บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
๖ พกชาตกํ ภทฺทโก วตายํ ปกฺขีติ อิทํ สตฺถา เชตวเน วิหรนฺโต เอกํ กุหกํ อารพฺภ กเถสิ ฯ ตํ หิ สตฺถา อาเนตฺวา ทสฺสิตํ ทิสฺวา น ภิกฺขเว อิทาเนว กุหโก, ปุพฺเพเปส กุหโก เยวาติ วตฺวา อตีตํ อาหริ ฯ อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต หิมวนฺตปฺปเทเส เอกสฺมึ สเร มจฺโฉ หุตฺวา มหาปริวาโร วสิ ฯ อเถโก พโก มจฺเฉ ขาทิสฺสามีติ สรสฺส อาสนฺนฏฺาเน สีสํ ปาเตตฺวา ปกฺเข ปสาเรตฺวา มนฺทมนฺโท มจฺเฉ โอโลเกนฺโต--------------------------------------------------------------------------------------------- หน้าที่ ๓๑๒.
อฏฺาสิ เตสํ ปมาทํ อาคมยมาโน ฯ ตสฺมึ ขเณ โพธิสตฺโต มจฺฉคณปริวุโต โคจรํ คณฺหนฺโต ตํ านํ ปาปุณิ ฯ มจฺฉคโณ ตํ พกํ ปสฺสิตฺวา ปมํ คาถมาห ภทฺทโก วตายํ ปกฺขี ทิโช กุมุทสนฺนิโภ วูปสนฺเตหิ ปกฺเขหิ มนฺทมนฺโทว ฌายตีติ ฯ ตตฺถ มนฺทมนฺโทว ฌายตีติ อพลพโล วิย หุตฺวา กิญฺจิ อชานนฺโต วิย เอกโกว ฌายตีติ ฯ อถ นํ โพธิสตฺโต โอโลเกตฺวา ทุติยํ คาถมาห นาสฺส สีลํ วิชานาถ อนญฺาย ปสํสถ, อมฺเห ทิโช น ปาเลติ, เตน ปกฺขี น ผนฺทตีติ ฯ ตตฺถ อนญฺายาติ อชานิตฺวา ฯ อมฺเห ทิโช น ปาเลตีติ เอส ทิโช อมฺเห น รกฺขติ น โคปายติ กตรํ นุ โข เอเตสุ กพลํ กริสฺสามีติ อุปธาเรติ ฯ เตน ปกฺขี น ผนฺทตีติ เตนายํ สกุโณ น ผนฺทติ น จลตีติ ฯ เอวํ วุตฺเต มจฺฉคโณ อุทกํ โขเภตฺวา พกํ ปลาเปสิ ฯ สตฺถา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา พโก กุหโก อโหสิ, มจฺฉราชา ปน อหเมวาติ ฯ พกชาตกํ ฉฏฺ ฯ ----------อรรถกถาภาษาบาลีอักษรไทย เล่มที่ ๓๗ หน้า ๓๑๑-๓๑๒. http://84000.org/tipitaka/atthapali/th_line.php?B=37&A=6173&pagebreak=1 The Pali Atthakatha in Roman :- http://84000.org/tipitaka/atthapali/read_rm.php?B=37&A=6173&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=321 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1831 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1826 The Pali Tipitaka in Roman Character :- http://84000.org/tipitaka/read/roman_read.php?B=27&A=1826 สารบัญพระไตรปิฎกเล่มที่ ๒๗ http://84000.org/tipitaka/read/?index_27
|
บันทึก ๒๖ มกราคม พ.ศ. ๒๕๖๑.
การแสดงผลนี้อ้างอิงข้อมูลจากอรรถกถาภาษาบาลีอักษรไทย.
หากพบข้อผิดพลาด กรุณาแจ้งได้ที่ [email protected]