ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๒๖ ภาษาบาลีอักษรไทย อุ.อ. (ปรมตฺถที.)

                       ๙. สธายมานสุตฺตวณฺณนา
    [๔๙] นวเม มาณวกาติ ตรุณา. ปฐเม โยพฺพเน ฐิตา พฺราหฺมณกุมารกา
อิธาธิปฺเปตา.
    สธายมานรูปาติ อุปฺปณฺฑนชาติกํ วจนํ สนฺธาย วุตฺตํ. อญฺเญสํ
อุปฺปณฺเฑนฺตา สธนฺติ, ตทตฺถวจนสีลาติ อตฺโถ. ตสฺสายํ วจนตฺโถ:- สธนํ

--------------------------------------------------------------------------------------------- หน้าที่ ๓๔๑.

สโธ, ๑- ตํ อาจิกฺขนฺตีติ สธยมานาติ วตฺตพฺเพ ทีฆํ กตฺวา "สธายมานา"ติ วุตฺตํ. อถ วา วิเสสโต สเสเธ วิย อตฺตานํ อาวทนฺตีติ สธายมานา เต ๒- เอวํสภาวตาย "สธายมานรูปา"ติ วุตฺตํ. "สทฺทายมานรูปา"ติปิ ปาโฐ, อุจฺจาสทฺทํ มหาสทฺทํ กโรนฺตาติ อตฺโถ. ภควโต อวิทูเร อติกฺกมนฺตีติ ภควโต สวนวิสเย ตํ ตํ มุขารูฬฺหํ วทนฺตา อติยนฺติ. เอตมตฺถํ วิทิตฺวาติ เอตํ เตสํ วาจาย อสญฺญตภาวํ ชานิตฺวา ตทตฺถทีปกํ ธมฺมสํเวควเสน อิมํ อุทานํ อุทาเนสิ. ตตฺถ ปริมุฏฺฐาติ ทนฺธา มุฏฺฐสฺสติโน. ปณฺฑิตาภาสาติ ปณฺฑิตปติรูปกา "เก อญฺเญ ชานนฺติ, มยเมเวตฺถ ชานามา"ติ ตสฺมึ ตสฺมึ อตฺเถ อตฺตานเมว ชานนฺตํ กตฺวา สมุทาจรณโต. วาจาโคจรภาณิโนติ เยสํ วาจา เอว โคจโร วิสโย, เต วาจาโคจรภาณิโน, วาจาวตฺถุมตฺตสฺเสว ภาณิโน อตฺถสฺส อปริญฺญาตตฺตา. อถ วา วาจาย อโคจรํ อริยานํ กถาย อวิสยํ มุสาวาทํ ภณนฺตีติ วาจาโคจรภาณิโน. อถ วา "โคจรภาณิโน"ติ เอตฺถ อาการสฺส รสฺสภาโว กโต. วาจาโคจรา, น สติปฏฺฐานาทิโคจรา ภาณิโนว. กถํ ภาณิโน? ยาวิจฺฉนฺติ มุขายามํ อตฺตโน ยาว มุขายามํ ยาว มุขปฺปสารณํ อิจฺฉนฺติ, ตาว ปสาเรตฺวา ภาณิโน, ปเรสุ คารเวน, อตฺตโน อวิสยตาย จ มุขสงฺโกจํ น กโรนฺตีติ อตฺโถ. อถ วา วาจาโคจรา เอว หุตฺวา ภาณิโน, สยํ อชานิตฺวา ปรปตฺติกา เอว หุตฺวา วตฺตาโรติ อตฺโถ. ตโตเยว ยาวิจฺฉนฺติ มุขายามํ เยน วจเนน สาเธตพฺพา, ตํ อจินฺเตตฺวา ยาวเทว อตฺตโน มุขปฺปสารณมตฺตํ อิจฺฉนฺตีติ อตฺโถ. เยน นีตา น ตํ วิทูติ เยน มุฏฺฐสฺสจฺจาทินา @เชิงอรรถ: สี. วธนํ วโธ สี.,ม. ตโต

--------------------------------------------------------------------------------------------- หน้าที่ ๓๔๒.

นิลฺลชฺชภาวํ ปณฺฑิตมานีภาวญฺจ นีตา "มยเมวํ ภณามา"ติ, ตํ ตถา อตฺตโน ภณนฺตสฺส การณํ น วิทู, อวิทฺทสุโน ๑- น ชานนฺตีติ อตฺโถ. นวมสุตฺตวณฺณนา นิฏฺฐิตา. --------------


             อรรถกถาภาษาบาลีอักษรไทย เล่มที่ ๒๖ หน้า ๓๔๐-๓๔๒. http://84000.org/tipitaka/atthapali/th_line.php?B=26&A=7632&modeTY=2&pagebreak=1              The Pali Atthakatha in Roman :- http://84000.org/tipitaka/atthapali/read_rm.php?B=26&A=7632&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=25&i=125              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=3283              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=3444              The Pali Tipitaka in Roman Character :- http://84000.org/tipitaka/read/roman_read.php?B=25&A=3444              สารบัญพระไตรปิฎกเล่มที่ ๒๕ http://84000.org/tipitaka/read/?index_25

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๒๖ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาภาษาบาลีอักษรไทย. หากพบข้อผิดพลาด กรุณาแจ้งได้ที่ [email protected]