ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter
Atthakatha Book 32 : PALI ROMAN Thera.A.1 (paramatthadi.1)

                150. 3. Vanavacchattheragathavannana
      nilabbhavannati ayasmato vanavacchattherassa gatha. Tassa 9- ka uppatti?
      so kira atthadassino bhagavato kale kacchapayoniyam nibbatto vinataya nama
nadiya vasati. Tassa khuddakanavappamano attabhavo ahosi. So kira ekadivasam
@Footnote: 1 cha.Ma. vatehi   2 ka. atthi yam   3 ka. hitam   4 Si. nidassanattham
@5 cha.Ma. bhunjiyati paribhunjiyatiti      6 Ma. tadattham yassa atthiti tadatthikam
@7 Ma. loke  8 cha.Ma. pi-saddo na dissati   9 cha.Ma. ayam patho na dissati

--------------------------------------------------------------------------------------------- page87.

Bhagavantam nadiya tire thitam disva "param gantukamo manne bhagava"ti attano pitthiyam aropetva netukamo padamule nipajji. Bhagava tassa ajjhasayam natva tam anukampanto aruhi. So pitisomanassajato sotam chindanto jiyaya vegena khittasaro viya tavadeva paratiram papesi. Bhagava tassa punnassa phalam etarahi nibbattakasampattinca byakaritva pakkami. So tena punnakammena devamanussesu samsaranto anekasatakkhattum tapasapabbajjam pabbajitva arannavasiyeva ahosi. Puna kassapabuddhakale kapotayoniyam nibbattitva aranne viharantam mettaviharim ekam bhikkhum disva cittam pasadesi. Tato pana cuto baranasiyam kulagehe nibbattitva vayappatto 1- samvegajato pabbajitva vivattupanissayam bahupunnakammam upacini. Evam tattha tattha devamanussesu 2- samsaritva imasmim buddhuppade kapilavatthunagare vacchagottassa nama brahmanassa gehe patisandhim ganhi. Tassa mata paripakkagabbha 3- arannam dassanatthaya sanjatadohala arannam pavisitva vicarati, tavadevassa kammajavata calimsu, tirokaranim parikkhipitva adamsu. Sa dhannapunnalakkhanam puttam vijayi. So bodhisattena saha pamsukilikasahayo ahosi. "vaccho"tissa gottanamanca 4- ahosi. Vanabhiratiya vasena vanavacchoti pannayittha. Aparabhage mahasatte mahabhinikkhamanam nikkhamitva mahapadhanam padahante "ahampi siddhatthakumarena saha aranne viharissami"ti nikkhamitva tapasapabbajjam pabbajitva himavante vasanto abhisambuddhabhavam sutva bhagavato santikam upagantva pabbajitva kammatthanam gahetva aranne vasamano na cirasseva vipassanam ussukkapetva arahattam sacchakasi. Tena vuttam apadane 5-:- "atthadassi tu bhagava sayambhu lokanayako @Footnote: 1 Si. vayappattakale 2 Si. manussesu 3 Si. paripunnagabbha 4 cha.Ma. namanca, @Si. vacchotissa namam gottanamanca 5 kha.apa. 33/78/115 taraniyattherapadana (sya)

--------------------------------------------------------------------------------------------- page88.

Vinatanadiya tiram upagacchi 1- tathagato. Udaka abhinikkhamma kacchapo varigocaro buddham taretukamoham upesim lokanayakam. Abhiruhatu mam buddho atthadassi mahamuni aham tam tarayissami dukkhassantam karo tuvam. Mama sankappamannaya atthadassi mahayaso abhiruhitva 2- me pitthim atthasi lokanayako. Yato sarami attanam yato pattosmi vinnutam sukham me tadisam natthi phutthe padatale yatha. Uttaritvana sambuddho atthadassi mahayaso naditiramhi thatvana ima gatha abhasatha. Yavata vattate cittam gangasotam taramaham ayanca 3- kacchapo raja taresi mama punnava. 4- Imina buddhataranena 5- mettacittavataya ca attharase kappasate devaloke ramissati. Devaloka idhagantva sukkamulena codito ekasane nisiditva kankhasotam tarissati. Yathapi bhaddake khette bijam appampi ropitam samma dharam 6- pavecchante phalam toseti kassake. 7- Tathevidam buddhakhettam sammasambuddhadesitam samma dharam 6- pavecchante phalam mam tosayissati. Padhanapahitattomhi upasanto nirupadhi @Footnote: 1 ka., Si. upaganchi 2 ka. arohitvana, Si. abhiruhitvana 3 Si. ayampi @4 cha.Ma. pannava 5 Si. buddhatarena 6 cha.Ma. samma dhare 7 cha.Ma. kassakam

--------------------------------------------------------------------------------------------- page89.

Sabbasave parinnaya viharami anasavo. Attharase kappasate yam kammamakarim tada duggatim nabhijanami taranaya idam phalam. Kilesa jhapita mayham .pe. Katam buddhassa sasanan"ti. Evam pana arahattam patva bhagavati kapilavatthusmim viharante tattha gantva sattharam vanditva bhikkhuhi samagato patisantharavasena "kim avuso aranne phasuviharo laddho"ti puttho "ramaniya avuso arannapabbata"ti attana vutthapabbate vannento:- 1- "nilabbhavanna rucira sitavari sucindhara indagopakasanchanna te sela ramayanti man"ti gatham abhasi. 1- [13] Tattha nilabbhavannati nilavalahakanibha nilavalahakasanthana ca. Rucirati ruciya sakirana 2- pabhassara ca. Sitavariti sitalasalila. Sucindharati sucisuddhabhumibhagataya suddhacittanam va ariyanam nivasanatthanataya sucindhaRa. Gatha- sukhattham hi sanunasikam katva niddeso. "sitavarisucindhara"tipi patho, sitasucivaridhara sitalavimalasalilasayavantoti attho. Indagopakasanchannati indagopakanamakehi pavalavannehi rattakimihi sanchadita pavussakalavasena 3- evamaha. Keci pana "indagopakanamani rattatinani"ti vadanti. Apare "kannikara 4- rukkha"ti. Selati silamaya pabbata, na pamsupabbatati attho. Tenaha "yathapi pabbato selo"ti. 5- Ramayanti manti mam ramapenti, mayham vivekabhiratim paribruhenti. Evam thero @Footnote: 1-1 cha.Ma. "nilabbhavanna"ti gatham abhasi 2 Si. ruciya karaniya 3 Si. @tathaussannakalavasena 4 cha.Ma. kanikara.... 5 khu.udana. 25/24/129 sariputtasutta

--------------------------------------------------------------------------------------------- page90.

Attano cirakalaparibhavitam arannabhiratim pavedento tividham vivekabhiratimeva dipeti. Tattha upadhivivekena annabyakaranam dipitameva hotiti. Vanavacchattheragathavannana nitthita. -------------


             The Pali Atthakatha in Roman Book 32 page 86-90. http://84000.org/tipitaka/atthapali/rm_line.php?B=32&A=1956&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1956&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=26&i=150              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5058              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5360              The Pali Tipitaka in Roman Character :- http://84000.org/tipitaka/read/roman_read.php?B=26&A=5360              Contents of The Tipitaka Volume 26 http://84000.org/tipitaka/read/?index_26

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]