AtthaPali Vol.36

5. Mahasudassanajatakam anicca vata sankharati idam sattha parinibbanamancake nipanno anandattherassa ma bhagava imasmim khuddakanagaraketi vacanam arabbha kathesi. Tathagate hi jetavane viharante sariputtatthero kattikapunnamayam nalakagamake jato varake parinibbayi. Mahamoggallano kattikamasasseva kalapakkhe amavasiyam parinibbayi. Evam parinibbute aggasavakayuge ahampi kusinarayam parinibbayissamiti anupubbena carikam caramano tattha gantva yamakasalanamantare uttarasisake mancake anutthanaseyyaya nipajji. Atha nam ayasma anandatthero

--------------------------------------------------------------------------------------------- page234.

Ma bhante bhagava imasmim khuddakanagarake visame ujjangalanagarake sakhanagarake parinibbayi annesam campakarajagahadinam mahanagaranam annatarasmim bhagava parinibbayatuti yaci. Sattha ma ananda imam khuddakanagarakam ujjangalanagarakam sakhanagarakanti vadesi aham pubbe sudassanacakkavattirajakale imasmim nagare vasim tada idam dvadasayojanikena ratanappakarena parikkhittam mahanagaram ahositi vatva therena yacito atitam aharanto mahasudassanasuttam kathesi. Tada pana mahasudassanam sudhammappasada otaritva avidure sattaratanamaye talavane pannatte tasmim kappiyamancake dakkhinena passena anutthanaseyyaya nipannam disva imani te deva caturasitinagarasahassani kusavatirajadhanippamukhani ettha chandam karohiti subhaddaya deviya vutte mahasudassano ma devi evam avaca atha kho ettha chandam vinehi ma apekkham akasiti evam mam ovadati vatva kimkarana devati pucchito ajjaham kalakiriyam karissamiti aha. Atha nam devi rodamana akkhini punchitva kicchena kasirena tatha vatva rodi paridevi. Sesapi caturasitisahassa itthiyo rodimsu paridevimsu. Amaccadisupi ekopi adhivasetum nasakkhi. Sabbepi rodimsu. Bodhisatto alam bhane ma saddamakaritthati sabbe nivaretva devim amantetva ma tvam devi rodi ma paridevi tilamattopi hi sankharo nicco nama natthi sabbe anicca bhedanadhammaevati devim ovadanto imam gathamaha

--------------------------------------------------------------------------------------------- page235.

Anicca vata sankhara uppadavayadhammino uppajjitva nirujjhanti tesam vupasamo sukhoti. Tattha anicca vata sankharati bhadde subhaddadevi yattakehi paccayehi samagantva kata khandhayatanadayo sankhara sabbe te aniccayeva nama. Etesu hi rupam aniccam .pe. Vinnanam aniccam cakkhum aniccam .pe. Dhamma anicca yankinci savinnanakavinnanakam ratanam sabbantam aniccameva iti anicca vata sankharati ganha. Kasma. Uppadavayadhamminoti sabbe hete uppadadhammino ceva vayadhammino ca uppajjanabhijjanasabhavayeva tasma aniccati veditabba. Yasma pana anicca tasma uppajjitvava nirujjhanti uppajjitva thitim patvapi nirujjhantiyeva sabbeva hete nibbattamana uppajjanti nama bhijjamana nirujjhanti nama tesam uppade satiyeva thiti nama hoti thitiya satiyeva bhango nama hoti na hi anuppannassa thiti nama thitam abhijjanakannama atthi iti sabbepi sankhara tini khanani patva tattha tattheva nirujjhanti tasma sabbepime anicca khanika ittara addhuva pabhanguna calita samirita anaddhaniya payata tavakalika nissara tavakalikatthena mayamariciphenasadisa tesu bhadde subhaddadevi kasma sukhasannam uppadesi evam na ganha. Tesam vupasamo sukhoti sabbavattavupasamanato tesam vupasamo nama nibbanam tadevetam bhadde ekantato sukham annam sukham nama natthiti.

--------------------------------------------------------------------------------------------- page236.

Evam mahasudassano amatamahanibbanena desanaya kutam gahetva avasesassapi mahajanassa danam detha silam rakkhatha uposathakammam karothati ovadam datva devalokaparayano ahosi. Sattha imam dhammadesanam aharitva jatakam samodhanesi tada subhadda devi rahulamata ahosi parinayakaratanam rahulo ahosi sesaparisa buddhaparisa mahasudassano pana ahamevati. Mahasudassanajatakam pancamam. --------

The Pali Atthakatha in Roman Book 36 page 233-236. http://84000.org/tipitaka/atthapali/rm_line.php?B=36&A=4706&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4706&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=95 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=629 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=621 The Pali Tipitaka in Roman Character :- http://84000.org/tipitaka/read/roman_read.php?B=27&A=621 Contents of The Tipitaka Volume 27 http://84000.org/tipitaka/read/?index_27