ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 30 : PALI ROMAN Vimana.A. (paramatthadi.)

page191.

37. 9. Visalakkhivimanavannana ka nama tvam visalakkhiti visalakkhivimanam. Tassa ka uppatti? bhagavati parinibbute ranna ajatasattuna attana patiladdha bhagavato sariradhatuyo gahetva rajagahe thupe ca mahe ca kate rajagahavasini eka malakaradhita sunanda nama upasika ariyasavika sotapanna pitugehato pesitam bahum malanca gandhanca pesetva devasikam cetiye pujam karesi, uposathadivasesu pana sayameva gantva pujam akasi. Sa aparabhage annatarena rogena phuttha kalam katva sakkassa devaranno paricarika hutva nibbatti. Athekadivasam sa sakkena devanamindena saha cittalatavanam pavisi. Tattha ca annasam devatanam pabha pupphadinam pabhahi patihata hutva vicittavanna hoti, sunandaya pana pabha tahi anabhibhuta sabhaveneva atthasi. Tam disva sakko devaraja taya katasucaritam natukamo imahi gathahi pucchi 1-:- [666] "ka nama tvam visalakkhi ramme cittalatavane samanta anupariyasi nariganapurakkhata. [667] Yada deva tavatimsa pavisanti imam vanam sayogga saratha sabbe citra honti idhagata. [668] Tuyhanca idha pattaya uyyane vicarantiya kaye na dissati cittam kena rupam tave'disam devate pucchitacikkha kissa kammassidam phalan"ti. @Footnote: 1 ka.,Ma. patipucchi

--------------------------------------------------------------------------------------------- page192.

#[666] Tattha ka nama tvanti purimattabhave ka nama kidisi nama tvam, yattha katena sucaritena ayam te idisi anubhavasampatti ahositi adhippayo. Visalakkhiti vipulalocane. #[667] Yadati yasmim kale. Imam vananti imam cittalatanamakam 1- upavanam. Citra hontiti imasmim cittalatavane vicittapabhasamsaggena attano sariravatthalankaradinam pakatiobhasatopi visitthabhavasampattiya 2- vicitrakara honti. Idhagatati idha agata sampatta, idha va agamanahetu. #[668] Idha pattayati imam thanam sampattaya upagataya. Kena rupam tave'disanti kena karanena tava rupam sariram edisam evarupam, cittalatavanassa pabham abhibhavantam titthatiti adhippayo. Evam sakkena puttha sa devata imahi gathahi byakasi:- [669] "yena kammena devinda rupam mayham gati ca me iddhi ca anubhavo ca tam sunohi purindada. [670] Aham rajagahe ramme sunanda namupasika saddha silena sampanna samvibhagarata sada. [671] Acchadananca bhattanca senasanam padipiyam adasim ujubhutesu vippasannena cetasa. [672] Catuddasim pancadasim ya ca pakkhassa atthami patihariyapakkhanca atthangasusamagatam. @Footnote: 1 ka. cittalatavananamakam 2 Ma. vicittabhavappattiya

--------------------------------------------------------------------------------------------- page193.

[673] Uposatham upavasissam sada silesu samvuta sannama samvibhaga ca vimanam avasamaham. [674] Panatipata virata musavada ca sannata theyya ca aticara ca majjapana ca araka. [675] Pancasikkhapade rata ariyasaccana kovida upasika cakkhumato gotamassa yasassino. [676] Tassa me natikula dasi sada malabhiharati taham bhagavato thupe sabbamevabhiropayim. [677] Uposathe caham gantva malagandhavilepanam thupasmim abhiropesim pasanna sehi panibhi. 1- [678] Tena kammena devinda rupam mayham gati ca me iddhi ca anubhavo ca yam malam abhiropayim. [679] Yanca silavati asim na tam tava vipaccati asa ca pana me devinda sakadagamini siyan"ti. #[669] Tattha gatiti ayam devagati, nibbatti va. Iddhiti ayam deviddhi, adhippayasamijjhanam va. Anubhavoti pabhavo. Purindadati sakkam alapati. So hi pure danam adasiti 2- "purindado"ti vuccati. #[676] Natikulati pitugeham sandhaya vadati. Sada malabhiharatiti sada sabbakalam divase divase natikulato dasiya puppham mayham abhihariyati. @Footnote: 1 ka. sakehi panihi 2 i. dadatiti

--------------------------------------------------------------------------------------------- page194.

Sabbamevabhiropayinti mayham pilandhanatthaya pitugehato ahatam 1- malam annanca gandhadim sabbameva attana aparibhunjitva bhagavato thupe pujanavasena abhiropayim pujam karesim. #[677-8] Uposathe caham gantvati uposathadivase ahameva thupatthanam gantva. Yam malam abhiropayinti yam tada bhagavato thupe malagandhabhiropanam katam, tena kammenati yojana. #[679] Na tam tava vipaccatiti yam silavati asim, tam silarakkhanam tam rakkhitam silam pujamayapunnassa balavabhavena aladdhokasam na tava vipaccati, na vipaccitum araddham, aparasmimyeva attabhave tassa vipakoti attho. Asa ca pana me devinda, sakadagamini siyanti "katham nu kho aham sakadagamini bhaveyyan"ti patthana ca me devinda ariyadhammavisayava, na bhavavisesavisaya. Sa pana sappimandam icchato dadhito pacitam 2- viya anipphadiniti 3- dasseti. Sesam vuttanayameva. Imam pana attham sakko devanamindo attana ca taya devadhitaya ca vuttaniyameneva ayasmato vangisattherassa arocesi. Ayasma vangiso sangitikale dhammasangahakanam mahatheranam arocesi, te ca tam tatheva sangitim aropayimsuti. Visalakkhivimanavannana nitthita. ----------------------- @Footnote: 1 Ma. abhatam 2 Si. dadhina mathitam, i. dadhito mathitam 3 Ma. ananunipphaditi


             The Pali Atthakatha in Roman Book 30 page 191-194. http://84000.org/tipitaka/atthapali/rm_line.php?B=30&A=4041&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=4041&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=26&i=37              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1334              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1324              The Pali Tipitaka in Roman Character :- http://84000.org/tipitaka/read/roman_read.php?B=26&A=1324              Contents of The Tipitaka Volume 26 http://84000.org/tipitaka/read/?index_26

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]