พระไตรปิฎกเล่มที่ ๔๑ ภาษาบาลี อักษรไทย
พระอภิธรรมปิฎกเล่มที่ ๘ อภิ. ป.(๒) อนุโลมติกปฏฺฐานํ ปจฺฉิมํ

                                  ปจฺจยวาโร
     [๑๓๗๓]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
เหตุปจฺจยา  ปริตฺตํ  เอกํ  ขนฺธํ  ปจฺจยา  ตโย  ขนฺธา  จิตฺตสมุฏฺานญฺจ
รูปํ  เทฺว  ขนฺเธ  ...  ปฏิสนฺธิกฺขเณ  ขนฺเธ ปจฺจยา วตฺถุ วตฺถุํ ปจฺจยา
ขนฺธา   เอกํ   มหาภูตํ   ปจฺจยา   อุปาทารูปํ  วตฺถุํ  ปจฺจยา  ปริตฺตา
ขนฺธา    ฯ   ปริตฺตํ   ธมฺมํ   ปจฺจยา   มหคฺคโต   ธมฺโม   อุปฺปชฺชติ
เหตุปจฺจยา   วตฺถุํ   ปจฺจยา   มหคฺคตา   ขนฺธา   ปฏิสนฺธิกฺขเณ  วตฺถุํ
ปจฺจยา มหคฺคตา ขนฺธา ฯ
     {๑๓๗๓.๑}   ปริตฺตํ  ธมฺมํ  ปจฺจยา  อปฺปมาโณ  ธมฺโม  อุปฺปชฺชติ
เหตุปจฺจยา  วตฺถุํ  ปจฺจยา  อปฺปมาณา  ขนฺธา  ฯ  ปริตฺตํ  ธมฺมํ ปจฺจยา
ปริตฺโต  จ  อปฺปมาโณ  จ  ธมฺมา  อุปฺปชฺชนฺติ  เหตุปจฺจยา วตฺถุํ ปจฺจยา
อปฺปมาณา    ขนฺธา    มหาภูเต    ปจฺจยา   จิตฺตสมุฏฺานํ   รูปํ   ฯ
ปริตฺตํ   ธมฺมํ   ปจฺจยา   ปริตฺโต  จ  มหคฺคโต  จ  ธมฺมา  อุปฺปชฺชนฺติ
เหตุปจฺจยา   วตฺถุํ   ปจฺจยา   มหคฺคตา   ขนฺธา   มหาภูเต   ปจฺจยา
จิตฺตสมุฏฺานํ รูปํ ปฏิสนฺธิกฺขเณ วตฺถุํ ปจฺจยา ฯ
     [๑๓๗๔]   มหคฺคตํ   ธมฺมํ   ปจฺจยา  มหคฺคโต  ธมฺโม  อุปฺปชฺชติ
เหตุปจฺจยา   มหคฺคตํ   เอกํ   ขนฺธํ   ปจฺจยา   ปฏิสนฺธิกฺขเณ  มหคฺคตํ
เอกํ  ขนฺธํ  ...  ฯ  มหคฺคตํ  ธมฺมํ  ปจฺจยา  ปริตฺโต  ธมฺโม อุปฺปชฺชติ
เหตุปจฺจยา มหคฺคเต ขนฺเธ ปจฺจยา จิตฺตสมุฏฺานํ รูปํ ปฏิสนฺธิกฺขเณ ... ฯ
มหคฺคตํ   ธมฺมํ   ปจฺจยา  ปริตฺโต  จ  มหคฺคโต  จ  ธมฺมา  อุปฺปชฺชนฺติ
เหตุปจฺจยา  มหคฺคตํ  เอกํ  ขนฺธํ  ปจฺจยา  ตโย  ขนฺธา จิตฺตสมุฏฺานญฺจ
รูปํ เทฺว ขนฺเธ ... ปฏิสนฺธิกฺขเณ มหคฺคตํ เอกํ ขนฺธํ ... ฯ
     [๑๓๗๕]   อปฺปมาณํ  ธมฺมํ  ปจฺจยา  อปฺปมาโณ  ธมฺโม  อุปฺปชฺชติ
เหตุปจฺจยา อปฺปมาเณ ตีณิ ฯ
     [๑๓๗๖]   ปริตฺตญฺจ    อปฺปมาณญฺจ   ธมฺมํ   ปจฺจยา   ปริตฺโต
ธมฺโม   อุปฺปชฺชติ   เหตุปจฺจยา   อปฺปมาเณ   ขนฺเธ  จ  มหาภูเต  จ
ปจฺจยา    จิตฺตสมุฏฺานํ    รูปํ    ฯ   ปริตฺตญฺจ   อปฺปมาณญฺจ   ธมฺมํ
ปจฺจยา    อปฺปมาโณ    ธมฺโม    อุปฺปชฺชติ    เหตุปจฺจยา   อปฺปมาณํ
เอกํ    ขนฺธญฺจ    วตฺถุญฺจ   ปจฺจยา   ตโย   ขนฺธา   ฯ   ปริตฺตญฺจ
อปฺปมาณญฺจ   ธมฺมํ   ปจฺจยา   ปริตฺโต   จ   อปฺปมาโณ   จ   ธมฺมา
อุปฺปชฺชนฺติ     เหตุปจฺจยา    อปฺปมาณํ    เอกํ    ขนฺธญฺจ    วตฺถุญฺจ
ปจฺจยา   ตโย   ขนฺธา   เทฺว   ขนฺเธ   ...  อปฺปมาเณ  ขนฺเธ  จ
มหาภูเต จ ปจฺจยา จิตฺตสมุฏฺานํ รูปํ ฯ
     [๑๓๗๗]   ปริตฺตญฺจ   มหคฺคตญฺจ  ธมฺมํ  ปจฺจยา  ปริตฺโต  ธมฺโม
อุปฺปชฺชติ เหตุปจฺจยา ตีณิ ฯ ปฏิสนฺธิกฺขเณ ตีณิปิ กาตพฺพา ฯ
     [๑๓๗๘]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
อารมฺมณปจฺจยา   ปริตฺตํ   เอกํ   ขนฺธํ   ปจฺจยา   ตโย  ขนฺธา  เทฺว
ขนฺเธ   ...  ปฏิสนฺธิกฺขเณ  วตฺถุํ  ปจฺจยา  ขนฺธา  จกฺขายตนํ  ปจฺจยา
จกฺขุวิญฺาณํ  กายายตนํ  ปจฺจยา  ...  วตฺถุํ  ปจฺจยา  ปริตฺตา ขนฺธา ฯ
อวเสสา  ฉ  ปญฺหา  เหตุปจฺจยสทิสา  สตฺต  กาตพฺพา  ฯ  อธิปติปจฺจยา
ปฏิสนฺธิ   นตฺถิ   สตฺตรส   ปญฺหา   ปริปุณฺณา   ฯ   อนนฺตรปจฺจยา  ฯ
สงฺขิตฺตํ ฯ อวิคตปจฺจยา ฯ
     [๑๓๗๙]   เหตุยา    สตฺตรส    อารมฺมเณ   สตฺต   อธิปติยา
สตฺตรส    อนนฺตเร    สตฺต   สมนนฺตเร   สตฺต   สหชาเต   สตฺตรส
อญฺมญฺเ    นว   นิสฺสเย   สตฺตรส   อุปนิสฺสเย   สตฺต   ปุเรชาเต
สตฺต   อาเสวเน   สตฺต   กมฺเม  สตฺตรส  วิปาเก  สตฺตรส  อาหาเร
สตฺตรส    อินฺทฺริเย    ฌาเน    มคฺเค   สตฺตรส   สมฺปยุตฺเต   สตฺต
วิปฺปยุตฺเต   สตฺตรส   อตฺถิยา   สตฺตรส   นตฺถิยา  สตฺต  วิคเต  สตฺต
อวิคเต สตฺตรส ฯ เอวํ คเณตพฺพํ ฯ
                                       อนุโลมํ ฯ
     [๑๓๘๐]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
นเหตุปจฺจยา   อเหตุกํ   ปริตฺตํ   เอกํ   ขนฺธํ   ปจฺจยา  ตโย  ขนฺธา
จิตฺตสมุฏฺานญฺจ   รูปํ   เทฺว  ขนฺเธ  ...  อเหตุกปฏิสนฺธิกฺขเณ  ขนฺเธ
ปจฺจยา   วตฺถุ   วตฺถุํ  ปจฺจยา  ขนฺธา  เอกํ  มหาภูตํ  ฯ  สงฺขิตฺตํ  ฯ
อสญฺสตฺตานํ   ...  จกฺขายตนํ  ปจฺจยา  จกฺขุวิญฺาณํ  กายายตนํ  ...
วตฺถุํ  ปจฺจยา  อเหตุกา  ปริตฺตา  ขนฺธา  วิจิกิจฺฉาสหคเต อุทฺธจฺจสหคเต
ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห ฯ
     [๑๓๘๑]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
นอารมฺมณปจฺจยา ปฏิจฺจวารสทิสํ ปญฺจ ฯ
     [๑๓๘๒]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
นอธิปติปจฺจยา  ปริตฺตํ  เอกํ  ขนฺธํ  ปจฺจยา  ตโย ขนฺธา จิตฺตสมุฏฺานญฺจ
รูปํ    เทฺว    ขนฺเธ    ...    ปฏิสนฺธิกฺขเณ   อสญฺสตฺตานํ   ...
จกฺขายตนํ  ...  กายายตนํ  ...  วตฺถุํ ปจฺจยา ปริตฺตา ขนฺธา ฯ ปริตฺตํ
ธมฺมํ   ปจฺจยา   มหคฺคโต   ธมฺโม   อุปฺปชฺชติ   นอธิปติปจฺจยา   วตฺถุํ
ปจฺจยา   มหคฺคตาธิปติ   วตฺถุํ   ปจฺจยา   วิปากา   มหคฺคตา   ขนฺธา
ปฏิสนฺธิกฺขเณ   วตฺถุํ   ปจฺจยา   มหคฺคตา   ขนฺธา   ฯ   ปริตฺตํ  ธมฺมํ
ปจฺจยา    อปฺปมาโณ    ธมฺโม    อุปฺปชฺชติ    นอธิปติปจฺจยา    วตฺถุํ
ปจฺจยา   อปฺปมาณาธิปติ   ฯ   ปริตฺตํ   ธมฺมํ   ปจฺจยา   ปริตฺโต   จ
มหคฺคโต   จ   ธมฺมา   ...   นอธิปติปจฺจยา  วตฺถุํ  ปจฺจยา  วิปากา
มหคฺคตา     ขนฺธา     มหาภูเต     ปจฺจยา    จิตฺตสมุฏฺานํ    รูปํ
ปฏิสนฺธิกฺขเณ ... ฯ
     [๑๓๘๓]   มหคฺคตํ ธมฺมํ ปจฺจยา มหคฺคโต ธมฺโม ... นอธิปติปจฺจยา
มหคฺคเต     ขนฺเธ     ปจฺจยา    มหคฺคตาธิปติ    วิปากํ    มหคฺคตํ
เอกํ  ขนฺธํ  ปจฺจยา  ตโย  ขนฺธา เทฺว ขนฺเธ ... ปฏิสนฺธิกฺขเณ ... ฯ
มหคฺคตํ   ธมฺมํ   ปจฺจยา   ปริตฺโต   ธมฺโม   อุปฺปชฺชติ  นอธิปติปจฺจยา
วิปาเก  มหคฺคเต  ขนฺเธ  ปจฺจยา จิตฺตสมุฏฺานํ รูปํ ปฏิสนฺธิกฺขเณ ... ฯ
มหคฺคตํ   ธมฺมํ   ปจฺจยา  ปริตฺโต  จ  มหคฺคโต  จ  ธมฺมา  อุปฺปชฺชนฺติ
นอธิปติปจฺจยา   วิปากํ   มหคฺคตํ   เอกํ   ขนฺธํ  ปจฺจยา  ตโย  ขนฺธา
จิตฺตสมุฏฺานญฺจ รูปํ เทฺว ขนฺเธ ... ปฏิสนฺธิกฺขเณ ... ฯ
     [๑๓๘๔]   อปฺปมาณํ  ธมฺมํ  ปจฺจยา  อปฺปมาโณ  ธมฺโม  อุปฺปชฺชติ
นอธิปติปจฺจยา อปฺปมาเณ ขนฺเธ ปจฺจยา อปฺปมาณาธิปติ ฯ
     [๑๓๘๕]   ปริตฺตญฺจ   อปฺปมาณญฺจ   ธมฺมํ   ปจฺจยา   อปฺปมาโณ
ธมฺโม   อุปฺปชฺชติ   นอธิปติปจฺจยา   อปฺปมาเณ   ขนฺเธ   จ   วตฺถุญฺจ
ปจฺจยา อปฺปมาณาธิปติ ฯ
     [๑๓๘๖]   ปริตฺตญฺจ   มหคฺคตญฺจ  ธมฺมํ  ปจฺจยา  ปริตฺโต  ธมฺโม
อุปฺปชฺชติ   นอธิปติปจฺจยา   วิปาเก  มหคฺคเต  ขนฺเธ  จ  มหาภูเต  จ
ปจฺจยา  จิตฺตสมุฏฺานํ  รูปํ  ปฏิสนฺธิกฺขเณ  ...  ฯ  ปริตฺตญฺจ มหคฺคตญฺจ
ธมฺมํ   ปจฺจยา   มหคฺคโต   ธมฺโม   ...   นอธิปติปจฺจยา   มหคฺคเต
ขนฺเธ   จ   วตฺถุญฺจ   ปจฺจยา   มหคฺคตาธิปติ   วิปากํ  มหคฺคตํ  เอกํ
ขนฺธญฺจ    วตฺถุญฺจ    ปจฺจยา   ตโย   ขนฺธา   เทฺว   ขนฺเธ   ...
ปฏิสนฺธิกฺขเณ   ...   ฯ  ปริตฺตญฺจ  มหคฺคตญฺจ  ธมฺมํ  ปจฺจยา  ปริตฺโต
จ   มหคฺคโต   จ  ธมฺมา  ...  นอธิปติปจฺจยา  วิปากํ  มหคฺคตํ  เอกํ
ขนฺธญฺจ   วตฺถุญฺจ   ปจฺจยา  ตโย  ขนฺธา  เทฺว  ขนฺเธ  ...  วิปาเก
มหคฺคเต   ขนฺเธ   จ   มหาภูเต   จ   ปจฺจยา   จิตฺตสมุฏฺานํ   รูปํ
ปฏิสนฺธิกฺขเณ มหคฺคเต ขนฺเธ ปจฺจยา ฯ
     [๑๓๘๗]   ปริตฺตํ   ธมฺมํ   ปจฺจยา   ปริตฺโต   ธมฺโม  อุปฺปชฺชติ
นอนนฺตรปจฺจยา          นสมนนฺตรปจฺจยา          นอญฺมญฺปจฺจยา
นอุปนิสฺสยปจฺจยา     นปุเรชาตปจฺจยา     ปฏิจฺจวารสทิสา     ทฺวาทส
ปญฺหา    ฯ    นปจฺฉาชาตปจฺจยา    นอาเสวนปจฺจยา    ปริปุณฺณํ   ฯ
วิปาโกติ  นิทฺทิสฺสิตพฺพํ  ฯ  จิตฺตสมุฏฺานํ  รูปํ  วิปาโกติ  น  กาตพฺพํ  ฯ
นกมฺมปจฺจยา  นวิปากปจฺจยา  ปฏิสนฺธิ  วิปาโกปิ  นตฺถิ ฯ นอาหารปจฺจยา
นอินฺทฺริยปจฺจยา     นฌานปจฺจยา     นมคฺคปจฺจยา    นสมฺปยุตฺตปจฺจยา
นวิปฺปยุตฺตปจฺจยา โนนตฺถิปจฺจยา โนวิคตปจฺจยา ฯ
     [๑๓๘๘]   นเหตุยา    เอกํ   นอารมฺมเณ   ปญฺจ   นอธิปติยา
ทฺวาทส    นอนนฺตเร   ปญฺจ   นสมนนฺตเร   นอญฺมญฺเ   นอุปนิสฺสเย
นปุเรชาเต     ทฺวาทส     นปจฺฉาชาเต     สตฺตรส     นอาเสวเน
สตฺตรส   นกมฺเม   สตฺต   นวิปาเก   สตฺตรส   นอาหาเร  นอินฺทฺริเย
นฌาเน    นมคฺเค    เอกํ    นสมฺปยุตฺเต   ปญฺจ   นวิปฺปยุตฺเต   ตีณิ
โนนตฺถิยา ปญฺจ โนวิคเต ปญฺจ ฯ เอวํ คเณตพฺพํ ฯ
                                      ปจฺจนียํ ฯ
     [๑๓๘๙]   เหตุปจฺจยา  นอารมฺมเณ  ปญฺจ  ... นอธิปติยา ทฺวาทส
นอนนฺตเร   ปญฺจ   นสมนนฺตเร   ปญฺจ  นอญฺมญฺเ  ปญฺจ  นอุปนิสฺสเย
ปญฺจ  นปุเรชาเต  ทฺวาทส  นปจฺฉาชาเต  สตฺตรส  นอาเสวเน  สตฺตรส
นกมฺเม   สตฺต  นวิปาเก  สตฺตรส  นสมฺปยุตฺเต  ปญฺจ  นวิปฺปยุตฺเต  ตีณิ
โนนตฺถิยา ปญฺจ โนวิคเต ปญฺจ ฯ เอวํ คเณตพฺพํ ฯ
                                อนุโลมปจฺจนียํ ฯ
     [๑๓๙๐]   นเหตุปจฺจยา  อารมฺมเณ  เอกํ ... อนนฺตเร สมนนฺตเร
สหชาเต วิคเต อวิคเต เอกํ ฯ เอวํ คเณตพฺพํ ฯ
                               ปจฺจนียานุโลมํ ฯ
                            ปจฺจยวาโร นิฏฺิโต ฯ
                        นิสฺสยวาโร ปจฺจยวารสทิโส ฯ
                                 สํสฏฺวาโร
     [๑๓๙๑]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
เหตุปจฺจยา  ปริตฺตํ  เอกํ  ขนฺธํ  สํสฏฺา  ตโย  ขนฺธา เทฺว ขนฺเธ ...
ปฏิสนฺธิกฺขเณ ... ฯ
     [๑๓๙๒]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
เหตุปจฺจยา   มหคฺคตํ   เอกํ   ขนฺธํ   สํสฏฺา   ตโย   ขนฺธา   เทฺว
ขนฺเธ ... ปฏิสนฺธิกฺขเณ ... ฯ
     [๑๓๙๓]   อปฺปมาณํ    ธมฺมํ    สํสฏฺโ    อปฺปมาโณ   ธมฺโม
อุปฺปชฺชติ   เหตุปจฺจยา   อปฺปมาณํ   เอกํ  ขนฺธํ  สํสฏฺา  ตโย  ขนฺธา
เทฺว ขนฺเธ ... ฯ
     [๑๓๙๔]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
อารมฺมณปจฺจยา    อธิปติปจฺจยา   ปฏิสนฺธิ   นตฺถิ   ฯ   อนนฺตรปจฺจยา
สมนนฺตรปจฺจยา     สหชาตปจฺจยา     อญฺมญฺปจฺจยา    นิสฺสยปจฺจยา
อุปนิสฺสยปจฺจยา   ปุเรชาตปจฺจยา   ปฏิสนฺธิ   นตฺถิ  ฯ  อาเสวนปจฺจยา
วิปาโกปิ  ปฏิสนฺธิปิ  นตฺถิ  ฯ  กมฺมปจฺจยา  วิปากปจฺจยา  อาหารปจฺจยา
อินฺทฺริยปจฺจยา      ฌานปจฺจยา      มคฺคปจฺจยา      สมฺปยุตฺตปจฺจยา
วิปฺปยุตฺตปจฺจยา อตฺถิปจฺจยา นตฺถิปจฺจยา วิคตปจฺจยา อวิคตปจฺจยา ฯ
     [๑๓๙๕]   เหตุยา  ตีณิ  อารมฺมเณ  ตีณิ อธิปติยา ตีณิ ฯ สงฺขิตฺตํ ฯ
อวิคเต ตีณิ ฯ เอวํ คเณตพฺพํ ฯ
                                     อนุโลมํ ฯ
     [๑๓๙๖]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นเหตุปจฺจยา   อเหตุกํ   ปริตฺตํ   เอกํ   ขนฺธํ   สํสฏฺา  ตโย  ขนฺธา
เทฺว  ขนฺเธ  ...  อเหตุกปฏิสนฺธิกฺขเณ  วิจิกิจฺฉาสหคเต  อุทฺธจฺจสหคเต
ขนฺเธ สํสฏฺโ วิจิกิจฺฉาสหคโต อุทฺธจฺจสหคโต โมโห ฯ
     [๑๓๙๗]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นอธิปติปจฺจยา   ปริตฺตํ   เอกํ   ขนฺธํ   สํสฏฺา   ตโย   ขนฺธา  เทฺว
ขนฺเธ ... ปฏิสนฺธิกฺขเณ ... ฯ
     [๑๓๙๘]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นอธิปติปจฺจยา    มหคฺคเต    ขนฺเธ    สํสฏฺา    มหคฺคตา    อธิปติ
วิปากํ มหคฺคตํ เอกํ ขนฺธํ สํสฏฺา ปฏิสนฺธิกฺขเณ ... ฯ
     [๑๓๙๙]   อปฺปมาณํ  ธมฺมํ  สํสฏฺโ  อปฺปมาโณ  ธมฺโม  อุปฺปชฺชติ
นอธิปติปจฺจยา อปฺปมาเณ ขนฺเธ สํสฏฺา อปฺปมาณา อธิปติ ฯ
     [๑๔๐๐]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นปุเรชาตปจฺจยา อรูเป ปริตฺตํ เอกํ ขนฺธํ สํสฏฺา ปฏิสนฺธิกฺขเณ ... ฯ
     [๑๔๐๑]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นปุเรชาตปจฺจยา    อรูเป    มหคฺคตํ   เอกํ   ขนฺธํ   สํสฏฺา   ตโย
ขนฺธา ปฏิสนฺธิกฺขเณ ... ฯ
     [๑๔๐๒]   อปฺปมาณํ  ธมฺมํ  สํสฏฺโ  อปฺปมาโณ  ธมฺโม  อุปฺปชฺชติ
นปุเรชาตปจฺจยา อรูเป อปฺปมาณํ เอกํ ขนฺธํ สํสฏฺา ตโย ขนฺธา ฯ
     [๑๔๐๓]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นปจฺฉาชาตปจฺจยา   นอาเสวนปจฺจยา   ปริตฺตํ   เอกํ   ขนฺธํ   สํสฏฺา
ตโย ขนฺธา ปฏิสนฺธิกฺขเณ ... ฯ
     [๑๔๐๔]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นอาเสวนปจฺจยา     วิปากํ     มหคฺคตํ     เอกํ    ขนฺธํ    สํสฏฺา
ปฏิสนฺธิกฺขเณ ... ฯ
     [๑๔๐๕]   อปฺปมาณํ    ธมฺมํ    สํสฏฺโ    อปฺปมาโณ   ธมฺโม
อุปฺปชฺชติ นอาเสวนปจฺจยา วิปากํ อปฺปมาณํ เอกํ ขนฺธํ สํสฏฺา ฯ
     [๑๔๐๖]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นกมฺมปจฺจยา ปริตฺเต ขนฺเธ สํสฏฺา ปริตฺตา เจตนา ฯ
     [๑๔๐๗]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นกมฺมปจฺจยา มหคฺคเต ขนฺเธ สํสฏฺา มหคฺคตา เจตนา ฯ
     [๑๔๐๘]   อปฺปมาณํ  ธมฺมํ  สํสฏฺโ  อปฺปมาโณ  ธมฺโม  อุปฺปชฺชติ
นกมฺมปจฺจยา อปฺปมาเณ ขนฺเธ สํสฏฺา อปฺปมาณา เจตนา ฯ
     [๑๔๐๙]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นวิปากปจฺจยา ปริตฺตํ เอกํ ขนฺธํ สํสฏฺา ตโย ขนฺธา ฯ
     [๑๔๑๐]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นวิปากปจฺจยา มหคฺคตํ เอกํ ขนฺธํ สํสฏฺา ตโย ขนฺธา ฯ
     [๑๔๑๑]   อปฺปมาณํ  ธมฺมํ  สํสฏฺโ  อปฺปมาโณ  ธมฺโม  อุปฺปชฺชติ
นวิปากปจฺจยา อปฺปมาณํ เอกํ ขนฺธํ สํสฏฺา ตโย ขนฺธา ฯ
     [๑๔๑๒]   ปริตฺตํ   ธมฺมํ   สํสฏฺโ   ปริตฺโต   ธมฺโม  อุปฺปชฺชติ
นฌานปจฺจยา     นมคฺคปจฺจยา    นวิปฺปยุตฺตปจฺจยา    อรูเป    ปริตฺตํ
เอกํ ขนฺธํ ... ฯ
     [๑๔๑๓]   มหคฺคตํ   ธมฺมํ   สํสฏฺโ  มหคฺคโต  ธมฺโม  อุปฺปชฺชติ
นวิปฺปยุตฺตปจฺจยา อรูเป มหคฺคตํ เอกํ ขนฺธํ ... ฯ
     [๑๔๑๔]   อปฺปมาณํ    ธมฺมํ    สํสฏฺโ    อปฺปมาโณ   ธมฺโม
อุปฺปชฺชติ นวิปฺปยุตฺตปจฺจยา อรูเป อปฺปมาณํ เอกํ ขนฺธํ ... ฯ
     [๑๔๑๕]   นเหตุยา   เอกํ   นอธิปติยา   ตีณิ  นปุเรชาเต  ตีณิ
นปจฺฉาชาเต   ตีณิ   นอาเสวเน   ตีณิ   นกมฺเม   ตีณิ  นวิปาเก  ตีณิ
นฌาเน เอกํ นมคฺเค เอกํ นวิปฺปยุตฺเต ตีณิ ฯ เอวํ คเณตพฺพํ ฯ
                                     ปจฺจนียํ ฯ
     [๑๔๑๖]   เหตุปจฺจยา นอธิปติยา ตีณิ ... นปุเรชาเต นปจฺฉาชาเต
นอาเสวเน    นกมฺเม    นวิปาเก    นวิปฺปยุตฺเต    ตีณิ   ฯ   เอวํ
คเณตพฺพํ ฯ
                                อนุโลมปจฺจนียํ ฯ
     [๑๔๑๗]   นเหตุปจฺจยา  อารมฺมเณ  เอกํ  ...  อนนฺตเร เอกํ ฯ
สงฺขิตฺตํ ฯ อวิคเต เอกํ ฯ เอวํ คเณตพฺพํ ฯ
                               ปจฺจนียานุโลมํ ฯ
                      สมฺปยุตฺตวาโร สํสฏฺวารสทิโส ฯ
                                  ปญฺหาวาโร
     [๑๔๑๘]   ปริตฺโต   ธมฺโม   ปริตฺตสฺส   ธมฺมสฺส   เหตุปจฺจเยน
ปจฺจโย   ปริตฺตา   เหตู   สมฺปยุตฺตกานํ   ขนฺธานํ   จิตฺตสมุฏฺานานญฺจ
รูปานํ เหตุปจฺจเยน ปจฺจโย ปฏิสนฺธิกฺขเณ ... ฯ
     [๑๔๑๙]   มหคฺคโต   ธมฺโม   มหคฺคตสฺส  ธมฺมสฺส  เหตุปจฺจเยน
ปจฺจโย ตีณิ ฯ ปวตฺติ ปฏิสนฺธิ กาตพฺพา ฯ
     [๑๔๒๐]   อปฺปมาโณ  ธมฺโม  อปฺปมาณสฺส  ธมฺมสฺส  เหตุปจฺจเยน
ปจฺจโย ตีณิ ฯ
     [๑๔๒๑]   ปริตฺโต   ธมฺโม  ปริตฺตสฺส  ธมฺมสฺส  อารมฺมณปจฺจเยน
ปจฺจโย   ทานํ   ทตฺวา   สีลํ   สมาทิยิตฺวา   อุโปสถกมฺมํ   กตฺวา  ตํ
ปจฺจเวกฺขติ    ปุพฺเพ    สุจิณฺณานิ    ปจฺจเวกฺขติ    อริยา    โคตฺรภุํ
ปจฺจเวกฺขนฺติ   โวทานํ   ปจฺจเวกฺขนฺติ   ปหีเน   กิเลเส  ปจฺจเวกฺขนฺติ
วิกฺขมฺภิเต      กิเลเส      ปจฺจเวกฺขนฺติ     ปุพฺเพ     สมุทาจิณฺเณ
กิเลเส  ชานนฺติ  จกฺขุํ  ...  วตฺถุํ  ...  ปริตฺเต ขนฺเธ อนิจฺจโต ...
วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค   อุปฺปชฺชติ
โทมนสฺสํ    อุปฺปชฺชติ    รูปายตนํ    จกฺขุ    ฯเปฯ    โผฏฺพฺพายตนํ
กายวิญฺาณสฺส อารมฺมณปจฺจเยน ปจฺจโย ฯ
     [๑๔๒๒]   ปริตฺโต  ธมฺโม  มหคฺคตสฺส  ธมฺมสฺส  อารมฺมณปจฺจเยน
ปจฺจโย  ทิพฺเพน  จกฺขุนา  รูปํ  ปสฺสติ  ทิพฺพาย  โสตธาตุยา  สทฺทํ ...
เจโตปริยาเณน   ปริตฺตจิตฺตสมงฺคิสฺส   จิตฺตํ   ชานาติ  ปริตฺตา  ขนฺธา
อิทฺธิวิธาณสฺส        เจโตปริยาณสฺส       ปุพฺเพนิวาสานุสฺสติาณสฺส
ยถากมฺมูปคาณสฺส อนาคตํสาณสฺส อารมฺมณปจฺจเยน ปจฺจโย ฯ
     [๑๔๒๓]   มหคฺคโต  ธมฺโม  มหคฺคตสฺส  ธมฺมสฺส  อารมฺมณปจฺจเยน
ปจฺจโย อากาสานญฺจายตนํ วิญฺาณญฺจายตนสฺส
อากิญฺจญฺายตนํ       เนวสญฺานาสญฺายตนสฺส       อารมฺมณปจฺจเยน
ปจฺจโย    เจโตปริยาเณน    มหคฺคตจิตฺตสมงฺคิสฺส    จิตฺตํ    ชานาติ
มหคฺคตา        ขนฺธา        อิทฺธิวิธาณสฺส       เจโตปริยาณสฺส
ปุพฺเพนิวาสานุสฺสติาณสฺส ยถากมฺมูปคาณสฺส
อนาคตํสาณสฺส อารมฺมณปจฺจเยน ปจฺจโย ฯ
     [๑๔๒๔]   มหคฺคโต  ธมฺโม  ปริตฺตสฺส  ธมฺมสฺส  อารมฺมณปจฺจเยน
ปจฺจโย     ปมํ     ฌานํ     ปจฺจเวกฺขติ     เนวสญฺานาสญฺายตนํ
ปจฺจเวกฺขติ    ทิพฺพํ    จกฺขุํ    ปจฺจเวกฺขติ   ทิพฺพํ   โสตธาตุํ   ...
อิทฺธิวิธาณํ  ปจฺจเวกฺขติ  เจโตปริยาณํ ... ปุพฺเพนิวาสานุสฺสติาณํ ...
ยถากมฺมูปคาณํ     ...     อนาคตํสาณํ    ปจฺจเวกฺขติ    มหคฺคเต
ขนฺเธ   อนิจฺจโต   ...   วิปสฺสติ   อสฺสาเทติ  อภินนฺทติ  ตํ  อารพฺภ
ราโค อุปฺปชฺชติ โทมนสฺสํ อุปฺปชฺชติ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๔๑ หน้าที่ ๔๑๕-๔๒๗.
https://84000.org/tipitaka/read/pali_item.php?book=41&item=1373&items=52
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=41&item=1373&items=52&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=41&item=1373&items=52
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=41&item=1373&items=52
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=41&i=1373
             สารบัญพระไตรปิฎกเล่มที่ ๔๑
https://84000.org/tipitaka/read/?index_41
https://84000.org/tipitaka/english/?index_41