AtthaPali Vol.27

12. Ditthigatasuttavannana [49] Dvadasame dvihi ditthigatehiti ettha ditthiyova ditthigatani "guthagatam muttagatan"tiadisu ^1- viya. Gahitakarasunnata yatha ditthinam gatamattaniti ditthigatani, tehi ditthigatehi. Pariyutthitati abhibhuta palibuddha va. Palibodhattho vapi hi pariyutthanasaddo "cora magge pariyutthimsu"tiadisu ^2- viya. Devati upapattideva. Te hi dibbanti ularatamehi kamagunehi jhanadihi ca kilanti, iddhanubhavena va yathicchitamattham gacchanti adhigacchantiti ca devati vuccanti. Manassa ussannatta manussa, ukkatthaniddesavasena cetam vuttam yatha "sattha devamanussanan"ti. Oliyanti eketi "sassato atta ca loko ca"ti bhavesu osiyanabhinivesabhutena sassatabhavena ekacce deva manussa ca avaliyanti alliyanti sankocam apajjanti, na tato nissaranti. Atidhavantiti paramatthato bhinnasabhavanampi sabhavadhammanam yvayam hetuphalabhavena sambandho, tam aggahetva nanattanayassapi gahanena tattha tattheva dhavanti, tasma "ucchijjati atta ca loko ca, na hoti param marana"ti ucchede va bhavanirodhapatipattiya patikkhepadhammatam abhidhavanti atikkamanti. Cakkhumanto ca passantiti casaddo @Footnote: ¹ an.navaka. 23/215/388 ² vi.cula. 7/430/263

--------------------------------------------------------------------------------------------- page203.

Byatireke. Pubbayogasampattiya nanaparipakena pannacakkhumanto pana devamanussa teneva pannacakkhuna sassatam ucchedanca antadvayam anupagamma majjhimapatipattidassanena paccakkham karonti. Tehi "namarupamattamidam paticca samuppannam, tasma na sassatam, napi ucchijjati"ti aviparitato passanti. Evam oliyanadike puggaladhitthanena uddisitum "kathanca bhikkhave"tiadi vuttam. Tattha bhavati kamabhavo rupabhavo arupabhavo, aparepi tayo bhava sannibhavo asannibhavo nevasanninasannibhavo, aparepi tayo bhava ekavokarabhavo catuvokarabhavo pancavokarabhavoti. Etehi bhavehi aramanti abhinandantiti bhavarama. Bhavesu rata abhiratati bhavarata. Bhavesu sutthu muditati bhavasammudita. Bhavanirodhayati tesam bhavanam accantanirodhaya anuppadanatthaya dhamme desiyamaneti tathagatappavedite niyyanikadhamme vuccamane. Na pakkhandatiti sassatabhinivitthatta sankhittadhammatta na pavisati na ogahati. Na pasidatiti pasadam napajjati na tam saddahati na santitthatiti tassam desanayam na titthati nadhimuccati. Evam sassatabhinivesanena bhavesu oliyanti. Attiyamanati bhave jararogamaranadini vadhabandhanacchedanadini ca disva samvijjanena tehi samangibhavena bhavena piliyamana dukkhapiyamana. Harayamanati lajjamana. Jigucchamanati patikulato dahanta. Vibhavanti ucchedam. Abhinandantiti tanhaditthabhinandanahi ajjhosaya nandanti. Yato kira bhotiadi tesam abhinandanakaradassanam. Tattha yatoti yada. Bhoti alapanam. Ayam attati karakadibhavena attana parikappitam sandhaya vadati. Ucchijjatiti upacchijjati. Vinassatiti na dissati, vinasam abhavam gacchati. Na hoti param maranati maranena uddham na bhavati. Etam santanti yadetam attano ucchedadi, etam sabbabhavavupasamato

--------------------------------------------------------------------------------------------- page204.

Sabbasantapavupasamato ca santam, santatta eva panitam, tacchaviparitabhavato yathavam. Tattha "santam panitan"ti idam dvayam tanhabhinandanaya vadanti, "yathavan"ti ditthabhinandanaya. Evanti evam yathavuttaucchedabhinivesanena. Bhutanti khandhapancakam. Tam hi paccayasambhutatta paramatthato vijjamanatta ca bhutanti vuccati. Tenaha "bhutamidam bhikkhave samanupassatha"ti. ^1- Bhutato aviparitasabhavato salakkhanato samannalakkhanato ca passati. Idam hi khandhapancakam namarupamattam. Tattha "ime pathaviadayo dhamma rupam, ime phassadayo dhamma namam, imani nesam lakkhanadini, ime nesam avijjadayo paccaya"ti evam sappaccayanamarupadassanavasena ceva, "sabbepime dhamma ahutva sambhonti, hutva pativenti, tasma anicca, aniccatta dukkha, dukkhatta anatta"ti evam aniccanupassanadivasena ca passatiti attho. Ettavata tarunavipassana- pariyosana vipassanabhumi dassita. Nibbidayati bhutasankhatassa tebhumakadhammajatassa nibbindanatthaya, etena balavavipassanam dasseti. Viragayati viragattham virajjanattham, imina maggam dasseti. Nirodhayati nirujjhanattham, iminapi maggameva dasseti. Nirodhayati va patippassaddhinirodhena saddhim anupadisesanibbanam dasseti. Evam kho cakkhumanto passantiti evam pannacakkhumanto sapubbabhagena maggapannacakkhuna catusaccadhammam passanti. Gathasu ye bhutam bhutato disvati ye ariyasavaka bhutam khandhapancakam bhutato aviparitasabhavato vipassanapannasahitaya maggapannaya disva. Etena parinnabhisamayam dasseti. Bhutassa ca atikkamanti bhavanabhisamayam. Ariyamaggo hi bhutam atikkamati etenati "bhutassa atikkamo"ti vutto. Yathabhuteti aviparitasaccasabhave @Footnote: ¹ Ma.mu. 12/401/358

--------------------------------------------------------------------------------------------- page205.

Nibbane. Vimuccanti adhimuccanti, etena sacchikiriyabhisamayam dasseti. Bhavatanhaparikkhayati bhavatanhaya sabbaso khepana samucchindanto, etena samudayappahanam dasseti. Save ^1- bhutam parinno soti ettha pana saveti ^2- nipatamattam. So bhutaparinno bhutassa atikkamanupayena maggena bhavatanhaparikkhaya parinnatakkhandho tato eva yathabhute nibbane adhimutto. Bhavabhaveti khuddake ceva mahante ca, ucchedadidassane va vitatanho bhinnakileso bhikkhu bhutassa upadanakkhandha- sankhatassa attabhavassa vibhava ayatim anuppada punabbhavam nagacchati, apannattikabhavameva gacchatiti anupadisesaya nibbanadhatuya desanam nitthapesi. Iti imasmim vagge ekadasame vattam kathitam, tatiyacatutthapancamesu pariyosanasutte ca vattavivattam kathitam, sesesupi vivattamevati veditabbam. Dvadasamasuttavannana nitthita. Paramatthadipaniya khuddakanikayatthakathaya itivuttakassa dukanipatavannana nitthita. -------------- @Footnote: ¹ Ma., ka.sace ² Ma.,ka. saceti

The Pali Atthakatha in Roman Book 27 page 202-205. http://84000.org/tipitaka/atthapali/rm_line.php?B=27&A=4462&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=4462&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=227 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5363 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5430 The Pali Tipitaka in Roman Character :- http://84000.org/tipitaka/read/roman_read.php?B=25&A=5430 Contents of The Tipitaka Volume 25 http://84000.org/tipitaka/read/?index_25