุจฺจติ. สญฺญาติ กิเลสสญฺญา. กิเลสาเยว วา อิธ สญฺญานาเมน วุตฺตา, ตสฺมา เยน การเณน กาเมหิ วิสํยุตฺตํ วิหรนฺตํ ตํ โลเกหิ ๕- นิพฺพานวาทึ ๖- ขีณาสวพฺราหฺมณํ กิเลสสญฺญา นานุเสนฺติ, ตญฺจ การณํ อหํ วทามีติ อยเมตฺถ อตฺโถ. อิติ ภควา อตฺตโน ขีณาสวภาวํ ทีเปติ. นิลฺลาเฬตฺวาติ นีหริตฺวา กีฬาเปตฺวา. ติวิสาขนฺติ ติสาขํ. นลาฏิกนฺติ วลิภงฺคํ ๗- นลาเฏ ติสฺโส ราชิโย ทสฺเสนฺโต วลิภงฺคํ วุฏฺฐาเปตฺวาติ อตฺโถ. ทณฺฑโมลุพฺภาติ ทณฺฑํ ปีเฬตฺวา. ๘- "ทณฺฑมาลุพฺภา"ติปิ ปาโฐ, คเหตฺวา ปกฺกามีติ อตฺโถ. [๒๐๑] อญฺญตโรติ นาเมน อปากโฏ เอโก ภิกฺขุ. โส กิร อนุสนฺธิกุสโล, ภควตา ยถา ทณฺฑปาณี น ชานาติ, ตถา มยา กถิตนฺติ วุตฺเต กินฺติ นุโข ภควตา อวิญฺเญยฺโย ๙- กตฺวา ปโญฺห กถิโตติ @เชิงอรรถ: ฉ.ม. วิวทติ สํ. ขนฺธ. ๑๗/๙๔/๑๑๐ ปุปฺผสุตฺต ฉ.ม. ปุนปฺปุนพฺภเว @ ฉ.ม. วุทฺธิปฺปตฺโต ฉ.ม. โลเก สี. นิพฺพิวาทํ ม. วลิภงฺเค @ ฉ.ม. อุปฺปีเฬตฺวา ฉ.ม. อวิญฺเญยฺยํ

--------------------------------------------------------------------------------------------- หน้าที่ ๔๐๑.

อนุสนฺธึ คเหตฺวา ทสพลํ ยาจิตฺวา อิมํ ปญฺหํ ภิกฺขุสํฆสฺส ปากฏํ กริสฺสามีติ อุฏฺฐายาสนา เอกํสํ อุตฺตราสงฺคํ กริตฺวา ทสนขสมุชฺชลํ อญฺชลึ ปคฺคยฺห กึวาที ปน ภนฺเต ภควาติอาทิมาห. ยโตนิทานนฺติ ภาวนปุํสกํ เอตํ, เยน การเณน ยสฺมึ การเณ สตีติ อตฺโถ. ปปญฺจสญฺญาสงฺขาติ เอตฺถ สงฺขาติ โกฏฺฐาโส. ๑- ปปญฺจสญฺญาติ ตณฺหามานทิฏฺฐิปปญฺจสมฺปยุตฺตา สญฺญา, สญฺญานาเมน วา ปปญฺจาเยว วุตฺตา. ตสฺมา ปปญฺจโกฏฺฐาสาติ อยเมตฺถ อตฺโถ. สมุทาจรนฺตีติ ปวตฺตนฺติ. เอตฺถ เจ นตฺถิ อภินนฺทิตพฺพนฺติ ยสฺมึ ทฺวาทสายตนสงฺขาเต การเณ สติ ปปญฺจสญฺญาสงฺขา สมุทาจรนฺติ, เอตฺถ เอกายตนํปิ เจ อภินนฺทิตพฺพํ อภิวทิตพฺพํ อชฺโฌสิตพฺพํ นตฺถีติ อตฺโถ. ตตฺถ อภินนฺทิตพฺพนฺติ ๒- อหํ มมนฺติ อภินนฺทิตพฺพํ. อภิวทิตพฺพนฺติ อหํ มมนฺติ วตฺตพฺพํ. อชฺโฌสิตพฺพนฺติ อชฺโฌสิตฺวา คิลิตฺวา ปรินิฏฺฐาเปตฺวา คเหตพฺพยุตฺตํ. เอเตเนตฺถ ตณฺหาทีนํเยว อปฺปวตฺตึ กเถติ. เอเสวนฺโตติ อยํ อภินนฺทนาทีนํ นตฺถิภาโวว ราคานุสยาทีนํ อนฺโต. เอเสว นโย สพฺพตฺถ. ทณฺฑาทานาทีสุ ปน ยาย เจตนาย ทณฺฑํ อาทิยติ, สา ทณฺฑาทานํ. ยาย สตฺถํ อาทิยติ ปรามสติ, สา สตฺถาทานํ. มตฺถกปฺปตฺตํ กลหํ. นานาคาหปฺปตฺตํ ๓- วิคฺคหํ. นานาวาทปฺปตฺตํ ๔- วิวาทํ. ตุวํ ตุวนฺติ เอวํ ปวตฺตํ ตุวํ ตุวํ วาจํปิ. ๕- เปสุญฺญกรณํ ๖- เปสุญฺญํ. อยถาสภาวํ มุสาวาทํ กโรติ, สา มุสาวาโทติ เวทิตพฺพา. เอตฺเถเตติ เอตฺถ ทฺวาทสสุ อายตเนสุ เอเต กิเลสา. กิเลสา หิ อุปฺปชฺชมานาปิ ทฺวาทส อายตนานิ นิสฺสาย อุปฺปชฺชนฺติ, นิรุชฺฌมานาปิ ทฺวาทสสุ อายตเนสุเยว นิรุชฺฌนฺติ. เอวํ ยตฺถุปฺปนฺนา, ตตฺเถว นิรุทฺธา โหนฺติ. สฺวายมตฺโถ สมุทยสจฺจปเญฺหน ทีเปตพฺโพ:- "สา โข ปเนสา ตณฺหา กตฺถ อุปฺปชฺชมานา อุปฺปชฺชติ, กตฺถ นิวิสมานา นิวิสตี"ติ ๗- หิ ๘- วตฺวา "ยํ โลเก ปิยรูปํ สาตรูปํ, เอตฺเถสา ตณฺหา @เชิงอรรถ: ฉ.ม. โกฏฺฐาสา ฉ.ม. อภินินฺทิตพฺพนฺติ ฉ.ม. นานาคาหมตฺตํ @ ฉ.ม. นานาวาทมตฺตํ ฉ.ม. อยํ ปาโฐ น ทิสฺสติ ฉ.ม. ปิยสุญฺญกรณํ @ อภิ. วิภงฺค. ๓๕/๒๐๓/๑๒๐ สมุทยสจฺจ ฉ.ม. หิ-สทฺโท น ทิสฺสติ

--------------------------------------------------------------------------------------------- หน้าที่ ๔๐๒.

อุปฺปชฺชมานา อุปฺปชฺชติ, เอตฺถ นิวิสมานา นิวิสติ. กิญฺจ โลเก ปิยรูปํ สาตรูปํ. จกฺขุ โลเก ปิยรูปํ สาตรูปนฺ"ติอาทินา ๑- นเยน ทฺวาทสสุเยว อายตเนสุ ตสฺสา อุปฺปตฺติ จ นิโรโธ จ วุตฺโต. ยเถว จ ตณฺหา ทฺวาทสสุ อายตเนสุ อุปฺปชฺชิตฺวา นิพฺพานํ อาคมฺม นิรุทฺธาปิ อายตเนสุ ปุน สมุทาจารสฺส อภาวโต อายตเนสุเยว นิรุทฺธาติ วุตฺตา, เอวมิเมปิ ปาปกา อกุสลา ธมฺมา อายตเนสุ นิรุชฺฌนฺตีติ เวทิตพฺพา. อถวา ยฺวายํ อภินนฺทนาทีนํ อภาโวว ราคานุสยาทีนํ อนฺโตติ วุตฺโต. เอตฺเถเต ราคานุสยาทีนํ อนฺโตติ ลทฺธโวหาเร นิพฺพาเน ปาปกา อกุสลา ธมฺมา อปริเสสา นิรุชฺฌนฺติ. ยญฺหิ ยตฺถ นตฺถิ, ตํ ตตฺถ นิรุทฺธํ นาม โหติ, สฺวายมตฺโถ นิโรธปเญฺหน ๒- ทีเปตพฺโพ. วุตฺตํ เหตํ "ทุติยชฺฌานํ สมาปนฺนสฺส วิตกฺกวิจารา วจีสงฺขารา ปฏิปสฺสทฺธา โหนฺตี"ติอาทิ. ๓- [๒๐๒] สตฺถุ เจว สํวณฺณิโตติ สตฺถาราว ปสฏฺโฐ. ๔- วิญฺญูนนฺติ อิทํปิ การณตฺเถ สามิวจนํ, ปณฺฑิเตหิ สพฺรหฺมจารีหิ จ สมฺภาวิโตติ อตฺโถ. ปโหตีติ สกฺโกติ. [๒๐๓] อติกฺกมฺเมว มูลํ อติกฺกมฺม ขนฺธนฺติ สาโร นาม มูเล วา ขนฺเธ วา ภเวยฺย, ตํปิ อติกฺกมิตฺวาติ อตฺโถ. เอวํ สมฺปทนฺติ เอวํ สมฺปตฺติกํ, อีทิสนฺติ อตฺโถ. อติสิตฺวาติ อติกฺกมิตฺวา. ชานํ ชานาตีติ ชานิตพฺพเมว ชานาติ. ปสฺสํ ปสฺสตีติ ปสฺสิตพฺพเมว ปสฺสติ. ยถา วา เอกจฺโจ วิปรีตํ คณฺหนฺโต ชานนฺโตปิ น ชานาติ, ปสฺสนฺโตปิ น ปสฺสติ, น เอวํ ภควา. ภควา ปน ชานนฺโต ชานาติเยว, ปสฺสนฺโต ปสฺสติเยว. สฺวายํ ทสฺสนปริณายกฏฺเฐน จกฺขุภูโต. วิทิตกรณฏฺเฐน ญาณภูโต. อวิปรีตสภาวฏฺเฐน ปริยตฺติธมฺมปฺปวตฺตนโต วา หทเยน จินฺเตตฺวา วาจาย นิจฺฉาริตธมฺมมโยติ ธมฺมภูโต. เสฏฺฐฏฺเฐน พฺรหฺมภูโต. อถวา จกฺขุ วิย ภูโตติ จกฺขุภูโต ๕- เอวเมเตสุ ปเทสุปิ ๖- อตฺโถ เวทิตพฺโพ. สฺวายํ ธมฺมสฺส วตฺตนโต วตฺตา. ปวตฺตนโต ๗- ปวตฺตา. อตฺถํ @เชิงอรรถ: อภิ. วิภงฺค. ๓๕/๒๐๓/๑๒๐ สจฺจวิภงฺค อภิ. วิภงฺค. ๓๕/๒๐๔/๑๒๒ นิโรธสจฺจ @ ขุ. ปฏิ. ๓๑/๒๒๒/๑๕๔ ญาณกถา (สฺยา) ฉ.ม. สตฺถารา จ ปสํสิโต @ ฉ.ม. ภูโต จกฺขุภูโตติ ฉ.ม. ปเทสุ ฉ.ม. ปวตฺตาปนโต

--------------------------------------------------------------------------------------------- หน้าที่ ๔๐๓.

นีหริตฺวา นีหริตฺวา ๑- ทสฺสนสมตฺถตาย อตฺถสฺส นินฺเนตา. อมตาธิคมาย ปฏิปตฺตึ ททาตีติ อมตสฺส ทาตา. อครุกริตฺวาติ ๒- ปุนปฺปุนํ อายาจาเปนฺโตปิ ๓- หิ ครุํ กโรติ นาม, อตฺตโน สาวกปารมีญาเณ ฐตฺวา สิเนรุปาทโต วาลุกํ อุทฺธรมาโน วิย ทุวิญฺเญยฺยํ ๔- กตฺวา กเถนฺโตปิ ครุํ กโรติเยว นาม. เอวํ อกตฺวา อเมฺห ปุนปฺปุนํ อายาจาเปตฺวา สุวิญฺเญยฺยํปิ โน กตฺวา กเถหีติ วุตฺตํ โหติ. [๒๐๔] ยํ โข โน อาวุโสติ เอตฺถ กิญฺจาปิ "ยํ โข โว"ติ วตฺตพฺพํ สิยา, เต ปน ภิกฺขู อตฺตนา สทฺธึ สงฺคณฺหนฺโต "ยํ โข โน"ติ อาห. ยสฺมา วา อุทฺเทโสว เตสํ อุทฺทิฏฺโฐ. ภควา ปน เถรสฺสาปิ เตสํปิ ภควาว. ตสฺมา ภควาติ ปทํ สนฺธายปิ เอวมาห, ยํ โข อมฺหากํ ภควา ตุมฺหากํ สงฺขิตฺเตน อุทฺเทสํ อุทฺทิสิตฺวาติ อตฺโถ. จกฺขุญฺจาวุโสติอาทีสุ อยมตฺโถ, อาวุโส นิสฺสยภาเวน ปน ๕- จกฺขุปสาทญฺจ อารมฺมณภาเวน จตุสมุฏฺฐานิกรูเป จ ปฏิจฺจ จกฺขุวิญฺญาณํ นาม อุปฺปชฺชติ. ติณฺณํ สงฺคติ ผสฺโสติ เตสํ ติณฺณํ สงฺคติยา ผสฺโส นาม อุปฺปชฺชติ. ตํ ผสฺสํ ปฏิจฺจ สหชาตาทิวเสน ผสฺสปจฺจยา เวทนา อุปฺปชฺชติ. ตาย เวทนาย จ ๖- ยํ อารมฺมณํ เวเทติ, ตเทว สญฺญา สญฺชานาติ, ยํ สญฺญา สญฺชานาติ, ตเทว อารมฺมณํ วิตกฺโก วิตกฺเกติ. ยํ วิตกฺโก วิตกฺเกติ, ตเทวารมฺมณํ ปปญฺโจ ปปญฺเจติ. ตโตนิทานนฺติ เอเตหิ จกฺขุรูปาทีหิ การเณหิ. ปุริสํ ปปญฺจสญฺญาสงฺขา สมุทาจรนฺตีติ ตํ อปริญฺญาตการณํ ปุริสํ ปปญฺจโกฏฺฐาสา อภิภวนฺติ, ตสฺส ปวตฺตนฺตีติ อตฺโถ. ตตฺถ ผสฺสเวทนาสญฺญา จกฺขุวิญฺญาเณน สหชาตา โหนฺติ. วิตกฺโก จกฺขุวิญฺญาณานนฺตราทีสุ สวิตกฺกจิตฺเตสุ ทฏฺฐพฺโพ. ปปญฺจสงฺขา ชวเนน สหชาตา โหนฺติ. ยทิ เอวํ กสฺมา อตีตานาคตคฺคหณํ กตนฺติ. ตถา อุปฺปชฺชนโต. ยเถว หิ เอตรหิ จกฺขุทฺวาริโก ปปญฺโจ จกฺขุญฺจ รูเป จ @เชิงอรรถ: ฉ.ม. เอกเมว "นีหริตฺวาติ ปทํ ทิสฺสติ ฉ.ม. อครุํ กตฺวา, สี. อครุกตฺวา, @ม.มู. ๑๒/๒๐๓/๑๗๑ ปสฺสิตพฺพํ สี. ยาจาเปนฺโตปิ ฉ.ม. ทุพฺพิญฺเญยฺยํ @ ฉ.ม. ปน-สทฺโท น ทิสฺสติ ฉ.ม. จ-สทฺโท นตฺถิ

--------------------------------------------------------------------------------------------- หน้าที่ ๔๐๔.

ผสฺสเวทนาสญฺญาวิตกฺเก จ ปฏิจฺจ อุปฺปนฺโน, เอวเมว ๑- อตีตานาคเตสุปิ จกฺขุวิญฺเญยฺเยสุ รูเปสุ ตสฺสุปฺปตฺตึ ทสฺเสนฺโต เอวมาห. โสตญฺจาวุโสติอาทีสุปิ เอเสว นโย. ฉฏฺฐทฺวาเร ปน มนนฺติ ภวงฺคจิตฺตํ. ธมฺเมติ เตภูมิกธมฺมารมฺมณํ. ๒- มโนวิญฺญาณนฺติ อาวชฺชนํ วา ชวนํ วา. อาวชฺชเน คหิเต ผสฺสเวทนาสญฺญาวิตกฺกา อาวชฺชนสหชาตา โหนฺติ. ปปญฺโจ ชวนสหชาโต. ชวเน คหิเต สหาวชฺชนกํ ภวงฺคํ มโน นาม โหติ, ตโต ผสฺสาทโย สพฺเพปิ ชวเนน สหชาตาว. มโนทฺวาเร ปน ยสฺมา อตีตาทิเภทํ สพฺพํปิ อารมฺมณํ โหติ, ตสฺมา อตีตานาคตปจฺจุปฺปนฺเนสูติ อิทํ ยุตฺตเมว. อิทานิ วฏฺฏํ ทสฺเสนฺโต โส วตาวุโสติ เทสนํ อารภิ. ผสฺสปญฺญตฺตึ ปญฺญเปสฺสตีติ ผสฺโส นาม เอโก ธมฺโม อุปฺปชฺชตีติ เอวํ ผสฺสปญฺญตฺตึ ปญฺญเปสฺสติ, ทสฺเสสฺสตีติ อตฺโถ. เอส นโย สพฺพตฺถ. เอวํ อิมสฺมึ สติ อิทํ โหตีติ ทฺวาทสายตนวเสน สกลํ วฏฺฏํ ทสฺเสตฺวา อิทานิ ทฺวาทสายตน- ปฏิปกฺเขปวเสน วิวฏฺฏํ ทสฺเสนฺโต โส วตาวุโส จกฺขุสฺมึ อสตีติ เทสนํ อารภิ. ตตฺถ วุตฺตนเยเนว อตฺโถ เวทิตพฺโพ. เอวํ ปญฺหํ วิสฺสชฺเชตฺวา อิทานิ สาวเกน ปโญฺห กถิโตติ มา กงฺขา อหุวตฺถ, ๓- อยํ ภควา สพฺพญฺญุตญฺญาณตุลํ คเหตฺวา นิสินฺโน, อิจฺฉมานา ตเมว อุปสงฺกมิตฺวา นิกฺกงฺขา โหถาติ อุยฺโยเชนฺโต อากงฺขมานา จ ปนาติอาทิมาห. [๒๐๕] อิเมหิ อากาเรหีติ อิเมหิ การเณหิ ปปญฺจุปฺปตฺติยา ปาฏิเยกฺก- การเณหิ เจว วฏฺฏวิวฏฺฏการเณหิ จ. อิเมหิ ปเทหีติ อิเมหิ อกฺขรสมฺปิณฺฑเนหิ. พฺยญฺชเนหีติ ปาฏิเยกฺกอกฺขเรหิ. ปณฺฑิโตติ ปณฺฑิจฺเจน สมนฺนาคโต. จตูหิ วา การเณหิ ปณฺฑิโต ธาตุกุสโล อายตนกุสโล ปจฺจยาการกุสโล การณาการณ- กุสโลติ. มหาปญฺโญติ มหนฺเต อตฺเถ มหนฺเต ธมฺเม มหนฺตา นิรุตฺติโย มหนฺตานิ ปฏิภาณานิ ปริคฺคณฺหนสมตฺถาย ๔- มหาปญฺญาย สมนฺนาคโต. ยถา ตํ @เชิงอรรถ: ฉ.ม. เอวเมวํ ฉ.ม. เตภูมก....., เอวมุปริปิ @ ฉ.ม. มา นิกฺกงฺขา อหุวตฺถ, ฉ.ม. ปริคฺคหณ....

--------------------------------------------------------------------------------------------- หน้าที่ ๔๐๕.

มหากจฺจาเนนาติ ยถา มหากจฺจาเนน พฺยากตํ, ตํ สนฺธาย ตนฺติ วุตฺตํ. ยถา มหากจฺจาเนน พฺยากตํ, อหํปิ ตํ เอวเมว ๑- พฺยากเรยฺยนฺติ อตฺโถ. มธุปิณฺฑิกนฺติ มหนฺตํ คุฬปูวํ พทฺธสตฺตุคุฬกํ วา. อเสจนกนฺติ อเสจิตพฺพกํ. สปฺปิผาณิตมธุสกฺกราทีสุ อิทนฺนาเมตฺถ มนฺทํ อิทํ พหุกนฺติ น วตฺตพฺพํ สมโยชิตรสํ. เจตโสติ จินฺตกชาติโก. ทพฺพชาติโกติ ปณฺฑิตสภาโว. โก นาโม อยนฺติ อิทํ เถโร "อติครุโก ๒- อยํ ธมฺมปริยาโย, ทสพลสฺส สพฺพญฺญุตญฺญาเณเนวสฺส นามํ คณฺหาเปสฺสามี"ติ จินฺเตตฺวา อาห. ตสฺมาติ ยสฺมา มธุปิณฺฑิโก วิย มธุโร, ตสฺมา มธุปิณฺฑิกปริยาโยเตฺวว นํ ธาเรหีติ วทติ. เสสํ สพฺพตฺถ อุตฺตานตฺถเมวาติ. ปปญฺจสูทนิยา มชฺฌิมนิกายฏฺฐกถาย มธุปิณฺฑิกสุตฺตวณฺณนา นิฏฺฐิตา. ------------- @เชิงอรรถ: ฉ.ม. เอวเมวํ ฉ.ม. อติภทฺทโก

             อรรถกถาภาษาบาลีอักษรไทย เล่มที่ ๗ หน้า ๓๙๙-๔๐๕. http://84000.org/tipitaka/atthapali/read_th.php?B=7&A=10149&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=7&A=10149&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=12&i=243              เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=3752              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=4469              The Pali Tipitaka in Roman Character :- http://84000.org/tipitaka/read/roman_read.php?B=12&A=4469              สารบัญพระไตรปิฎกเล่มที่ ๑๒ http://84000.org/tipitaka/read/?index_12

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]