ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒๖ ภาษาบาลีอักษรไทย อุ.อ. (ปรมตฺถที.)

                       ๗. กงฺขาเรวตสุตฺตวณฺณนา
    [๔๗] สตฺตเม กงฺขาเรวโตติ ตสฺส เถรสฺส นามํ. โส หิ สาสเน
ปพฺพชิตฺวา ลทฺธูปสมฺปโท สีลวา กลฺยาณธมฺโม วิหรติ, "อกปฺปิยา มุคฺคา, น
@เชิงอรรถ:  สี.,ก. นิสฺสรณวิเวกสงฺขาตามตํ วิภาเวตฺวา สภาวโต   ฉ.ม. สปฺปึ
@ อภิ.ปุ. ๓๖/๒๐๘/๑๙๐, องฺ. นวก. ๒๓/๒๔๖(๔๒)/๔๗๒ (สฺยา)
@ ก. สุวิสุทฺธกายสมาจารตฺตาย   วิ.มหา. ๕/๒๕๗ อาทิ/๒๐

--------------------------------------------------------------------------------------------- หน้าที่ ๓๓๗.

น กปฺปนฺติ มุคฺคา ปริภุญฺชิตุํ อกปฺปิโย คุโฬ"ติ ๑- จ อาทินา วินยกุกฺกุจฺจสงฺขาตกงฺขาพหุโล ปน โหติ. เตน กงฺขาเรวโตติ ปญฺญายิตฺถ. โส อปรภาเค สตฺถุ สนฺติเก กมฺมฏฺฐานํ คเหตฺวา ฆเฏนฺโต วายมนฺโต ฉฬภิญฺญา สจฺฉิกตฺวา ฌานสุเขน ผลสุเขน วีตินาเมติ, เยภุยฺเยน ปน อตฺตนา อธิคตํ อริยมคฺคํ ครุํ กตฺวา ปจฺจเวกฺขติ. เตน วุตฺตํ "อตฺตโน กงฺขาวิตรณวิสุทฺธึ ปจฺจเวกฺขมาโน"ติ. มคฺคปญฺญา หิ "อโหสึ นุ โข อหํ อตีตมทฺธานนฺ"ติอาทินยปฺปวตฺตาย ๒- โสฬสวตฺถุกาย, "พุทฺเธ กงฺขติ ธมฺเม กงฺขติ ฯเปฯ ปฏิจฺจสมุปฺปนฺเนสุ ธมฺเมสุ กงฺขตี"ติ ๓- เอวํ วุตฺตาย อฏฺฐวตฺถุกาย, ปเคว อิตราสนฺติ อนวเสสโต สพฺพกงฺขานํ วิตรณโต สมติกฺกมนโต, อญฺเญหิ จ อตฺตนา ปหาตพฺพกิเลเสหิ อจฺจนฺตวิสุชฺฌนโต "กงฺขาวิตรณวิสุทฺธี"ติ อิธาธิปฺเปตา. ตํ หิ อยมายสฺมา ทีฆรตฺตํ กงฺขาปกตตฺตา "อิมํ มคฺคธมฺมํ อธิคมฺม อิมา เม กงฺขา อนวเสสา ปหีนา"ติ ครุํ กตฺวา ปจฺจเวกฺขมาโน นิสีทิ, น สปฺปจฺจยนามรูปทสฺสนํ อนิจฺจนฺติกตฺตา ตสฺส กงฺขาวิตรณสฺส. เอตมตฺถํ วิทิตฺวาติ เอตํ อริยมคฺคสฺส อนวเสสกงฺขาวิตรณสงฺขาตํ อตฺถํ วิทิตฺวา ตทตฺถทีปกํ อิมํ อุทานํ อุทาเนสิ. ตตฺถ ยา กาจิ กงฺขา อิธ วา หุรํ วาติ อิธ อิมสฺมึ ปจฺจุปฺปนฺเน อตฺตภาเว "อหํ นุ โขสฺมิ, โน นุ โขสฺมี"ติอาทินา หุรํ วา, อตีตานาคเตสุ อตฺตภาเวสุ "อโหสึ นุ โข อหํ อตีตมทฺธานนฺ"ติอาทินา อุปฺปชฺชนกา กงฺขา. สกเวทิยา วา ปรเวทิยา วาติ ตา เอวํ วุตฺตนเยเนว สกอตฺตภาเว อารมฺมณวเสน ปฏิลภิตพฺพาย ปวตฺติยา สกเวทิยา วา ปรสฺส อตฺตภาเว ปฏิลภิตพฺพาย "พุทฺโธ นุ โข, โน นุ โข"ติอาทินา วา ปรสฺมึ ปธาเน ๔- อุตฺตเม @เชิงอรรถ: วิ. มหา. ๕/๒๗๒/๔๑ ม.มู. ๑๒/๑๘/๑๑, สํ.นิ. ๑๖/๒๐/๒๖ @ อภิ.สงฺ. ๓๔/๑๐๐๘/๒๔๒ สี. ยสฺมึ ปน ปธาเน, ม. ปรสฺมึ ฐาเน

--------------------------------------------------------------------------------------------- หน้าที่ ๓๓๘.

ปฏิลภิตพฺพาย ปวตฺติยา ปรเวทิยา วา ยา กาจิ กงฺขา วิจิกิจฺฉา. เย ฌายิโน ตา ปชหนฺติ สพฺพา, อาตาปิโน พฺรหมฺจริยํ จรนฺตาติ เย อารมฺมณูปนิชฺฌาเนน ลกฺขณูปนิชฺฌาเนน ฌายิโน วิปสฺสนํ อุสฺสุกฺกาเปตฺวา จตุพฺพิธสมฺมปฺปธานปาริปูริยา อาตาปิโน มคฺคพฺรหฺมจริยํ จรนฺตา อธิคจฺฉนฺตา สทฺธานุสารีอาทิปฺปเภทา ปฐมมคฺคฏฺฐา ปุคฺคลา, ตา สพฺพา กงฺขา ปชหนฺติ สมุจฺฉินฺทนฺติ มคฺคกฺขเณ. ตโต ปรํ ปน ตา ปหีนา นาม โหนฺติ, ตสฺมา อิโต อญฺญํ ตาสํ อจฺจนฺตปฺปหานํ นาม นตฺถีติ อธิปฺปาโย. อิติ ภควา ฌานมุเขน อายสฺมโต กงฺขาเรวตสฺส ฌานสีเสน อริยมคฺคาธิคมํ โถเมนฺโต โถมนาวเสน อุทานํ อุทาเนสิ. เตเนว จ นํ "เอตทคฺคํ ภิกฺขเว มม สาวกานํ ภิกฺขูนํ ฌายีนํ ยทิทํ กงฺขาเรวโต"ติ ๑- ฌายีภาเวน เอตทคฺเค ฐเปสีติ. สตฺตมสุตฺตวณฺณนา นิฏฺฐิตา. ----------


             อรรถกถาภาษาบาลีอักษรไทย เล่มที่ ๒๖ หน้า ๓๓๖-๓๓๘. http://84000.org/tipitaka/atthapali/th_line.php?B=26&A=7541&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=26&A=7541&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=123              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3246              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3410              The Pali Tipitaka in Roman Character :- http://84000.org/tipitaka/read/roman_read.php?B=25&A=3410              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]