ฉฏฺฐํ ปมาทสุตฺตํ
[๕๘๖] สาวตฺถีนิทานํ ฯ เตน โข ปน สมเยน ภควา
ทิวาวิหารคโต โหติ ปฏิสลฺลีโน ฯ อถ โข สุพฺรหฺมา จ ปจฺเจกพฺรหฺมา
สุทฺธาวาโส จ ปจฺเจกพฺรหฺมา เยน ภควา เตนุปสงฺกมึสุ
อุปสงฺกมิตฺวา ปจฺเจกํ ทฺวารพาหํ อุปนิสฺสาย อฏฺฐํสุ ฯ อถ โข
สุพฺรหฺมา ปจฺเจกพฺรหฺมา สุทฺธาวาสํ ปจฺเจกพฺรหฺมานํ เอตทโวจ
อกาโล โข ตาว มาริส ภควนฺตํ ปยิรุปาสิตุํ ทิวาวิหารคโต
ภควา ปฏิสลฺลีโน จ อมุ ๑- จ พฺรหฺมโลโก อิทฺโธ เจว ผีโต จ
พฺรหฺมา จ ตตฺถ ปมาทวิหารํ วิหรติ อายาม มาริส เยน
โส พฺรหฺมโลโก เตนุปสงฺกมิสฺสาม อุปสงฺกมิตฺวา ตํ พฺรหฺมานํ
สํเวเชยฺยามาติ ฯ เอวํ มาริสาติ โข สุทฺธาวาโส ปจฺเจกพฺรหฺมา
สุพฺรหฺมุโน ปจฺเจกพฺรหฺมุโน ปจฺจสฺโสสิ ฯ อถ โข สุพฺรหฺมา
@เชิงอรรถ: ๑ ม. ยุ. อสุโก ฯ
ปจฺเจกพฺรหฺมา สุทฺธาวาโส จ ปจฺเจกพฺรหฺมา เสยฺยถาปิ นาม
พลวา ปุริโส ฯเปฯ เอวเมว ภควโต ปุรโต อนฺตรหิตา ตสฺมึ
พฺรหฺมโลเก ปาตุรเหสุํ ฯ อทฺทสา โข โส พฺรหฺมา เต พฺรหฺมาโน
ทูรโตว อาคจฺฉนฺเต ทิสฺวาน เต พฺรหฺมาโน เอตทโวจ หนฺท
กุโต นุ ตุเมฺห มาริสา อาคจฺฉถาติ ฯ อถ ๑- โข มยํ มาริส
อาคจฺฉาม ตสฺส ภควโต อรหโต สมฺมาสมฺพุทฺธสฺส สนฺติกา
คจฺฉสิ ๒- ปน ตฺวํ มาริส ตสฺส ภควโต อุปฏฺฐานํ อรหโต
สมฺมาสมฺพุทฺธสฺสาติ ฯ
[๕๘๗] เอวํ วุตฺเต ๓- โข โส พฺรหฺมา ตํ วจนํ อนธิวาเสนฺโต
สหสฺสกฺขตฺตุํ อตฺตานํ อภินิมฺมินิตฺวา สุพฺรหฺมานํ ปจฺเจกพฺรหฺมานํ
เอตทโวจ ปสฺสสิ เม โน ตฺวํ มาริส เอวรูปํ อิทฺธานุภาวนฺติ ฯ
ปสฺสามิ โข ๔- ตฺยาหํ มาริส เอวรูปํ อิทฺธานุภาวนฺติ ฯ โส ขฺวาหํ
มาริส เอวํมหิทฺธิโก เอวํมหานุภาโว กสฺส อญฺญสฺส สมณสฺส
วา พฺราหฺมณสฺส วา อุปฏฺฐานํ คมิสฺสามีติ ฯ
[๕๘๘] อถ โข สุพฺรหฺมา ปจฺเจกพฺรหฺมา ทฺวิสหสฺสกฺขตฺตุํ
อตฺตานํ อภินิมฺมินิตฺวา [๕]- พฺรหฺมานํ เอตทโวจ ปสฺสสิ เม โน
ตฺวํ มาริส เอวรูปํ ตํ อิทฺธานุภาวนฺติ ฯ ปสฺสามิ โข ตฺยาหํ
มาริส เอวรูปํ อิทฺธานุภาวนฺติ ฯ ตยา จ โข มาริส มยา จ
เสฺวว ภควา มหิทฺธิกตโร เจว มหานุภาโว จ อาคจฺเฉยฺยาสิ ๖-
ตฺวํ มาริส ตสฺส ภควโต อุปฏฺฐานํ อรหโต สมฺมาสมฺพุทฺธสฺสาติ ฯ
@เชิงอรรถ: ๑ ม. อาคตา โข มยํ มาริส อมฺห ... ฯ ๒ ม. ยุ. คจฺเฉยฺยาสิ ฯ ๓ เอวํ วุตฺโต ฯ
@๔ ยุ. โน ฯ ๕ ม. ยุ. เอตฺถนฺตเร ตํ อิติ ทิสฺสติ ฯ ๖ ม. ยุ. คจฺเฉยฺยาสิ ฯ
[๕๘๙] อถ โข โส พฺรหฺมา สุพฺรหฺมานํ ปจฺเจกพฺรหฺมานํ
คาถาย อชฺฌภาสิ
ตโย สุปณฺณา จตุโร จ หํสา
พฺยคฺฆีนิสา ปญฺจสตา จ ฌายิโน
ตยิทํ วิมานํ ชลเต จ พฺรเหฺม
โอภาสยํ อุตฺตรสฺสํ ทิสายนฺติ ฯ
[๕๙๐] กิญฺจาปิ เต ตํ ชลตี ๑- วิมานํ
โอภาสยํ อุตฺตรสฺสํ ทิสายํ
รูเป รณํ ทิสฺวา สทา ปเวธิตํ
ตสฺมา น รูเป รมตี สุเมโธติ ฯ
[๕๙๑] อถ โข สุพฺรหฺมา จ ปจฺเจกพฺรหฺมา สุทฺธาวาโส
จ ปจฺเจกพฺรหฺมา ตํ พฺรหฺมานํ สํเวเชตฺวา ตตฺเถวนฺตรธายึสุ ฯ
อคมาสิ จ ๒- โส พฺรหฺมา อปเรน สมเยน ภควโต อุปฏฺฐานํ อรหโต
สมฺมาสมฺพุทฺธสฺสาติ ฯ
สตฺตมํ ปฐมโกกาลิกสุตฺตํ
[๕๙๒] สาวตฺถิยํ ... เตน โข ปน สมเยน ภควา ทิวาวิหารคโต
โหติ ปฏิสลฺลีโน ฯ อถ โข สุพฺรหฺมา จ ปจฺเจกพฺรหฺมา
สุทฺธาวาโส จ ปจฺเจกพฺรหฺมา เยน ภควา เตนุปสงฺกมึสุ
อุปสงฺกมิตฺวา ปจฺเจกํ ทฺวารพาหํ นิสฺสาย อฏฺฐํสุ ฯ
[๕๙๓] อถ โข สุพฺรหฺมา ปจฺเจกพฺรหฺมา โกกาลิกํ ภิกฺขุํ
@เชิงอรรถ: ๑ ม. ยุ. ชลเต ฯ ๒ อคมาสิ จ โข โส ฯ
อารพฺภ ภควโต สนฺติเก อิมํ คาถํ อภาสิ
อปฺปเมยฺยํ ปมินนฺโต โกธ วิทฺวา วิกปฺปเย
อปฺปเมยฺยํ ปมายินํ นิธุตนฺตํ ๑- มญฺเญ ปุถุชฺชนนฺติ ฯ
อฏฺฐมํ ติสฺสกสุตฺตํ
[๕๙๔] สาวตฺถิยํ ... เตน โข ปน สมเยน ภควา ทิวาวิหารคโต
โหติ ปฏิสลฺลีโน ฯ อถ โข สุพฺรหฺมา จ ปจฺเจกพฺรหฺมา
สุทฺธาวาโส จ ปจฺเจกพฺรหฺมา เยน ภควา เตนุปสงฺกมึสุ
อุปสงฺกมิตฺวา ปจฺเจกํ ทฺวารพาหํ นิสฺสาย อฏฺฐํสุ ฯ
[๕๙๕] อถ โข สุทฺธาวาโส ปจฺเจกพฺรหฺมา กตโมรกติสฺสกํ ๒-
ภิกฺขุํ อารพฺภ ภควโต สนฺติเก อิมํ คาถํ อภาสิ
อปฺปเมยฺยํ ปมินนฺโต โกธ วิทฺวา วิกปฺปเย
อปฺปเมยฺยํ ปมายินํ นิธุตนฺตํ มญฺเญ อกิสฺสวนฺติ ฯ
นวมํ ตุทุพฺรหฺมสุตฺตํ ๓-
[๕๙๖] สาวตฺถิยํ ... เตน โข ปน สมเยน โกกาลิโก ภิกฺขุ
อาพาธิโก โหติ ทุกฺขิโต พาฬฺหคิลาโน ฯ อถ โข ตุทุปจฺเจกพฺรหฺมา ๓-
อภิกฺกนฺตาย รตฺติยา อภิกฺกนฺตวณฺโณ เกวลกปฺปํ เชตวนํ
โอภาเสตฺวา เยน โกกาลิโก ภิกฺขุ เตนุปสงฺกมิ อุปสงฺกมิตฺวา เวหาสํ
ฐิโต โกกาลิกํ ภิกฺขุํ เอตทโวจ ปสาเทหิ โกกาลิก สารีปุตฺตโมคฺคลฺลาเนสุ
จิตฺตํ เปสลา สารีปุตฺตโมคฺคลฺลานาติ ฯ โกสิ ตฺวํ อาวุโสติ ฯ
อหํ ตุทุปจฺเจกพฺรหฺมาติ ๓- ฯ กินฺนุ ๔- ตฺวํ อาวุโส
@เชิงอรรถ: ๑ ม. นิวุตํ ตํ ฯ ยุ. นิวุตํ ฯ ๒ ม. กตโมทกติสฺสกํ ฯ ๓ ม. ตุรู ... ฯ
@๔ โป. ม. ยุ. นนุ ฯ
ภควตา อนาคามี พฺยากโต กถญฺจรหิ ๑- อิธาคโตติ ฯ ปสฺส
ยาวญฺจ เต อิทํ อปรทฺธนฺติ ฯ
[๕๙๗] ปุริสสฺส หิ ชาตสฺส กุธารี ๒- ชายเต มุเข
ยาย ฉินฺทติ อตฺตานํ พาโล ทุพฺภาสิตํ ภณํ
โย นินฺทิยํ ปสํสติ ตํ วา นินฺทติ โย ปสํสิโย
วิจินาติ มุเขน โส กลึ กลินา เตน สุขํ น วินฺทติ
อปฺปมตฺโต ๓- อยํ กลิ โย อกฺเขสุ ธนปราชโย
สพฺพสฺสาปิ สหาปิ อตฺตนา
อยเมว มหนฺตตโร กลิ
โย สุคเตสุ มนํ ปโทสเย ฯ
สตํ สหสฺสาน นิรพฺพุทานํ
ฉตฺตึสติ ปญฺจ จ อพฺพุทานิ
ยมริเย ๔- ครหี นิรยํ อุเปติ
วาจํ มนญฺจ ปณิธาย ปาปกนฺติ ฯ
ทสมํ ทุติยโกกาลิกสุตฺตํ
[๕๙๘] สาวตฺถิยํ ... อถ โข โกกาลิโก ภิกฺขุ เยน ภควา
เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ
เอกมนฺตํ นิสินฺโน โข โกกาลิโก ภิกฺขุ ภควนฺตํ เอตทโวจ ปาปิจฺฉา
ภนฺเต สารีปุตฺตโมคฺคลฺลานา ปาปิกานํ อิจฺฉานํ วสํ คตาติ ฯ
@เชิงอรรถ: ๑ ม. ยุ. อถ กิญฺจรหิ ฯ ๒ ม. ยุ. กุฐารี ฯ ๓ ม. ยุ. อปฺปมตฺตโถ ฯ
@๔ ม. ยุ. ยมริยครหี ฯ
เนื้อความพระไตรปิฎกฉบับภาษาบาลีอักษรไทย เล่มที่ ๑๕ หน้าที่ ๒๑๕-๒๑๙.
https://84000.org/tipitaka/read/pali_item.php?book=15&item=586&items=13
อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=15&item=586&items=13&mode=bracket
อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=15&item=586&items=13
อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=15&item=586&items=13
ศึกษาอรรถกถานี้ได้ที่ :-
https://84000.org/tipitaka/attha/attha.php?b=15&i=586
สารบัญพระไตรปิฎกเล่มที่ ๑๕
https://84000.org/tipitaka/read/?index_15
https://84000.org/tipitaka/english/?index_15
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]
