พระไตรปิฎกเล่มที่ ๒๖ ภาษาบาลี อักษรไทย
พระสุตตันตปิฎกเล่มที่ ๑๘ สุตฺต. ขุ. วิมานวตฺถุ-เปตวตฺถุ-เถรคาถา-เถรีคาถา

     [๓๔]   |๓๔.๔๐๖| ๖ ททฺทลฺลมานา วณฺเณน   ยสสฺสา จ ยสสฺสินี
                        สพฺเพ เทเว ตาวตึเส        วณฺเณน อติโรจสิ
     |๓๔.๔๐๗|    ทสฺสนํ นาภิชานามิ       อิทํ ปมทสฺสนํ
                        กสฺมา กายา นุ อาคมฺม      นาเมน ภาสเส มมนฺติ ฯ
     |๓๔.๔๐๘|    อหํ ภทฺเท สุภทฺทาสึ      ปุพฺเพ มานุสเก ภเว
                        สหภริยา จ เต อาสึ            ภคินี จ กนิฏฺกา
     |๓๔.๔๐๙|    สาหํ กายสฺส เภทาย     วิปฺปมุตฺตา ตโต จุตา
                        นิมฺมานรตีเทวานํ                อุปปนฺนา สหพฺยตนฺติ ฯ
     |๓๔.๔๑๐|    ปหูตกตกลฺยาณา         เต เทเว ยนฺติ ปาณิโน
                        เยสํ ตฺวํ กิตฺตยิสฺสสิ             สุภทฺเท ชาติมตฺตโน
     |๓๔.๔๑๑|    กถํ ตฺวํ เกน วณฺเณน    เกน วา อนุสาสิตา
                        กีทิเสเนว ทาเนน                สุพฺพเตน ยสสฺสินี
     |๓๔.๔๑๒|    ยสํ เอตาทิสํ ปตฺตา      วิเสสํ วิปุลมชฺฌคา
                        เทวเต ปุจฺฉิตาจิกฺข       กิสฺส กมฺมสฺสิทํ ผลํ (อิติ) ฯ
     |๓๔.๔๑๓|    อฏฺเว ปิณฺฑปาตานิ   ยํ ทานํ อททํ ปุเร
                        ทกฺขิเณยฺยสฺส สงฺฆสฺส       ปสนฺนา สเกหิ ปาณิหิ
     |๓๔.๔๑๔|    เตน เมตาทิโส วณฺโณ     ... เป ...
                        วณฺโณ จ เม สพฺพทิสา ปภาสตีติ ฯ
     |๓๔.๔๑๕|    อหํ ตยา พหุตเร ภิกฺขู    สญฺเต พฺรหฺมจาริโน
                        ตปฺเปสึ อนฺนปาเนน          ปสนฺนา สเกหิ ปาณิหิ
     |๓๔.๔๑๖|    ตยา พหุตรํ ทตฺวา         หีนกายูปคา อหํ
                        กถํ ตฺวํ อปฺปตรํ ทตฺวา      วิเสสํ วิปุลมชฺฌคา
                        เทวเต ปุจฺฉิตาจิกฺข          กิสฺส กมฺมสฺสิทํ ผลํ (อิติ) ฯ
     |๓๔.๔๑๗|    มโนภาวนีโย ภิกฺขุ        สนฺทิฏฺโ เม ปุเร อหุ
                        ตาหํ ภตฺเตน นิมนฺเตสึ     เรวตํ อตฺตนฏฺมํ
     |๓๔.๔๑๘|    โส เม อตฺถปุเรกฺขาโร   อนุกมฺปาย เรวโต
                        สงฺเฆ เทหีติ มํ อโวจ       ตสฺสาหํ วจนํ กรึ
     |๓๔.๔๑๙|    สา ทกฺขิณา สงฺฆคตา  อปฺปเมยฺยา ปติฏฺิตา
                        ปุคฺคเลสุ ตยา ทินฺนํ        น ตํ ตว มหปฺผลนฺติ ฯ
     |๓๔.๔๒๐|    อิทาเนวาหํ ชานามิ      สงฺเฆ ทินฺนํ มหปฺผลํ
                        สาหํ คนฺตฺวา มนุสฺสตฺตํ   วทญฺู วีตมจฺฉรา
                        สงฺเฆ ทานํ ทสฺสามิหํ       อปฺปมตฺตา ปุนปฺปุนนฺติ ฯ
     |๓๔.๔๒๑|    กา เอสา เทวตา ภทฺเท  ตยา มนฺตยเต สห
                        สพฺเพ เทเว ตาวตึเส         วณฺเณน อติโรจติ (อิติ) ฯ
     |๓๔.๔๒๒|    มนุสฺสภูตา เทวินฺท       ปุพฺเพ มานุสเก ภเว
                        สหภริยา จ เม อาสิ          ภคินี จ กนิฏฺกา ๑-
                        สงฺเฆ ทานานิ ทตฺวาน      กตปุญฺา วิโรจติ (อิติ) ฯ
     |๓๔.๔๒๓|    ธมฺเมน ปุพฺเพ ภคินี      ตยา ภทฺเท วิโรจสิ
                        ยํ สงฺฆสฺมึ อปฺปเมยฺเย    ปติฏฺาเปสิ ทกฺขิณํ
     |๓๔.๔๒๔|    ปุจฺฉิโต หิ มยา พุทฺโธ   คิชฺฌกูฏสฺมึ ปพฺพเต
@เชิงอรรถ: ๑ ม. ยุ กนิฏฺิกา ฯ
                        วิปากํ สํวิภาคสฺส                  ยตฺถ ทินฺนํ มหปฺผลํ
     |๓๔.๔๒๕|    ยชมานานํ มนุสฺสานํ           ปุญฺเปกฺขาน ปาณินํ
                        กโรนฺตํ ๑- โอปธิกํ ปุญฺ         ยตฺถ ทินฺนํ มหปฺผลํ
     |๓๔.๔๒๖|    ตํ เม พุทฺโธ วิยากาสิ             ชานํ กมฺมผลํ สกํ
                        วิปากํ สํวิภาคสฺส                     ยตฺถ ทินฺนํ มหปฺผลํ
     |๓๔.๔๒๗|    จตฺตาโร จ ปฏิปนฺนา            จตฺตาโร จ ผเล ิตา
                        เอส สงฺโฆ อุชุภูโต                   ปญฺาสีลสมาหิโต
     |๓๔.๔๒๘|    ยชมานานํ มนุสฺสานํ            ปุญฺเปกฺขาน ปาณินํ
                        กโรนฺตํ ๑- โอปธิกํ ปุญฺ         สงฺเฆ ทินฺนํ มหปฺผลํ
     |๓๔.๔๒๙|    เอโส หิ สงฺโฆ วิปุโล มหคฺคโต
                        เอสปฺปเมยฺโย อุทธีว สาคโร
                        เอเต หิ เสฏฺา นรวิริยสาวกา
                        ปภงฺกรา ธมฺมกถํ อุทีรยนฺติ
     |๓๔.๔๓๐|    เตสํ สุทินฺนํ สุหุตํ สุยิฏฺ
                        เย สงฺฆมุทฺทิสฺส ททนฺติ ทานํ
                        สา ทกฺขิณา สงฺฆคตา ปติฏฺิตา
                        มหปฺผลา โลกวิทูหิ วณฺณิตา
     |๓๔.๔๓๑|    เอตาทิสํ ปุญฺมนุสฺสรนฺตา
                        เย เวทชาตา วิจรนฺติ โลเก
                        วิเนยฺย มจฺเฉรมลํ สมูลํ
@เชิงอรรถ: ๑ กโรตนฺติปิ ทิสฺสติ ฯ
                        อนินฺทิตา สคฺคมุเปนฺติ านนฺติ ฯ
                                    ททฺทลฺลวิมานํ ฉฏฺ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๒๖ หน้าที่ ๕๙-๖๒.
https://84000.org/tipitaka/read/pali_item.php?book=26&item=34&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=26&item=34&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=26&item=34&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=26&item=34&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=26&i=34
             สารบัญพระไตรปิฎกเล่มที่ ๒๖
https://84000.org/tipitaka/read/?index_26
https://84000.org/tipitaka/english/?index_26