|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Atthakatha Book 37 : PALI ROMAN Ja.A.3 dukanipatavannan
2 Kelisilajatakam hamsa konca mayura cati idam sattha jetavane viharanto ayasmantam lakundakabhaddiyam 1- arabbha kathesi. So kira ayasma buddhasasane pakato ahosi pannato madhurasaro madhuradhammakathiko patisambhidappatto mahakhinasavo asitiya mahatheranam abbhantare pamanena pana omako lakundako 2- samanerabhandako 3- kilanatthaya kato viya. Tasmim ekadivasam tathagatam vanditva jetavane kotthakam gate janapada timsamatta bhikkhu dasabalam vandissamati jetavanam pavisanta viharakotthake theram disva samanero esoti sannaya theram civarakanne ganhanta hatthe ganhanta sise ganhanta nasaya paramasanta kannesu gahetva caletva hatthakukkuccam katva pattacivaram patisametva sattharam upasankamitva vanditva nisiditva satthara madhurapatisanthare kate pucchimsu bhante lakundakabhaddiyatthero kira nameko tumhakam savako madhuradhammakathiko atthi, kaham so idaniti. Kim pana bhikkhave datthukamatthati. Ama bhanteti. Yam bhikkhave tumhe dvarakotthake disva civarakannadisu ganhanta hatthakukkuccam katva agata, esa esoti. Bhante evarupo patthitapatthano abhiniharasampanno savako kimkarana @Footnote: 1 lakuntakabhaddikantipi . 2 lakuntakotipi . 3 samanero viyatipi.--------------------------------------------------------------------------------------------- page190.
Appesakkho jatoti. Sattha attana katapapakammam nissayata vatva tehi yacito atitam ahari. Atite baranasiyam brahmadatte rajjam karente bodhisatto sakko devaraja ahosi. Tada brahmadattassa jinnam jarappattam hatthim va assam va gonam va dassetum na sakka, kelisilo hutva tatharupam disva va manusse anubandhapeti jarasakatampi disva bhindapeti jinnamatugame disva pakkosapetva udare paharapetva patapetva puna utthapetva gayapeti jinnapurise disva langhake viya bhumiyam samparivattakadikilam kilapeti apassanto asukaghare kira mahallako atthiti sutvapi pakkosapetva kilapeti. Manussa lajjanta attano matapitaro tiroratthani pesenti. Matupatthanadhammo pitupatthanadhammo pacchijji. Rajasevaka kelisila ahesum. Matamata cattaro apaye purenti. Devaparisa parihayati. Sakko abhinave devaputte apassanto kinnu kho karananti avajjanto tam karanam natva damessami nanti mahallakavannam abhinimminitva jinnayanake dve takkacatiyo aropetva dve jaragone yojetva ekasmim chanadivase alankatahatthim abhiruhitva brahmadatte alankatanagaram padakkhinam karonte pilotikanivattho tam yanakam pajento ranno abhimukho agamasi. Raja jinnayanakam disva etam yanakam anethati aha. Manussa kaham deva na passamati ahamsu. Sakko attano anubhavena ranno yeva dassesi. Atha nam--------------------------------------------------------------------------------------------- page191.
Bahusampatte tasmim tassa uparibhagena pajento ranno matthake ekam catim bhinditva nivattapento dutiyam bhindi. Athassa sisato patthaya ito cito ca takkam paggharati. So tena attiyati harayati jigucchati. Athassa tam upaddutabhavam natva sakko yanakam antaradhapetva sakkattabhavam mapetva vajirahattho akase thatva papa adhammikaraja kim tvam mahallako na bhavisassi, taveva sariram jara na paharissati, kelisilo hutva bahu vuddhe vihethanakammam karosi, tam ekakam 1- nissaya etam kammam katva matamata apaye paripurenti, manussa matapitaro patijaggitum na labhanti, sace imamha kamma na viramissasi, vajirena te sisam padalessami, ma ito patthaya tam kammam akasiti santajjetva matapitunam gunam kathetva vuddhapacayikakammassa anisamsam pakasetva ovaditva sakatthanameva agamasi. Raja tato patthaya tatharupam kammam katum cittampi na uppadesi. Sattha abhisambuddho hutva ima gatha avoca hamsa konca mayura ca hatthiyo pasada miga sabbe sihassa bhayanti, natthi kayasmi tulyata. Evameva manussesu daharo cepi pannava so hi tattha maha hoti neva balo sariravati. Tattha pasada migati pasadasankhata miga, pasada miga ca avasesamiga catipi attho. Pasadamigatipi patho. Pasada migati @Footnote: 1 ekantipi.--------------------------------------------------------------------------------------------- page192.
Attho. Natthi kayasmi tulyatati sarire pamanam nama natthi, yadi bhaveyya, mahasarira hatthino ceva pasadamiga ca siham mareyyum, siho hamsamoradayo khuddakasarire yeva mareyya. Yadi evam khuddaka yeva sihassa bhayeyyum na mahanta, yasma panetam natthi tasma sabbepi te sihassa bhayanti. Sariravati balo mahasariropi maha nama na hoti. Tasma lakundakabhaddiyo sarirena khuddakopi, ma tam nanenapi khuddakoti mannitthati. Sattha imam dhammadesanam aharitva saccani pakasetva jatakam samodhanesi. Saccapariyosane tesu bhikkhusu keci sotapanna keci sakidagamino keci anagamino keci arahanta ahesum. Tada raja lakundakabhaddiyo ahosi, so taya kelisilataya paresam kelinissayo jato. Sakko pana ahamevati. Kelisilajatakam dutiyam. ---------The Pali Atthakatha in Roman Book 37 page 189-192. http://84000.org/tipitaka/atthapali/rm_line.php?B=37&A=3729&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=3729&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=253 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1505 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1487 The Pali Tipitaka in Roman Character :- http://84000.org/tipitaka/read/roman_read.php?B=27&A=1487 Contents of The Tipitaka Volume 27 http://84000.org/tipitaka/read/?index_27
       |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]