พระไตรปิฎกเล่มที่ ๓๘ ภาษาบาลี อักษรไทย
พระอภิธรรมปิฎกเล่มที่ ๕ อภิ. ยมกํ (๑)

                                      อภิธมฺมปิฏเก ยมกํ
                                          ปฐโม ภาโค
                                            -------
                      นโม ตสฺส ภควโต อรหโต สมฺมาสมฺพุทฺธสฺส
                                           มูลยมกํ
                                         อุทฺเทสวาโร
     [๑]   เยเกจิ   กุสลา   ธมฺมา  สพฺเพ  เต  กุสลมูลา  เย  วา
ปน   กุสลมูลา  สพฺเพ  เต  ธมฺมา  กุสลา  ฯ  เยเกจิ  กุสลา  ธมฺมา
สพฺเพ   เต  กุสลมูเลน  เอกมูลา  เย  วา  ปน  กุสลมูเลน  เอกมูลา
สพฺเพ   เต   ธมฺมา  กุสลา  ฯ  เยเกจิ  กุสลมูเลน  เอกมูลา  ธมฺมา
สพฺเพ   เต   กุสลมูเลน   อญฺญมญฺญมูลา   เย   วา   ปน  กุสลมูเลน
อญฺญมญฺญมูลา สพฺเพ เต ธมฺมา กุสลา ฯ
     {๑.๑}   เยเกจิ  กุสลา  ธมฺมา สพฺเพ เต กุสลมูลมูลา เย วา ปน
กุสลมูลมูลา  สพฺเพ  เต  ธมฺมา  กุสลา  ฯ  เยเกจิ กุสลา ธมฺมา สพฺเพ
เต  กุสลมูเลน  เอกมูลมูลา เย วา ปน กุสลมูเลน เอกมูลมูลา สพฺเพ เต
ธมฺมา  กุสลา  ฯ  เยเกจิ  กุสลมูเลน  เอกมูลมูลา  ธมฺมา  สพฺเพ  เต
กุสลมูเลน     อญฺญมญฺญมูลมูลา     เย     วา     ปน    กุสลมูเลน
อญฺญมญฺญมูลมูลา สพฺเพ เต ธมฺมา กุสลา ฯ
     {๑.๒}   เยเกจิ กุสลา ธมฺมา สพฺเพ เต กุสลมูลกา เย วา ปน กุสลมูลกา สพฺเพ
เต  ธมฺมา  กุสลา  ฯ  เยเกจิ  กุสลา  ธมฺมา  สพฺเพ  เต  กุสลมูเลน
เอกมูลกา   เย   วา  ปน  กุสลมูเลน  เอกมูลกา  สพฺเพ  เต  ธมฺมา
กุสลา  ฯ  เยเกจิ  กุสลมูเลน  เอกมูลกา  ธมฺมา  สพฺเพ เต กุสลมูเลน
อญฺญมญฺญมูลกา   เย   วา   ปน   กุสลมูเลน   อญฺญมญฺญมูลกา   สพฺเพ
เต ธมฺมา กุสลา ฯ
     {๑.๓}   เยเกจิ   กุสลา   ธมฺมา   สพฺเพ   เต  กุสลมูลมูลกา
เย  วา  ปน  กุสลมูลมูลกา  สพฺเพ  เต  ธมฺมา กุสลา ฯ เยเกจิ กุสลา
ธมฺมา  สพฺเพ  เต  กุสลมูเลน  เอกมูลมูลกา  เย  วา  ปน  กุสลมูเลน
เอกมูลมูลกา   สพฺเพ   เต   ธมฺมา   กุสลา   ฯ  เยเกจิ  กุสลมูเลน
เอกมูลมูลกา    ธมฺมา    สพฺเพ   เต   กุสลมูเลน   อญฺญมญฺญมูลมูลกา
เย วา ปน กุสลมูเลน อญฺญมญฺญมูลมูลกา สพฺเพ เต ธมฺมา กุสลา ฯ
     [๒]   เยเกจิ  อกุสลา  ธมฺมา  สพฺเพ  เต  อกุสลมูลา  เย  วา
ปน   อกุสลมูลา   สพฺเพ   เต   ธมฺมา  อกุสลา  ฯ  เยเกจิ  อกุสลา
ธมฺมา   สพฺเพ  เต  อกุสลมูเลน  เอกมูลา  เย  วา  ปน  อกุสลมูเลน
เอกมูลา  สพฺเพ  เต  ธมฺมา  อกุสลา  ฯ  เยเกจิ อกุสลมูเลน เอกมูลา
ธมฺมา    สพฺเพ   เต   อกุสลมูเลน   อญฺญมญฺญมูลา   เย   วา   ปน
อกุสลมูเลน อญฺญมญฺญมูลา สพฺเพ เต ธมฺมา อกุสลา ฯ
     {๒.๑}   เยเกจิ อกุสลา ธมฺมา สพฺเพ เต อกุสลมูลมูลา เย วา ปน
อกุสลมูลมูลา  สพฺเพ  เต  ธมฺมา  อกุสลา  ฯ  เยเกจิ  อกุสลา  ธมฺมา
สพฺเพ  เต  อกุสลมูเลน  เอกมูลมูลา เย วา ปน อกุสลมูเลน เอกมูลมูลา
สพฺเพ   เต   ธมฺมา   อกุสลา   ฯ  เยเกจิ  อกุสลมูเลน  เอกมูลมูลา
ธมฺมา   สพฺเพ   เต   อกุสลมูเลน   อญฺญมญฺญมูลมูลา   เย   วา  ปน
อกุสลมูเลน อญฺญมญฺญมูลมูลา สพฺเพ เต ธมฺมา อกุสลา ฯ
     {๒.๒}   เยเกจิ  อกุสลา ธมฺมา สพฺเพ เต อกุสลมูลกา เย วา ปน
อกุสลมูลกา   สพฺเพ  เต  ธมฺมา  อกุสลา  ฯ  เยเกจิ  อกุสลา  ธมฺมา
สพฺเพ   เต   อกุสลมูเลน   เอกมูลกา   เย   วา   ปน  อกุสลมูเลน
เอกมูลกา   สพฺเพ   เต   ธมฺมา   อกุสลา   ฯ  เยเกจิ  อกุสลมูเลน
เอกมูลกา   ธมฺมา   สพฺเพ   เต   อกุสลมูเลน   อญฺญมญฺญมูลกา   เย
วา ปน อกุสลมูเลน อญฺญมญฺญมูลกา สพฺเพ เต ธมฺมา อกุสลา ฯ
     {๒.๓}   เยเกจิ อกุสลา ธมฺมา สพฺเพ เต อกุสลมูลมูลกา เย วา ปน
อกุสลมูลมูลกา  สพฺเพ  เต  ธมฺมา  อกุสลา  ฯ  เยเกจิ  อกุสลา ธมฺมา
สพฺเพ   เต   อกุสลมูเลน   เอกมูลมูลกา   เย  วา  ปน  อกุสลมูเลน
เอกมูลมูลกา   สพฺเพ   เต   ธมฺมา  อกุสลา  ฯ  เยเกจิ  อกุสลมูเลน
เอกมูลมูลกา   ธมฺมา   สพฺเพ  เต  อกุสลมูเลน  อญฺญมญฺญมูลมูลกา  เย
วา ปน อกุสลมูเลน อญฺญมญฺญมูลมูลกา สพฺเพ เต ธมฺมา อกุสลา ฯ
     [๓]   เยเกจิ  อพฺยากตา  ธมฺมา  สพฺเพ  เต  อพฺยากตมูลา  เย
วา   ปน   อพฺยากตมูลา   สพฺเพ  เต  ธมฺมา  อพฺยากตา  ฯ  เยเกจิ
อพฺยากตา   ธมฺมา   สพฺเพ   เต   อพฺยากตมูเลน  เอกมูลา  เย  วา
ปน   อพฺยากตมูเลน   เอกมูลา   สพฺเพ   เต   ธมฺมา  อพฺยากตา  ฯ
เยเกจิ   อพฺยากตมูเลน   เอกมูลา  ธมฺมา  สพฺเพ  เต  อพฺยากตมูเลน
อญฺญมญฺญมูลา     เย    วา    ปน    อพฺยากตมูเลน    อญฺญมญฺญมูลา
สพฺเพ เต ธมฺมา อพฺยากตา ฯ
     {๓.๑}   เยเกจิ  อพฺยากตา  ธมฺมา  สพฺเพ  เต  อพฺยากตมูลมูลา
เย  วา  ปน  อพฺยากตมูลมูลา  สพฺเพ  เต  ธมฺมา อพฺยากตา ฯ เยเกจิ
อพฺยากตา  ธมฺมา  สพฺเพ  เต  อพฺยากตมูเลน  เอกมูลมูลา  เย วา ปน
อพฺยากตมูเลน  เอกมูลมูลา  สพฺเพ  เต  ธมฺมา  อพฺยากตา  ฯ  เยเกจิ
อพฺยากตมูเลน    เอกมูลมูลา    ธมฺมา   สพฺเพ   เต   อพฺยากตมูเลน
อญฺญมญฺญมูลมูลา    เย    วา   ปน   อพฺยากตมูเลน   อญฺญมญฺญมูลมูลา
สพฺเพ เต ธมฺมา อพฺยากตา ฯ
     {๓.๒}   เยเกจิ  อพฺยากตา  ธมฺมา  สพฺเพ  เต  อพฺยากตมูลกา
เย  วา  ปน  อพฺยากตมูลกา  สพฺเพ  เต  ธมฺมา  อพฺยากตา ฯ เยเกจิ
อพฺยากตา  ธมฺมา  สพฺเพ  เต  อพฺยากตมูเลน  เอกมูลกา  เย  วา ปน
อพฺยากตมูเลน   เอกมูลกา  สพฺเพ  เต  ธมฺมา  อพฺยากตา  ฯ  เยเกจิ
อพฺยากตมูเลน    เอกมูลกา    ธมฺมา    สพฺเพ   เต   อพฺยากตมูเลน
อญฺญมญฺญมูลกา    เย    วา    ปน    อพฺยากตมูเลน   อญฺญมญฺญมูลกา
สพฺเพ เต ธมฺมา อพฺยากตา ฯ
     {๓.๓}   เยเกจิ อพฺยากตา ธมฺมา สพฺเพ เต อพฺยากตมูลมูลกา เย วา
ปน   อพฺยากตมูลมูลกา   สพฺเพ   เต   ธมฺมา  อพฺยากตา  ฯ  เยเกจิ
อพฺยากตา  ธมฺมา  สพฺเพ  เต  อพฺยากตมูเลน  เอกมูลมูลกา เย วา ปน
อพฺยากตมูเลน  เอกมูลมูลกา  สพฺเพ  เต  ธมฺมา  อพฺยากตา  ฯ เยเกจิ
อพฺยากตมูเลน    เอกมูลมูลกา   ธมฺมา   สพฺเพ   เต   อพฺยากตมูเลน
อญฺญมญฺญมูลมูลกา   เย   วา   ปน   อพฺยากตมูเลน   อญฺญมญฺญมูลมูลกา
สพฺเพ เต ธมฺมา อพฺยากตา ฯ
     [๔]   เยเกจิ  นามา  ธมฺมา  สพฺเพ  เต  นามมูลา  เย  วา ปน
นามมูลา  สพฺเพ  เต  ธมฺมา  นามา  ฯ  เยเกจิ  นามา  ธมฺมา สพฺเพ
เต   นามมูเลน  เอกมูลา  เย  วา  ปน  นามมูเลน  เอกมูลา  สพฺเพ
เต  ธมฺมา  นามา  ฯ  เยเกจิ  นามมูเลน  เอกมูลา  ธมฺมา สพฺเพ เต
นามมูเลน   อญฺญมญฺญมูลา   เย   วา   ปน   นามมูเลน  อญฺญมญฺญมูลา
สพฺเพ เต ธมฺมา นามา ฯ
     {๔.๑}   เยเกจิ  นามา  ธมฺมา สพฺเพ เต นามมูลมูลา เย วา ปน
นามมูลมูลา  สพฺเพ  เต  ธมฺมา  นามา  ฯ  เยเกจิ นามา ธมฺมา สพฺเพ
เต  นามมูเลน  เอกมูลมูลา  เย  วา  ปน นามมูเลน เอกมูลมูลา สพฺเพ
เต  ธมฺมา  นามา  ฯ  เยเกจิ  นามมูเลน เอกมูลมูลา ธมฺมา สพฺเพ เต
นามมูเลน   อญฺญมญฺญมูลมูลา  เย  วา  ปน  นามมูเลน  อญฺญมญฺญมูลมูลา
สพฺเพ  เต  ธมฺมา  นามา  ฯ เยเกจิ นามา ธมฺมา สพฺเพ เต นามมูลกา
เย วา ปน นามมูลกา สพฺเพ เต ธมฺมา นามา ฯ
     {๔.๒}   เยเกจิ  นามา  ธมฺมา  สพฺเพ  เต นามมูเลน เอกมูลกา
เย  วา  ปน  นามมูเลน  เอกมูลกา  สพฺเพ เต ธมฺมา นามา ฯ เยเกจิ
นามมูเลน   เอกมูลกา   ธมฺมา  สพฺเพ  เต  นามมูเลน  อญฺญมญฺญมูลกา
เย  วา  ปน  นามมูเลน  อญฺญมญฺญมูลกา  สพฺเพ  เต  ธมฺมา  นามา ฯ
เยเกจิ  นามา  ธมฺมา  สพฺเพ เต นามมูลมูลกา เย วา ปน นามมูลมูลกา
สพฺเพ เต ธมฺมา นามา ฯ
     {๔.๓}   เยเกจิ นามา ธมฺมา สพฺเพ เต นามมูเลน เอกมูลมูลกา เย วา
ปน  นามมูเลน เอกมูลมูลกา สพฺเพ เต ธมฺมา นามา ฯ เยเกจิ นามมูเลน
เอกมูลมูลกา   ธมฺมา   สพฺเพ   เต  นามมูเลน  อญฺญมญฺญมูลมูลกา  เย
วา ปน นามมูเลน อญฺญมญฺญมูลมูลกา สพฺเพ  เต ธมฺมา นามา ฯ
     [๕]   เยเกจิ กุสลา ธมฺมา สพฺเพ เต กุสลเหตู ฯเปฯ กุสลนิทานา ฯเปฯ
กุสลสมฺภวา  ฯเปฯ  กุสลปฺปภวา  ฯเปฯ กุสลสมุฏฺฐานา ฯเปฯ กุสลาหารา
ฯเปฯ กุสลารมฺมณา ฯเปฯ กุสลปจฺจยา ฯเปฯ กุสลสมุทยา ฯเปฯ
                  มูลํ เหตุ นิทานญฺจ             สมฺภโว ปภเวน จ
                  สมุฏฺฐานาหารารมฺมณา     ปจฺจโย สมุทเยน จาติ ฯ
                                        อุทฺเทสวาโร ฯ
                                         นิทฺเทสวาโร
     [๖]   เยเกจิ   กุสลา   ธมฺมา  สพฺเพ  เต  กุสลมูลาติ:  ตีเณว
กุสลมูลานิ   อวเสสา   กุสลา  ธมฺมา  น  กุสลมูลา  ฯ  เย  วา  ปน
กุสลมูลา   สพฺเพ  เต  ธมฺมา  กุสลาติ:  อามนฺตา  ฯ  เยเกจิ  กุสลา
ธมฺมา  สพฺเพ  เต  กุสลมูเลน  เอกมูลาติ:  อามนฺตา  ฯ  เย  วา ปน
กุสลมูเลน   เอกมูลา   สพฺเพ   เต   ธมฺมา   กุสลาติ:  กุสลสมุฏฺฐานํ
รูปํ   กุสลมูเลน   เอกมูลํ   น   กุสลํ  กุสลํ  กุสลมูเลน  เอกมูลญฺเจว
กุสลญฺจ  ฯ  เยเกจิ  กุสลมูเลน  เอกมูลา  ธมฺมา  สพฺเพ เต กุสลมูเลน
อญฺญมญฺญมูลาติ:    มูลานิ    ยานิ    เอกโต   อุปฺปชฺชนฺติ   กุสลมูลานิ
เอกมูลานิ    เจว    อญฺญมญฺญมูลานิ   จ   อวเสสา   กุสลมูลสหชาตา
ธมฺมา   กุสลมูเลน   เอกมูลา  น  จ  อญฺญมญฺญมูลา  ฯ  เย  วา  ปน
กุสลมูเลน อญฺญมญฺญมูลา สพฺเพ เต ธมฺมา กุสลาติ: อามนฺตา ฯ
     [๗]   เยเกจิ  กุสลา  ธมฺมา  สพฺเพ  เต  กุสลมูลมูลาติ:  ตีเณว
กุสลมูลมูลานิ   อวเสสา   กุสลา   ธมฺมา   น   กุสลมูลมูลา   ฯ  เย
วา   ปน   กุสลมูลมูลา   สพฺเพ   เต  ธมฺมา  กุสลาติ:  อามนฺตา  ฯ
เยเกจิ  กุสลา  ธมฺมา  สพฺเพ  เต กุสลมูเลน เอกมูลมูลาติ: อามนฺตา ฯ
เย   วา   ปน  กุสลมูเลน  เอกมูลมูลา  สพฺเพ  เต  ธมฺมา  กุสลาติ:
กุสลสมุฏฺฐานํ   รูปํ   กุสลมูเลน  เอกมูลมูลํ  น  กุสลํ  กุสลํ  กุสลมูเลน
เอกมูลมูลญฺเจว   กุสลญฺจ   ฯ  เยเกจิ  กุสลมูเลน  เอกมูลมูลา  ธมฺมา
สพฺเพ   เต   กุสลมูเลน   อญฺญมญฺญมูลมูลาติ:   มูลานิ   ยานิ  เอกโต
อุปฺปชฺชนฺติ    กุสลมูลานิ   เอกมูลมูลานิ   เจว   อญฺญมญฺญมูลมูลานิ   จ
อวเสสา   กุสลมูลสหชาตา   ธมฺมา   กุสลมูเลน   เอกมูลมูลา   น  จ
อญฺญมญฺญมูลมูลา    ฯ   เย   วา   ปน   กุสลมูเลน   อญฺญมญฺญมูลมูลา
สพฺเพ เต ธมฺมา กุสลาติ: อามนฺตา ฯ
     [๘]   เยเกจิ  กุสลา  ธมฺมา  สพฺเพ  เต กุสลมูลกาติ: อามนฺตา ฯ
เย   วา  ปน  กุสลมูลกา  สพฺเพ  เต  ธมฺมา  กุสลาติ:  กุสลสมุฏฺฐานํ
รูปํ   กุสลมูลกํ   น   กุสลํ  กุสลํ  กุสลมูลกญฺเจว  กุสลญฺจ  ฯ  เยเกจิ
กุสลา   ธมฺมา   สพฺเพ   เต   กุสลมูเลน  เอกมูลกาติ:  อามนฺตา  ฯ
เย   วา   ปน   กุสลมูเลน  เอกมูลกา  สพฺเพ  เต  ธมฺมา  กุสลาติ:
กุสลสมุฏฺฐานํ   รูปํ   กุสลมูเลน   เอกมูลกํ  น  กุสลํ  กุสลํ  กุสลมูเลน
เอกมูลกญฺเจว   กุสลญฺจ   ฯ   เยเกจิ   กุสลมูเลน  เอกมูลกา  ธมฺมา
สพฺเพ   เต   กุสลมูเลน   อญฺญมญฺญมูลกาติ:   มูลานิ   ยานิ   เอกโต
อุปฺปชฺชนฺติ    กุสลมูลานิ    เอกมูลกานิ    เจว   อญฺญมญฺญมูลกานิ   จ
อวเสสา   กุสลมูลสหชาตา   ธมฺมา   กุสลมูเลน   เอกมูลกา   น   จ
อญฺญมญฺญมูลกา    ฯ    เย    วา   ปน   กุสลมูเลน   อญฺญมญฺญมูลกา
สพฺเพ เต ธมฺมา กุสลาติ: อามนฺตา ฯ
     [๙]   เยเกจิ  กุสลา  ธมฺมา สพฺเพ เต กุสลมูลมูลกาติ: อามนฺตา ฯ
เย  วา  ปน  กุสลมูลมูลกา  สพฺเพ  เต  ธมฺมา  กุสลาติ: กุสลสมุฏฺฐานํ
รูปํ   กุสลมูลมูลกํ   น   กุสลํ  สพฺเพ  เต  กุสลมูเลน  เอกมูลมูลกาติ:
เยเกจิ   กุสลา   ธมฺมา   สพฺเพ   เต   กุสลมูเลน   เอกมูลมูลกาติ:
อามนฺตา   ฯ   เย   วา   ปน  กุสลมูเลน  เอกมูลมูลกา  สพฺเพ  เต
ธมฺมา   กุสลาติ:  กุสลสมุฏฺฐานํ  รูปํ  กุสลมูเลน  เอกมูลมูลกํ  น  กุสลํ
กุสลํ   กุสลมูเลน   เอกมูลมูลกญฺเจว   กุสลญฺจ  ฯ  เยเกจิ  กุสลมูเลน
เอกมูลมูลกา   ธมฺมา   สพฺเพ   เต   กุสลมูเลน   อญฺญมญฺญมูลมูลกาติ:
มูลานิ   ยานิ   เอกโต   อุปฺปชฺชนฺติ   กุสลมูลานิ  เอกมูลมูลกานิ  เจว
อญฺญมญฺญมูลมูลกานิ   จ   อวเสสา   กุสลมูลสหชาตา  ธมฺมา  กุสลมูเลน
เอกมูลมูลกา   น   จ  อญฺญมญฺญมูลมูลกา  ฯ  เย  วา  ปน  กุสลมูเลน
อญฺญมญฺญมูลมูลกา สพฺเพ เต ธมฺมา กุสลาติ: อามนฺตา ฯ
                                            --------
     [๑๐]   เยเกจิ  อกุสลา  ธมฺมา  สพฺเพ  เต  อกุสลมูลาติ:  ตีเณว
อกุสลมูลานิ   อวเสสา   อกุสลา   ธมฺมา  น  อกุสลมูลา  ฯ  เย  วา
ปน   อกุสลมูลา  สพฺเพ  เต  ธมฺมา  อกุสลาติ:  อามนฺตา  ฯ  เยเกจิ
อกุสลา   ธมฺมา  สพฺเพ  เต  อกุสลมูเลน  เอกมูลาติ:  อเหตุกํ  อกุสลํ
อกุสลมูเลน   น   เอกมูลํ   สเหตุกํ   อกุสลํ  อกุสลมูเลน  เอกมูลํ  ฯ
เย   วา   ปน  อกุสลมูเลน  เอกมูลา  สพฺเพ  เต  ธมฺมา  อกุสลาติ:
อกุสลสมุฏฺฐานํ    รูปํ    อกุสลมูเลน    เอกมูลํ   น   อกุสลํ   อกุสลํ
อกุสลมูเลน  เอกมูลญฺเจว  อกุสลญฺจ  ฯ  เยเกจิ  อกุสลมูเลน  เอกมูลา
ธมฺมา    สพฺเพ   เต   อกุสลมูเลน   อญฺญมญฺญมูลาติ:   มูลานิ   ยานิ
เอกโต   อุปฺปชฺชนฺติ   อกุสลมูลานิ   เอกมูลานิ   เจว   อญฺญมญฺญมูลานิ
จ   อวเสสา   อกุสลมูลสหชาตา   ธมฺมา   อกุสลมูเลน   เอกมูลา  น
จ   อญฺญมญฺญมูลา   ฯ   เย   วา   ปน   อกุสลมูเลน   อญฺญมญฺญมูลา
สพฺเพ เต ธมฺมา อกุสลาติ: อามนฺตา ฯ
     [๑๑]   เยเกจิ  อกุสลา  ธมฺมา  สพฺเพ  เต อกุสลมูลมูลาติ: ตีเณว
อกุสลมูลมูลานิ   อวเสสา   อกุสลา   ธมฺมา  น  อกุสลมูลมูลา  ฯ  เย
วา   ปน   อกุสลมูลมูลา  สพฺเพ  เต  ธมฺมา  อกุสลาติ:  อามนฺตา  ฯ
เยเกจิ   อกุสลา   ธมฺมา   สพฺเพ   เต   อกุสลมูเลน  เอกมูลมูลาติ:
อเหตุกํ    อกุสลํ    อกุสลมูเลน    น   เอกมูลมูลํ   สเหตุกํ   อกุสลํ
อกุสลมูเลน   เอกมูลมูลํ   ฯ   เย  วา  ปน  อกุสลมูเลน  เอกมูลมูลา
สพฺเพ   เต   ธมฺมา   อกุสลาติ:   อกุสลสมุฏฺฐานํ   รูปํ   อกุสลมูเลน
เอกมูลมูลํ    น    อกุสลํ    อกุสลํ    อกุสลมูเลน    เอกมูลมูลญฺเจว
อกุสลญฺจ   ฯ   เยเกจิ   อกุสลมูเลน  เอกมูลมูลา  ธมฺมา  สพฺเพ  เต
อกุสลมูเลน   อญฺญมญฺญมูลมูลาติ:   มูลานิ   ยานิ   เอกโต   อุปฺปชฺชนฺติ
อกุสลมูลานิ    เอกมูลมูลานิ   เจว   อญฺญมญฺญมูลมูลานิ   จ   อวเสสา
อกุสลมูลสหชาตา  ธมฺมา  อกุสลมูเลน เอกมูลมูลา น จ อญฺญมญฺญมูลมูลา ฯ
เย    วา    ปน    อกุสลมูเลน    อญฺญมญฺญมูลมูลา    สพฺเพ    เต
ธมฺมา อกุสลาติ: อามนฺตา ฯ
     [๑๒]   เยเกจิ  อกุสลา  ธมฺมา  สพฺเพ  เต อกุสลมูลกาติ: อเหตุกํ
อกุสลํ   น   อกุสลมูลกํ  สเหตุกํ  อกุสลํ  อกุสลมูลกํ  ฯ  เย  วา  ปน
อกุสลมูลกา   สพฺเพ   เต   ธมฺมา   อกุสลาติ:   อกุสลสมุฏฺฐานํ   รูปํ
อกุสลมูลกํ    น    อกุสลํ    อกุสลํ   อกุสลมูลกญฺเจว   อกุสลญฺจ   ฯ
เยเกจิ  อกุสลา  ธมฺมา  สพฺเพ  เต  อกุสลมูเลน  เอกมูลกาติ: อเหตุกํ
อกุสลํ    อกุสลมูเลน   น   เอกมูลกํ   สเหตุกํ   อกุสลํ   อกุสลมูเลน
เอกมูลกํ  ฯ  เย  วา  ปน  อกุสลมูเลน  เอกมูลกา  สพฺเพ  เต ธมฺมา
อกุสลาติ:   อกุสลสมุฏฺฐานํ   รูปํ   อกุสลมูเลน   เอกมูลกํ   น  อกุสลํ
อกุสลํ   อกุสลมูเลน  เอกมูลกญฺเจว  อกุสลญฺจ  ฯ  เยเกจิ  อกุสลมูเลน
เอกมูลกา   ธมฺมา   สพฺเพ  เต  อกุสลมูเลน  อญฺญมญฺญมูลกาติ:  มูลานิ
ยานิ  เอกโต  อุปฺปชฺชนฺติ  อกุสลมูลานิ  เอกมูลกานิ เจว อญฺญมญฺญมูลกานิ
จ   อวเสสา  อกุสลมูลสหชาตา  ธมฺมา  อกุสลมูเลน  เอกมูลกา  น  จ
อญฺญมญฺญมูลกา  ฯ  เย  วา  ปน  อกุสลมูเลน  อญฺญมญฺญมูลกา สพฺเพ เต
ธมฺมา อกุสลาติ: อามนฺตา ฯ
     [๑๓]   เยเกจิ   อกุสลา   ธมฺมา  สพฺเพ  เต  อกุสลมูลมูลกาติ:
อเหตุกํ   อกุสลํ   น   อกุสลมูลมูลกํ  สเหตุกํ  อกุสลํ  อกุสลมูลมูลกํ  ฯ
เย  วา  ปน  อกุสลมูลมูลกา  สพฺเพ เต ธมฺมา อกุสลาติ: อกุสลสมุฏฺฐานํ
รูปํ   อกุสลมูลมูลกํ  น  อกุสลํ  อกุสลํ  อกุสลมูลมูลกญฺเจว  อกุสลญฺจ  ฯ
เยเกจิ  อกุสลา  ธมฺมา  สพฺเพ  เต อกุสลมูเลน เอกมูลมูลกาติ: อเหตุกํ
อกุสลํ อกุสลมูเลน น เอกมูลมูลกํ สเหตุกํ อกุสลํ อกุสลมูเลน เอกมูลมูลกํ ฯ
เย  วา  ปน  อกุสลมูเลน  เอกมูลมูลกา  สพฺเพ  เต  ธมฺมา อกุสลาติ:
อกุสลสมุฏฺฐานํ   รูปํ   อกุสลมูเลน   เอกมูลมูลกํ   น   อกุสลํ   อกุสลํ
อกุสลมูเลน   เอกมูลมูลกญฺเจว   อกุสลญฺจ   ฯ   เยเกจิ   อกุสลมูเลน
เอกมูลมูลกา   ธมฺมา   สพฺเพ   เต   อกุสลมูเลน  อญฺญมญฺญมูลมูลกาติ:
มูลานิ   ยานิ   เอกโต   อุปฺปชฺชนฺติ   อกุสลมูลานิ  เอกมูลมูลานิ  เจว
อญฺญมญฺญมูลมูลกานิ   จ  อวเสสา  อกุสลมูลสหชาตา  ธมฺมา  อกุสลมูเลน
เอกมูลมูลกา   น  จ  อญฺญมญฺญมูลมูลกา  ฯ  เย  วา  ปน  อกุสลมูเลน
อญฺญมญฺญมูลมูลกา สพฺเพ เต ธมฺมา อกุสลาติ: อามนฺตา ฯ
                                           ---------
     [๑๔]   เยเกจิ  อพฺยากตา  ธมฺมา สพฺเพ เต อพฺยากตมูลาติ: ตีเณว
อพฺยากตมูลานิ   อวเสสา  อพฺยากตา  ธมฺมา  น  อพฺยากตมูลา  ฯ  เย
วา  ปน  อพฺยากตมูลา  สพฺเพ  เต  ธมฺมา  อพฺยากตาติ:  อามนฺตา  ฯ
เยเกจิ   อพฺยากตา   ธมฺมา   สพฺเพ  เต  อพฺยากตมูเลน  เอกมูลาติ:
อเหตุกํ   อพฺยากตํ   อพฺยากตมูเลน   น   เอกมูลํ   สเหตุกํ  อพฺยากตํ
อพฺยากตมูเลน   เอกมูลํ   ฯ   เย  วา  ปน  อพฺยากตมูเลน  เอกมูลา
สพฺเพ  เต  ธมฺมา  อพฺยากตาติ:  อามนฺตา  ฯ  เยเกจิ  อพฺยากตมูเลน
เอกมูลา   ธมฺมา   สพฺเพ  เต  อพฺยากตมูเลน  อญฺญมญฺญมูลาติ:  มูลานิ
ยานิ  เอกโต  อุปฺปชฺชนฺติ  อพฺยากตมูลานิ  เอกมูลานิ เจว อญฺญมญฺญมูลานิ
จ  อวเสสา  อพฺยากตมูลสหชาตา  ธมฺมา  อพฺยากตมูเลน  เอกมูลา น จ
อญฺญมญฺญมูลา   ฯ   เย  วา  ปน  อพฺยากตมูเลน  อญฺญมญฺญมูลา  สพฺเพ
  เต ธมฺมา อพฺยากตาติ: อามนฺตา ฯ
     [๑๕]   เยเกจิ  อพฺยากตา  ธมฺมา  สพฺเพ  เต  อพฺยากตมูลมูลาติ:
ตีเณว  อพฺยากตมูลมูลานิ  อวเสสา อพฺยากตา ธมฺมา น อพฺยากตมูลมูลา ฯ
เย  วา  ปน  อพฺยากตมูลมูลา สพฺเพ เต ธมฺมา อพฺยากตาติ: อามนฺตา ฯ
เยเกจิ  อพฺยากตา ธมฺมา สพฺเพ เต อพฺยากตมูเลน เอกมูลมูลาติ: อเหตุกํ
อพฺยากตํ  อพฺยากตมูเลน  น  เอกมูลมูลํ  สเหตุกํ อพฺยากตํ อพฺยากตมูเลน
  เอกมูลมูลํ  ฯ  เย  วา ปน อพฺยากตมูเลน เอกมูลมูลา สพฺเพ เต ธมฺมา
อพฺยากตาติ:  อามนฺตา ฯ เยเกจิ อพฺยากตมูเลน เอกมูลมูลา ธมฺมา สพฺเพ
เต  อพฺยากตมูเลน  อญฺญมญฺญมูลมูลาติ:  มูลานิ  ยานิ  เอกโต อุปฺปชฺชนฺติ
อพฺยากตมูลานิ   เอกมูลมูลานิ   เจว   อญฺญมญฺญมูลมูลานิ   จ  อวเสสา
อพฺยากตมูลสหชาตา    ธมฺมา    อพฺยากตมูเลน   เอกมูลมูลา   น   จ
อญฺญมญฺญมูลมูลา   ฯ   เย   วา   ปน  อพฺยากตมูเลน  อญฺญมญฺญมูลมูลา
สพฺเพ เต ธมฺมา อพฺยากตาติ: อามนฺตา ฯ
     [๑๖]   เยเกจิ  อพฺยากตา  ธมฺมา  สพฺเพ  เต  อพฺยากตมูลกาติ:
อเหตุกํ  อพฺยากตํ  น  อพฺยากตมูลกํ  สเหตุกํ  อพฺยากตํ  อพฺยากตมูลกํ ฯ
เย  วา  ปน  อพฺยากตมูลกา  สพฺเพ เต ธมฺมา อพฺยากตาติ: อามนฺตา ฯ
เยเกจิ  อพฺยากตา  ธมฺมา สพฺเพ เต อพฺยากตมูเลน เอกมูลกาติ: อเหตุกํ
อพฺยากตํ  อพฺยากตมูเลน  น  เอกมูลกํ  สเหตุกํ  อพฺยากตํ อพฺยากตมูเลน
เอกมูลกํ  ฯ  เย  วา  ปน  อพฺยากตมูเลน  เอกมูลกา สพฺเพ เต ธมฺมา
อพฺยากตาติ:  อามนฺตา  ฯ เยเกจิ อพฺยากตมูเลน เอกมูลกา ธมฺมา สพฺเพ
เต  อพฺยากตมูเลน  อญฺญมญฺญมูลกาติ:  มูลานิ  ยานิ  เอกโต  อุปฺปชฺชนฺติ
อพฺยากตมูลานิ    เอกมูลกานิ   เจว   อญฺญมญฺญมูลกานิ   จ   อวเสสา
อพฺยากตมูลสหชาตา    ธมฺมา    อพฺยากตมูเลน    เอกมูลกา   น   จ
  อญฺญมญฺญมูลกา   ฯ   เย   วา   ปน   อพฺยากตมูเลน  อญฺญมญฺญมูลกา
สพฺเพ เต ธมฺมา อพฺยากตาติ: อามนฺตา ฯ
     [๑๗]   เยเกจิ  อพฺยากตา  ธมฺมา  สพฺเพ  เต อพฺยากตมูลมูลกาติ:
อเหตุกํ  อพฺยากตํ  น อพฺยากตมูลมูลกํ สเหตุกํ อพฺยากตํ อพฺยากตมูลมูลกํ ฯ
เย  วา  ปน อพฺยากตมูลมูลกา สพฺเพ เต ธมฺมา อพฺยากตาติ: อามนฺตา ฯ
เยเกจิ อพฺยากตา ธมฺมา สพฺเพ เต อพฺยากตมูเลน เอกมูลมูลกาติ: อเหตุกํ
อพฺยากตํ  อพฺยากตมูเลน  น  เอกมูลมูลกํ สเหตุกํ อพฺยากตํ อพฺยากตมูเลน
เอกมูลมูลกํ  ฯ  เย วา ปน อพฺยากตมูเลน เอกมูลมูลกา สพฺเพ เต ธมฺมา
อพฺยากตาติ:   อามนฺตา   ฯ   เยเกจิ   อพฺยากตมูเลน   เอกมูลมูลกา
ธมฺมา    สพฺเพ    เต   อพฺยากตมูเลน   อญฺญมญฺญมูลมูลกาติ:   มูลานิ
ยานิ    เอกโต    อุปฺปชฺชนฺติ   อพฺยากตมูลานิ   เอกมูลมูลกานิ   เจว
อญฺญมญฺญมูลมูลกานิ     จ    อวเสสา    อพฺยากตมูลสหชาตา    ธมฺมา
อพฺยากตมูเลน    เอกมูลมูลกา   น   จ   อญฺญมญฺญมูลมูลกา   ฯ   เย
วา    ปน   อพฺยากตมูเลน   อญฺญมญฺญมูลมูลกา   สพฺเพ   เต   ธมฺมา
อพฺยากตาติ: อามนฺตา ฯ
                                            --------

             เนื้อความพระไตรปิฎกฉบับภาษาบาลีอักษรไทย เล่มที่ ๓๘ หน้าที่ ๑-๑๔.
https://84000.org/tipitaka/read/pali_item.php?book=38&item=1&items=17
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=38&item=1&items=17&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=38&item=1&items=17
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=38&item=1&items=17
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=38&i=1
             สารบัญพระไตรปิฎกเล่มที่ ๓๘
https://84000.org/tipitaka/read/?index_38
https://84000.org/tipitaka/english/?index_38