บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{๑๘๗-๑๘๘} สตฺตาหกรณีเยสุ ภิกฺขุนีสงฺฆํ อุทฺทิสฺสาติ อิโต ปฏฺาย วจฺจกุฏี ชนฺตาฆรํ ชนฺตาฆรสาลาติ อิมานิ ตีณิ ปริหีนานิ ฯ {๑๘๙} อุทฺโทสิตาทีนิ อุทฺโทสิตสิกฺขาปทาทีสุ วุตฺตาเนว ฯ รสวตีติ ปเนตฺถ ภตฺตเคห วุจฺจติ ฯ วาเรยฺยนฺติ สญฺจริตฺตสิกฺขาปเท วุตฺตเมว ฯ ปุรายํ สุตฺตนฺโต น ปลุชฺชตีติ ยาว อยํ สุตฺตนฺโต น ปลุชฺชติ ฯ {๑๙๓} ปญฺจนฺนํ สตฺตาหกรณีเยนาติ เอเตสํ ภิกฺขุอาทีนํ สหธมฺมิกานํ คิลานภตฺตํ วา คิลานุปฏฺากภตฺตํ วา เภสชฺชํ วา ปริเยสิสฺสามิ วา ปุจฺฉิสฺสามิ วา อุปฏฺหิสฺสามิ วาติ เอวมาทินา ปรโต วิตฺถาเรตฺวา ทสฺสิเตน การเณน อปฺปหิเตปิ คนฺตพฺพํ ฯ ปรโต มาตาปิตูนํ อนุญฺาตฏฺาเนปิ เอเสว นโย ฯ อนฺธกฏฺกถายมฺปน เย มาตาปิตูนํ อุปฏฺากา าตกา วา อญฺาตกา วา เตสมฺปิ--------------------------------------------------------------------------------------------- หน้าที่ ๑๖๑.
อปฺปหิเต คนฺตุํ วฏฺฏตีติ วุตฺตํ ฯ ตํ เนว อฏฺกถายํ น ปาลิยา วุตฺตํ ตสฺมา น คเหตพฺพํ ฯ {๑๙๙} ภิกฺขุภติโกติ เอกสฺมึ วิหาเร ภิกฺขูหิ สทฺธึ วสนกปุริโส ฯ อุทฺริยตีติ ปลุชฺชติ ฯ ภณฺฑํ เฉทาปิตนฺติ ทพฺพสมฺภารภณฺฑํ ฉินฺทาปิตํ ฯ อวหราเปยฺยุนฺติ อาหราเปยฺยุํ ฯ สงฺฆกรณีเยนาติ เอตฺถ ยงฺกิญฺจิ อุโปสถาคาราทีสุ เสนาสเนสุ เจติยจฺฉตฺตเวทิกาทีสุ วา กตฺตพฺพํ อนฺตมโส ภิกฺขุโน ปุคฺคลิกเสนาสนมฺปิ สพฺพํ สงฺฆกรณียเมว ฯ ตสฺมา ตสฺส นิปฺผาทนตฺถํ ทพฺพสมฺภาราทีนิ วา อาหริตุํ วฑฺฒกิปฺปภูตีนํ ภตฺตเวตนาทีนิ วา ทาเปตุํ คนฺตพฺพํ ฯ อยมฺปเนตฺถ ปาลิมุตฺตก- รตฺติจฺเฉทวินิจฺฉโย ธมฺมสฺสวนตฺถาย อนิมนฺติเตน คนฺตุํ น วฏฺฏติ ฯ สเจ ปน เอกสฺมึ มหาอาวาเส ปมํเยว กติกา กตา โหติ อสุกทิวสนฺนาม สนฺนิปติตพฺพนฺติ นิมนฺติโตเยว นาม โหติ คนฺตุํ วฏฺฏติ ฯ ภณฺฑกํ โธวิสฺสามีติ คนฺตุํ น วฏฺฏติ ฯ สเจ ปน อาจริยุปชฺฌายา ปหิณนฺติ วฏฺฏติ ฯ นาติทูเร วิหาโร โหติ ตตฺถ คนฺตฺวา อชฺเชว อาคมิสฺสามีติ สมฺปาปุณิตุํ น สกฺโกติ วฏฺฏติ ฯ อุทฺเทสปริปุจฺฉาทีนํ อตฺถายปิ คนฺตุํ น ลภติ ฯ อาจริยํ ปสฺสิสฺสามีติ ปน คนฺตุํ ลภติ ฯ สเจ นํ อาจริโย อชฺช มา คจฺฉาติ วทติ วฏฺฏติ ฯ อุปฏฺากกุลํ วา าติกุลํ วา ทสฺสนตฺถาย คนฺตุํ น ลภติ ฯอรรถกถาภาษาบาลีอักษรไทย เล่มที่ ๓ หน้า ๑๖๐-๑๖๑. http://84000.org/tipitaka/atthapali/th_line.php?B=3&A=3318&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=3&A=3318&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=210 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=5502 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=5630 The Pali Tipitaka in Roman Character :- http://84000.org/tipitaka/read/roman_read.php?B=4&A=5630 สารบัญพระไตรปิฎกเล่มที่ ๔ http://84000.org/tipitaka/read/?index_4
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]