AtthaPali Vol.51

9. Anomadassibuddhavamsavannana sobhitabuddhe pana parinibbute tassa aparabhage ekamasankhyeyyam buddhuppadarahitam ahosi, atite pana tasmim asankhyeyye ekasmim kappe tayo buddha nibbattimsu anomadassi padumo naradoti. Tattha anomadassi bhagava solasa asankhyeyyani kappasatasahassanca paramiyo puretva tusitapure nibbattitva devehi abhiyacito tato cavitva candavatiyam nama rajadhaniyam yasavanamassa ranno kule samussitacarupayodharaya yasodharaya nama aggamahesiya kucchismim patisandhim aggahesi. Anomadassikumare kira yasodharaya deviya kucchigate tassa punnappabhavena pabha asitihatthappamanam thanam pharitva atthasi. Candasuriyappabhahi anabhibhavaniyava ahosi. Sa dasannam masanam accayena bodhisattam sucandanuyyane ^1- vijayi. Patihariyani hettha vuttanayaneva. Namaggahanadivasena panassa namam ganhanta, yasma jatiyam akasato satta ratanani patimsu, tasma anomanam ratananam uppattihetubhutatta "anomadassi"ti namamakamsu. So anukkamena vuddhippatto dibbehi kamagunehi paricariyamano dasavassasahassani agaram ajjhavasi. Tassa kira siri upasiri @Footnote: ¹ Si.,i. sunanduyyane

--------------------------------------------------------------------------------------------- page252.

Sirivaddhoti tayo pasada ahesum. Sirimadevippamukhani tevisati itthisahassani paccupatthitani ahesum. So sirimaya deviya upavane nama putte jate cattari nimittani disva sivikayanena mahabhinikkhamanam nikkhamitva pabbaji. Tam tisso janakotiyo anupabbajimsu. Tehi parivuto mahapuriso dasa mase padhanacariyam cari. Tato visakhapunnamaya anupamabrahmanagame pindaya caritva anupamasetthidhitaya dinnam madhupayasam paribhunjitva salavane divaviharam vitinametva anomanamajivakena dinna attha tinamutthiyo gahetva ajjunarukkhabodhim padakkhinam katva atthattimsahatthavitthatam tinasantharam santharitva caturangaviriyam adhitthaya pallankam abhujitva samaram marabalam viddhamsetva tisu yamesu tisso vijja uppadetva "anekajatisamsaram .pe. Tanhanam khayamajjhaga"ti udanam udanesi. Vuttam:- [1] "sobhitassa aparena sambuddho dvipaduttamo anomadassi amitayaso tejassi duratikkamo. [2] So chetva bandhanam sabbam viddhamsetva tayo bhave anivattigamanam maggam desesi devamanuse. [3] Sagarova asankhobho pabbatova durasado akasova ananto so salarajava phullito. [4] Dassanenapi tam buddham tosita honti panino byaharantam giram sutva amatam papunanti te"ti. Tattha anomadassiti anupamadassano, amitadassano va. Amitayasoti amitaparivaro, amitakitti va. Tejassiti silasamadhipannatejena samannagato.

--------------------------------------------------------------------------------------------- page253.

Duratikkamoti duppadhamsiyo, annena devena va marena va kenaci va atikkamitum asakkuneyyoti attho. So chetva bandhanam sabbanti sabbam dasavidham sannojanam chinditva. Viddhamsetva tayo bhaveti tibhavupagam kammam kammakkhayakarananena viddhamsetva, abhavam katvati attho. Anivattigamanam magganti nivattiya pavattiya patipakkhabhutam nibbanam anivattiti vuccati, tam anivattim gacchati anenati anivattigamano. Tam anivattigamanam atthangikam maggam desesiti attho. "dasseti"tipi patho, soyevattho. Devamanuseti devamanussanam, samiatthe upayogavacanam datthabbam. Asankhobhoti khobhetum caletum asakkuneyyoti akkhobhiyo. Yatha hi samuddo caturasitiyojanasahassagambhiro anekayojanasahassabhutavaso akkhobhiyo, evam akkhobhiyoti attho. Akasova anantoti yatha pana akasassa anto natthi, atha kho ananto appameyyo aparo, evam bhagavapi buddhagunehi ananto appameyyo aparo. Soti so bhagava. Salarajava phullitoti sabbalakkhananubyanjanasamalankata- sariratta suphullitasalaraja viya sobhatiti attho. Dassanenapi tam buddhanti tassa buddhassa dassanenapiti attho. Idisesupi samivacanam payujjanti saddasatthavidu. Tositati paritosita pinita. Byaharantanti byaharantassa, samiatthe upayogavacanam. Amatanti nibbanam. Papunantiti adhigacchanti. Teti ye tassa giram dhammadesanam sunanti, te amatam papunantiti attho. Bhagava pana bodhimule sattasattaham vitinametva brahmuna ayacito dhammadesanaya budadhacakkhuna lokam olokento attana saha pabbajite tikotisankhe jane upanissayasampanne disva "kattha nu kho te etarahi viharanti"ti upadharento subhavatinagare sudassanuyyane viharante disva akasena

--------------------------------------------------------------------------------------------- page254.

Gantva sudassanuyyane otari. So tehi parivuto sadevamanussaya parisaya majjhe dhammacakkam pavattesi. Tattha kotisatanam pathamabhisamayo ahosi. Tena vuttam:- [5] "dhammabhisamayo tassa iddho phito tada ahu kotisatani abhisamimsu pathame dhammadesane"ti. Tattha phitoti phatippatto bahujannavasena. Kotisataniti kotinam satani kotisatani. "kotisatayo"tipi patho, tassa satakotiyoti attho. Athaparena samayena osadhinagaradvare asanarukkhamule ^1- yamakapatihariyam katva asurehi durabhibhavane ^2- tavatimsabhavane pandukambalasilayam nisinno temasam abhidhammavassam vassapayi. Tada asitidevatakotiyo abhisamimsu. Tena vuttam:- [6] "tato param abhisamaye vassante dhammavutthiyo asitikotiyobhisamimsu dutiye dhammadesane"ti. Tattha vassanteti buddhamahameghe vassante. Dhammavutthiyoti dhammakathavassavutthiyo. Tato aparena samayena mangalapanhaniddese atthasattatikotiyo abhisamimsu. So tatiyo abhisamayo ahosi. Tena vuttam:- [7] "tato parampi vassante tappayante ca paninam atthasattatikotinam tatiyabhisamayo ahu"ti. Tattha vassanteti dhammakathasaliladharam vassante. Tappayanteti dhammamatavassena tappayante, tappanam karonte bhagavante bhagavatiti attho. Anomadassissapi bhagavato tayo savakasannipata ahesum. Tattha soreyyanagare isidattassa ranno dhamme desiyamane pasiditva ehibhikkhupabbajjaya pabbajitanam @Footnote: ¹ Ma. ambarukkhamule ² Si.,i. suraripurabhibhavane

--------------------------------------------------------------------------------------------- page255.

Atthannam arahantasatasahassanam majjhe patimokkham uddisi. Ayam pathamo sannipato ahosi. Radhavatinagare sundarindharassa ^1- nama ranno dhamme desiyamane ehibhikkhupabbajjaya pabbajitanam sattannam arahantasatasahassanam majjhe patimokkham uddisi. Ayam dutiyo sannipato ahosi. Puna soreyyanagareyeva soreyyaranna saha ehibhikkhupabbajjaya pabbajitanam channam arahantasatasahassanam majjhe patimokkham uddisi. Ayam tatiyo sannipato ahosi. Tena vuttam:- [8] "sannipata tayo asum tassapi ca mahesino abhinnabalappattanam pupphitanam vimuttiya. [9] Atthasatasahassanam sannipato tada ahu pahinamadamohanam santacittana tadinam. [10] Sattasatasahassanam dutiyo asi samagamo anangananam virajanam upasantana tadinam. [11] Channam satasahassanam tatiyo asi samagamo abhinnabalappattanam nibbutanam tapassinan"ti. Tattha tassapi ca mahesinoti tassa mahesino anomadassissapi. "tassapi dvipaduttamo"tipi patho, tassapi dvipaduttamassati attho. Lakkhanam saddasatthato gahetabbam. Abhinnabalappattananti abhinnanam balappattanam, cinnavasitaya khippanisantibhavena abhinnasu thirabhavappattananti attho. Pupphitananti sabbaphaliphullabhavena ativiya sobhaggappattanam. Vimuttiyati arahattaphalavimuttiya. Ananganananti ettha ayam anganasaddo katthaci kilesesu dissati. Yathaha "tattha katamani tini anganani? rago anganam doso anganam moho @Footnote: ¹ Si.,i. madhurindharassa, ma surindharassa

--------------------------------------------------------------------------------------------- page256.

Anganan"ti ^1- "papakanam kho etam avuso akusalanam icchavacaranam adhivacanam yadidam anganan"ti. ^2- Katthaci kisminci male. Yathaha "tasseva rajassa va anganassa va pahanaya vayamati"ti. ^3- Katthaci tatharupe bhumibhage "cetiyanganam bodhiyanganam rajanganan"ti. ^4- Idha pana kilesesu datthabbo. Tasma nikkilesananti attho. ^5- Virajananti tasseva vevacanam. Tapassinanti kilesakkhayakaro ariyamaggasankhato tapo yesam atthi te tapassino, tesam tapassinam, khinasavananti attho. Tada amhakam bodhisatto eko mahesakkho yakkhasenapati ahosi mahiddhiko mahanubhavo anekakotisatasahassanam yakkhanam adhipati. So "buddho loke uppanno"ti sutva agantva paramaruciradassanam sattaratanamayam abhirucirarajanikaramandalasadisam mandapam nimminitva tattha sattaham mahadanam buddhappamukhassa samghassa adasi. Atha nam bhagava bhattanumodanasamaye ^6- "anagate kappasatasahassadhike ekasmim asankhyeyye atikkante gotamo nama buddho bhavissati"ti byakasi. Tena vuttam:- [12] "ahantena samayena yakkho asim mahiddhiko nekanam yakkhakotinam vasavattimhi issaro. [13] Tadapi tam buddhavaram upagantva mahesinam annapanena tappesim sasamgham lokanayakam. [14] Sopi mam tada byakasi visuddhinayano muni aparimeyyito kappe ayam buddho bhavissati ^7- ahu kapilavhaya ramma nikkhamitva tathagato. ^7- @Footnote: ¹ abhi.vi. 35/924/449 ² Ma.mu. 12/60/35 @^3. Ma.mu. 12/184/155 ⁴ gavesitabbo ⁵ pa.su. 1/151 @⁶ Si.,i. bhuttanumodana... ^7-7 cha.Ma. ime patha na dissanti

--------------------------------------------------------------------------------------------- page257.

[15] Padhanam padahitvana .pe. hessama sammukha imam. [16] Tassapi vacanam sutva tuttho samviggamanaso uttarim vatamadhitthasim dasaparamipuriya"ti. Tattha uttarim vatamadhitthasinti paramipuranatthaya bhiyyopi dalhataram parakkamamakasiti attho. Tassa pana anomadassissa bhagavato candavati nama nagaram ahosi, yasava nama raja pita, yasodhara nama mata, nisabho ca anomo ca dve aggasavaka, varuno namupatthako, sundari ca sumana ca dve aggasavika, ajjunarukkho bodhi, sariram atthapannasahatthubbedham ahosi, vassasatasahassam ayu, sirima nama aggamahesi, upavano namassa putto, dasavassasahassani agaram ajjhavasi. So sivikayanena nikkhami. Sivikayanena gamanam pana sobhitabuddhavamsavannanaya pasadagamane vuttanayeneva veditabbam. Dhammako nama raja upatthako. Dhammarame kira bhagava vihasiti. Tena vuttam:- [17] "nagaram candavati nama yasava nama khattiyo mata yasodhara nama anomadassissa satthuno. [22] Nisabho ca anomo ca ahesum aggasavaka varuno namutthako anomadassissa satthuno. [23] Sundari ^1- ca sumana ca ahesum aggasavika bodhi tassa bhagavato ajjunoti pavuccati. [25] Atthapannasaratanam accuggato mahamuni pabha niddhavati tassa sataramsiva uggato. @Footnote: ¹ pali. sandara

--------------------------------------------------------------------------------------------- page258.

[26] Vassasatasahassani ayu vijjati tavade tavata titthamano so taresi janatam bahum. [27] Supupphitam pavacanam arahantehi tadihi vitaragehi vimalehi sobhittha ^1- jinasasanam. [28] So ca sattha amitayaso yugani tani atuliyani sabbam tamantarahitam nanu ritta sabbasankhara"ti. Tattha pabha niddhavatiti tassa sarirato pabha nikkhamati. Sarirappabha panassa niccakalam dvadasayojanappamanam padesam pharitva titthati. Yugani taniti aggasavakayugadini yugalani. Sabbam tamantarahitanti vuttappakaram sabbampi aniccamukham pavittham vinatthanti attho. "nanu rittakameva sankhara"tipi patho, tassa nanu rittaka tucchakayeva sabbe sankharati attho. Makaro padasandhikaro. Sesagathasu sabbattha uttanamevati. Imassa pana anomadassissa bhagavato santike sariputto ca mahamoggallano cati ime dve aggasavakabhavatthaya panidhanamakamsu. Imesam pana theranam vatthu cettha kathetabbam. Maya ganthavittharabhayena na uddhatanti. Anomadassibuddhavamsavannana nitthita. Nitthito buddhavamso. -------------

The Pali Atthakatha in Roman Book 51 page 251-258. http://84000.org/tipitaka/atthapali/rm_line.php?B=51&A=5593&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=51&A=5593&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=33&i=188 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=7553 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=9507 The Pali Tipitaka in Roman Character :- http://84000.org/tipitaka/read/roman_read.php?B=33&A=9507 Contents of The Tipitaka Volume 33 http://84000.org/tipitaka/read/?index_33