|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 16 : PALI ROMAN An.A. (manoratha.3)
6. Anandasuttavannana [37] Chatthe sambadheti pancakamagunasambadhe. Okasadhigamoti okasassa adhigamo. Sattanam visuddhiyati sattanam visuddhipapanatthaya. Samatikkamayati samatikkamanatthaya. Atthangamayati atthangamanatthaya. Nayassa adhigamayati sahavipassanakassa maggassa adhigamanatthaya. Nibbanassa sacchikiriyayati apaccayanibbanassa paccakkhakaranatthaya. Tadeva nama cakkhum bhavissatiti tanneva pasadacakkhu asambhinnam bhavissati. Te rupati tadeva ruparammanam apatham agamissati. Tancayatanam no patisamvedissatiti tam ca rupayatanam na janissati. Sesesupi eseva nayo. Udayiti kaludayitthero. Sannimeva nu khoti sacittakoyeva nu kho. Makaro padasandhimattam. Kimsanniti katarasannaya sanni hutva. Sabbaso rupasannananti idam kasma ganhi, kim pathamajjhanadisamangino rupadipatisamvedana hotiti? na hoti, yava pana kasinarupam arammanam hoti, tava rupam samatikkantam nama na hoti. Tam 1- asamatikkantataya paccayo bhavitum sakkhissati. Samatikkantatta pana tam natthi nama hoti, natthitaya paccayo bhavitum na sakkotiti dassetum idameva ganhi. Jatilabhagikati 2- jatilanagaravasini. Na cabhinatotiadisu ragavasena na abhinato, dosavasena na apanato. Na sasankharena sampayogena kilese nigganhitva varetva thito, kilesanam pana chinnante uppannoti na sasankharaniggayhavaritavato. 3- Vimuttatta thitoti kilesehi vimuttattayeva thito. Thitatta santusitoti patitthitattayeva 4- santuttho nama jato. Santusitatta no paritassatiti santutthattayeva paritasam napajjati. Ayam bhante ananda samadhi kimphaloti imina ayam theri talaphalanneva @Footnote: 1 cha.Ma. ayam patho na dissati 2 Si.,i. jatilabhagiyati, ka. jatilagahiyati, @cha.Ma. jatilavasikati 3 cha.Ma. sasankharaniggayhavaritagato 4 cha.Ma. thitattayeva--------------------------------------------------------------------------------------------- page312.
Gahetva "idam phalam kimphalam nama"ti pucchamana viya arahattaphalasamadhim gahetva "ayam bhante ananda samadhi kimphalo vutto bhagavata"ti pucchati. Annaphalo vuttoti anna vuccati arahattam, arahattaphalasamadhi nameso vutto bhagavatati attho. Evamsannipiti imaya arahattaphalasannaya sannipi tadayatanam no patisamvedetiti evam imasmim sutte arahattaphalasamadhi kathitoti.The Pali Atthakatha in Roman Book 16 page 311-312. http://84000.org/tipitaka/atthapali/rm_line.php?B=16&A=7004&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=7004&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=23&i=241 เนื้อความพระไตรปิฎกฉบับหลวง :- http://84000.org/tipitaka/read/r.php?B=23&A=9146 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=23&A=9374 The Pali Tipitaka in Roman Character :- http://84000.org/tipitaka/read/roman_read.php?B=23&A=9374 Contents of The Tipitaka Volume 22 http://84000.org/tipitaka/read/?index_23
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]