พระไตรปิฎกเล่มที่ ๒ ภาษาบาลี อักษรไทย
พระวินัยปิฎกเล่มที่ ๒ วินย. มหาวิภงฺโค (๒)

                       รตนวคฺคสฺส ปมสิกฺขาปทํ
     [๗๓๑]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม  ฯ  เตน  โข  ปน  สมเยน  ราชา  ปเสนทิ
โกสโล    อุยฺยานปาลํ   อาณาเปสิ   คจฺฉ   ภเณ   อุยฺยานํ   โสเธหิ
อุยฺยานํ  คมิสฺสามาติ  ฯ  เอวํ  เทวาติ  โข  โส  อุยฺยานปาโล  รญฺโ
ปเสนทิสฺส    โกสลสฺส    ปฏิสฺสุณิตฺวา    อุยฺยานํ   โสเธนฺโต   อทฺทส
ภควนฺตํ    อญฺตรสฺมึ    รุกฺขมูเล    นิสินฺนํ   ทิสฺวาน   เยน   ราชา
ปเสนทิ    โกสโล    เตนุปสงฺกมิ    อุปสงฺกมิตฺวา   ราชานํ   ปเสนทึ
โกสลํ    เอตทโวจ    สุทฺธํ   เทว   อุยฺยานํ   อปิจ   ภควา   ตตฺถ
นิสินฺโนติ ฯ โหตุ ภเณ มยํ ภควนฺตํ ปยิรุปาสิสฺสามาติ ฯ
     {๗๓๑.๑}   อถโข   ราชา   ปเสนทิ  โกสโล  อุยฺยานํ  คนฺตฺวา
เยน   ภควา   เตนุปสงฺกมิ   ฯ   เตน   โข  ปน  สมเยน  อญฺตโร
อุปาสโก   ภควนฺตํ   ปยิรุปาสนฺโต   นิสินฺโน   โหติ   ฯ  อทฺทสา  โข
ราชา   ปเสนทิ   โกสโล   ตํ   อุปาสกํ  ภควนฺตํ  ปยิรุปาสนฺตํ  นิสินฺนํ
ทิสฺวาน   ภีโต   อฏฺาสิ   ฯ   อถโข   รญฺโ   ปเสนทิสฺส  โกสลสฺส
เอตทโหสิ  นารหตายํ  ปุริโส  ปาโป  โหตุํ  ยถา ภควนฺตํ ปยิรุปาสตีติ ฯ
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ   นิสีทิ  ฯ  อถโข  โส  อุปาสโก  ภควโต  คารเวน  ราชานํ
ปเสนทึ   โกสลํ   เนว   อภิวาเทสิ  น  ปจฺจุฏฺาสิ  ฯ  อถโข  ราชา
ปเสนทิ   โกสโล   อนตฺตมโน  อโหสิ  กถํ  หิ  นาม  อยํ  ปุริโส  มยิ
อาคเต   เนว   อภิวาเทสฺสติ   น   ปจฺจุฏฺเสฺสตีติ  ฯ  อถโข  ภควา
ราชานํ    ปเสนทึ    โกสลํ   อนตฺตมนํ   วิทิตฺวา   ราชานํ   ปเสนทึ
โกสลํ    เอตทโวจ    เอโส   โข   มหาราช   อุปาสโก   พหุสฺสุโต
อาคตาคโม    กาเมสุ   วีตราโคติ   ฯ   อถโข   รญฺโ   ปเสนทิสฺส
โกสลสฺส   เอตทโหสิ   นารหตายํ   อุปาสโก   โอรโก  โหตุํ  ภควาปิ
อิมสฺส    วณฺณํ    ภณตีติ   ฯ   ตํ   อุปาสกํ   เอตทโวจ   วเทยฺยาสิ
อุปาสก   เยน  อตฺโถติ  ฯ  สุฏฺฐุ  เทวาติ  ฯ  อถโข  ภควา  ราชานํ
ปเสนทึ   โกสลํ   ธมฺมิยา   กถาย  สนฺทสฺเสสิ  สมาทเปสิ  สมุตฺเตเชสิ
สมฺปหํเสสิ   ฯ   อถโข   ราชา   ปเสนทิ   โกสโล  ภควตา  ธมฺมิยา
กถาย      สนฺทสฺสิโต      สมาทปิโต     สมุตฺเตชิโต     สมฺปหํสิโต
อุฏฺายาสนา ภควนฺตํ อภิวาเทตฺวา ปทกฺขิณํ กตฺวา ปกฺกามิ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๒ หน้าที่ ๔๘๑-๔๘๒.
https://84000.org/tipitaka/read/pali_item.php?book=2&item=731&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=2&item=731&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=2&item=731&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=2&item=731&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=2&i=731
             สารบัญพระไตรปิฎกเล่มที่ ๒
https://84000.org/tipitaka/read/?index_2
https://84000.org/tipitaka/english/?index_2