AtthaPali Vol.2

{209} Dutiyasikkhapade. Parihinalabhasakkaroti so kira ajatasattuna rajanam marapetvapi abhimare yojetvapi ruhiruppadam katvapi gulhapaticchanno ahosi. Yada pana divayeva dhanapalakam payojesi

--------------------------------------------------------------------------------------------- page385.

Tada pakato jato. Katham. Devadatto hatthim payojesiti hi kathaya uppannaya na kevalam hatthim payojesi rajanampi marapesi abhimarepi pesesi silampi pavijjhi papo devadattoti pakato ahosi. Kena saddhim idam kammamakasiti ca vutte ranna ajatasattunati ahamsu. Tato nagara katham hi nama raja evarupam coram sasanakantakam gahetva vicarissatiti utthahimsu. Raja nagarasankhobham natva devadattam nihari. Tato patthaya cassa pancathalipakasatani upacchindi. Upatthanampissa na agamasi. Annepissa manussa na kinci databbam va katabbam va mannimsu. Tena vuttam parihinalabhasakkaroti. Kulesu vinnapetva vinnapetva bhunjatiti ma me gano bhijjiti parisam posento tvam ekassa bhikkhuno bhattam dehi tvam dvinnanti evam vinnapetva sapariso kulesu bhunjati. {211} Civaram parittam uppajjatiti bhattam agganhantanam civaram na denti tasma parittam uppajjati. {212} Civarakarake bhikkhu bhattena nimantentiti game pindaya caritva cirena civaram nitthapente disva evam lahum nitthapetva civaram paribhunjissantiti punnakamyataya nimantenti. {215} Nanaverajjaketi nanavidhehi annarajjehi agate. Nanaveranjake itipi patho. Ayamevattho. {217-218} Ganabhojaneti ganassa bhojane. Idha ca gano nama cattaro bhikkhu adim katva taduttarim bhikkhu adhippeta. Teneva sabbantimam

--------------------------------------------------------------------------------------------- page386.

Paricchedam dassento aha yattha cattaro bhikkhu .pe. Etam ganabhojanam namati. Tam panetam ganabhojanam dvihakarehi pasavati nimantanato va vinnattito va. Katham nimantanato pasavati. Cattaro bhikkhu upasankamitva tumhe bhante odanena nimantemi odanam me ganhatha akankhatha oloketha adhivasetha patimanethati evam yenakenaci vevacanena va bhasantarena va pancannam bhojananam namam gahetva nimanteti. Evam ekato nimantita paricchinnakalavasena ajjatanaya va svatanaya va ekato gacchanti ekato ganhanti ekato bhunjanti ganabhojanam hoti sabbesam apatti. Ekato nimantita ekato va nanato va gacchanti ekato ganhanti nanato bhunjanti apattiyeva. Patiggahanameva hi ettha pamanam. Ekato nimantita ekato va nanato va gacchanti nanato ganhanti ekato va nanato va bhunjanti anapatti. Cattari parivenani va vihare va gantva nanato nimantita ekatthane thitesuyeva va eko puttena eko pitarati evampi nanato nimantita ekato va nanato va gacchantu ekato va nanato va bhunjantu sace ekato ganhanti ganabhojanam hoti sabbesam apatti. Evam tava nimantanato pasavati. Katham vinnattito pasavati. Cattaro bhikkhu ekato thita va nisinna va upasakam disva amhakam catunnampi bhattam dehiti va vinnapeyyum patekkam va passitva mayham dehi mayham dehiti

--------------------------------------------------------------------------------------------- page387.

Evam ekato va nanato va vinnapetva ekato va gacchantu nanato va bhattam gahetvapi ekato va bhunjantu nanato va sace ekato ganhanti ganabhojanam hoti sabbesam apatti. Evam vinnattito pasavati. Padapi phalitati yatha mahacammassa parato mamsam dissati evam phalita valikaya va sakkharaya va pahatamatta dukkham uppadenti na sakka hoti antogame pindaya caritum. Tadise gelanne gilanasamayoti bhunjitabbam. Na lesakappiyam katabbam. Civare kariyamaneti yada satakam ca suttam ca labhitva civaram karonti tada. Visum hi civarakarasamayo nama natthi. Tasma yo tattha civare kattabbam yankinci kammam karoti mahapaccariyam hi antamaso sucivedhanakotipi vuttam tena civarakarasamayoti bhunjitabbam. Kurundiyam pana vitthareneva vuttam yo civaram vicareti chindati moghasuttam thapeti agantukapatam thapeti paccagatam sibbeti agantukapatam bandhati anuvatam chindati ghatteti aropeti tattha paccagatam sibbati suttam karoti valeti pipphalikam niseti parivattanam karoti sabbopi civaram karotiyevati vuccati yo pana samipe nisinno jatakam va dhammapadam va katheti ayam na civarakarako etam thapetva sesanam ganabhojane anapattiti. Addhayojananti ettakampi addhanam gantukamena. Yo pana duram gantukamo tattha vattabbameva natthi. Gacchantenati addhanam gacchantena

--------------------------------------------------------------------------------------------- page388.

Addhayojanabbhantare gavutepi bhunjitum vattati. Gatena bhunjitabbanti gatena ekadivasam bhunjitabbam. Navabhiruhanepi eseva nayo. Ayam pana viseso. Abhirulhena icchitatthanam gantvapi yava na orohati tava bhunjitabbanti mahapaccariyam vuttam. Catutthe agateti ayam antimaparicchedo. Catutthepi agate yattha na yapenti so mahasamayo. Yattha pana satam va sahassam va sannipatanti tattha vattabbameva natthi. Tasma tadise kale mahasamayoti adhitthahitva bhunjitabbam. Yo koci paribbajakasamapannoti sahadhammikesu va titthiyesu va annataro. Etesam hi yenakenaci kate bhatte samanabhattasamayoti bhunjitabbam. {220} Anapatti samayeti sattasu samayesu annatarasmim anapatti. Dve tayo ekatoti yepi akappiyanimantanam sadiyitva dve va tayo va ekato gahetva bhunjanti tesampi anapatti. Tattha animantitacatuttham pindapatikacatuttham anupasampannacatuttham pattacatuttham gilanacatutthanti pancannam catukkanam vasena vinicchayo veditabbo. Katham. Idhekacco cattaro bhikkhu bhattam ganhathati nimanteti. Tesu tayo gata eko na gato. Upasako eko bhante thero kuhinti pucchati. Nagato upasakati. So annam tamkhanappattam kanci ehi bhanteti sampavesetva catunnam bhattam deti. Sabbesampi anapatti. Kasma. Ganapurakassa animantitatta. Tayoeva na tattha nimantita

--------------------------------------------------------------------------------------------- page389.

Ganhimsu tehi gano na purati ganapurako ca animantito tena gano bhijjatiti idam animantitacatuttham. Pindapatikacatutthe. Namantanakalepi eko pindapatiko hoti so nadhivaseti. Gamanavelaya pana ehi bhanteti vutte anadhivasitatta anagacchantampi etha bhikkham lacchathati gahetva gacchanti. So tam ganam bhindati. Tasma sabbesam anapatti. Anupasampannacatutthe. Samanerena saddhim nimantita honti. Sopi ganam bhindati. Pattacatutthe. Eko sayam agantva pattam pesesi. Evampi gano bhijjati. Tasma sabbesam anapatti. Gilanacatutthe. Gilanena saddhim nimantita honti. Tattha gilanasseva anapatti itaresam pana ganapurako hoti. Na hi gilanena gano bhijjati. Tasma tesam apattiyeva. Mahapaccariyam pana avisesena vuttam samayaladdhako sayameva muccati sesanam ganapurakatta apattikaro hotiti. Tasma civaradanasamayaladdhakadinampi vasena catukkani veditabbani. Sace pana adhivasetva gatesupi catusu janesu eko pandito bhikkhu aham tumhakam ganam bhindissami nimantanam sadiyathati vatva yagukhajjakavasane bhattatthaya pattam ganhantanam adatva ime tava bhikkhu bhojetva vissajjetha aham paccha anumodanam katva gamissamiti nisinno tesu bhutva gatesu detha bhante pattanti upasakena pattam gahetva bhatte dinne bhutva anumodanam katva gacchati sabbesam anapatti. Pancannam hi

--------------------------------------------------------------------------------------------- page390.

Bhojananamyeva vasena ganabhojane visamketam natthi. Odanena nimantita kummasam ganhantapi apattim apajjanti. Tani ca tehi ekato na gahitani. Yaguadihi pana visamketam hoti. Tani tehi ekato gahitaniti. Evam eko pandito annesampi anapattim karoti. Tasma sace koci sanghabhattam kattukamena nimantanatthaya pesito viharam agamma bhante sve amhakam ghare bhikkham ganhathati avatva bhattam ganhathati va sanghabhattam ganhathati va sangho bhattam ganhatuti va vadati bhattuddesakena panditena bhavitabbam. Nimantanika ganabhojanato pindapatika dhutangabhedato mocetabba. Katham. Evam tava vattabbam sve na sakka upasakati. Punadivase bhanteti. Punadivase na sakkati. Evam yavaaddhamasampi haritva puna vattabbo tvam kim avacati. Sace punapi sanghabhattam ganhathati vadati tato imam tava upasaka puppham kappiyam karohi imam tinanti evam vikkhepam katva puna kim kathayitthati pucchitabbo. Sace punapi tatheva vadati avuso tvam pindapatike va mahathere va na lacchasi samanere lacchasiti vattabbo. Nanu bhante asukasmim ca asukasmim ca game bhadante bhojesum aham kasma na labhamiti ca vutte te nimantetum jananti tvam na janasiti. Te katham nimantesum bhanteti. Te evamahamsu amhakam bhante bhikkham ganhathati. Sace sopi tatheva vadati vattati. Atha punapi bhattam ganhathati vadati na dani tvam avuso

--------------------------------------------------------------------------------------------- page391.

Bahu bhikkhu lacchasi tayoeva lacchasiti vattabbo. Nanu bhante asukasmim ca asukasmim ca game sakalam bhikkhusangham bhojesum aham kasma na labhamiti. Tvam nimantetum na janasiti. Te katham nimantesum bhanteti. Te evamahamsu amhakam bhante bhikkham ganhathati. Sace sopi tatheva vadati vattati. Atha punapi bhattamevati vadati. Tato vattabbo gaccha tvam natthi amhakam tava bhattenattho nibaddhagocaro esa amhakam mayamettha pindaya carissamati. Tam caratha bhanteti vatva agatam pucchanti kim bho laddha bhikkhuti. Kim etena bahu ettha vattabbam thera sve pindaya carissamati ahamsu ma dani tumhe pamajjitthati. Dutiyadivase cetiyavattam katva thita bhikkhu sanghattherena vattabba avuso dhuragame sanghabhattam apanditamanusso pana agamasi gacchama dhuragame pindaya carissamati. Bhikkhu therassa vacanam katabbam na dubbacehi bhavitabbam gamadvare atthatvava pindaya caritabbam. Tesu pattani gahetva nisidapetva bhojentesu bhunjitabbam. Sace asanasalaya bhattam thapetva rathikasu ahindanta arocenti asanasalaya bhante bhattam ganhathati na vattati. Atha pana bhattam adaya tattha tattha gantva bhattam ganhathati vadanti patikacceva va viharam abhiharitva patirupe thane thapetva agatagatanam denti ayam abhihatabhikkha nama vattati. Sace pana bhattasalaya danam sajjetva tamtam parivenam

--------------------------------------------------------------------------------------------- page392.

Pahinanti bhattasalaya bhattam ganhathati na vattati. Ye pana manussa pindaya pavitthe bhikkhu disvava asanasalam sammajjitva tattha nisidapetva bhojenti na te patikkhipitabba. Ye pana game bhikkham alabhitva gamato nikkhamante bhikkhu disva bhante bhattam ganhathati vadanti te patikkhipitabba. Na va nivattitabbam. Sace nivattatha bhante bhattam ganhathati vadanti nivattathati vuttapade nivattitum vattati. Nivattatha bhante ghare bhattam katam game bhattam katanti. Gehe ca game ca bhattam nama yassa kassaci hotiti nivattitum vattati. Nivattatha bhattam ganhathati sambandham katva vadanti nivattitum na vattati. Asanasalato pindaya caritum nikkhamante disva nisidatha bhante bhattam ganhathati vuttepi eseva nayo. Niccabhattanti dhuvabhattam vuccati. Niccabhattam ganhathati vadanti bahunampi ekato gahetum vattati. Salakabhattadisupi eseva nayo. Sesamettha uttanameva. Elakalomasamutthanam kiriya nosannavimokkham acittakam pannattivajjam kayakammam ticittam tivedananti. Ganabhojanasikkhapadam dutiyam.

The Pali Atthakatha in Roman Book 2 page 384-392. http://84000.org/tipitaka/atthapali/rm_line.php?B=2&A=8111&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8111&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=475 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=10269 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=5540 The Pali Tipitaka in Roman Character :- http://84000.org/tipitaka/read/roman_read.php?B=2&A=5540 Contents of The Tipitaka Volume 1 http://84000.org/tipitaka/read/?index_2