AtthaPali Vol.32

page360.

254. 7. Yasattheragathavannana suvilitto suvasanoti ayasmato yasattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayani punnani upacinanto sumedhassa bhagavato kale mahanubhavo nagaraja hutva buddhappamukham bhikkhusamgham attano bhavanam netva mahadanam pavattesi. Bhagavantam mahagghena ticivarena acchadesi, ekamekanca bhikkhum mahaggheneva paccekadussayugena sabbena samana- parikkharena acchadesi. So tena punnakammena devamanussesu samsaranto siddhatthassa bhagavato kale setthiputto hutva mahabodhimandam sattahi ratanehi pujesi. Kassapassa bhagavato kale sasane pabbajitva samanadhammam akasi. Evam sugatisuyeva samsaranto imasmim amhakam bhagavato kale baranasiyam mahavibhavassa setthino putto hutva nibbatti, yaso nama namena paramasukhumalo. "tassa tayo pasada"ti sabbam khandhake ^1- agatanayena veditabbam. So pubbahetuna codiyamano rattibhage niddabhibhutassa parijanassa vippakaram disva sanjatasamvego suvannapadukarulhova gehato niggato devatavivatena nagaradvarena nikkhamitva isipatanasamipam gato "upaddutam vata bho, upassattham vata bho"ti aha. Tena samayena bhagavata isipatane viharantena tasseva anugganhanattham abbhokase cankamantena "ehi yasa idam anupaddutam, idam anupassatthan"ti vutto "anupaddutam anupassattham kira atthi"ti somanassajato suvannapaduka oruyha bhagavantam upasankamitva ekamantam nisinno satthara anupubbikatham kathetva saccadesanaya kataya saccapariyosane sotapanno hutva gavesanattham agatassa pitu bhagavata saccadesanaya kariyamanaya arahattam sacchakasi. Tena vuttam apadane ^2- :- @Footnote: ¹ vinaYu.maha. 4/25/20 pabbajjakatha ² khu.apa. 32/456/468 sabbadayakattherapadana

--------------------------------------------------------------------------------------------- page361.

"mahasamuddam oggayha ^1- bhavanam me sunimmitam sunimmita pokkharani cakkavakupakujita. ^2- Mandalakehi ^3- sanchanna padumuppalakehi ca nadi ca sandate tattha supatittha manorama. Macchakacchapasanchanna nanadijasamotthata mayurakoncabhiruda kokiladihi vagguhi. Parevata ^4- ravihamsa ca cakkavaka nadicara dindibha salika cettha campaka ^5- jivajivaka. Hamsa koncapi nadita kosiya pingala ^6- bahu sattaratanasampanna manimuttikavaluka. Sabbasonnamaya rukkha nanagandhasamerita ujjotenti divarattim bhavanam sabbakalikam. Satthi turiyasahassani sayam pato pavajjare solasitthisahassani parivarenti mam sada. Abhinikkhamma bhavana sumedham lokanayakam pasannacitto sumano vandayim ^7- tam mahayasam. Sambuddham abhivadetva sasamgham tam nimantayim adhivasesi so dhiro sumedho lokanayako. Mama dhammakatham katva uyyojesi mahamuni sambuddham abhivadetva bhavanam me upagamim. Amantayim parijanam sabbe sannipatatha vo pubbanhasamayam buddho bhavanam agamissati. @Footnote: ¹ Si. ugganha ² cha.Ma. cakkavakapakujita ³ Si. mandarakehi ⁴ Si. parapata @⁵ Si. pavaka, cha.Ma. pammaka ⁶ Si. pingali, Ma. singali ⁷ Ma. vannayim

--------------------------------------------------------------------------------------------- page362.

Labha amham ^1- suladdham no ye vasama tavantike mayampi buddhasetthassa pujam kassama satthuno. Annam panam patthapetva kalam arocayim aham vasisatasahassehi upesi lokanayako. Pancangikehi ^2- turiyehi paccuggamanamakasaham sabbasonnamaye pithe nisidi purisuttamo. Uparicchadanam asi sabbasonnamayam tada bijaniyo pavayanti bhikkhusamghassa antare. Pahutenannapanena ^3- bhikkhusamghamatappayim paccekadussayugale bhikkhusamghassadasaham. Yam vadanti sumedhoti lokahutipatiggaham ^4- bhikkhusamghe nisiditva ima gatha abhasatha. Yo me ^5- annena panena sabbe ime ca tappayim ^6- tamaham kittayissami sunatha mama bhasato. Attharase kappasate devaloke ramissati sahassakkhattum raja ca cakkavatti bhavissati. Upapajjati yam yonim devattam atha manusam sabbada sabbasovannam chadanam dharayissati. Timsakappasahassamhi okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito sabbasave parinnaya nibbayissatinasavo. @Footnote: ¹ Si. vata ² Si. satangikehi ³ Si. bahuna annapanena ⁴ Si. yam vadesi sumedho so @ ahutinam patiggaho ⁵ Si. yo mam ⁶ Si. sabbeneva atappayi

--------------------------------------------------------------------------------------------- page363.

Bhikkhusamghe nisiditva sihanadam nadissati citake chattam dharenti hettha chattamhi dayhatha. Samannam me anuppattam kilesa jhapita maya mandape rukkhamule va santapo me na vijjati. Timsakappasahassamhi yam danamadadim tada duggatim nabhijanami sabbadanassidam phalam. Kilesa jhapita mayham .pe. katam buddhassa sasanan"ti. Atha bhagava ayasmantam yasam dakkhinam bahum pasaretva "ehi bhikkhu"ti aha. Vacanasamanantarameva dvangulamattakesamassu atthaparikkharadharo vassasatthikatthero ^1- viya ahosi. So attano patipattim paccavekkhitva udanento ehibhikkhubhavappattito purimavatthavasena:- [117] "suvilitto suvasano sabbabharanabhusito tisso vijja ajjhagamim katam buddhassa sasanan"ti gatham abhasi. Tattha suvilittoti sundarena kunkumacandananulepanena vilittagatto. Suvasanoti sutthu mahagghakasikavatthavasano. Sabbabharanabhusitoti sisupagadihi sabbehi abharanehi alankato. Ajjhagaminti adhigacchim. Sesam vuttanayameva. Yasattheragathavannana nitthita. ------------ @Footnote: ¹ potthakesu vassasatikattheroti patho dissati

The Pali Atthakatha in Roman Book 32 page 360-363. http://84000.org/tipitaka/atthapali/rm_line.php?B=32&A=8023&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=8023&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=254 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5644 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5816 The Pali Tipitaka in Roman Character :- http://84000.org/tipitaka/read/roman_read.php?B=26&A=5816 Contents of The Tipitaka Volume 26 http://84000.org/tipitaka/read/?index_26