ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับภาษาไทย   บาลีอักษรไทย   บาลีอักษรโรมัน 
อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้า คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๑๗ ภาษาบาลี อักษรไทย พระสุตตันตปิฎกเล่มที่ ๙ สุตฺต. สํ. ขนฺธวารวคฺโค
     [๕๙๔]   สาวตฺถี  ฯ  จตฺตาโรเม ภิกฺขเว ฌายี ฯ กตเม จตฺตาโร ฯ
อิธ  ภิกฺขเว  เอกจฺโจ  ฌายี  สมาธิสฺมึ  สมาธิกุสโล  โหติ  น สมาธิสฺมึ
สปฺปายการี  ฯ  อิธ  ปน  ภิกฺขเว  เอกจฺโจ  ฌายี สมาธิสฺมึ สปฺปายการี
โหติ   น   สมาธิสฺมึ   สมาธิกุสโล   ฯ   อิธ  ปน  ภิกฺขเว  เอกจฺโจ
ฌายี  เนว  สมาธิสฺมึ  สมาธิกุสโล  โหติ  น  สมาธิสฺมึ  สปฺปายการี  ฯ
อิธ   ปน   ภิกฺขเว   เอกจฺโจ  ฌายี  สมาธิสฺมึ  สมาธิกุสโล  จ  โหติ
สมาธิสฺมึ   สปฺปายการี   จ  ฯ  ตตฺร  ภิกฺขเว  ยฺวายํ  ฌายี  สมาธิสฺมึ
สมาธิกุสโล   จ   สมาธิสฺมึ   สปฺปายการี   จ  ฯ  อยํ  อิเมสํ  จตุนฺนํ
ฌายีนํ  อคฺโค  จ  เสฏฺโฐ  จ  ปาโมกฺโข  จ  อุตฺตโม  จ  ปวโร จ ฯ
เสยฺยถาปิ ภิกฺขเว ควา ขีรํ ฯเปฯ ปวโร จาติ ฯ
     [๕๙๕]   สาวตฺถี  ฯ  จตฺตาโรเม ภิกฺขเว ฌายี ฯ กตเม จตฺตาโร ฯ
อิธ   ภิกฺขเว   เอกจฺโจ   ฌายี   สมาธิสฺมึ   สมาปตฺติกุสโล  โหติ  น
สมาธิสฺมึ   ฐิติกุสโล   ฯ  อิธ  ปน  ภิกฺขเว  เอกจฺโจ  ฌายี  สมาธิสฺมึ
ฐิติกุสโล   โหติ   น   สมาธิสฺมึ  สมาปตฺติกุสโล  ฯ  อิธ  ปน  ภิกฺขเว

--------------------------------------------------------------------------------------------- หน้าที่ ๓๓๓.

เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ ฐิติกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ ฐิติกุสโล จ ฯ ตตฺร ภิกฺขเว ยฺวายํ ฌายี สมาธิสฺมึ สมาปตฺติกุสโล จ สมาธิสฺมึ ฐิติกุสโล จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร จ ฯ เสยฺยถาปิ ภิกฺขเว ควา ขีรํ ฯเปฯ ปวโร จาติ ฯ [๕๙๖] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ วุฏฺฐานกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ วุฏฺฐานกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ วุฏฺฐานกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ วุฏฺฐานกุสโล จ ฯ ตตฺร ภิกฺขเว ยฺวายํ ฌายี ฯเปฯ ปวโร จาติ ฯ [๕๙๗] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ กลฺลิตกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ กลฺลิตกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ กลฺลิตกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล

--------------------------------------------------------------------------------------------- หน้าที่ ๓๓๔.

จ โหติ สมาธิสฺมึ กลฺลิตกุสโล จ ฯ ตตฺร ฯเปฯ ปวโร จาติ ฯ [๕๙๘] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ อารมฺมณกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ อารมฺมณกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ อารมฺมณกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ อารมฺมณกุสโล จ ฯ ตตฺร ฯเปฯ ปวโร จาติ ฯ [๕๙๙] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ โคจรกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ โคจรกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ โคจรกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ โคจรกุสโล จ ฯ ตตฺร ฯเปฯ ปวโร จาติ ฯ [๖๐๐] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น

--------------------------------------------------------------------------------------------- หน้าที่ ๓๓๕.

สมาธิสฺมึ อภินีหารกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ อภินีหารกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ อภินีหารกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ อภินีหารกุสโล จ ฯ ตตฺร ฯเปฯ ปวโร จาติ ฯ [๖๐๑] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ สกฺกจฺจการี ฯ อิธ ปน ภิกฺขเว เอกจฺโจ ฌายี สมาธิสฺมึ สกฺกจฺจการี โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ สกฺกจฺจการี ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ สกฺกจฺจการี จ ฯ ตตฺร ฯเปฯ ปวโร จาติ ฯ [๖๐๒] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ สาตจฺจการี ฯ อิธ ปน ภิกฺขเว เอกจฺโจ ฌายี สมาธิสฺมึ สาตจฺจการี โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ สาตจฺจการี ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล

--------------------------------------------------------------------------------------------- หน้าที่ ๓๓๖.

จ โหติ สมาธิสฺมึ สาตจฺจการี จ ฯ ตตฺร ฯเปฯ ปวโร จาติ ฯ [๖๐๓] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ สปฺปายการี ฯ อิธ ปน ภิกฺขเว เอกจฺโจ ฌายี สมาธิสฺมึ สปฺปายการี โหติ น สมาธิสฺมึ สมาปตฺติกุสโล ฯ อิธ ปน ภิกฺขเว เอกจฺโจ ฌายี เนว สมาธิสฺมึ สมาปตฺติกุสโล โหติ น สมาธิสฺมึ สปฺปายการี ฯ อิธ ปน ภิกฺขเว เอกจฺโจ ฌายี สมาธิสฺมึ สมาปตฺติกุสโล จ โหติ สมาธิสฺมึ สปฺปายการี จ ฯ ตตฺร ภิกฺขเว ยฺวายํ ฌายี สมาธิสฺมึ สมาปตฺติกุสโล จ โหติ สมาธิสฺมึ สปฺปายการี จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร จ ฯ เสยฺยถาปิ ภิกฺขเว ควา ขีรํ ขีรมฺหา ทธิ ทธิมฺหา นวนีตํ นวนีตมฺหา สปฺปิ สปฺปิมฺหา สปฺปิมณฺโฑ ตตฺร อคฺคมกฺขายติ เอวเมว โข ภิกฺขเว ยฺวายํ ฌายี สมาธิสฺมึ สมาปตฺติกุสโล จ โหติ สมาธิสฺมึ สปฺปายการี จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร จาติ ฯ [๖๐๔] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ ฐิติกุสโล โหติ น สมาธิสฺมึ วุฏฺฐานกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ วุฏฺฐานกุสโล โหติ น สมาธิสฺมึ ฐิติกุสโล ฯ อิธ ปน ภิกฺขเว

--------------------------------------------------------------------------------------------- หน้าที่ ๓๓๗.

เอกจฺโจ ฌายี เนว สมาธิสฺมึ ฐิติกุสโล โหติ น สมาธิสฺมึ วุฏฺฐานกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ ฐิติกุสโล จ โหติ สมาธิสฺมึ วุฏฺฐานกุสโล จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๐๕] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ วุฏฺฐานกุสโล โหติ น สมาธิสฺมึ กลฺลิตกุสโล ฯ สมาธิสฺมึ กลฺลิตกุสโล โหติ น สมาธิสฺมึ วุฏฺฐานกุสโล เนว สมาธิสฺมึ วุฏฺฐานกุสโล โหติ น สมาธิสฺมึ กลฺลิตกุสโล ฯ สมาธิสฺมึ วุฏฺฐานกุสโล จ โหติ สมาธิสฺมึ กลฺลิตกุสโล จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๐๖] สาวตฺถี ฯ สมาธิสฺมึ กลฺลิตกุสโล โหติ น สมาธิสฺมึ อารมฺมณกุสโล ฯ สมาธิสฺมึ อารมฺมณกุสโล โหติ น สมาธิสฺมึ กลฺลิตกุสโล ฯ เนว สมาธิสฺมึ กลฺลิตกุสโล โหติ น สมาธิสฺมึ อารมฺมณกุสโล ฯ สมาธิสฺมึ กลฺลิตกุสโล จ โหติ สมาธิสฺมึ อารมฺมณกุสโล จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๐๗] สาวตฺถี ฯ สมาธิสฺมึ อารมฺมณกุสโล โหติ น สมาธิสฺมึ โคจรกุสโล ฯ สมาธิสฺมึ โคจรกุสโล โหติ น สมาธิสฺมึ อารมฺมณกุสโล ฯ เนว สมาธิสฺมึ อารมฺมณกุสโล โหติ น

--------------------------------------------------------------------------------------------- หน้าที่ ๓๓๘.

สมาธิสฺมึ โคจรกุสโล ฯ สมาธิสฺมึ อารมฺมณกุสโล จ โหติ สมาธิสฺมึ โคจรกุสโล จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๐๘] สาวตฺถี ฯ สมาธิสฺมึ โคจรกุสโล โหติ น สมาธิสฺมึ อภินีหารกุสโล ฯ สมาธิสฺมึ อภินีหารกุสโล โหติ น สมาธิสฺมึ โคจรกุสโล ฯ เนว สมาธิสฺมึ โคจรกุสโล โหติ น สมาธิสฺมึ อภินีหารกุสโล ฯ สมาธิสฺมึ โคจรกุสโล จ โหติ สมาธิสฺมึ อภินีหารกุสโล จ ฯ เสยฺยถาปิ ภิกฺขเว ควา ขีรํ ขีรมฺหา ทธิ ทธิมฺหา นวนีตํ นวนีตมฺหา สปฺปิ สปฺปิมฺหา สปฺปิมณฺโฑ ตตฺร อคฺคมกฺขายติ เอวเมว โข ภิกฺขเว ยฺวายํ ฌายี สมาธิสฺมึ โคจรกุสโล จ สมาธิสฺมึ อภินีหารกุสโล จ ฯ อยํ อิเมสํ จตุนฺนํ ฌายีนํ ฯเปฯ อุตฺตโม จ ปวโร จาติ ฯ [๖๐๙] สาวตฺถี ฯ สมาธิสฺมึ อภินีหารกุสโล โหติ น สมาธิสฺมึ สกฺกจฺจการี ฯ สมาธิสฺมึ สกฺกจฺจการี โหติ น สมาธิสฺมึ อภินีหารกุสโล ฯ เนว สมาธิสฺมึ อภินีหารกุสโล โหติ น สมาธิสฺมึ สกฺกจฺจการี ฯ สมาธิสฺมึ อภินีหารกุสโล จ โหติ สมาธิสฺมึ สกฺกจฺจการี จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๑๐] สาวตฺถี ฯ สมาธิสฺมึ สกฺกจฺจการี โหติ น สมาธิสฺมึ สาตจฺจการี ฯ สมาธิสฺมึ สาตจฺจการี โหติ น สมาธิสฺมึ สกฺกจฺจการี ฯ

--------------------------------------------------------------------------------------------- หน้าที่ ๓๓๙.

เนว สมาธิสฺมึ สกฺกจฺจการี โหติ น สมาธิสฺมึ สาตจฺจการี ฯ สมาธิสฺมึ สกฺกจฺจการี จ โหติ สมาธิสฺมึ สาตจฺจการี จ ฯ ตตฺร ภิกฺขเว ยฺวายํ ฌายี ฯเปฯ อุตฺตโม จ ปวโร จาติ ฯ [๖๑๑] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ สาตจฺจการี โหติ น สมาธิสฺมึ สปฺปายการี ฯ อิธ ปน ภิกฺขเว เอกจฺโจ ฌายี สมาธิสฺมึ สปฺปายการี โหติ น สมาธิสฺมึ สาตจฺจการี ฯ อิธ ปน ภิกฺขเว เอกจฺโจ ฌายี เนว สมาธิสฺมึ สาตจฺจการี โหติ น สมาธิสฺมึ สปฺปายการี ฯ อิธ ปน ภิกฺขเว เอกจฺโจ ฌายี สมาธิสฺมึ สาตจฺจการี จ โหติ สมาธิสฺมึ สปฺปายการี จ ฯ ตตฺร ภิกฺขเว ยฺวายํ ฌายี สมาธิสฺมึ สาตจฺจการี จ สมาธิสฺมึ สปฺปายการี จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร จาติ ฯ เสยฺยถาปิ ภิกฺขเว ควา ขีรํ ขีรมฺหา ทธิ ทธิมฺหา นวนีตํ นวนีตมฺหา สปฺปิ สปฺปิมฺหา สปฺปิมณฺโฑ ตตฺร อคฺคมกฺขายติ เอวเมว โข ภิกฺขเว ยฺวายํ ฌายี สมาธิสฺมึ สาตจฺจการี จ สมาธิสฺมึ สปฺปายการี จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร จาติ ฯ อิทมโวจ ภควา ฯ อตฺตมนา เต ภิกฺขู ภควโต ภาสิตํ อภินนฺทุนฺติ ฯ (ปญฺญาสํ เวยฺยากรณานิ วิตฺถาเรตพฺพานิ) ฯ สมาธิสํยุตฺตํ สมตฺตํ ฯ

--------------------------------------------------------------------------------------------- หน้าที่ ๓๔๐.

ตสฺสุทฺทานํ สมาธิ สมาปตฺติ ฐิติ วุฏฺฐานํ กลฺลิตารมฺมเณน จ โคจโร อภินีหาโร สกฺกจฺจสาตจฺจการี อโถปิ สปฺปายนฺติ ฯ ขนฺธวารวคฺคสํยุตฺตํ สมตฺตํ ฯ ตตฺร วคฺคุทฺทานํ นกุลปิตา อนิจฺจญฺจ ภารํ นตุมฺหาเกน จ อตฺตทีเปน ปญฺญาโส ปฐโมติ ปวุจฺจติ ฯ อุปาโย อรหํ ขชฺชนิโย เถรํ ปุปฺเผน ปญฺจมํ มชฺเฌปณฺณาสโกสโล สมฺพุทฺเธน ปกาสิตํ ฯ อนฺตํ ธมฺมกถิกาวิชฺชา กุกฺกุฬํ ทิฏฺฐิปญฺจมํ ตติโย ปณฺณาสโก วุตฺโต นิปาโตติ ปวุจฺจตีติ ฯ ขนฺธราธทิฏฺฐิ จ โอกฺกนฺติ อุปฺปาเทน กิเลเสน จ สารีปุตฺโต จ นาโค จ สุปณฺณคนฺธพฺพกายิกา พลาโห วจฺฉโคตฺโต จ ฌาเนน ภวติ เตรสาติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๓๓๒-๓๔๐. https://84000.org/tipitaka/read/pali_item.php?book=17&item=594&items=18&pagebreak=1&modeTY=2              อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=17&item=594&items=18&pagebreak=1&modeTY=2&mode=bracket              อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=17&item=594&items=18&pagebreak=1&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=17&item=594&items=18&pagebreak=1&modeTY=2              ศึกษาอรรถกถานี้ได้ที่ :- https://84000.org/tipitaka/attha/attha.php?b=17&i=594              สารบัญพระไตรปิฎกเล่มที่ ๑๗ https://84000.org/tipitaka/read/?index_17 https://84000.org/tipitaka/english/?index_17

อ่านหัวข้อแรกอ่านหัวข้อที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้า คลิกเพื่อเปลี่ยน ฐญ เป็นแบบดั้งเดิม

บันทึก ๒ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]