AtthaPali Vol.32

176. 9. Tissattheragathavannana sattiya viya omatthoti ayasmato tissattherassa gatha. Ka uppatti? ayampi kira purimabuddhesu katadhikaro tattha tattha bhave vivattupanissayam punnam upacinanto tissassa bhagavato bodhiya mule puranapannani ^4- niharitva sodhesi. So tena punnakammena devamanussesu samsaranto imasmim buddhuppade kapilavatthunagare bhagavato pitucchaputto hutva nibbatti tisso nama namena. So bhagavantam anupabbajitva upasampanno hutva arannayatane viharanto jatim paticca manam karonto kodhupayasabahulo ca ujjhanabahulo ca hutva vicarati, samanadhamme ussukkam na karoti. Atha nam sattha ekadivasam divatthane vivatamukham niddayantam dibbacakkhuna olokento savatthito akasena gantva tassa upari akaseyeva thatva obhasam @Footnote: ¹ Ma. bandhanasambhutanam ² Ma. ejakaranam ³ Si. kamabhavadibhedassa ⁴ Si. pannasankatam

--------------------------------------------------------------------------------------------- page163.

Pharitva tenobhasena patibuddhassa satim uppadetva ovadam dento:- ^1- "sattiya viya omattho dayhamaneva matthake kamaragappahanaya sato bhikkhu paribbaje"ti gathamaha. ^1- [39] Tattha sattiyati ^2- desanasisametam, ekatodharadina satthenati attho. Omatthoti pahato. Cattaro hi pahara omattho ummattho mattho vimatthoti. Tattha upari thatva adhomukham dinnapaharo omattho nama, hettha thatva uddhamukham dinnapaharo ummattho nama, aggalasuci viya vinivijjhitva gato ^3- mattho nama, seso sabbopi vimattho nama. Imasmim pana thane omattho gahito. So hi sabbadaruno duruddharanasallo duttikiccho antodoso antopubbalohitova hoti, pubbalohitam anikkhamitva vanamukham pariyonandhitva titthati. Pubbalohitam niharitukamehi mancena saddhim bandhitva adhosiro katabbo hoti, maranam va maranamattam va dukkham papunanti. Dayhamaneti aggina jhayamane. Matthaketi sise. Idam vuttam hoti:- yatha sattiya omattho puriso sallubbahanavanatikicchananam ^4- atthaya viriyam arabhati tadisam payogam karoti parakkamati, yatha ca dayhamane matthake adittasiso puriso tassa nibbapanattham viriyam arabhati tadisam payogam karoti, evamevam bhikkhu kamaragappahanaya sato appamatto ativiya ussahajato hutva vihareyyati. Evam bhagava tassa therassa kodhupayasavupasamaya ovadam dento tadekatthataya kamaragappahanasisena desanam nitthapesi. Thero imam gatham sutva samviggahadayo vipassanaya yuttappayutto vihasi. Tassa ajjhasayam natva sattha samyuttake tissattherasuttam ^5- desesi. So desanapariyosane arahatte patitthasi. Tena vuttam @Footnote: ^1-1 cha.Ma. "sattiya viya omattho"ti gatham abhasi ² Si. sattiya viyati ³ Ma. kato @⁴ Si. sallabbaharana... ⁵ sam.ni. 16/243/267 bhikkhusamyutta

--------------------------------------------------------------------------------------------- page164.

Apadane ^1- :- "devaloke manusse va ^2- anubhotva ubho yase avasane ca nibbanam sivam patto anuttaram. Sambuddham uddisitvana bodhim va tassa satthuno yo punnam pasave ^3- poso tassa kim nama dullabham. Magge phale agame ca jhanabhinnagunesu ca annesam adhiko hutva nibbayami anasavo. ^4- Pureham bodhiya pattam chaddetva hatthamanaso imehi visatangehi samangi homi sabbatha. Kilesa jhapita mayham .pe. katam buddhassa sasanan"ti. Arahattam pana patva thero annam byakaronto sattharam pujetum tameva gatham abhasi. Tissattheragathavannana nitthita. ------------

The Pali Atthakatha in Roman Book 32 page 162-164. http://84000.org/tipitaka/atthapali/rm_line.php?B=32&A=3645&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3645&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=176 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5207 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5472 The Pali Tipitaka in Roman Character :- http://84000.org/tipitaka/read/roman_read.php?B=26&A=5472 Contents of The Tipitaka Volume 26 http://84000.org/tipitaka/read/?index_26